Harsadeva: Naganandanataka 3

इति द्वितियो ऽङ्कः । तृतीयो ऽङ्कः णिच्चं जो पिबै सुरं जणस्स पिअसगमं च जो कुणै । मह दे दो अबि देवा बलदेओ कामदेओ अ

iti dvitiyo 'ṅkaḥ / tṛtīyo 'ṅkaḥ ṇiccaṃ jo pibai suraṃ jaṇassa piasagamaṃ ca jo kuṇai / maha de do abi devā baladeo kāmadeo a

Sanskrit only: no published translation is held for this verse.

वच्छत्थलम्हि दैआ दिण्णुप्पलवासिआ मुहे मैरा । सीसम्मि अ सेहरओ णिच्चं विअ संठिआ जस्स

vacchatthalamhi daiā diṇṇuppalavāsiā muhe mairā / sīsammi a seharao ṇiccaṃ via saṃṭhiā jassa

Sanskrit only: no published translation is held for this verse.

हरिहरपिदामहाणं पि गव्विदो जो ण जाणै णमिदुं । सो सेहरओ चलणेसु तुज्ज णोमालिए पदै

hariharapidāmahāṇaṃ pi gavvido jo ṇa jāṇai ṇamiduṃ / so seharao calaṇesu tujja ṇomālie padai

Sanskrit only: no published translation is held for this verse.

दृष्टा दृष्टिमधो ददाति कुरुते नालापमाभाषिता शय्यायां परिवृत्य तिष्ठति बलादालिङ्गिता वेपते । निर्यन्तीषु सखीषु वासभवनान्निर्गन्तुमेवेहते जाता वामतयैव मे ऽद्य सुतरां प्रित्यै नवोढा प्रिया

dṛṣṭā dṛṣṭimadho dadāti kurute nālāpamābhāṣitā śayyāyāṃ parivṛtya tiṣṭhati balādāliṅgitā vepate / niryantīṣu sakhīṣu vāsabhavanānnirgantumevehate jātā vāmatayaiva me 'dya sutarāṃ prityai navoḍhā priyā

Sanskrit only: no published translation is held for this verse.

हुङ्कारं ददता मया प्रतिवचो यन्मौनमासेवितं यद् दावानलदीप्तिभिस्तनुरियं चन्द्रातपैस्तापिता । ध्यातं यत् सुबहून्यनमनसा नक्तन्दिनानि प्रिये ! तस्यैतत् तपसः फलं मुखमिदं पश्यामि यत्ते ऽधुना

huṅkāraṃ dadatā mayā prativaco yanmaunamāsevitaṃ yad dāvānaladīptibhistanuriyaṃ candrātapaistāpitā / dhyātaṃ yat subahūnyanamanasā naktandināni priye ! tasyaitat tapasaḥ phalaṃ mukhamidaṃ paśyāmi yatte 'dhunā

Sanskrit only: no published translation is held for this verse.

खेदाय स्तनभार एव किमु ते मध्यस्य हारो ऽपरः? श्राम्यत्यूरुयुगं नितम्बभरतः काञ्च्यानया किं पुनः? शक्तिः पादयुगत्य नोरुपुगलं वोढु कुतो नूपुरौ? स्वाङ्गैरेव विमूषितासि वहसि क्लेशाय किं मण्डनम्?

khedāya stanabhāra eva kimu te madhyasya hāro 'paraḥ? śrāmyatyūruyugaṃ nitambabharataḥ kāñcyānayā kiṃ punaḥ? śaktiḥ pādayugatya norupugalaṃ voḍhu kuto nūpurau? svāṅgaireva vimūṣitāsi vahasi kleśāya kiṃ maṇḍanam?

Sanskrit only: no published translation is held for this verse.

निष्यन्दश्चन्दनानां शिशिरयति लतामण्डपे कुट्टिमान्ता- नाराद् धारागृहाणां ध्वनिमनु ततुते ताण्डवं नोलकण्ठः । यन्त्रोन्मुक्तश्च वेगाद् चलति विटपिनां पूरयन्नालवाला- नापातोत्पीडहेलाहृत कुसुमरजःपिञ्जरो ऽयं जलौघः

niṣyandaścandanānāṃ śiśirayati latāmaṇḍape kuṭṭimāntā- nārād dhārāgṛhāṇāṃ dhvanimanu tatute tāṇḍavaṃ nolakaṇṭhaḥ / yantronmuktaśca vegād calati viṭapināṃ pūrayannālavālā- nāpātotpīḍahelāhṛta kusumarajaḥpiñjaro 'yaṃ jalaughaḥ

Sanskrit only: no published translation is held for this verse.

अपि च- अमी गीतारम्भैमुखरितलतामण्डपभुवः परागैः पुष्पाणां प्रकटपटवासव्यतिकराः । पिबन्तः पर्य्याप्तं सह सहचरीभिर्मघुरसं समन्तादापानोत्सवमनभवन्तीव मधुपाः

api ca- amī gītārambhaimukharitalatāmaṇḍapabhuvaḥ parāgaiḥ puṣpāṇāṃ prakaṭapaṭavāsavyatikarāḥ / pibantaḥ paryyāptaṃ saha sahacarībhirmaghurasaṃ samantādāpānotsavamanabhavantīva madhupāḥ

Sanskrit only: no published translation is held for this verse.

दिग्धाङ्गा हरिचन्दनेन दधतः सन्तानकानां स्रजो माणिक्याभरणप्रभाव्यतिकरैश्चित्रीकृताच्छांशुकाः । सार्द्ध सिद्धजनैर्मधूनि दयितापीतावशिष्टान्यमी मिश्रीभूय पिबन्ति चन्दनतरुच्छायासु विद्याधराः

digdhāṅgā haricandanena dadhataḥ santānakānāṃ srajo māṇikyābharaṇaprabhāvyatikaraiścitrīkṛtācchāṃśukāḥ / sārddha siddhajanairmadhūni dayitāpītāvaśiṣṭānyamī miśrībhūya pibanti candanatarucchāyāsu vidyādharāḥ

Sanskrit only: no published translation is held for this verse.

एतन्मुखं प्रियायाः शशिनं जित्वा कपोलयाः कान्त्या । तापानुर्क्तमधुना कमलं ध्रुवमीहते जेतुम्

etanmukhaṃ priyāyāḥ śaśinaṃ jitvā kapolayāḥ kāntyā / tāpānurktamadhunā kamalaṃ dhruvamīhate jetum

Sanskrit only: no published translation is held for this verse.

एतत्ते भ्रुलतोल्लासि पाटलाधरपल्लवम् । मुखं नन्दनमुद्यानमतो ऽन्यत्केवलं वनम्

etatte bhrulatollāsi pāṭalādharapallavam / mukhaṃ nandanamudyānamato 'nyatkevalaṃ vanam

Sanskrit only: no published translation is held for this verse.

स्मितपुष्पोद्गमो ऽयं ते दृश्यते ऽधरपल्लवे । फलं त्वन्यत्र मुग्धाक्षि ! चक्षुषोर्मम पश्यतः

smitapuṣpodgamo 'yaṃ te dṛśyate 'dharapallave / phalaṃ tvanyatra mugdhākṣi ! cakṣuṣormama paśyataḥ

Sanskrit only: no published translation is held for this verse.

दिनकरकरामृष्टं बिभ्रत् द्युतिं परिपाटलां दशनकिरणौः संसर्पद्भिः स्फुटीकृतकेसरम् । अयि मखमिदं मुग्धे ! सत्यं समं कमलेन ते मधु मधुकरः किन्त्वेतस्मिन् पिब्बन्न विभाव्यते?

dinakarakarāmṛṣṭaṃ bibhrat dyutiṃ paripāṭalāṃ daśanakiraṇauḥ saṃsarpadbhiḥ sphuṭīkṛtakesaram / ayi makhamidaṃ mugdhe ! satyaṃ samaṃ kamalena te madhu madhukaraḥ kintvetasmin pibbanna vibhāvyate?

Sanskrit only: no published translation is held for this verse.

अनिहत्य तं सपत्नं कथमिव जीमूतवाहनस्याहम् । कथयिष्यामि हृतं तव राज्यं रीपुणेति निर्लज्जः?

anihatya taṃ sapatnaṃ kathamiva jīmūtavāhanasyāham / kathayiṣyāmi hṛtaṃ tava rājyaṃ rīpuṇeti nirlajjaḥ?

Sanskrit only: no published translation is held for this verse.

संसर्पद्भिः समन्तात् कृतसकलवियन्मार्गयानैर्विमानैः कुर्वाणाः प्रावृषीव स्थगितरविरुचः श्यामतां वासरस्य । एते याताश्च सद्यस्तव वचनमितः प्राप्य युद्धाय सिद्धाः सिद्धञ्चोद्वृत्तशत्रुक्षयभयविनमुद्राजकं ते स्वराज्यम्

saṃsarpadbhiḥ samantāt kṛtasakalaviyanmārgayānairvimānaiḥ kurvāṇāḥ prāvṛṣīva sthagitaravirucaḥ śyāmatāṃ vāsarasya / ete yātāśca sadyastava vacanamitaḥ prāpya yuddhāya siddhāḥ siddhañcodvṛttaśatrukṣayabhayavinamudrājakaṃ te svarājyam

Sanskrit only: no published translation is held for this verse.

एकाकिनापि हि मया रभसावकृष्टनिस्त्रिंशदीधितिसटाभरभासुरेण । आरान्निपत्य हरिणेव मतङ्गजेन्द्रमाजौ मतङ्गहतकं विद्धि

ekākināpi hi mayā rabhasāvakṛṣṭanistriṃśadīdhitisaṭābharabhāsureṇa / ārānnipatya hariṇeva mataṅgajendramājau mataṅgahatakaṃ viddhi

Sanskrit only: no published translation is held for this verse.

स्वशरीरमपि परार्थे यः खलु दद्यादयाचितः कृपया । राज्यस्य कृते स कथं प्राणिवधक्रौर्यमनुमनुते

svaśarīramapi parārthe yaḥ khalu dadyādayācitaḥ kṛpayā / rājyasya kṛte sa kathaṃ prāṇivadhakrauryamanumanute

Sanskrit only: no published translation is held for this verse.

निद्रामुद्रावबन्धान्मधुकरमनिशं पद्मकाशादपास्य- न्नाशापूरैककर्मप्रवणनिजकरप्रीणिताशेषविश्वः । दृष्टः सिद्धैः प्रसक्तस्तुतिमुखरमुखैरस्तमप्येष गच्छन् एकः श्लाघ्यो विवस्वान् परहितकरणायैव यस्य प्रयासःः

nidrāmudrāvabandhānmadhukaramaniśaṃ padmakāśādapāsya- nnāśāpūraikakarmapravaṇanijakaraprīṇitāśeṣaviśvaḥ / dṛṣṭaḥ siddhaiḥ prasaktastutimukharamukhairastamapyeṣa gacchan ekaḥ ślāghyo vivasvān parahitakaraṇāyaiva yasya prayāsaḥḥ

Sanskrit only: no published translation is held for this verse.