Narahari: Bodhasara 22

विद्वत्प्रभावनवकम् अभावो यत्र भावानां स भावो यत्र वर्णितः । स्वभावसुखदं तात प्रभावनवकं शृणु

vidvatprabhāvanavakam abhāvo yatra bhāvānāṃ sa bhāvo yatra varṇitaḥ / svabhāvasukhadaṃ tāta prabhāvanavakaṃ śṛṇu

Sanskrit only: no published translation is held for this verse.

अयं विहाय कामादीन्क्षुद्रान्दूरगतो मुनिः । पश्यत्यपि कदाचित्तान्न चैनं प्राप्नुवन्ति ते

ayaṃ vihāya kāmādīnkṣudrāndūragato muniḥ / paśyatyapi kadācittānna cainaṃ prāpnuvanti te

Sanskrit only: no published translation is held for this verse.

न यान्ति नूनं तज्ज्ञस्य सम्मुखे द्वैतदृष्टयः । दुष्टा दुष्टतया ज्ञाता दर्शयन्ति मुखं कथम्

na yānti nūnaṃ tajjñasya sammukhe dvaitadṛṣṭayaḥ / duṣṭā duṣṭatayā jñātā darśayanti mukhaṃ katham

Sanskrit only: no published translation is held for this verse.

माया मायेति विज्ञाता सर्वाकारविकारिणी । गता कुत्राप्यनावृत्यै संस्थितो निर्मलो मुनिः

māyā māyeti vijñātā sarvākāravikāriṇī / gatā kutrāpyanāvṛtyai saṃsthito nirmalo muniḥ

Sanskrit only: no published translation is held for this verse.

निर्जिता विषया नूनं चपेटाभिश्च ताडिताः । नोपसर्पन्ति ते तस्मादस्मानेष हनिष्यति

nirjitā viṣayā nūnaṃ capeṭābhiśca tāḍitāḥ / nopasarpanti te tasmādasmāneṣa haniṣyati

Sanskrit only: no published translation is held for this verse.

तृष्णां विहाय तुच्छेभ्यो मुनिर्निःशल्यतां गतः । स्वरसायनतृप्तात्मा दिनानुदिनमेधते

tṛṣṇāṃ vihāya tucchebhyo munirniḥśalyatāṃ gataḥ / svarasāyanatṛptātmā dinānudinamedhate

Sanskrit only: no published translation is held for this verse.

पूर्वां मां वल्लभां त्यक्त्वा रमते विद्ययाऽधुना । इत्यविद्या लज्जितेव नायाति मम संमुखम्

pūrvāṃ māṃ vallabhāṃ tyaktvā ramate vidyayā'dhunā / ityavidyā lajjiteva nāyāti mama saṃmukham

Sanskrit only: no published translation is held for this verse.

ब्रह्म वक्तुं न जानाति यथाऽत्यन्तजडो जनः । तथैवात्यन्तबोधात्मा ब्रह्म वक्तुं न बुध्यते

brahma vaktuṃ na jānāti yathā'tyantajaḍo janaḥ / tathaivātyantabodhātmā brahma vaktuṃ na budhyate

Sanskrit only: no published translation is held for this verse.

नूनमालस्यदोषो हि शक्रस्यापि श्रियं हरेत् । यथा यथाऽलसो ज्ञानी वर्धतेऽसौ तथा तथा

nūnamālasyadoṣo hi śakrasyāpi śriyaṃ haret / yathā yathā'laso jñānī vardhate'sau tathā tathā

Sanskrit only: no published translation is held for this verse.