Narahari: Bodhasara 27

स्वेच्छाचारचतुष्टयी श्रोतव्या श्रीमता साधो नूनमेकाग्रचेतसा । परमार्थस्य सर्वस्वं स्वेच्छाचारचतुष्टयी

svecchācāracatuṣṭayī śrotavyā śrīmatā sādho nūnamekāgracetasā / paramārthasya sarvasvaṃ svecchācāracatuṣṭayī

Sanskrit only: no published translation is held for this verse.

निजं पतिं परित्यज्य गृहस्थैव प्रपञ्चती । पत्या परेण रमते चतुराख्याऽअभिचारिणी

nijaṃ patiṃ parityajya gṛhasthaiva prapañcatī / patyā pareṇa ramate caturākhyā'abhicāriṇī

Sanskrit only: no published translation is held for this verse.

अहङ्कारं पृथक्कृत्य तुर्यबुद्धिर्दिने दिने । पत्या परेण रमते पुंश्चली परसङ्गिनी

ahaṅkāraṃ pṛthakkṛtya turyabuddhirdine dine / patyā pareṇa ramate puṃścalī parasaṅginī

Sanskrit only: no published translation is held for this verse.

पश्चात्तु स्त्रीजितः सोऽपि प्रतिकर्तुमनीश्वरः । अस्याः सम्भोगवेलायां गृहं सन्त्यज्य गच्छति

paścāttu strījitaḥ so'pi pratikartumanīśvaraḥ / asyāḥ sambhogavelāyāṃ gṛhaṃ santyajya gacchati

Sanskrit only: no published translation is held for this verse.

ईदृशे व्यवहारे तु दाम्पत्यं वद कीदृशम् । दिनैः कतिपयैरेव स्वेछाचारः प्रवर्त्तते

īdṛśe vyavahāre tu dāmpatyaṃ vada kīdṛśam / dinaiḥ katipayaireva svechācāraḥ pravarttate

Sanskrit only: no published translation is held for this verse.

स्वानुभवानां सत्यपि बाधिताहन्कारे समाधिभङ्गो नास्तीत्यर्थः

svānubhavānāṃ satyapi bādhitāhankāre samādhibhaṅgo nāstītyarthaḥ

Sanskrit only: no published translation is held for this verse.