Narahari: Bodhasara 38

चन्द्रिकाचन्द्रचमत्कारचतुष्टयी अचन्द्रे चन्द्रिका नास्ति न चन्द्रश्चन्द्रिकां विना । चन्द्रिकाचन्द्रसंयोगः कथं वा विनिवार्यताम्

candrikācandracamatkāracatuṣṭayī acandre candrikā nāsti na candraścandrikāṃ vinā / candrikācandrasaṃyogaḥ kathaṃ vā vinivāryatām

Sanskrit only: no published translation is held for this verse.

विस्मृत्या चन्द्रिका नाप्ता स्मृत्याऽऽप्तेव तु चन्द्रिका । चन्द्रिकाचन्द्रतादात्म्यं केनाहो विनिवारितम्

vismṛtyā candrikā nāptā smṛtyā''pteva tu candrikā / candrikācandratādātmyaṃ kenāho vinivāritam

Sanskrit only: no published translation is held for this verse.

त्वयाऽनुभूतमेवास्ति चन्द्रिकाचन्द्रकौतुकम् । दृष्टान्तदर्शनायाङ्ग पुनस्तत्प्रकटीकृतम्

tvayā'nubhūtamevāsti candrikācandrakautukam / dṛṣṭāntadarśanāyāṅga punastatprakaṭīkṛtam

Sanskrit only: no published translation is held for this verse.

तावती चन्द्रिका प्रोक्ता यावानेव हि चन्द्रमाः । अनाद्यन्तस्तु चन्द्रोऽयमनाद्यन्ताऽस्य चन्द्रिका

tāvatī candrikā proktā yāvāneva hi candramāḥ / anādyantastu candro'yamanādyantā'sya candrikā

Sanskrit only: no published translation is held for this verse.