Harsadeva: Naganandanataka 1

नागानन्दम् प्रथमो ऽङ्कः नान्दी ध्यानव्याजमुपेत्य चिन्तयसि कामुन्मील्य चक्षुः क्षणं पध्यानङ्गशरातुरं जनमिमं त्राता ऽपि नो रक्षसि । मिथ्याकारुणिको ऽसि निर्घृणातरस्त्वत्तः कुतो ऽन्यः पुमान् सेर्ष्यं मारवधूभिरित्यभिहितो बोधौ जिनः पातु वः

nāgānandam prathamo 'ṅkaḥ nāndī dhyānavyājamupetya cintayasi kāmunmīlya cakṣuḥ kṣaṇaṃ padhyānaṅgaśarāturaṃ janamimaṃ trātā 'pi no rakṣasi / mithyākāruṇiko 'si nirghṛṇātarastvattaḥ kuto 'nyaḥ pumān serṣyaṃ māravadhūbhirityabhihito bodhau jinaḥ pātu vaḥ

Sanskrit only: no published translation is held for this verse.

अपि च- कामेनाकृष्य चापं हतपटुहावल्गिभिर्मारवीरैर् भ्रभङ्गोत्कल्पजृम्भास्मितचलितद्दृशा दिव्यनारीजनेन । सिद्धैः प्रह्वोत्तमाङ्गैः पुलकितवपुषा विस्मयाद् वासवेन ध्यायन् बोधेरवाप्तावचलित इति वः पातु दृष्टो मुनीन्द्रः

api ca- kāmenākṛṣya cāpaṃ hatapaṭuhāvalgibhirmāravīrair bhrabhaṅgotkalpajṛmbhāsmitacalitaddṛśā divyanārījanena / siddhaiḥ prahvottamāṅgaiḥ pulakitavapuṣā vismayād vāsavena dhyāyan bodheravāptāvacalita iti vaḥ pātu dṛṣṭo munīndraḥ

Sanskrit only: no published translation is held for this verse.

श्रीहर्षो निपुणः कविः परिषदप्येषा गुणाग्राहिणी लोके हारि च बोधिसत्त्वचरितं नाट्ये च दक्षा वयम् । वस्त्वेकैकमपीह वाञ्छितफलप्राप्तेः पदं किं पुन- र्मदूभाग्योपचयादयं समुदितः सर्वो गुणानां गणः

śrīharṣo nipuṇaḥ kaviḥ pariṣadapyeṣā guṇāgrāhiṇī loke hāri ca bodhisattvacaritaṃ nāṭye ca dakṣā vayam / vastvekaikamapīha vāñchitaphalaprāpteḥ padaṃ kiṃ puna- rmadūbhāgyopacayādayaṃ samuditaḥ sarvo guṇānāṃ gaṇaḥ

Sanskrit only: no published translation is held for this verse.

द्विजपरिजनबन्धुहिते मद्भवनतटाकहंसि मृदुशीले । परपुरुषचन्द्रकमलिन्यार्ये कार्यादितस्तावत्

dvijaparijanabandhuhite madbhavanataṭākahaṃsi mṛduśīle / parapuruṣacandrakamalinyārye kāryāditastāvat

Sanskrit only: no published translation is held for this verse.

पित्रोर्विधातुं शुश्रूषां त्यक्त्वैश्वर्य क्रमागतम् । वनं याम्यहमद्यैव यथा जीमूतवाहनः

pitrorvidhātuṃ śuśrūṣāṃ tyaktvaiśvarya kramāgatam / vanaṃ yāmyahamadyaiva yathā jīmūtavāhanaḥ

Sanskrit only: no published translation is held for this verse.

रागस्यास्पदमित्यवैमि न हि मे ध्वंसीति न प्रत्ययः कृत्याकृत्यविचारणासु विमुखं को वा न वेत्ति क्षितौ । एवं निन्द्यमपीदमिन्द्रियवशं प्रीत्यै भवेद् यौवनं भक्त्या याति यदीत्थमेव पितरौ शुश्रूषमाणस्य मे

rāgasyāspadamityavaimi na hi me dhvaṃsīti na pratyayaḥ kṛtyākṛtyavicāraṇāsu vimukhaṃ ko vā na vetti kṣitau / evaṃ nindyamapīdamindriyavaśaṃ prītyai bhaved yauvanaṃ bhaktyā yāti yadītthameva pitarau śuśrūṣamāṇasya me

Sanskrit only: no published translation is held for this verse.

तिष्ठन् भाति पितुः पुरो भुवि यथा सिंहासने किं तथा? यत् संवाहयतः सुखं तु चरणौ तातस्य किं राजके? किं भुक्ते भुवनत्रये धृतिरसौ भुक्तोज्झिते या गुरोः? आयासः खलु राज्यमुज्झितगुरुस्तत्रास्ति कश्चिद् गुणः?

tiṣṭhan bhāti pituḥ puro bhuvi yathā siṃhāsane kiṃ tathā? yat saṃvāhayataḥ sukhaṃ tu caraṇau tātasya kiṃ rājake? kiṃ bhukte bhuvanatraye dhṛtirasau bhuktojjhite yā guroḥ? āyāsaḥ khalu rājyamujjhitagurustatrāsti kaścid guṇaḥ?

Sanskrit only: no published translation is held for this verse.

न्याय्ये वर्त्मनि योजिताः प्रकृतयः सन्तः सुखं स्थापिता नीतो बन्धुजनस्तथात्मसमतां राज्ये च रक्षा कृता । दत्तो दत्तमनोरथाधिकफलः कल्पद्रुमो ऽप्यर्थिने किं कर्त्तव्यमतः परं कथय वा यत्ते स्थितं चेतसि

nyāyye vartmani yojitāḥ prakṛtayaḥ santaḥ sukhaṃ sthāpitā nīto bandhujanastathātmasamatāṃ rājye ca rakṣā kṛtā / datto dattamanorathādhikaphalaḥ kalpadrumo 'pyarthine kiṃ karttavyamataḥ paraṃ kathaya vā yatte sthitaṃ cetasi

Sanskrit only: no published translation is held for this verse.

माद्यद्दिग्गजगण्डभित्तिकषणैर्भनस्रवच्चन्दनः क्रन्दत्कन्दरगह्वरो जलनिधेरास्फालितो वीचिभिः । पादालक्तकरक्तमौक्तिकशिलः सिद्धाङ्गनानां गतैः सेव्यो ऽयं मलयाचलः किमपि मे चेतः करोत्युत्सुकम्

mādyaddiggajagaṇḍabhittikaṣaṇairbhanasravaccandanaḥ krandatkandaragahvaro jalanidherāsphālito vīcibhiḥ / pādālaktakaraktamauktikaśilaḥ siddhāṅganānāṃ gataiḥ sevyo 'yaṃ malayācalaḥ kimapi me cetaḥ karotyutsukam

Sanskrit only: no published translation is held for this verse.

दक्षिणं स्पन्दते चक्षुः फलाकाङ्क्षा न मे क्वचित् । न च मिथ्या मुनिवचः कथयिष्यति किं न्विदम्

dakṣiṇaṃ spandate cakṣuḥ phalākāṅkṣā na me kvacit / na ca mithyā munivacaḥ kathayiṣyati kiṃ nvidam

Sanskrit only: no published translation is held for this verse.

वासो ऽर्थं दययैव नातिपृथवः कृत्तास्तरूणां त्वचो भग्नालक्ष्यजरत्कमण्डलु नभःस्वच्छं पयो नैर्झरम् । दृश्यन्ते त्रुटितोज्झिताश्च बटुभिओर्मौञ्ज्यः क्वचिन्मेखला नित्याकर्णनया शुकेन च पदं साम्नामिदं पठयते

vāso 'rthaṃ dayayaiva nātipṛthavaḥ kṛttāstarūṇāṃ tvaco bhagnālakṣyajaratkamaṇḍalu nabhaḥsvacchaṃ payo nairjharam / dṛśyante truṭitojjhitāśca baṭubhiormauñjyaḥ kvacinmekhalā nityākarṇanayā śukena ca padaṃ sāmnāmidaṃ paṭhayate

Sanskrit only: no published translation is held for this verse.

मधुरमिव वदन्ति स्वागतं भृङ्गशब्दै- र्नतिमिव फलनम्रैः कुर्वते ऽमी शिरोभिः । मम ददत इवार्घ्यं पुष्पवृष्टीः किरन्तः कथमतिथिसपर्य्यां शिक्षिताः शाखिनो ऽपि

madhuramiva vadanti svāgataṃ bhṛṅgaśabdai- rnatimiva phalanamraiḥ kurvate 'mī śirobhiḥ / mama dadata ivārghyaṃ puṣpavṛṣṭīḥ kirantaḥ kathamatithisaparyyāṃ śikṣitāḥ śākhino 'pi

Sanskrit only: no published translation is held for this verse.

स्थानप्राप्त्या दधानं प्रकटितगमकां मन्द्रतारव्यवस्थां निर्ह्रादिन्या विपञ्च्या मिलितमलिरुतेनेव तन्त्रीस्वरेण । एते दन्तान्तरालस्थिततृणकवलच्छेदशब्दं नियम्य व्याजिह्याङ्गाः कुरङ्गाः स्फुटललितपदं गीतमाकर्णयन्ति

sthānaprāptyā dadhānaṃ prakaṭitagamakāṃ mandratāravyavasthāṃ nirhrādinyā vipañcyā militamaliruteneva tantrīsvareṇa / ete dantāntarālasthitatṛṇakavalacchedaśabdaṃ niyamya vyājihyāṅgāḥ kuraṅgāḥ sphuṭalalitapadaṃ gītamākarṇayanti

Sanskrit only: no published translation is held for this verse.

उल्फुल्लकलमलकेसरपरागगौरद्युते ! मम हि गौरि ! अभिवाञ्छितं प्रसिध्यतु भगवति ! युष्मत्प्रसादेन

ulphullakalamalakesaraparāgagauradyute ! mama hi gauri ! abhivāñchitaṃ prasidhyatu bhagavati ! yuṣmatprasādena

Sanskrit only: no published translation is held for this verse.

व्यक्तिर्व्यञ्चनधातुना दशविधेनाप्यत्र लब्धामुना विस्पष्टो द्रुतमध्यलम्बितपरिच्छिन्नस्त्रिधायं लयः । गोपुच्छप्रमुखाः क्रमेण यतयस्तिस्त्रो ऽपि सम्पादिता- स्तत्त्वौघानुगताश्च वाद्यविधयः सम्यक् त्रयो दर्शिताः

vyaktirvyañcanadhātunā daśavidhenāpyatra labdhāmunā vispaṣṭo drutamadhyalambitaparicchinnastridhāyaṃ layaḥ / gopucchapramukhāḥ krameṇa yatayastistro 'pi sampāditā- stattvaughānugatāśca vādyavidhayaḥ samyak trayo darśitāḥ

Sanskrit only: no published translation is held for this verse.

स्वर्गस्त्री यदि तत्कृतार्थमभवच्चक्षुःसहस्त्र हरे- र्नागी चेन्न रसातलं शशभृता शून्यं मुखे ऽस्याः स्थिते । जातिर्नः सकलान्यजातिजयिनी विद्याधरी चेदियं स्यात्सिद्धान्वयजा यदि त्रिभुवने सिद्धा प्रसिद्धास्ततः

svargastrī yadi tatkṛtārthamabhavaccakṣuḥsahastra hare- rnāgī cenna rasātalaṃ śaśabhṛtā śūnyaṃ mukhe 'syāḥ sthite / jātirnaḥ sakalānyajātijayinī vidyādharī cediyaṃ syātsiddhānvayajā yadi tribhuvane siddhā prasiddhāstataḥ

Sanskrit only: no published translation is held for this verse.

तनुरियं तरलायतलोचने ! श्वसितकम्पितपीनघनस्तनि ! श्रममलं तपसैव गता पुनः किमिति सम्भ्रमकारिणि ! खिद्यते

tanuriyaṃ taralāyatalocane ! śvasitakampitapīnaghanastani ! śramamalaṃ tapasaiva gatā punaḥ kimiti sambhramakāriṇi ! khidyate

Sanskrit only: no published translation is held for this verse.

उष्णीषः स्फुट एष मूर्द्धनि विभात्यूर्णेयमन्तर्भ्रुवो- श्चक्षुस्तामरसानुकारि हरिणा वक्षःस्थलं स्पर्द्धते । चक्राङ्कञ्च यथा पदद्वयमिदं मन्ये तथा को ऽप्ययं नो विद्याधरचक्रवर्त्तिपदवीमप्राप्य विश्राम्यति

uṣṇīṣaḥ sphuṭa eṣa mūrddhani vibhātyūrṇeyamantarbhruvo- ścakṣustāmarasānukāri hariṇā vakṣaḥsthalaṃ sparddhate / cakrāṅkañca yathā padadvayamidaṃ manye tathā ko 'pyayaṃ no vidyādharacakravarttipadavīmaprāpya viśrāmyati

Sanskrit only: no published translation is held for this verse.

एक्कतो गुरुवअणं अण्णतो दैअदंसणसुहाइं । गमणागमणाधिरूढं अज्ज बि दोलएदि मे हिअअं एकतो गुरुवचनमन्यतो दयितदर्शनसुखानि । गमनागमनाधिरूढमद्यापि दोलायते मे हृदयम्

ekkato guruvaaṇaṃ aṇṇato daiadaṃsaṇasuhāiṃ / gamaṇāgamaṇādhirūḍhaṃ ajja bi dolaedi me hiaaṃ ekato guruvacanamanyato dayitadarśanasukhāni / gamanāgamanādhirūḍhamadyāpi dolāyate me hṛdayam

Sanskrit only: no published translation is held for this verse.

अनया जघनाभोगमन्थरयानया । अन्यतो ऽपि व्रजन्त्या मे हृदये निहितं पदम्

anayā jaghanābhogamantharayānayā / anyato 'pi vrajantyā me hṛdaye nihitaṃ padam

Sanskrit only: no published translation is held for this verse.

तापात् तत्क्षणघृष्टचन्दनरसापाण्डू कपालौ वहन् संसवक्तैर्निजकर्णतालपवनैः संविज्यमानाननः । सम्प्रत्येष विशेषसिक्तहृदया हस्तोज्झितैः शीकरै- र्गाढायल्लकदुःसहामिव दशां धत्ते गजानां पतिः

tāpāt tatkṣaṇaghṛṣṭacandanarasāpāṇḍū kapālau vahan saṃsavaktairnijakarṇatālapavanaiḥ saṃvijyamānānanaḥ / sampratyeṣa viśeṣasiktahṛdayā hastojjhitaiḥ śīkarai- rgāḍhāyallakaduḥsahāmiva daśāṃ dhatte gajānāṃ patiḥ

Sanskrit only: no published translation is held for this verse.