Narahari: Bodhasara 39

अद्भुतशिरश्छेदपञ्चकम् तत्तद्विचारवैराग्याद्वरिष्ठा विश्वविस्मृतिः । छेद्यस्य शिरसश्छेदः प्रत्यङ्गच्छेदनाद्वरः

adbhutaśiraśchedapañcakam tattadvicāravairāgyādvariṣṭhā viśvavismṛtiḥ / chedyasya śirasaśchedaḥ pratyaṅgacchedanādvaraḥ

Sanskrit only: no published translation is held for this verse.

प्रत्यङ्गच्छेदनेऽप्यस्य च्छेद्यमेव शिरो यदि । प्रथमं तच्छिरश्छिन्धि वृथा किं चेष्टयाऽन्यया

pratyaṅgacchedane'pyasya cchedyameva śiro yadi / prathamaṃ tacchiraśchindhi vṛthā kiṃ ceṣṭayā'nyayā

Sanskrit only: no published translation is held for this verse.

दयाशीला हि मुनयो मुनेः साऽपि दयालुता । यच्छिनत्ति मनःशीर्षं विनाऽङ्गच्छेदवेदनाम्

dayāśīlā hi munayo muneḥ sā'pi dayālutā / yacchinatti manaḥśīrṣaṃ vinā'ṅgacchedavedanām

Sanskrit only: no published translation is held for this verse.

सद्यो मम शिरश्छिन्धि मामित्याह मनो मम । मया सोढुं न शक्यन्ते प्रत्यङ्गच्छेददुर्दशाः

sadyo mama śiraśchindhi māmityāha mano mama / mayā soḍhuṃ na śakyante pratyaṅgacchedadurdaśāḥ

Sanskrit only: no published translation is held for this verse.

असङ्ख्याश्चित्तजा भावाः शक्याश्छेत्तुं क्रमात्कथम् । चित्तमेतत्समाच्छिन्नमत एव मया मुने

asaṅkhyāścittajā bhāvāḥ śakyāśchettuṃ kramātkatham / cittametatsamācchinnamata eva mayā mune

Sanskrit only: no published translation is held for this verse.