Harsadeva: Naganandanataka 2

इति प्रथमो ऽङ्कः । द्वितीयो ऽङ्कः कुणसि घणचन्दणलदापल्लवसंसग्गसीअलं पि इमं । णीसासेहिं तुमं एव्व कअलीदलमारुअं उण्हं

iti prathamo 'ṅkaḥ / dvitīyo 'ṅkaḥ kuṇasi ghaṇacandaṇaladāpallavasaṃsaggasīalaṃ pi imaṃ / ṇīsāsehiṃ tumaṃ evva kaalīdalamāruaṃ uṇhaṃ

Sanskrit only: no published translation is held for this verse.

व्यावृत्यैव सितासितेक्षणरुचा तानाअश्रमे शाखिनः कुर्वत्या विटपावसक्तविलसत्कृष्णाजिनौधानिव । यद् दृष्टोस्मि तया मुनेरपि पुरस्तेनैव मय्याहते पुष्पेषो ! भवता मुधैव किमिति क्षिप्यन्त एते शराः?

vyāvṛtyaiva sitāsitekṣaṇarucā tānāaśrame śākhinaḥ kurvatyā viṭapāvasaktavilasatkṛṣṇājinaudhāniva / yad dṛṣṭosmi tayā munerapi purastenaiva mayyāhate puṣpeṣo ! bhavatā mudhaiva kimiti kṣipyanta ete śarāḥ?

Sanskrit only: no published translation is held for this verse.

नीताः किं न निशाः शशाङ्कधवला नाघ्रातमिन्दीवरं? किं नोन्मीलितमालतीसुरभयः सोढाः प्रदोषानिलाः? झङ्कारः कमलाकरे मधुलिहां किं वा मया न श्रुतो? निर्व्याजं विधुरेष्वधीर इति मां येनाभिधत्ते भवान्?

nītāḥ kiṃ na niśāḥ śaśāṅkadhavalā nāghrātamindīvaraṃ? kiṃ nonmīlitamālatīsurabhayaḥ soḍhāḥ pradoṣānilāḥ? jhaṅkāraḥ kamalākare madhulihāṃ kiṃ vā mayā na śruto? nirvyājaṃ vidhureṣvadhīra iti māṃ yenābhidhatte bhavān?

Sanskrit only: no published translation is held for this verse.

स्त्रीहृदयेन न सोढाः क्षिप्ताः कुसुमेषवो ऽप्यनङ्गेन । येनाद्यैव पुरस्तव वदामि धीर इति स कथमहम्?

strīhṛdayena na soḍhāḥ kṣiptāḥ kusumeṣavo 'pyanaṅgena / yenādyaiva purastava vadāmi dhīra iti sa kathamaham?

Sanskrit only: no published translation is held for this verse.

चन्दनलतागृहमिदं सचन्द्रमणिशिलमपि प्रियं न मम । चन्द्राननया रहितं चन्द्रिकया मुखमिव निशायाः

candanalatāgṛhamidaṃ sacandramaṇiśilamapi priyaṃ na mama / candrānanayā rahitaṃ candrikayā mukhamiva niśāyāḥ

Sanskrit only: no published translation is held for this verse.

शशिमणिशिला सेयं यस्यां विपाण्डुरमाननं करकिसलये कृत्वा वामे घनश्वसितोद्गमा । चिरयति मयि व्यक्ताकूता मनाक् स्फुरितैर्भ्रुवो- र्विरमितमनोमन्युर्दृष्टा मया रुदती प्रिया

śaśimaṇiśilā seyaṃ yasyāṃ vipāṇḍuramānanaṃ karakisalaye kṛtvā vāme ghanaśvasitodgamā / cirayati mayi vyaktākūtā manāk sphuritairbhruvo- rviramitamanomanyurdṛṣṭā mayā rudatī priyā

Sanskrit only: no published translation is held for this verse.

निष्यन्दत इवानेन मुखचन्द्रोदयेन ते । एतद् वाष्पाम्बुना सिक्तं चन्द्रकान्तशिलातलम्

niṣyandata ivānena mukhacandrodayena te / etad vāṣpāmbunā siktaṃ candrakāntaśilātalam

Sanskrit only: no published translation is held for this verse.

अक्लिष्टबिम्बशोभाधरस्य नयनोत्सवस्य शशिन इव । दयितामुखस्य सुखयति रेखापि प्रथमदृष्टयेम्

akliṣṭabimbaśobhādharasya nayanotsavasya śaśina iva / dayitāmukhasya sukhayati rekhāpi prathamadṛṣṭayem

Sanskrit only: no published translation is held for this verse.

प्रिया सन्निहितैवेयं सङ्कल्पस्थापिता पुरः । दृष्ट्वा दृष्ट्वा लिखाम्येनां यदि तत् को ऽत्र विस्मयः !

priyā sannihitaiveyaṃ saṅkalpasthāpitā puraḥ / dṛṣṭvā dṛṣṭvā likhāmyenāṃ yadi tat ko 'tra vismayaḥ !

Sanskrit only: no published translation is held for this verse.

यद्धिद्याधरराजवंशतिलकः प्राज्ञः सतां सम्भतो रूपेणाप्रतिमः पराक्रमधनो विद्धान् विनीतो युव । यच्चसूनपि सन्त्यजेत् करुणया सत्त्वार्थमभ्युद्यत- स्तेनास्मै ददतः स्वसारमतुलां तुष्टिर्विषादश्च मे

yaddhidyādhararājavaṃśatilakaḥ prājñaḥ satāṃ sambhato rūpeṇāpratimaḥ parākramadhano viddhān vinīto yuva / yaccasūnapi santyajet karuṇayā sattvārthamabhyudyata- stenāsmai dadataḥ svasāramatulāṃ tuṣṭirviṣādaśca me

Sanskrit only: no published translation is held for this verse.

न खलु न खलु मुग्धे ! साहसं कार्यमीदृक् व्यपनय करमेतं पल्लवाभं लतायाः । कुसुममपि विचेतुं यो न मन्ये समर्थः कलयति स कथं ते पाशमुद्बन्धनाय?

na khalu na khalu mugdhe ! sāhasaṃ kāryamīdṛk vyapanaya karametaṃ pallavābhaṃ latāyāḥ / kusumamapi vicetuṃ yo na manye samarthaḥ kalayati sa kathaṃ te pāśamudbandhanāya?

Sanskrit only: no published translation is held for this verse.

कण्ठे हारलतायोग्ये येन पाशस्त्वयार्पितः । गृहीतः सापराधो ऽयं कथं ते मुच्यते करः?

kaṇṭhe hāralatāyogye yena pāśastvayārpitaḥ / gṛhītaḥ sāparādho 'yaṃ kathaṃ te mucyate karaḥ?

Sanskrit only: no published translation is held for this verse.

वृष्टया पिष्टातकस्य द्युतिमिह मलये मेयुतुल्यां दधानः सद्यः सिन्दूरदूरीकृतदिवससमारम्भसन्ध्यातपश्रीः । उदूगितैरङ्गनानां चलचरणरणन्नूपुरह्रादहृद्यै- रूद्वाहस्नानवेलां कथयति भवतः सिद्धये सिद्धलोकः

vṛṣṭayā piṣṭātakasya dyutimiha malaye meyutulyāṃ dadhānaḥ sadyaḥ sindūradūrīkṛtadivasasamārambhasandhyātapaśrīḥ / udūgitairaṅganānāṃ calacaraṇaraṇannūpurahrādahṛdyai- rūdvāhasnānavelāṃ kathayati bhavataḥ siddhaye siddhalokaḥ

Sanskrit only: no published translation is held for this verse.

अन्योन्यदर्शनकृतः समानरूपानुरागकुलवयसाम् । केषाञ्चिदेव मन्ये समागमो भवति पुण्यवताम्

anyonyadarśanakṛtaḥ samānarūpānurāgakulavayasām / keṣāñcideva manye samāgamo bhavati puṇyavatām

Sanskrit only: no published translation is held for this verse.