Narahari: Bodhasara 26

ब्रह्मचर्चाविंशतिः अर्चालक्षाऽधिका प्रोक्ता चर्चैव परमात्मनः । अतः शिष्यप्रबोधाय ब्रह्मचर्चा निरूप्यते

brahmacarcāviṃśatiḥ arcālakṣā'dhikā proktā carcaiva paramātmanaḥ / ataḥ śiṣyaprabodhāya brahmacarcā nirūpyate

Sanskrit only: no published translation is held for this verse.

आधारः सर्वभूतानां तस्याधारो न कश्चन । निराधारस्वरूपं चेन्नास्ति ब्रह्म तदा क्वचित्

ādhāraḥ sarvabhūtānāṃ tasyādhāro na kaścana / nirādhārasvarūpaṃ cennāsti brahma tadā kvacit

Sanskrit only: no published translation is held for this verse.

अधिष्ठानं विना कार्यं न तिष्ठति कदाचन । सर्वाधिष्ठानरूपं हि कथं ब्रह्म न कुत्रचित्

adhiṣṭhānaṃ vinā kāryaṃ na tiṣṭhati kadācana / sarvādhiṣṭhānarūpaṃ hi kathaṃ brahma na kutracit

Sanskrit only: no published translation is held for this verse.

सर्वस्मात्तत्पृथग्ब्रह्म त्विति वक्तुं न शक्यते । यदात्मकमिदं सर्वं सर्वस्मात्तत्पृथक्कथम्

sarvasmāttatpṛthagbrahma tviti vaktuṃ na śakyate / yadātmakamidaṃ sarvaṃ sarvasmāttatpṛthakkatham

Sanskrit only: no published translation is held for this verse.

सर्वस्मादपृथग्ब्रह्म वक्तुमित्यपि नार्हसि । सर्वस्मात्पृथगेवेदमनुभूतं महर्षिभिः

sarvasmādapṛthagbrahma vaktumityapi nārhasi / sarvasmātpṛthagevedamanubhūtaṃ maharṣibhiḥ

Sanskrit only: no published translation is held for this verse.

आत्मरूपमिदं वाच्यमिति तर्कस्त्वया कृतः । अनात्मरूपं किं न्वस्ति स्वात्मरूपं यतस्त्विदम्

ātmarūpamidaṃ vācyamiti tarkastvayā kṛtaḥ / anātmarūpaṃ kiṃ nvasti svātmarūpaṃ yatastvidam

Sanskrit only: no published translation is held for this verse.

ज्ञानस्य ब्रह्म विषय इति वक्तुं न शक्यते । ज्ञानस्वरूपं तद्ब्रह्म ज्ञानस्य विषयः कथम्

jñānasya brahma viṣaya iti vaktuṃ na śakyate / jñānasvarūpaṃ tadbrahma jñānasya viṣayaḥ katham

Sanskrit only: no published translation is held for this verse.

ज्ञानस्वरूपमेवास्तु ब्रह्मेति यदि मन्यसे । ज्ञेयमेव न यत्रास्ति ज्ञानत्वं तस्य कीदृशम्

jñānasvarūpamevāstu brahmeti yadi manyase / jñeyameva na yatrāsti jñānatvaṃ tasya kīdṛśam

Sanskrit only: no published translation is held for this verse.

ज्ञातृस्वरूपमेवास्तु ब्रह्मेति यदि कल्प्यते । स्वयंप्रकाशरूपे हि ज्ञानस्याश्रयता कथम्

jñātṛsvarūpamevāstu brahmeti yadi kalpyate / svayaṃprakāśarūpe hi jñānasyāśrayatā katham

Sanskrit only: no published translation is held for this verse.

सर्वरूपमिदं ब्रह्म वक्तुं कः शक्नुयादिति । सदैकरूपमेवेदं यतः शाश्वतमुच्यते

sarvarūpamidaṃ brahma vaktuṃ kaḥ śaknuyāditi / sadaikarūpamevedaṃ yataḥ śāśvatamucyate

Sanskrit only: no published translation is held for this verse.

एकरूपमिदं ब्रह्म न वक्तुमिति शक्यते । निर्गुणं तत्परं ब्रह्म स्यादेकत्वं यतो गुणः

ekarūpamidaṃ brahma na vaktumiti śakyate / nirguṇaṃ tatparaṃ brahma syādekatvaṃ yato guṇaḥ

Sanskrit only: no published translation is held for this verse.

निर्गुणं तत्परं ब्रह्म नूनमेतदसांप्रतम् । अनन्तेनैव गीयन्ते ह्यनन्ता एव तद्गुणाः

nirguṇaṃ tatparaṃ brahma nūnametadasāṃpratam / anantenaiva gīyante hyanantā eva tadguṇāḥ

Sanskrit only: no published translation is held for this verse.

ब्रह्म नास्तीति को ब्रूयाद्भातीदं यस्य सत्त्वतः । तर्ह्यस्ति ब्रह्मेत्यपि नो नातः सत्ता पृथग्यतः

brahma nāstīti ko brūyādbhātīdaṃ yasya sattvataḥ / tarhyasti brahmetyapi no nātaḥ sattā pṛthagyataḥ

Sanskrit only: no published translation is held for this verse.

अस्वरूपमिदं ब्रह्म विद्वानिति कथं वदेत् । स्वस्वरूपमिदं ब्रह्म प्रत्यक्षमनुभूयते

asvarūpamidaṃ brahma vidvāniti kathaṃ vadet / svasvarūpamidaṃ brahma pratyakṣamanubhūyate

Sanskrit only: no published translation is held for this verse.

स्वस्वरूपमिदं ब्रह्म चेदित्यप्ययथातथम् । तत्र को नु स्वशब्दार्थो यत्स्वरूपमिदं भवेत्

svasvarūpamidaṃ brahma cedityapyayathātatham / tatra ko nu svaśabdārtho yatsvarūpamidaṃ bhavet

Sanskrit only: no published translation is held for this verse.

परव्यावर्त्तकं स्वत्वमिति चेत्तर्हि तद्वद । यत्र स्वपरभावो न ब्रह्म किं तत्र नास्ति हि

paravyāvarttakaṃ svatvamiti cettarhi tadvada / yatra svaparabhāvo na brahma kiṃ tatra nāsti hi

Sanskrit only: no published translation is held for this verse.

अहमेव परं ब्रह्म ब्रह्माहमिति च श्रुतेः । कथं भवेदहं ब्रह्माहन्ता यत्र न विद्यते

ahameva paraṃ brahma brahmāhamiti ca śruteḥ / kathaṃ bhavedahaṃ brahmāhantā yatra na vidyate

Sanskrit only: no published translation is held for this verse.

त्वमेव तत्परं ब्रह्म त्वं ब्रह्मेति श्रुतिर्जगौ । त्वमेव तत्कथं ब्रह्म त्वंता यत्र न वर्त्तते

tvameva tatparaṃ brahma tvaṃ brahmeti śrutirjagau / tvameva tatkathaṃ brahma tvaṃtā yatra na varttate

Sanskrit only: no published translation is held for this verse.

तद्ब्रह्मेति श्रुतेर्वक्तुं तद्ब्रह्मेति न शक्यते । अत्यन्ताव्यवधाने हि परोक्षमिव तत्कथम्

tadbrahmeti śrutervaktuṃ tadbrahmeti na śakyate / atyantāvyavadhāne hi parokṣamiva tatkatham

Sanskrit only: no published translation is held for this verse.

नष्टायां मोहनिद्रायां गलिते मानसे मुनेः । यच्छिष्टं तत्परं ब्रह्म मनोवाचामगोचरम्

naṣṭāyāṃ mohanidrāyāṃ galite mānase muneḥ / yacchiṣṭaṃ tatparaṃ brahma manovācāmagocaram

Sanskrit only: no published translation is held for this verse.

चर्चितुं योग्यया भूयस्त्वनया चर्चया बुधाः । चर्चयन्तु परं ब्रह्म तुष्यन्तु च रमन्तु च

carcituṃ yogyayā bhūyastvanayā carcayā budhāḥ / carcayantu paraṃ brahma tuṣyantu ca ramantu ca

Sanskrit only: no published translation is held for this verse.