Narahari: Bodhasara 25

उपदेशषोडशी युक्त्यैव वृत्तिभिः पूर्णं रिक्तीकुरु मनोघटम् । न कश्चिद्भविता तात ब्रह्मणा पूरणे श्रमः

upadeśaṣoḍaśī yuktyaiva vṛttibhiḥ pūrṇaṃ riktīkuru manoghaṭam / na kaścidbhavitā tāta brahmaṇā pūraṇe śramaḥ

Sanskrit only: no published translation is held for this verse.

त्यज चिन्तां महाबुद्धे भज निश्चिन्ततासुखम् । त्वयाऽर्जितामिमां चिन्तां वद कोऽन्यः परित्यजेत्

tyaja cintāṃ mahābuddhe bhaja niścintatāsukham / tvayā'rjitāmimāṃ cintāṃ vada ko'nyaḥ parityajet

Sanskrit only: no published translation is held for this verse.

चिन्तनीयं त्वया वस्तु चिन्तारोगस्य भेषजम् । अथवा तात चिन्ताऽऽख्यं रोगमेव परित्यज

cintanīyaṃ tvayā vastu cintārogasya bheṣajam / athavā tāta cintā''khyaṃ rogameva parityaja

Sanskrit only: no published translation is held for this verse.

वर्धिता वर्धते चिन्ता त्यक्ता नश्यति सत्त्वरम् । ईदृशेनापि रोगेण दुर्धियो मरणं गताः

vardhitā vardhate cintā tyaktā naśyati sattvaram / īdṛśenāpi rogeṇa durdhiyo maraṇaṃ gatāḥ

Sanskrit only: no published translation is held for this verse.

कर्कशा कलहा कृत्या वन्ध्या नित्यममङ्गला । त्यज्यतां कामना चण्डी भुज्यतां मुक्तिसुन्दरी

karkaśā kalahā kṛtyā vandhyā nityamamaṅgalā / tyajyatāṃ kāmanā caṇḍī bhujyatāṃ muktisundarī

Sanskrit only: no published translation is held for this verse.

जनैः पण्डित इत्युक्तः प्राप्नोषि परमं सुखम् । मनसा कर्मणा वाचा भव पण्डित एव तत्

janaiḥ paṇḍita ityuktaḥ prāpnoṣi paramaṃ sukham / manasā karmaṇā vācā bhava paṇḍita eva tat

Sanskrit only: no published translation is held for this verse.

नित्यमेव स्फुरद्रूपो ननु त्वं चित्स्वरूपतः । स्फूर्त्तिमूर्त्तेस्तवैवेयं काचित्स्फूर्त्तिरिदं जगत्

nityameva sphuradrūpo nanu tvaṃ citsvarūpataḥ / sphūrttimūrttestavaiveyaṃ kācitsphūrttiridaṃ jagat

Sanskrit only: no published translation is held for this verse.

भास्वतो मम भामात्रमिति ज्ञाते भ्रमे गते । क्व द्वितीयं क्व संसारः क्व माया तत्कृतं किमु

bhāsvato mama bhāmātramiti jñāte bhrame gate / kva dvitīyaṃ kva saṃsāraḥ kva māyā tatkṛtaṃ kimu

Sanskrit only: no published translation is held for this verse.

ज्ञत्वं कर्तृत्वभोक्तृत्वे जडचैतन्यदृष्टयः । स्फुरणानि स्वकीयानि मणिर्भूत्वा विलोकय

jñatvaṃ kartṛtvabhoktṛtve jaḍacaitanyadṛṣṭayaḥ / sphuraṇāni svakīyāni maṇirbhūtvā vilokaya

Sanskrit only: no published translation is held for this verse.

परस्परमविज्ञाता जाग्रत्स्वप्नसुप्तयः । त्वया तिस्रः स्त्रियो भुक्तास्तुरीयां सुन्दरीं भज

parasparamavijñātā jāgratsvapnasuptayaḥ / tvayā tisraḥ striyo bhuktāsturīyāṃ sundarīṃ bhaja

Sanskrit only: no published translation is held for this verse.

जाग्रत्स्वप्नसुषुप्तानि पुनस्तानि त्वमीक्षसे । तुरीयं तव धामैव न तत्किमिति पश्यसि

jāgratsvapnasuṣuptāni punastāni tvamīkṣase / turīyaṃ tava dhāmaiva na tatkimiti paśyasi

Sanskrit only: no published translation is held for this verse.

मा धाव सुखहेतोस्त्वं धावतां न सुखं सखे । सुखरूपे निजे रूपे सुखं तिष्ठ सुखी भव

mā dhāva sukhahetostvaṃ dhāvatāṃ na sukhaṃ sakhe / sukharūpe nije rūpe sukhaṃ tiṣṭha sukhī bhava

Sanskrit only: no published translation is held for this verse.

अत्र श्लोकाः । वरयोग्याऽसि कल्याणि न स्थास्यसि वरं विना । वरणीयो वरस्तादृग्यो भवेदजरामरः

atra ślokāḥ | varayogyā'si kalyāṇi na sthāsyasi varaṃ vinā / varaṇīyo varastādṛgyo bhavedajarāmaraḥ

Sanskrit only: no published translation is held for this verse.

न शृणोषि वरं यावत्तावत्ते कम्पते मनः । पश्चान्महोत्सवैर्भद्रे स्वामिनं त्वं वरिष्यसि

na śṛṇoṣi varaṃ yāvattāvatte kampate manaḥ / paścānmahotsavairbhadre svāminaṃ tvaṃ variṣyasi

Sanskrit only: no published translation is held for this verse.

परेण पुरुषेणाद्य रमस्व वचनान्मम । सखि पश्चात्स्वतश्चित्तं कुरु यत्राधिकं सुखम्

pareṇa puruṣeṇādya ramasva vacanānmama / sakhi paścātsvataścittaṃ kuru yatrādhikaṃ sukham

Sanskrit only: no published translation is held for this verse.

यातं दिनं न पुनरेति नवं वयस्ते लज्जां विहाय भज तं रमणीयरूपम् । बाले परः पुरुष एष यदा समेतः स्वर्गेण किं किमु तदा नृसुखेन वा ते

yātaṃ dinaṃ na punareti navaṃ vayaste lajjāṃ vihāya bhaja taṃ ramaṇīyarūpam / bāle paraḥ puruṣa eṣa yadā sametaḥ svargeṇa kiṃ kimu tadā nṛsukhena vā te

Sanskrit only: no published translation is held for this verse.