Narahari: Bodhasara 31

स्तनपानलीलाष्टकम् श्रीगुरुरुवाच । उपमाता च माता च बाल मातृद्वयं हि ते । उपमातुः स्तनरसः कट्वम्लमधुतिक्तकः

stanapānalīlāṣṭakam śrīgururuvāca | upamātā ca mātā ca bāla mātṛdvayaṃ hi te / upamātuḥ stanarasaḥ kaṭvamlamadhutiktakaḥ

Sanskrit only: no published translation is held for this verse.

जरामरणसंसर्गी चित्रद्वैतरसात्मकः । निजमाता तव तु या तन्माहात्म्यं वदाम्यहम्

jarāmaraṇasaṃsargī citradvaitarasātmakaḥ / nijamātā tava tu yā tanmāhātmyaṃ vadāmyaham

Sanskrit only: no published translation is held for this verse.

सैव माता पिता सैव जगतामीश्वरी च सा । सा गतिः सा परं तत्त्वं तत्परं नास्ति किञ्चन

saiva mātā pitā saiva jagatāmīśvarī ca sā / sā gatiḥ sā paraṃ tattvaṃ tatparaṃ nāsti kiñcana

Sanskrit only: no published translation is held for this verse.

उपमाता कुजातिस्ते माता तव सुजातिका । तां कुजातिं परित्यज्य सुजातिं मातरं श्रय

upamātā kujātiste mātā tava sujātikā / tāṃ kujātiṃ parityajya sujātiṃ mātaraṃ śraya

Sanskrit only: no published translation is held for this verse.

निजमातुस्स्तनरसस्त्वद्वैतामृतवर्षणः । जन्मरोगजराध्वंसी सकृत्पीतोऽपि मृत्युजित्

nijamātusstanarasastvadvaitāmṛtavarṣaṇaḥ / janmarogajarādhvaṃsī sakṛtpīto'pi mṛtyujit

Sanskrit only: no published translation is held for this verse.

न ज्ञातं मूढभावेन पूर्वमन्तरमेतयोः । इदानीमन्तरं ज्ञात्वा निजमातुस्स्तनं पिब

na jñātaṃ mūḍhabhāvena pūrvamantarametayoḥ / idānīmantaraṃ jñātvā nijamātusstanaṃ piba

Sanskrit only: no published translation is held for this verse.

त्वया स्तने परित्यक्ते सा विदीर्य म्रियेत चेत् । नश्येत्कुजातिसंसर्गो हितमेव तदा भवेत्

tvayā stane parityakte sā vidīrya mriyeta cet / naśyetkujātisaṃsargo hitameva tadā bhavet

Sanskrit only: no published translation is held for this verse.

मायाब्रह्ममयस्तात किमर्थं वर्णसंकरः । मायामेव परित्यज्य शुद्धब्रह्ममयो भव

māyābrahmamayastāta kimarthaṃ varṇasaṃkaraḥ / māyāmeva parityajya śuddhabrahmamayo bhava

Sanskrit only: no published translation is held for this verse.