Narahari: Bodhasara 33

तुरीयतुलसीपत्रपूजा तुरीयतुलसीपत्रैर्विष्णुपूजा निरूप्यते । प्रेमप्रधानभावेन शृङ्गाररसरूपिणी

turīyatulasīpatrapūjā turīyatulasīpatrairviṣṇupūjā nirūpyate / premapradhānabhāvena śṛṅgārarasarūpiṇī

Sanskrit only: no published translation is held for this verse.

तत्र गोपीवाक्यम् दृष्ट्या मया मधुरया कलितोऽधुनाऽयं यत्कामिनीजनमनोहरणो मुकुन्दः । तं चिन्तयामि हृदये न सुखं गृहेऽस्मिंस् तस्मिन्वने भवतु तेन सहैव वासः

tatra gopīvākyam dṛṣṭyā mayā madhurayā kalito'dhunā'yaṃ yatkāminījanamanoharaṇo mukundaḥ / taṃ cintayāmi hṛdaye na sukhaṃ gṛhe'smiṃs tasminvane bhavatu tena sahaiva vāsaḥ

Sanskrit only: no published translation is held for this verse.

गोपालिकाऽस्मि चतुरा न च मे मनीषा देहश्रिता विविधगोरसवासना मे । किम्वा विधेयमिति चिन्तयती स्थिताऽहं तावद्बलान्मिलित एव मया मुकुन्दः

gopālikā'smi caturā na ca me manīṣā dehaśritā vividhagorasavāsanā me / kimvā vidheyamiti cintayatī sthitā'haṃ tāvadbalānmilita eva mayā mukundaḥ

Sanskrit only: no published translation is held for this verse.

एकाकिनी बत गताऽस्मि वने निशीथे कुञ्जे निलीय रमणस्य रसो गृहीतः । चित्रं भजामि कलयामि न तत्र हेतुं सर्वाः प्रसन्नवदना यदिमा वयस्याः

ekākinī bata gatā'smi vane niśīthe kuñje nilīya ramaṇasya raso gṛhītaḥ / citraṃ bhajāmi kalayāmi na tatra hetuṃ sarvāḥ prasannavadanā yadimā vayasyāḥ

Sanskrit only: no published translation is held for this verse.

किं वर्णयामि पुरतः किल कस्य वर्ण्यं किं वर्णितेन सखि वर्णयितुं न शक्यम् । अङ्गानि मे विगलितानि सहैव नीव्या दष्टेऽधरे रतिरसे रतिनायकेन

kiṃ varṇayāmi purataḥ kila kasya varṇyaṃ kiṃ varṇitena sakhi varṇayituṃ na śakyam / aṅgāni me vigalitāni sahaiva nīvyā daṣṭe'dhare ratirase ratināyakena

Sanskrit only: no published translation is held for this verse.

नन्वेतदेव सुकृतं फलितं मदीयं यत्कामिनीषु रसलंपट एष कृष्णः । लक्ष्मीपतेरितरथा न भवेदकस्माद् अस्मासु गोपवनितासु कथाप्रसङ्गः

nanvetadeva sukṛtaṃ phalitaṃ madīyaṃ yatkāminīṣu rasalaṃpaṭa eṣa kṛṣṇaḥ / lakṣmīpateritarathā na bhavedakasmād asmāsu gopavanitāsu kathāprasaṅgaḥ

Sanskrit only: no published translation is held for this verse.

तुरीयतुलसीपत्रैर्वनमाली सुपूजितः । अस्मिन्वने महामिष्टं यत्फलं तत्प्रयच्छति

turīyatulasīpatrairvanamālī supūjitaḥ / asminvane mahāmiṣṭaṃ yatphalaṃ tatprayacchati

Sanskrit only: no published translation is held for this verse.