Library·Narahari: Bodhasara·18
यमुनाष्टकम् उज्ज्वला मधुरा शीता पवित्रा यमुनेव चित् । विविच्य दृष्टा हि मया श्यामिका याऽत्र स भ्रमः
yamunāṣṭakam ujjvalā madhurā śītā pavitrā yamuneva cit / vivicya dṛṣṭā hi mayā śyāmikā yā'tra sa bhramaḥ
Sanskrit only: no published translation is held for this verse.
यत्त्वं वदसि चिद्देवी नीरूपा तूज्ज्वला कथम् । तया प्रक्षालितं पश्य निर्मलं हृदयं मम
yattvaṃ vadasi ciddevī nīrūpā tūjjvalā katham / tayā prakṣālitaṃ paśya nirmalaṃ hṛdayaṃ mama
Sanskrit only: no published translation is held for this verse.
यत्त्वं वदसि चिद्देवी नीरसा मधुरा कथम् । आस्वादयन्ति तां नित्यं रसिकाः शङ्करादयः
yattvaṃ vadasi ciddevī nīrasā madhurā katham / āsvādayanti tāṃ nityaṃ rasikāḥ śaṅkarādayaḥ
Sanskrit only: no published translation is held for this verse.
यत्त्वं वदसि चिद्देवी निःस्पर्शा शीतला कथम् । पश्य तस्याः प्रसादेन गतं तापत्रयं मम
yattvaṃ vadasi ciddevī niḥsparśā śītalā katham / paśya tasyāḥ prasādena gataṃ tāpatrayaṃ mama
Sanskrit only: no published translation is held for this verse.
यत्त्वं वदसि चिद्देवी निर्गुणा पावनी कथम् । तत्पवित्रीकृतान्पश्य कचदत्तशुकादिकान्
yattvaṃ vadasi ciddevī nirguṇā pāvanī katham / tatpavitrīkṛtānpaśya kacadattaśukādikān
Sanskrit only: no published translation is held for this verse.
अथ शिष्यः पृच्छति गुरो लाक्षणिकैरेव किं लक्षयसि लक्षणैः । लक्षणैर्लक्षय स्वामिंस्तल्लक्ष्यं लक्ष्यते यथा
atha śiṣyaḥ pṛcchati guro lākṣaṇikaireva kiṃ lakṣayasi lakṣaṇaiḥ / lakṣaṇairlakṣaya svāmiṃstallakṣyaṃ lakṣyate yathā
Sanskrit only: no published translation is held for this verse.
अत्रोत्तरम् लक्ष्ये लक्षणवल्लक्ष्यमिह लक्ष्ये न लक्षणम् । विलक्षणमिदं लक्ष्यं लक्षणैवात्र लक्षणम्
atrottaram lakṣye lakṣaṇavallakṣyamiha lakṣye na lakṣaṇam / vilakṣaṇamidaṃ lakṣyaṃ lakṣaṇaivātra lakṣaṇam
Sanskrit only: no published translation is held for this verse.
पयस्यमलगम्भीरे श्यामिका भ्रान्तिरूपिणी । ब्रह्मण्यमलगम्भीरेऽप्यविद्या भ्रान्तिरूपिणी
payasyamalagambhīre śyāmikā bhrāntirūpiṇī / brahmaṇyamalagambhīre'pyavidyā bhrāntirūpiṇī
Sanskrit only: no published translation is held for this verse.