Narahari: Bodhasara 23

निर्वाणदशकम् न शक्यं वक्तुमेवेदं तथापि कृपया तव । कया चित्कलया वत्स निर्वाणदशकं ब्रुवे

nirvāṇadaśakam na śakyaṃ vaktumevedaṃ tathāpi kṛpayā tava / kayā citkalayā vatsa nirvāṇadaśakaṃ bruve

Sanskrit only: no published translation is held for this verse.

मोहनिद्रा न तत्रास्ति तेनायं जागरो महान् । भावादयो न भासन्ते तेनायं नैव जागरः

mohanidrā na tatrāsti tenāyaṃ jāgaro mahān / bhāvādayo na bhāsante tenāyaṃ naiva jāgaraḥ

Sanskrit only: no published translation is held for this verse.

अपूर्वं भासते वस्तु तेन स्वप्नोऽयमुत्तमः । दृश्यं न भासते तत्र तेन स्वप्नो न चैव सः

apūrvaṃ bhāsate vastu tena svapno'yamuttamaḥ / dṛśyaṃ na bhāsate tatra tena svapno na caiva saḥ

Sanskrit only: no published translation is held for this verse.

अभावात्सा पदार्थानां सुषुतिः सुखरूपिणी । न जाड्यं न तमस्तत्र सुषुप्तिरपि नैव सा

abhāvātsā padārthānāṃ suṣutiḥ sukharūpiṇī / na jāḍyaṃ na tamastatra suṣuptirapi naiva sā

Sanskrit only: no published translation is held for this verse.

अवस्थात्रयनिर्मुक्तं तुरीयमिति कीर्तितम् । नैवैकद्वित्रिविज्ञानं तुरीयं किमपेक्षया

avasthātrayanirmuktaṃ turīyamiti kīrtitam / naivaikadvitrivijñānaṃ turīyaṃ kimapekṣayā

Sanskrit only: no published translation is held for this verse.

जीवस्यैतन्निजं रूपं तेन जीवोऽयमुच्यते । जीवचेष्टा न तत्रास्ति तेन निर्जीवता स्फुटा

jīvasyaitannijaṃ rūpaṃ tena jīvo'yamucyate / jīvaceṣṭā na tatrāsti tena nirjīvatā sphuṭā

Sanskrit only: no published translation is held for this verse.

सच्चिदानन्दरूपत्वाद्ब्रह्म चेन्नापि तद्भवेत् । यो वेद स तु न ब्रूते यो न वेद गिराऽस्य किम्

saccidānandarūpatvādbrahma cennāpi tadbhavet / yo veda sa tu na brūte yo na veda girā'sya kim

Sanskrit only: no published translation is held for this verse.

तस्माच्छ्रुतिः प्राह सत्यमवाङ्मनसगोचरम् । यथाऽनुभूतं मुनिभिस्तथैवेदं न संशयः

tasmācchrutiḥ prāha satyamavāṅmanasagocaram / yathā'nubhūtaṃ munibhistathaivedaṃ na saṃśayaḥ

Sanskrit only: no published translation is held for this verse.

एतदन्तः समाम्नाय एतदन्ता तपस्विता । उपदेशोऽप्येतदन्त एतदन्ता विवेकिता

etadantaḥ samāmnāya etadantā tapasvitā / upadeśo'pyetadanta etadantā vivekitā

Sanskrit only: no published translation is held for this verse.

श्रोतव्यं श्रुतिवाक्येन सर्वं ब्रह्म त्वया श्रुतम् । भवितव्यं यदि ब्रह्म तर्हि ब्रह्मैव भूयताम्

śrotavyaṃ śrutivākyena sarvaṃ brahma tvayā śrutam / bhavitavyaṃ yadi brahma tarhi brahmaiva bhūyatām

Sanskrit only: no published translation is held for this verse.