Narahari: Bodhasara 19

शिलाषट्कम् अनन्तकोटिचन्द्राणां चन्द्रिकाभिः कृता किमु । आह्लादरूपिणी दृष्टा मया धेनुः शिलामयी

śilāṣaṭkam anantakoṭicandrāṇāṃ candrikābhiḥ kṛtā kimu / āhlādarūpiṇī dṛṣṭā mayā dhenuḥ śilāmayī

Sanskrit only: no published translation is held for this verse.

न धावति न हन्त्येव न खादति पिबत्यपि । स्वभावनिर्मला सेयं हृष्टिपुष्टिमती स्थिता

na dhāvati na hantyeva na khādati pibatyapi / svabhāvanirmalā seyaṃ hṛṣṭipuṣṭimatī sthitā

Sanskrit only: no published translation is held for this verse.

रोमरेखासु विभ्रान्तास्तस्या ब्रह्माण्डकोटयः । अपर्यन्ता स्थिता धेनुः सा काश्मीरशिलामयी

romarekhāsu vibhrāntāstasyā brahmāṇḍakoṭayaḥ / aparyantā sthitā dhenuḥ sā kāśmīraśilāmayī

Sanskrit only: no published translation is held for this verse.

आयान्ति यान्ति धावन्ति नृत्यन्ति च हसन्ति च । प्रतिबिम्बा जीवरूपास्तस्याः सा तु यथा स्थिता

āyānti yānti dhāvanti nṛtyanti ca hasanti ca / pratibimbā jīvarūpāstasyāḥ sā tu yathā sthitā

Sanskrit only: no published translation is held for this verse.

नीरसाऽपि सुधामिष्टा निर्गुणाऽपि प्रिया सताम् । नीरूपाऽप्यतिकान्ता सा मया दृष्टा न तु श्रुता

nīrasā'pi sudhāmiṣṭā nirguṇā'pi priyā satām / nīrūpā'pyatikāntā sā mayā dṛṣṭā na tu śrutā

Sanskrit only: no published translation is held for this verse.

स्रवन्तीममृतं नित्यं जिह्वया ब्रह्मविद्यया । वत्सः शिलामयो भूत्वा पिब धेनुं शिलामयीम्

sravantīmamṛtaṃ nityaṃ jihvayā brahmavidyayā / vatsaḥ śilāmayo bhūtvā piba dhenuṃ śilāmayīm

Sanskrit only: no published translation is held for this verse.