Maitreya (attrib.): M 5

आनुत्तर्यंप्रपत्तौ हि पुनरालम्बने मतम् । समुदागम उद्दिष्टं प्रतिपत्तिस्तु षड् विधा

ānuttaryaṃprapattau hi punarālambane matam / samudāgama uddiṣṭaṃ pratipattistu ṣaḍ vidhā

Sanskrit only: no published translation is held for this verse.

परमाथ मनस्कारे अनुधर्मे ऽन्तवर्जने । विशिष्टा चाविशिष्टा च परमा द्वादशात्मिका

paramātha manaskāre anudharme 'ntavarjane / viśiṣṭā cāviśiṣṭā ca paramā dvādaśātmikā

Sanskrit only: no published translation is held for this verse.

औदार्यमायतत्वञ्च अधिकरो ऽक्षयात्मता । नैरन्तर्यमकृच्छ्रत्वं वित्तत्वञ्च परिग्रहः

audāryamāyatatvañca adhikaro 'kṣayātmatā / nairantaryamakṛcchratvaṃ vittatvañca parigrahaḥ

Sanskrit only: no published translation is held for this verse.

आरम्भप्राप्तिनिष्यन्दनिष्पत्तिः परमा मता । ततश्च परमार्थेन दश पारमिता मताः

ārambhaprāptiniṣyandaniṣpattiḥ paramā matā / tataśca paramārthena daśa pāramitā matāḥ

Sanskrit only: no published translation is held for this verse.

दानं शीलं क्षमा वीर्यं ध्यानं प्रज्ञा उपायता । प्रणिधानं बलं ज्ञानमेताः पारमिता दश

dānaṃ śīlaṃ kṣamā vīryaṃ dhyānaṃ prajñā upāyatā / praṇidhānaṃ balaṃ jñānametāḥ pāramitā daśa

Sanskrit only: no published translation is held for this verse.

अनुग्रहो ऽविघातश्च कर्म तस्य च मर्षणम् । गुणवृद्धिश्च सामर्थ्यमवतारविमोचने

anugraho 'vighātaśca karma tasya ca marṣaṇam / guṇavṛddhiśca sāmarthyamavatāravimocane

Sanskrit only: no published translation is held for this verse.

अक्षयत्वं सदा वृत्तिर्नियतं भोगपाचने । यथाप्रज्ञप्तितो धर्ममहायानमनस्क्रिया

akṣayatvaṃ sadā vṛttirniyataṃ bhogapācane / yathāprajñaptito dharmamahāyānamanaskriyā

Sanskrit only: no published translation is held for this verse.

बोधिसत्त्वस्य सततं प्रज्ञया त्रिप्रकारया । धातुपुष्टयैप्रवेशाय चार्थसिद्ध्यै भवत्यसौ

bodhisattvasya satataṃ prajñayā triprakārayā / dhātupuṣṭayaipraveśāya cārthasiddhyai bhavatyasau

Sanskrit only: no published translation is held for this verse.

संयुक्ता धर्मचरितैः सा ज्ञेया दशभिः पुनः । लेखना पूजना दानं श्रवणं वाचनोद् ग्रहः

saṃyuktā dharmacaritaiḥ sā jñeyā daśabhiḥ punaḥ / lekhanā pūjanā dānaṃ śravaṇaṃ vācanod grahaḥ

Sanskrit only: no published translation is held for this verse.

प्रकाशनाथ स्वाध्यायश्चिन्तना भावना च तत् । अमेयपुण्यस्कन्धं हि चरितं तद् दशात्मकम्

prakāśanātha svādhyāyaścintanā bhāvanā ca tat / ameyapuṇyaskandhaṃ hi caritaṃ tad daśātmakam

Sanskrit only: no published translation is held for this verse.

विशेषादक्षयत्वाच्च परानुग्रहतो ऽशमात् । अविक्षिप्ताविपर्यासप्रणता चानुधार्मिकी

viśeṣādakṣayatvācca parānugrahato 'śamāt / avikṣiptāviparyāsapraṇatā cānudhārmikī

Sanskrit only: no published translation is held for this verse.

व्युत्थानं विषये सारस्तथास्वादलयोद्धवः । सम्भावनाभिसन्धिश्च मनस्कारे ऽप्यहंकृतिः

vyutthānaṃ viṣaye sārastathāsvādalayoddhavaḥ / sambhāvanābhisandhiśca manaskāre 'pyahaṃkṛtiḥ

Sanskrit only: no published translation is held for this verse.

हीनचित्तञ्च विक्षेपः परिज्ञेयो हि धीमता । व्यञ्जनार्थमनस्कारे ऽविसारे लक्षणद्वये

hīnacittañca vikṣepaḥ parijñeyo hi dhīmatā / vyañjanārthamanaskāre 'visāre lakṣaṇadvaye

Sanskrit only: no published translation is held for this verse.

अशुद्धशुद्धावागन्तुकत्वे ऽत्रासितानुन्नतौ । संयोगात् संस्तवाच्चैव वियोगादप्यसंस्तवात्

aśuddhaśuddhāvāgantukatve 'trāsitānunnatau / saṃyogāt saṃstavāccaiva viyogādapyasaṃstavāt

Sanskrit only: no published translation is held for this verse.

अर्थसत्त्वमसत्त्वञ्च व्यञ्जने सो ऽविपर्ययः । द्वयेन प्रतिभासत्वं तथा चाविद्यमानता

arthasattvamasattvañca vyañjane so 'viparyayaḥ / dvayena pratibhāsatvaṃ tathā cāvidyamānatā

Sanskrit only: no published translation is held for this verse.

अर्थे स चाविपर्यासः सदसत्त्वेन वर्जितः । तज्जल्पभावितो जल्पमनस्कारस्तदाश्रयः

arthe sa cāviparyāsaḥ sadasattvena varjitaḥ / tajjalpabhāvito jalpamanaskārastadāśrayaḥ

Sanskrit only: no published translation is held for this verse.

मनस्कारे ऽविपर्यासो द्वयप्रख्यानकारणे । मायादिवदसत्त्वञ्च सत्त्वञ्चार्थस्य तन्मतम्

manaskāre 'viparyāso dvayaprakhyānakāraṇe / māyādivadasattvañca sattvañcārthasya tanmatam

Sanskrit only: no published translation is held for this verse.

सो ऽविसारे ऽविपर्यासो भावाभावाविसारतः । सर्वस्य नाममात्रत्वं सर्वकल्पाप्रवृत्तये

so 'visāre 'viparyāso bhāvābhāvāvisārataḥ / sarvasya nāmamātratvaṃ sarvakalpāpravṛttaye

Sanskrit only: no published translation is held for this verse.

स्वलक्षणे ऽविपर्यासः परमार्थे स्वलक्षणे । धर्मधातुविनिर्मुक्तो यस्माद् धर्मो न विद्यते

svalakṣaṇe 'viparyāsaḥ paramārthe svalakṣaṇe / dharmadhātuvinirmukto yasmād dharmo na vidyate

Sanskrit only: no published translation is held for this verse.

सामान्यलक्षणन्तस्मात् स च तत्राविपर्ययः । विपर्यस्तमनस्काराविहानिपरिहाणितः

sāmānyalakṣaṇantasmāt sa ca tatrāviparyayaḥ / viparyastamanaskārāvihāniparihāṇitaḥ

Sanskrit only: no published translation is held for this verse.

तदशुद्धिर्विशुद्धिश्च स च तत्राविपर्ययः । धर्मधातोर्विशुद्धत्वात् प्रकृत्या व्योमवत्पुनः

tadaśuddhirviśuddhiśca sa ca tatrāviparyayaḥ / dharmadhātorviśuddhatvāt prakṛtyā vyomavatpunaḥ

Sanskrit only: no published translation is held for this verse.

द्वयस्यागन्तुकत्वं हि स च तत्राविपर्ययः । संक्लेशश्च विशुद्धिश्च धर्मपुद्गलयोर्न हि

dvayasyāgantukatvaṃ hi sa ca tatrāviparyayaḥ / saṃkleśaśca viśuddhiśca dharmapudgalayorna hi

Sanskrit only: no published translation is held for this verse.

असत्त्वात् त्रासतामानौ नातः सो ऽत्राविपर्ययः । पृथक्त्वैकत्वमन्तश्च तीर्थ्यश्रावकयोरपि

asattvāt trāsatāmānau nātaḥ so 'trāviparyayaḥ / pṛthaktvaikatvamantaśca tīrthyaśrāvakayorapi

Sanskrit only: no published translation is held for this verse.

समारोपापवादान्तो द्विधा पुद्गलधर्मयोः । विपक्षप्रतिपक्षान्तः शाश्वतोच्छेदसंज्ञितः

samāropāpavādānto dvidhā pudgaladharmayoḥ / vipakṣapratipakṣāntaḥ śāśvatocchedasaṃjñitaḥ

Sanskrit only: no published translation is held for this verse.

ग्राह्यग्राहकसंक्लेशव्यवदाने द्विधा त्रिधा । विकल्पद्वयतान्तश्च स च सप्तविधो मतः

grāhyagrāhakasaṃkleśavyavadāne dvidhā tridhā / vikalpadvayatāntaśca sa ca saptavidho mataḥ

Sanskrit only: no published translation is held for this verse.

भावाभावे प्रशाम्ये ऽथ शमने त्रास्यतद्भये । ग्राह्यग्राहे ऽथ सम्यक्त्वमिथ्यात्वे व्यापृतौ न च

bhāvābhāve praśāmye 'tha śamane trāsyatadbhaye / grāhyagrāhe 'tha samyaktvamithyātve vyāpṛtau na ca

Sanskrit only: no published translation is held for this verse.

अजन्मसमकालत्वे स विकल्पद्वयान्तता । विशिष्टा चाविशिष्टा च ज्ञेया दशसु भूमिषु

ajanmasamakālatve sa vikalpadvayāntatā / viśiṣṭā cāviśiṣṭā ca jñeyā daśasu bhūmiṣu

Sanskrit only: no published translation is held for this verse.

व्यवस्थानन्ततो धातुः साध्यसाधनधारणा । अवधारप्रधारा च प्रतिवेधः प्रतानता

vyavasthānantato dhātuḥ sādhyasādhanadhāraṇā / avadhārapradhārā ca prativedhaḥ pratānatā

Sanskrit only: no published translation is held for this verse.

प्रगमः प्रशठत्वञ्च प्रकर्षालम्बनम्मतम् । अवैकल्याप्रतिक्षेपो ऽविक्षेपश्च प्रपूरणा

pragamaḥ praśaṭhatvañca prakarṣālambanammatam / avaikalyāpratikṣepo 'vikṣepaśca prapūraṇā

Sanskrit only: no published translation is held for this verse.

समुत्पादो निरूढिश्च कर्मण्यत्वाप्रतिष्ठिता । निरावरणता तस्याप्रश्रब्धिसमुदागमः

samutpādo nirūḍhiśca karmaṇyatvāpratiṣṭhitā / nirāvaraṇatā tasyāpraśrabdhisamudāgamaḥ

Sanskrit only: no published translation is held for this verse.

शास्त्रं मध्यविभागं हि गूढसारार्थमेव च । महार्थञ्चैव सर्वार्थं सर्वानर्थप्रणोदनम्

śāstraṃ madhyavibhāgaṃ hi gūḍhasārārthameva ca / mahārthañcaiva sarvārthaṃ sarvānarthapraṇodanam

Sanskrit only: no published translation is held for this verse.