Narahari: Bodhasara 20

निद्रापञ्चकम् न सन्ति यस्यां निद्रायां जाग्रत्स्वप्नसुषुप्तयः । अवस्थात्रयरूपिण्यः सर्वद्वन्द्वविवर्जनात्

nidrāpañcakam na santi yasyāṃ nidrāyāṃ jāgratsvapnasuṣuptayaḥ / avasthātrayarūpiṇyaḥ sarvadvandvavivarjanāt

Sanskrit only: no published translation is held for this verse.

गुणातीततया तत्र तमोलेशो न विद्यते । स्वयंप्रकाशरूपत्वादप्रकाशोऽपि नास्ति हि

guṇātītatayā tatra tamoleśo na vidyate / svayaṃprakāśarūpatvādaprakāśo'pi nāsti hi

Sanskrit only: no published translation is held for this verse.

यत्प्राप्तये महापुण्यास्तपस्यन्ति तपस्विनः । विचारयन्ति विद्वांसो वेदान्तवचनानि च

yatprāptaye mahāpuṇyāstapasyanti tapasvinaḥ / vicārayanti vidvāṃso vedāntavacanāni ca

Sanskrit only: no published translation is held for this verse.

सुखभोगः फलं नात्र सैवानन्दस्वरूपिणी । पुरुषार्थस्वरूपत्वान्न कालक्षेपरूपिणी

sukhabhogaḥ phalaṃ nātra saivānandasvarūpiṇī / puruṣārthasvarūpatvānna kālakṣeparūpiṇī

Sanskrit only: no published translation is held for this verse.

सुलभा शुद्धबोधानां दुर्लभा विषयात्मनाम् । सहजा माधवादीनां सा निद्रा तु महाफलम्

sulabhā śuddhabodhānāṃ durlabhā viṣayātmanām / sahajā mādhavādīnāṃ sā nidrā tu mahāphalam

Sanskrit only: no published translation is held for this verse.