Library·Narahari: Bodhasara·34
हेतुमालाहीरावली श्रुतिप्रामाण्यसिद्धेऽर्थे हेतुभिः किं तथापि हि । अपूर्वरचनात्मत्वादलङ्कारो महान्यतः
hetumālāhīrāvalī śrutiprāmāṇyasiddhe'rthe hetubhiḥ kiṃ tathāpi hi / apūrvaracanātmatvādalaṅkāro mahānyataḥ
Sanskrit only: no published translation is held for this verse.
जन्म नामासतः सत्ता जातसाक्षात्कृतिर्मुनिः । सद्रूपतामेव गतस्तेन जन्म न विद्यते
janma nāmāsataḥ sattā jātasākṣātkṛtirmuniḥ / sadrūpatāmeva gatastena janma na vidyate
Sanskrit only: no published translation is held for this verse.
प्राप्तवानमृतं ब्रह्म जातसाक्षात्कृतिर्मुनिः । अमृतं येन संप्राप्तं स मृतत्वं कथं व्रजेत्
prāptavānamṛtaṃ brahma jātasākṣātkṛtirmuniḥ / amṛtaṃ yena saṃprāptaṃ sa mṛtatvaṃ kathaṃ vrajet
Sanskrit only: no published translation is held for this verse.
मृतिः शरीरसंत्यागो जातसाक्षात्कृतिर्मुनिः । शरीरं त्यक्तवान्पूर्वं मृतस्य मरणं किमु
mṛtiḥ śarīrasaṃtyāgo jātasākṣātkṛtirmuniḥ / śarīraṃ tyaktavānpūrvaṃ mṛtasya maraṇaṃ kimu
Sanskrit only: no published translation is held for this verse.
अहन्तया सहैवायं जातसाक्षात्कृतिर्मुनिः । कर्त्तृत्वमत्यजत्तस्मात्कर्मभिर्न स लिप्यते
ahantayā sahaivāyaṃ jātasākṣātkṛtirmuniḥ / karttṛtvamatyajattasmātkarmabhirna sa lipyate
Sanskrit only: no published translation is held for this verse.
स्वयमेव पवित्रात्मा जातसाक्षात्कृतिर्मुनिः । न च पुण्यैः पवित्रोऽसौ तेन पुण्यैर्न लिप्यते
svayameva pavitrātmā jātasākṣātkṛtirmuniḥ / na ca puṇyaiḥ pavitro'sau tena puṇyairna lipyate
Sanskrit only: no published translation is held for this verse.
अत्यन्तशुद्धरूपोऽसौ जातसाक्षात्कृतिर्मुनिः । तत्करोति पवित्रं यत्तेन पापैर्न लिप्यते
atyantaśuddharūpo'sau jātasākṣātkṛtirmuniḥ / tatkaroti pavitraṃ yattena pāpairna lipyate
Sanskrit only: no published translation is held for this verse.
सहजानन्दरूपत्वाज्जातसाक्षात्कृतिर्मुनिः । येन हृष्यति तन्नास्ति तस्मादेष न हृष्यति
sahajānandarūpatvājjātasākṣātkṛtirmuniḥ / yena hṛṣyati tannāsti tasmādeṣa na hṛṣyati
Sanskrit only: no published translation is held for this verse.
नापकर्त्तुं क्षमः कश्चिज्जातसाक्षात्कृतेर्भवेत् । अपकर्त्तुरभावेन स तु न द्वेष्टि कंचन
nāpakarttuṃ kṣamaḥ kaścijjātasākṣātkṛterbhavet / apakartturabhāvena sa tu na dveṣṭi kaṃcana
Sanskrit only: no published translation is held for this verse.
अप्राप्यमवशिष्टं किं जातसाक्षात्कृतेर्मुनेः । हानिर्नास्ति ततो हेतोर्न शोचति कदाचन
aprāpyamavaśiṣṭaṃ kiṃ jātasākṣātkṛtermuneḥ / hānirnāsti tato hetorna śocati kadācana
Sanskrit only: no published translation is held for this verse.
केनाप्येष प्रकारेण जातसाक्षात्कृतिर्मुनिः । ब्रह्म सर्वात्मकं प्राप्य न काङ्क्षति किमप्युत
kenāpyeṣa prakāreṇa jātasākṣātkṛtirmuniḥ / brahma sarvātmakaṃ prāpya na kāṅkṣati kimapyuta
Sanskrit only: no published translation is held for this verse.
न ह्यन्यो बलवान्कश्चिज्जातसाक्षात्कृतेर्भवेत् । यस्माद्बिभेति तन्नास्ति तस्मादेष बिभेति न
na hyanyo balavānkaścijjātasākṣātkṛterbhavet / yasmādbibheti tannāsti tasmādeṣa bibheti na
Sanskrit only: no published translation is held for this verse.
यदस्य कार्यं परमं जातसाक्षात्कृतेर्भवेत् । तत्सर्वमेव संसिद्धं न तस्मात्स विषीदति
yadasya kāryaṃ paramaṃ jātasākṣātkṛterbhavet / tatsarvameva saṃsiddhaṃ na tasmātsa viṣīdati
Sanskrit only: no published translation is held for this verse.
मान्यस्तु पद्मजादीनां जातसाक्षात्कृतिर्मुनिः । मानितो यदि लोकेन स तु मानं न विन्दति
mānyastu padmajādīnāṃ jātasākṣātkṛtirmuniḥ / mānito yadi lokena sa tu mānaṃ na vindati
Sanskrit only: no published translation is held for this verse.
मान्य एव सुरेन्द्राणां जातसाक्षात्कृतिर्मुनिः । न मानितो यदि जनैरपमानं न विन्दति
mānya eva surendrāṇāṃ jātasākṣātkṛtirmuniḥ / na mānito yadi janairapamānaṃ na vindati
Sanskrit only: no published translation is held for this verse.
उपकारापकारौ हि जातसाक्षात्कृतेर्मुनेः । शक्यौ न केनचित्कर्तुं तुल्यो मित्रारिपक्षयोः
upakārāpakārau hi jātasākṣātkṛtermuneḥ / śakyau na kenacitkartuṃ tulyo mitrāripakṣayoḥ
Sanskrit only: no published translation is held for this verse.
गुणदोषदशाऽतीतं जातसाक्षात्कृतिर्मुनिः । प्राप्तवान्परमं धाम तुल्यनिन्दास्तुतिर्हि सः
guṇadoṣadaśā'tītaṃ jātasākṣātkṛtirmuniḥ / prāptavānparamaṃ dhāma tulyanindāstutirhi saḥ
Sanskrit only: no published translation is held for this verse.
गेहादिममता नास्ति जातसाक्षात्कृतेर्मुनेः । तेनानिकेत इत्युक्तो यत्रसायंगृहो मुनिः
gehādimamatā nāsti jātasākṣātkṛtermuneḥ / tenāniketa ityukto yatrasāyaṃgṛho muniḥ
Sanskrit only: no published translation is held for this verse.
अप्राप्तं प्राप्तवान्बोधं जातसाक्षात्कृतिर्मुनिः । स तु न क्षीयते तेन निर्योगक्षेम आत्मवान्
aprāptaṃ prāptavānbodhaṃ jātasākṣātkṛtirmuniḥ / sa tu na kṣīyate tena niryogakṣema ātmavān
Sanskrit only: no published translation is held for this verse.
समो यद्यपि सर्वत्र जातसाक्षात्कृतिर्मुनिः । तथापि तत्स्तावकस्य मम स्तुतिफलं महत्
samo yadyapi sarvatra jātasākṣātkṛtirmuniḥ / tathāpi tatstāvakasya mama stutiphalaṃ mahat
Sanskrit only: no published translation is held for this verse.
हेतुमालामयी धार्या कण्ठे हीरावली बुधैः । अपूर्वरचनात्मत्वादलङ्कारो महान्यतः
hetumālāmayī dhāryā kaṇṭhe hīrāvalī budhaiḥ / apūrvaracanātmatvādalaṅkāro mahānyataḥ
Sanskrit only: no published translation is held for this verse.