Narahari: Bodhasara 17

निरञ्जनपञ्चाशत्कम् यत्र प्रमाणं वेदान्ता अनुभूतिस्तथा सताम् । देवो निरञ्जनः सोऽयं बोधसारे निरूप्यते

nirañjanapañcāśatkam yatra pramāṇaṃ vedāntā anubhūtistathā satām / devo nirañjanaḥ so'yaṃ bodhasāre nirūpyate

Sanskrit only: no published translation is held for this verse.

अहमज्ञो न जानामि मामहं कोहमित्युत । अज्ञानप्रभवो भाव आत्मा शुद्धो निरञ्जनः

ahamajño na jānāmi māmahaṃ kohamityuta / ajñānaprabhavo bhāva ātmā śuddho nirañjanaḥ

Sanskrit only: no published translation is held for this verse.

यदियं ब्रह्मविषया जीवस्य ध्येयतामतिः । स हि भ्रान्तिमयो भाव आत्मा शुद्धो निरञ्जनः

yadiyaṃ brahmaviṣayā jīvasya dhyeyatāmatiḥ / sa hi bhrāntimayo bhāva ātmā śuddho nirañjanaḥ

Sanskrit only: no published translation is held for this verse.

त्रिभिर्गुणैर्निबद्धोऽहं संसारे संसराम्यहम् । इत्याद्याः प्राकृता भावाः आत्मा शुद्धो निरञ्जनः

tribhirguṇairnibaddho'haṃ saṃsāre saṃsarāmyaham / ityādyāḥ prākṛtā bhāvāḥ ātmā śuddho nirañjanaḥ

Sanskrit only: no published translation is held for this verse.

मनोबुद्धिरहङ्कारश्चित्तं चेति चतुष्टयम् । अन्तःकरणजा भावा आत्मा शुद्धो निरञ्जनः

manobuddhirahaṅkāraścittaṃ ceti catuṣṭayam / antaḥkaraṇajā bhāvā ātmā śuddho nirañjanaḥ

Sanskrit only: no published translation is held for this verse.

यच्च सङ्कल्प्यते पूर्वं सङ्कल्प्य च विकल्प्यते । एते मनोभवा भावा आत्मा शुद्धो निरञ्जनः

yacca saṅkalpyate pūrvaṃ saṅkalpya ca vikalpyate / ete manobhavā bhāvā ātmā śuddho nirañjanaḥ

Sanskrit only: no published translation is held for this verse.

इदमित्थमिदं नेत्थमिति निश्चीयते तु यत् । स हि बुद्धिमयो भाव आत्मा शुद्धो निरञ्जनः

idamitthamidaṃ netthamiti niścīyate tu yat / sa hi buddhimayo bhāva ātmā śuddho nirañjanaḥ

Sanskrit only: no published translation is held for this verse.

ज्ञत्वकर्तृत्वभोक्तृत्ववध्यघातकतादयः । अहङ्कारभवा भावा आत्मा शुद्धो निरञ्जनः

jñatvakartṛtvabhoktṛtvavadhyaghātakatādayaḥ / ahaṅkārabhavā bhāvā ātmā śuddho nirañjanaḥ

Sanskrit only: no published translation is held for this verse.

स्मृतिः पूर्वानुभूतस्य प्रत्यभिज्ञा च तादृशी । एते चित्तभवा भावा आत्मा शुद्धो निरञ्जनः

smṛtiḥ pūrvānubhūtasya pratyabhijñā ca tādṛśī / ete cittabhavā bhāvā ātmā śuddho nirañjanaḥ

Sanskrit only: no published translation is held for this verse.

ये विश्वतैजसप्राज्ञा जाग्रत्स्वप्नसुषुप्तिषु । अवस्थाभेदजा भावा आत्मा शुद्धो निरञ्जनः

ye viśvataijasaprājñā jāgratsvapnasuṣuptiṣu / avasthābhedajā bhāvā ātmā śuddho nirañjanaḥ

Sanskrit only: no published translation is held for this verse.

निद्राऽऽलस्यं प्रमादश्च परिमोहो विषादकः । एते तमोभवा भावा आत्मा शुद्धो निरञ्जनः

nidrā''lasyaṃ pramādaśca parimoho viṣādakaḥ / ete tamobhavā bhāvā ātmā śuddho nirañjanaḥ

Sanskrit only: no published translation is held for this verse.

शमो विवेकः सौम्यत्वं प्रकाशश्च प्रसन्नता । एते सत्त्वमया भावा आत्मा शुद्धो निरञ्जनः

śamo vivekaḥ saumyatvaṃ prakāśaśca prasannatā / ete sattvamayā bhāvā ātmā śuddho nirañjanaḥ

Sanskrit only: no published translation is held for this verse.

लोभश्चञ्चलताऽक्षाणामारंभः कर्मणामपि । एते रजोभवा भावा आत्मा शुद्धो निरञ्जनः

lobhaścañcalatā'kṣāṇāmāraṃbhaḥ karmaṇāmapi / ete rajobhavā bhāvā ātmā śuddho nirañjanaḥ

Sanskrit only: no published translation is held for this verse.

विधिश्च च प्रतिषेधश्च धर्माधर्मौ शुभाशुभम् । कर्तृत्वभाविता भावा आत्मा शुद्धो निरञ्जनः

vidhiśca ca pratiṣedhaśca dharmādharmau śubhāśubham / kartṛtvabhāvitā bhāvā ātmā śuddho nirañjanaḥ

Sanskrit only: no published translation is held for this verse.

कृतिः कार्यं च करणं तत्र चेष्टाः पृथग्विधाः । कर्तृत्वस्यानुगा भावा आत्मा शुद्धो निरञ्जनः

kṛtiḥ kāryaṃ ca karaṇaṃ tatra ceṣṭāḥ pṛthagvidhāḥ / kartṛtvasyānugā bhāvā ātmā śuddho nirañjanaḥ

Sanskrit only: no published translation is held for this verse.

शब्दः स्पर्शश्च रूपं च् रसो गन्धश्च पञ्चमः । पञ्चभूतोद्भवा भावा आत्मा शुद्धो निरञ्जनः

śabdaḥ sparśaśca rūpaṃ c raso gandhaśca pañcamaḥ / pañcabhūtodbhavā bhāvā ātmā śuddho nirañjanaḥ

Sanskrit only: no published translation is held for this verse.

आकाशमनिलस्तेजस्तोयमुर्वी च पञ्चमी । पञ्चभूतमया भावा आत्मा शुद्धो निरञ्जनः

ākāśamanilastejastoyamurvī ca pañcamī / pañcabhūtamayā bhāvā ātmā śuddho nirañjanaḥ

Sanskrit only: no published translation is held for this verse.

श्रोत्रं त्वङ्नयनं जिह्वा गंधग्राहश्च पञ्चमः । ज्ञानेन्द्रियमया भावा आत्मा शुद्धो निरञ्जनः

śrotraṃ tvaṅnayanaṃ jihvā gaṃdhagrāhaśca pañcamaḥ / jñānendriyamayā bhāvā ātmā śuddho nirañjanaḥ

Sanskrit only: no published translation is held for this verse.

वाक्पाणिपादौ पायुश्च तथोपस्थश्च पञ्चमः । कर्मेन्द्रियमया भावा आत्मा शुद्धो निरञ्जनः

vākpāṇipādau pāyuśca tathopasthaśca pañcamaḥ / karmendriyamayā bhāvā ātmā śuddho nirañjanaḥ

Sanskrit only: no published translation is held for this verse.

ध्वनिर्वर्णविभेदा य आहतानाहतादयः । शब्दभेदमया भावा आत्मा शुद्धो निरञ्जनः

dhvanirvarṇavibhedā ya āhatānāhatādayaḥ / śabdabhedamayā bhāvā ātmā śuddho nirañjanaḥ

Sanskrit only: no published translation is held for this verse.

निषादऋषभगान्धारषड्जमध्यमधैवताः । स्वरभेदमया भावा आत्मा शुद्धो निरञ्जनः

niṣādaṛṣabhagāndhāraṣaḍjamadhyamadhaivatāḥ / svarabhedamayā bhāvā ātmā śuddho nirañjanaḥ

Sanskrit only: no published translation is held for this verse.

शीतोष्णमृदुकाठिन्यतीक्ष्णरूक्षादिभेदतः । स्पर्शभेदमया भावा आत्मा शुद्धो निरञ्जनः

śītoṣṇamṛdukāṭhinyatīkṣṇarūkṣādibhedataḥ / sparśabhedamayā bhāvā ātmā śuddho nirañjanaḥ

Sanskrit only: no published translation is held for this verse.

रक्तं पीतं सितं कृष्णं हरितं चित्रमित्यपि । रूपभेदमया भावा आत्मा शुद्धो निरञ्जनः

raktaṃ pītaṃ sitaṃ kṛṣṇaṃ haritaṃ citramityapi / rūpabhedamayā bhāvā ātmā śuddho nirañjanaḥ

Sanskrit only: no published translation is held for this verse.

कटुः कषायो मधुरो लवणोऽम्लश्च तिक्तकः । रसभेदमया भावा आत्मा शुद्धो निरञ्जनः

kaṭuḥ kaṣāyo madhuro lavaṇo'mlaśca tiktakaḥ / rasabhedamayā bhāvā ātmā śuddho nirañjanaḥ

Sanskrit only: no published translation is held for this verse.

चित्राः परिमलामोदसौरभासौरभादयः । गन्धभेदमया भावा आत्मा शुद्धो निरञ्जनः

citrāḥ parimalāmodasaurabhāsaurabhādayaḥ / gandhabhedamayā bhāvā ātmā śuddho nirañjanaḥ

Sanskrit only: no published translation is held for this verse.

जरायुजाण्डजस्वेदसंभवोद्भिज्जकादयः । प्राणिभेदमया भावा आत्मा शुद्धो निरञ्जनः

jarāyujāṇḍajasvedasaṃbhavodbhijjakādayaḥ / prāṇibhedamayā bhāvā ātmā śuddho nirañjanaḥ

Sanskrit only: no published translation is held for this verse.

ससुरासुरगन्धर्वयक्षरक्षोनरादयः । जीवजातिमया भावा आत्मा शुद्धो निरञ्जनः

sasurāsuragandharvayakṣarakṣonarādayaḥ / jīvajātimayā bhāvā ātmā śuddho nirañjanaḥ

Sanskrit only: no published translation is held for this verse.

शैववैष्णवसावित्रशाक्तगाणपतादयः । इष्टदैवतजा भावा आत्मा शुद्धो निरञ्जनः

śaivavaiṣṇavasāvitraśāktagāṇapatādayaḥ / iṣṭadaivatajā bhāvā ātmā śuddho nirañjanaḥ

Sanskrit only: no published translation is held for this verse.

वासिष्ठगार्ग्यशाण्डिल्यभार्गवाङ्गिरसादयः । गोत्रप्रवरजा भावा आत्मा शुद्धो निरञ्जनः

vāsiṣṭhagārgyaśāṇḍilyabhārgavāṅgirasādayaḥ / gotrapravarajā bhāvā ātmā śuddho nirañjanaḥ

Sanskrit only: no published translation is held for this verse.

पौराणिकच्छान्दसिकज्योतिर्विद्भिषगादयः । विद्यावृत्तिभवा भावा आत्मा शुद्धो निरञ्जनः

paurāṇikacchāndasikajyotirvidbhiṣagādayaḥ / vidyāvṛttibhavā bhāvā ātmā śuddho nirañjanaḥ

Sanskrit only: no published translation is held for this verse.

प्राच्यौदीच्यप्रतीच्याद्या दाक्षिणात्यादयः परे । यागभेदोद्भवा भावा आत्मा शुद्धो निरञ्जनः

prācyaudīcyapratīcyādyā dākṣiṇātyādayaḥ pare / yāgabhedodbhavā bhāvā ātmā śuddho nirañjanaḥ

Sanskrit only: no published translation is held for this verse.

चित्रकृल्लेखकस्तक्षा वाचकः पाठकः परे । क्रियाभेदभवा भावा आत्मा शुद्धो निरञ्जनः

citrakṛllekhakastakṣā vācakaḥ pāṭhakaḥ pare / kriyābhedabhavā bhāvā ātmā śuddho nirañjanaḥ

Sanskrit only: no published translation is held for this verse.

हेमगौरविशालाक्षसिंहसंहननादयः । कायसौन्दर्यजा भावा आत्मा शुद्धो निरञ्जनः

hemagauraviśālākṣasiṃhasaṃhananādayaḥ / kāyasaundaryajā bhāvā ātmā śuddho nirañjanaḥ

Sanskrit only: no published translation is held for this verse.

मूकान्धपङ्गुबधिरकाणकञ्जाक्षकादयः । कायवैरूप्यजा भावा आत्मा शुद्धो निरञ्जनः

mūkāndhapaṅgubadhirakāṇakañjākṣakādayaḥ / kāyavairūpyajā bhāvā ātmā śuddho nirañjanaḥ

Sanskrit only: no published translation is held for this verse.

पातालं वसुधा स्वर्गो महस्तपो जनादयः । लोकभेदभवा भावा आत्मा शुद्धो निरञ्जनः

pātālaṃ vasudhā svargo mahastapo janādayaḥ / lokabhedabhavā bhāvā ātmā śuddho nirañjanaḥ

Sanskrit only: no published translation is held for this verse.

सिंहव्याघ्रवराहर्क्षहरिणप्लवगादयः । पशुभेदभवा भावा आत्मा शुद्धो निरञ्जनः

siṃhavyāghravarāharkṣahariṇaplavagādayaḥ / paśubhedabhavā bhāvā ātmā śuddho nirañjanaḥ

Sanskrit only: no published translation is held for this verse.

त्वगसृङ्मांसमेदोऽस्थिमज्जाशुक्रादयः परे । धातुभेदभवा भावा आत्मा शुद्धो निरञ्जनः

tvagasṛṅmāṃsamedo'sthimajjāśukrādayaḥ pare / dhātubhedabhavā bhāvā ātmā śuddho nirañjanaḥ

Sanskrit only: no published translation is held for this verse.

प्राणापानसमानाश्चोदानव्यानौ च पञ्च ते । प्राणभेदभवा भवा आत्मा शुद्धो निरञ्जनः

prāṇāpānasamānāścodānavyānau ca pañca te / prāṇabhedabhavā bhavā ātmā śuddho nirañjanaḥ

Sanskrit only: no published translation is held for this verse.

नागः कूर्मश्च कृकरो देवदत्तो धनञ्जयः । उपप्राणमया भावा आत्मा शुद्धो निरञ्जनः

nāgaḥ kūrmaśca kṛkaro devadatto dhanañjayaḥ / upaprāṇamayā bhāvā ātmā śuddho nirañjanaḥ

Sanskrit only: no published translation is held for this verse.

ज्वरापस्मारकुष्ठानि वातपित्तकफादयः । धातुवैषम्यजा भावा आत्मा शुद्धो निरञ्जनः

jvarāpasmārakuṣṭhāni vātapittakaphādayaḥ / dhātuvaiṣamyajā bhāvā ātmā śuddho nirañjanaḥ

Sanskrit only: no published translation is held for this verse.

पिङ्गलेडा सुषुम्णा च गान्धारी हस्तिकादयः । नाडीभेदभवा भावा आत्मा शुद्धो निरञ्जनः

piṅgaleḍā suṣumṇā ca gāndhārī hastikādayaḥ / nāḍībhedabhavā bhāvā ātmā śuddho nirañjanaḥ

Sanskrit only: no published translation is held for this verse.

उत्क्रान्तिगत्यागतयो याः स्वर्गनरकप्रदाः । लिङ्गभेदोद्भवा भावा आत्मा शुद्धो निरञ्जनः

utkrāntigatyāgatayo yāḥ svarganarakapradāḥ / liṅgabhedodbhavā bhāvā ātmā śuddho nirañjanaḥ

Sanskrit only: no published translation is held for this verse.

ब्राह्मणः क्षत्रियो वैश्यः शूद्र इत्येवमादयः । वर्णभेदभवा भावा आत्मा शुद्धो निरञ्जनः

brāhmaṇaḥ kṣatriyo vaiśyaḥ śūdra ityevamādayaḥ / varṇabhedabhavā bhāvā ātmā śuddho nirañjanaḥ

Sanskrit only: no published translation is held for this verse.

ब्रह्मचारी गृही वानप्रस्थो भिक्षुरिति क्रमात् । आश्रमप्रभवा भावा आत्मा शुद्धो निरञ्जनः

brahmacārī gṛhī vānaprastho bhikṣuriti kramāt / āśramaprabhavā bhāvā ātmā śuddho nirañjanaḥ

Sanskrit only: no published translation is held for this verse.

कापालिकाः क्षपणकाः स्वेच्छाचारा दिगम्बराः । पाखण्डप्रभवा भावा आत्मा शुद्धो निरञ्जनः

kāpālikāḥ kṣapaṇakāḥ svecchācārā digambarāḥ / pākhaṇḍaprabhavā bhāvā ātmā śuddho nirañjanaḥ

Sanskrit only: no published translation is held for this verse.

ममता संमता मूढैर्न मता समतास्थितैः । सोऽप्यहन्ताभवो भाव आत्मा शुद्धो निरञ्जनः

mamatā saṃmatā mūḍhairna matā samatāsthitaiḥ / so'pyahantābhavo bhāva ātmā śuddho nirañjanaḥ

Sanskrit only: no published translation is held for this verse.

अहन्ताममते धीमन्नुभे मातृसुते अपि । ते परस्परकुट्टिन्यौ तदेकामपि मा स्पृश

ahantāmamate dhīmannubhe mātṛsute api / te parasparakuṭṭinyau tadekāmapi mā spṛśa

Sanskrit only: no published translation is held for this verse.

सर्वे भावाः प्रलीयन्ते यस्मिन् भावे समुद्गते । सोपि बोधमयो भाव आत्मा शुद्धो निरञ्जनः

sarve bhāvāḥ pralīyante yasmin bhāve samudgate / sopi bodhamayo bhāva ātmā śuddho nirañjanaḥ

Sanskrit only: no published translation is held for this verse.

यत्र बोधमयो भावो नास्ति भावे समुद्गते । स हि शून्यमयो भाव आत्मा शुद्धो निरञ्जनः

yatra bodhamayo bhāvo nāsti bhāve samudgate / sa hi śūnyamayo bhāva ātmā śuddho nirañjanaḥ

Sanskrit only: no published translation is held for this verse.

शून्याशून्ये समे यस्मिन् भावे च समतां गते । स भावस्त्वमसि प्राज्ञ आत्मा शुद्धो निरञ्जनः

śūnyāśūnye same yasmin bhāve ca samatāṃ gate / sa bhāvastvamasi prājña ātmā śuddho nirañjanaḥ

Sanskrit only: no published translation is held for this verse.

निरञ्जनस्य देवस्य पञ्चाशत्कविचारतः । निरञ्जनस्य देवस्य निरञ्जनपदं व्रजेत्

nirañjanasya devasya pañcāśatkavicārataḥ / nirañjanasya devasya nirañjanapadaṃ vrajet

Sanskrit only: no published translation is held for this verse.