Narahari: Bodhasara 10

अविरोधबोधः प्रसङ्गादविरोधस्य बोधोऽप्यत्र निरूप्यते । व्यवहारे द्वैतसत्वं द्वैताद्वैतमते समम्

avirodhabodhaḥ prasaṅgādavirodhasya bodho'pyatra nirūpyate / vyavahāre dvaitasatvaṃ dvaitādvaitamate samam

Sanskrit only: no published translation is held for this verse.

अद्वैतकल्पितत्वं चाविरोधोऽतो मतद्वये । विवदन्ति मुहुर्वादरसैस्तद्विवदन्तु ते

advaitakalpitatvaṃ cāvirodho'to matadvaye / vivadanti muhurvādarasaistadvivadantu te

Sanskrit only: no published translation is held for this verse.

यमास्त्वहिंसासत्याद्या नियमाः शुचितादयः । सुखासने च संस्थानं प्रत्याहारस्तु सर्वतः

yamāstvahiṃsāsatyādyā niyamāḥ śucitādayaḥ / sukhāsane ca saṃsthānaṃ pratyāhārastu sarvataḥ

Sanskrit only: no published translation is held for this verse.

धारणा च तथा ध्यानं समाधानं च चेतसः । योगाङ्गसप्तकं त्वेतत्सर्वेषामपि संमतम्

dhāraṇā ca tathā dhyānaṃ samādhānaṃ ca cetasaḥ / yogāṅgasaptakaṃ tvetatsarveṣāmapi saṃmatam

Sanskrit only: no published translation is held for this verse.

लये मन्त्रे हठे राज्ञि भक्तौ सांख्ये हरेर्मते । मतैक्यमस्ति सर्वेषां ये बुधा मोक्षमार्गगाः

laye mantre haṭhe rājñi bhaktau sāṃkhye harermate / mataikyamasti sarveṣāṃ ye budhā mokṣamārgagāḥ

Sanskrit only: no published translation is held for this verse.

हठिनामधिकस्त्वेकः प्राणायामपरिश्रमः । प्राणायामे मनःस्थैर्यं स तु कस्य न संमतः

haṭhināmadhikastvekaḥ prāṇāyāmapariśramaḥ / prāṇāyāme manaḥsthairyaṃ sa tu kasya na saṃmataḥ

Sanskrit only: no published translation is held for this verse.

विमुक्तिर्वादिनां तस्मान्मतभेदो न कश्चन । कश्चित्कश्चिन्मते भेदस्त्वस्ति वेदान्तिनामपि

vimuktirvādināṃ tasmānmatabhedo na kaścana / kaścitkaścinmate bhedastvasti vedāntināmapi

Sanskrit only: no published translation is held for this verse.