Narahari: Bodhasara 24

बोधदीपपञ्चकम् नाधारपात्रमादत्ते न च तैलमपेक्षते । न वर्तिकामाश्रयते न धत्ते कज्जलं मनाक्

bodhadīpapañcakam nādhārapātramādatte na ca tailamapekṣate / na vartikāmāśrayate na dhatte kajjalaṃ manāk

Sanskrit only: no published translation is held for this verse.

न तापकर्त्ता कस्यापि वायुना न च कम्पते । न विनाशमवाप्नोति तमः सर्वं निहन्ति च

na tāpakarttā kasyāpi vāyunā na ca kampate / na vināśamavāpnoti tamaḥ sarvaṃ nihanti ca

Sanskrit only: no published translation is held for this verse.

एकरूपाः प्रकाशन्ते सर्वे भावा यदर्चिषा । यदग्रे न प्रकाशेत च्छाया मायास्वरूपिणी

ekarūpāḥ prakāśante sarve bhāvā yadarciṣā / yadagre na prakāśeta cchāyā māyāsvarūpiṇī

Sanskrit only: no published translation is held for this verse.

यश्चक्षुषामविषयो रूपाकारविवर्जितः । मनसोऽप्यप्रकाश्यश्च रूपाकारप्रकाशकः

yaścakṣuṣāmaviṣayo rūpākāravivarjitaḥ / manaso'pyaprakāśyaśca rūpākāraprakāśakaḥ

Sanskrit only: no published translation is held for this verse.

कदाचित्क्वचिदेवासौ तात केनापि हेतुना । प्रवर्तते बोधदीपः सतां हृदयमन्दिरे

kadācitkvacidevāsau tāta kenāpi hetunā / pravartate bodhadīpaḥ satāṃ hṛdayamandire

Sanskrit only: no published translation is held for this verse.