वैराग्यपीठिकाबन्धः वैराग्यपीठिकाबन्धं प्रथमं शृणु सन्मते । न नेमिरेव यत्रास्ति स्थितिश्चक्रस्य कीदृशी
vairāgyapīṭhikābandhaḥ vairāgyapīṭhikābandhaṃ prathamaṃ śṛṇu sanmate / na nemireva yatrāsti sthitiścakrasya kīdṛśī
Sanskrit only: no published translation is held for this verse.
न शूद्रे वेदसंस्कारस्तैलञ्च सिकतासु न । न स्यात्करतले रोम तथा मुक्तिर्न रागिणि
na śūdre vedasaṃskārastailañca sikatāsu na / na syātkaratale roma tathā muktirna rāgiṇi
Sanskrit only: no published translation is held for this verse.
वैराग्यं द्विविधं सूक्ष्मं तद्भेदमवधारय । जिज्ञासामुख्यमेकं स्याज्जिहासामुख्यमेव च
vairāgyaṃ dvividhaṃ sūkṣmaṃ tadbhedamavadhāraya / jijñāsāmukhyamekaṃ syājjihāsāmukhyameva ca
Sanskrit only: no published translation is held for this verse.
जिहासा संसृतेर्ब्रह्मजिज्ञासेति द्वयं मुने । एकमेव तथाप्यस्ति विशेषः कश्चिदत्र हि
jihāsā saṃsṛterbrahmajijñāseti dvayaṃ mune / ekameva tathāpyasti viśeṣaḥ kaścidatra hi
Sanskrit only: no published translation is held for this verse.
राज्यभ्रष्टा दीर्घरोगाः पराधीना हतश्रियः । ये विरक्तास्तपस्यन्ति जिहासामुख्यमेव तत्
rājyabhraṣṭā dīrgharogāḥ parādhīnā hataśriyaḥ / ye viraktāstapasyanti jihāsāmukhyameva tat
Sanskrit only: no published translation is held for this verse.
आधिव्याधिभयोद्वेगपारतन्त्र्यादिवर्जिताः । ये धीरा मुक्तिमिच्छन्ति शृणु तेषामयं क्रमः
ādhivyādhibhayodvegapāratantryādivarjitāḥ / ye dhīrā muktimicchanti śṛṇu teṣāmayaṃ kramaḥ
Sanskrit only: no published translation is held for this verse.
कामधेनुर्गृहे येषां निवासो नन्दने वने । कश्यपाद्यास्तपस्यन्ति जिज्ञासामुख्यमेव तत्
kāmadhenurgṛhe yeṣāṃ nivāso nandane vane / kaśyapādyāstapasyanti jijñāsāmukhyameva tat
Sanskrit only: no published translation is held for this verse.
आधिव्याधिभयोद्वेगपारतन्त्र्यादिपीडिताः । ये जीवा मोक्षमिच्छन्ति जिहासामुख्यता तु सा
ādhivyādhibhayodvegapāratantryādipīḍitāḥ / ye jīvā mokṣamicchanti jihāsāmukhyatā tu sā
Sanskrit only: no published translation is held for this verse.
मानुष्यं दुर्लभं प्राप्तं सच्छास्त्रैः संस्कृता मतिः । यदि न ब्रह्मविश्रान्तिस्तदस्माभिः किमर्जितम्
mānuṣyaṃ durlabhaṃ prāptaṃ sacchāstraiḥ saṃskṛtā matiḥ / yadi na brahmaviśrāntistadasmābhiḥ kimarjitam
Sanskrit only: no published translation is held for this verse.
इत्येवं व्यवसायेन ह्याकाशफलपातवत् । जिज्ञासयन्ति ये धीरा जिज्ञासामुख्यता तु सा
ityevaṃ vyavasāyena hyākāśaphalapātavat / jijñāsayanti ye dhīrā jijñāsāmukhyatā tu sā
Sanskrit only: no published translation is held for this verse.
विरोचनः कार्त्तवीर्यो बलिः श्रीराघवादयः । विरक्ता राजलीलायां ते हि तत्र निदर्शनम्
virocanaḥ kārttavīryo baliḥ śrīrāghavādayaḥ / viraktā rājalīlāyāṃ te hi tatra nidarśanam
Sanskrit only: no published translation is held for this verse.
तीव्रात्संसारवैराग्याद्ब्रह्मजिज्ञासनं यदि । वैराग्यं पुण्यजीवानां जिहासामुख्यमेव तत्
tīvrātsaṃsāravairāgyādbrahmajijñāsanaṃ yadi / vairāgyaṃ puṇyajīvānāṃ jihāsāmukhyameva tat
Sanskrit only: no published translation is held for this verse.
ब्रह्मजिज्ञासया तात तीव्रया यो विधीयते । विरागो दृश्यभावेषु जिज्ञासामुख्यमेव तत्
brahmajijñāsayā tāta tīvrayā yo vidhīyate / virāgo dṛśyabhāveṣu jijñāsāmukhyameva tat
Sanskrit only: no published translation is held for this verse.
सहजं यस्य वैराग्यं का वाच्या तस्य मुख्यता । अथ दोषाः प्रदर्श्यन्ते वैराग्यं दोषदर्शनात्
sahajaṃ yasya vairāgyaṃ kā vācyā tasya mukhyatā / atha doṣāḥ pradarśyante vairāgyaṃ doṣadarśanāt
Sanskrit only: no published translation is held for this verse.
कथयामि समासेन सावधानमनाः शृणु । असमञ्जसतां साधो समारभ्य शरीरतः
kathayāmi samāsena sāvadhānamanāḥ śṛṇu / asamañjasatāṃ sādho samārabhya śarīrataḥ
Sanskrit only: no published translation is held for this verse.
कायविडम्बना यं भूषयन्ति कनकैर्वसनैश्चन्दनैरपि । अविचारत एवायं कायो रम्यत्वमागतः
kāyaviḍambanā yaṃ bhūṣayanti kanakairvasanaiścandanairapi / avicārata evāyaṃ kāyo ramyatvamāgataḥ
Sanskrit only: no published translation is held for this verse.
अस्य क्रव्यादभक्ष्यस्य कृशानोरिन्धनस्य च । परिणामकृशस्यैव केन कायस्य रम्यता
asya kravyādabhakṣyasya kṛśānorindhanasya ca / pariṇāmakṛśasyaiva kena kāyasya ramyatā
Sanskrit only: no published translation is held for this verse.
कलेर्वरमिदं स्थानं विग्रहो मूर्त्तिमानसौ । पञ्चभूतनिवासोऽयं कथं तत्र सुखी भवेत्
kalervaramidaṃ sthānaṃ vigraho mūrttimānasau / pañcabhūtanivāso'yaṃ kathaṃ tatra sukhī bhavet
Sanskrit only: no published translation is held for this verse.
कारागृहं गर्भवासो बाल्यं केवलमूढता । तत्रापि दुःसहात्यन्तं पराधीनतया स्थितिः
kārāgṛhaṃ garbhavāso bālyaṃ kevalamūḍhatā / tatrāpi duḥsahātyantaṃ parādhīnatayā sthitiḥ
Sanskrit only: no published translation is held for this verse.
कामबाणैर्यत्र पीडा कामिनीविरहज्वरः । पुष्कला पापसंपत्तिर्यौवनं विपदां वनम्
kāmabāṇairyatra pīḍā kāminīvirahajvaraḥ / puṣkalā pāpasaṃpattiryauvanaṃ vipadāṃ vanam
Sanskrit only: no published translation is held for this verse.
उन्नताऽनततां यातो जराक्षारविधूसरः । पुराणकूष्माण्डसमः कायो वृद्धस्य गर्हितः
unnatā'natatāṃ yāto jarākṣāravidhūsaraḥ / purāṇakūṣmāṇḍasamaḥ kāyo vṛddhasya garhitaḥ
Sanskrit only: no published translation is held for this verse.
मरणस्य तु किं वाच्यं मृत्युदूतभयं ततः । नरके तु महद्दुःखं स्वर्गे पतनजं भयम्
maraṇasya tu kiṃ vācyaṃ mṛtyudūtabhayaṃ tataḥ / narake tu mahadduḥkhaṃ svarge patanajaṃ bhayam
Sanskrit only: no published translation is held for this verse.
उत्तमाधमभावेन तत्राप्यस्ति विडम्बना । यदि पश्वादियोनिः स्यात्तदा दुःखस्य का कथा
uttamādhamabhāvena tatrāpyasti viḍambanā / yadi paśvādiyoniḥ syāttadā duḥkhasya kā kathā
Sanskrit only: no published translation is held for this verse.
पुनर्जन्म पुनर्मृत्युः पुनर्दुखं पुनर्भयम् । न जानाति गतिं जन्तुर्निमग्नो मोहसागरे
punarjanma punarmṛtyuḥ punardukhaṃ punarbhayam / na jānāti gatiṃ janturnimagno mohasāgare
Sanskrit only: no published translation is held for this verse.
वृत्तिविडम्बना क्षत्रधर्मे परा हिंसा याच्ञायां लाघवं महत् । असत्यमेव वाणिज्ये नानृतात्पातकं परम्
vṛttiviḍambanā kṣatradharme parā hiṃsā yācñāyāṃ lāghavaṃ mahat / asatyameva vāṇijye nānṛtātpātakaṃ param
Sanskrit only: no published translation is held for this verse.
सेवायां परमं कष्टं मृत्कीटस्तु कृषीवलः । द्यूते सर्वस्वनाशः स्याच्चौर्ये राजभयं महत्
sevāyāṃ paramaṃ kaṣṭaṃ mṛtkīṭastu kṛṣīvalaḥ / dyūte sarvasvanāśaḥ syāccaurye rājabhayaṃ mahat
Sanskrit only: no published translation is held for this verse.
कामविडम्बना चर्वयन्ति महामांसं गते प्राणे पिशाचकाः । जीवत्परस्परं मांसं स्त्रीपुंसाश्चतुराननाः
kāmaviḍambanā carvayanti mahāmāṃsaṃ gate prāṇe piśācakāḥ / jīvatparasparaṃ māṃsaṃ strīpuṃsāścaturānanāḥ
Sanskrit only: no published translation is held for this verse.
नृदेहैर्निशि नृत्यन्ति श्मशानेषु पिशाचकाः । विचित्रैरङ्गविन्यासैर्गृहेषु गृहमेधिनः
nṛdehairniśi nṛtyanti śmaśāneṣu piśācakāḥ / vicitrairaṅgavinyāsairgṛheṣu gṛhamedhinaḥ
Sanskrit only: no published translation is held for this verse.
लिहति स्पृशति भ्रान्तो मुहुर्जिघ्रति खादति । ग्रामसिंहानुरूपेयं ग्राम्यधर्मव्यवस्थितिः
lihati spṛśati bhrānto muhurjighrati khādati / grāmasiṃhānurūpeyaṃ grāmyadharmavyavasthitiḥ
Sanskrit only: no published translation is held for this verse.
कण्डूयनेन यत्कण्डूसुखं तत्किं भवेत्सुखम् । पश्चाद्यत्र महापीडा तथा वैषयिकं सुखम्
kaṇḍūyanena yatkaṇḍūsukhaṃ tatkiṃ bhavetsukham / paścādyatra mahāpīḍā tathā vaiṣayikaṃ sukham
Sanskrit only: no published translation is held for this verse.
नादासक्तं मृगं व्याधश्छिनत्ति निशितैः शरैः । रूपासक्तं नरं नारी रतिच्छुरिकयाऽसकृत्
nādāsaktaṃ mṛgaṃ vyādhaśchinatti niśitaiḥ śaraiḥ / rūpāsaktaṃ naraṃ nārī raticchurikayā'sakṛt
Sanskrit only: no published translation is held for this verse.
क्रोधविडम्बना रुधिरं पिबति स्वीयं दिवा तमसि नृत्यति । भीषयत्यात्मनात्मानं क्रूरः क्रोधी न राक्षसः
krodhaviḍambanā rudhiraṃ pibati svīyaṃ divā tamasi nṛtyati / bhīṣayatyātmanātmānaṃ krūraḥ krodhī na rākṣasaḥ
Sanskrit only: no published translation is held for this verse.
लोभविडम्बना न पिशाचा न डाकिन्यो न भुजङ्गा न वृश्चिकाः । संभ्रान्तयन्ति मनुजं यथा लोभो धियं रिपुः
lobhaviḍambanā na piśācā na ḍākinyo na bhujaṅgā na vṛścikāḥ / saṃbhrāntayanti manujaṃ yathā lobho dhiyaṃ ripuḥ
Sanskrit only: no published translation is held for this verse.
मेरवो घृतबिन्द्वाभा दुराशादावपावके । कथं सहस्रलक्षाद्यैस्तर्हि तृप्यतु लोभवान्
meravo ghṛtabindvābhā durāśādāvapāvake / kathaṃ sahasralakṣādyaistarhi tṛpyatu lobhavān
Sanskrit only: no published translation is held for this verse.
आनिद्रं प्रातरारभ्य जाग्रति स्वप्नपूर्ष्वपि । भ्रमन्नो लभते शान्तिं स लोभस्य पराक्रमः
ānidraṃ prātarārabhya jāgrati svapnapūrṣvapi / bhramanno labhate śāntiṃ sa lobhasya parākramaḥ
Sanskrit only: no published translation is held for this verse.
निधानं यक्षसर्पाद्या यदाक्रामन्ति यत्नतः । न पिबन्ति न खादन्ति तेषां हि गुरवः शठाः
nidhānaṃ yakṣasarpādyā yadākrāmanti yatnataḥ / na pibanti na khādanti teṣāṃ hi guravaḥ śaṭhāḥ
Sanskrit only: no published translation is held for this verse.
दानभोगविहीनं च यदेव धनिनो धनम् । न तु तस्य मुखे धूलिर्दीयते भूमिगोपनैः
dānabhogavihīnaṃ ca yadeva dhanino dhanam / na tu tasya mukhe dhūlirdīyate bhūmigopanaiḥ
Sanskrit only: no published translation is held for this verse.
मूढस्ताम्रमये पात्रे संस्थापयति किं धनम् । पात्रे स्थितं धनं भद्रं किन्तु पात्रं परीक्षय
mūḍhastāmramaye pātre saṃsthāpayati kiṃ dhanam / pātre sthitaṃ dhanaṃ bhadraṃ kintu pātraṃ parīkṣaya
Sanskrit only: no published translation is held for this verse.
काकविष्ठाधनस्यार्थे कायक्लेशेन भूयसा । मदान्धा धनिनः सेव्या महतीयं विडम्बना
kākaviṣṭhādhanasyārthe kāyakleśena bhūyasā / madāndhā dhaninaḥ sevyā mahatīyaṃ viḍambanā
Sanskrit only: no published translation is held for this verse.
न लोभस्योपचाराय मणिमन्त्रौषधादयः । मणिमन्त्रौषधश्लाघी सोऽपि लोभपरायणः
na lobhasyopacārāya maṇimantrauṣadhādayaḥ / maṇimantrauṣadhaślāghī so'pi lobhaparāyaṇaḥ
Sanskrit only: no published translation is held for this verse.
किञ्चिद्धनकणं ध्यात्वा मुखमाढ्यस्य पश्यसि । करोषि श्वेव चाटूनि लोभेनापकृतं स्मर
kiñciddhanakaṇaṃ dhyātvā mukhamāḍhyasya paśyasi / karoṣi śveva cāṭūni lobhenāpakṛtaṃ smara
Sanskrit only: no published translation is held for this verse.
लोहार्गलो भद्रहरो लोलताङ्को भयप्रदः । लुनात्युभौ च यल्लोकौ तेन लोभः प्रकीर्त्तितः
lohārgalo bhadraharo lolatāṅko bhayapradaḥ / lunātyubhau ca yallokau tena lobhaḥ prakīrttitaḥ
Sanskrit only: no published translation is held for this verse.
सकामाः कामिनीलुब्धा निष्कामा मोक्षलोभिनः । भावलुब्धो हि भगवान्निर्लोभोऽत्यन्तदुर्लभः
sakāmāḥ kāminīlubdhā niṣkāmā mokṣalobhinaḥ / bhāvalubdho hi bhagavānnirlobho'tyantadurlabhaḥ
Sanskrit only: no published translation is held for this verse.
दुग्धफेनोज्ज्वला शय्या बाला चरणसेविनी । निद्रां न लभते भूपः परराष्ट्रजिगीषया
dugdhaphenojjvalā śayyā bālā caraṇasevinī / nidrāṃ na labhate bhūpaḥ pararāṣṭrajigīṣayā
Sanskrit only: no published translation is held for this verse.
मार्गेषु मिलिताश्चौराः सख्यं तैः सह वर्धितम् । ते गता धनमादाय पश्चाच्छोचति मन्दधीः
mārgeṣu militāścaurāḥ sakhyaṃ taiḥ saha vardhitam / te gatā dhanamādāya paścācchocati mandadhīḥ
Sanskrit only: no published translation is held for this verse.
स्वामी तु चौरवद्द्रव्यं गोपायति यतस्ततः । भार्यापुत्रादयश्चौरा भुञ्जते स्वामिनो यथा
svāmī tu cauravaddravyaṃ gopāyati yatastataḥ / bhāryāputrādayaścaurā bhuñjate svāmino yathā
Sanskrit only: no published translation is held for this verse.
पुत्रमित्रकलत्रेभ्यो गोप्यते यद्धनं जनैः । तेन मन्येऽवनं पापं सुकृत्या गोप्यते नहि
putramitrakalatrebhyo gopyate yaddhanaṃ janaiḥ / tena manye'vanaṃ pāpaṃ sukṛtyā gopyate nahi
Sanskrit only: no published translation is held for this verse.
रागिणी गणिका वित्तं यद्वाञ्छति वरा हि सा । धिक्तं वैराग्यवक्तारं वाचालं वित्तलम्पटम्
rāgiṇī gaṇikā vittaṃ yadvāñchati varā hi sā / dhiktaṃ vairāgyavaktāraṃ vācālaṃ vittalampaṭam
Sanskrit only: no published translation is held for this verse.
धनिभ्यो धनमादाय श्लाघते शास्त्रपाठकः । बहुभ्यो मिथुनीभूय धनिभ्यो गणिका यथा
dhanibhyo dhanamādāya ślāghate śāstrapāṭhakaḥ / bahubhyo mithunībhūya dhanibhyo gaṇikā yathā
Sanskrit only: no published translation is held for this verse.
न शोभते तथैवायं लोभी वेदान्तवाचकः । चौर्येण निगडे दत्तो जटाभस्मधरो यथा
na śobhate tathaivāyaṃ lobhī vedāntavācakaḥ / cauryeṇa nigaḍe datto jaṭābhasmadharo yathā
Sanskrit only: no published translation is held for this verse.
यदि वित्तार्जनेनैव विद्वांसो यान्ति गौरवम् । कस्तर्हि वेश्याविदुषोर्विशेष इति वर्णय
yadi vittārjanenaiva vidvāṃso yānti gauravam / kastarhi veśyāviduṣorviśeṣa iti varṇaya
Sanskrit only: no published translation is held for this verse.
अनित्यमिति यो वक्ति सेवते नित्यमेव तत् । बहिर्मुखस्य तस्यास्यं मा दर्शय महेश्वर
anityamiti yo vakti sevate nityameva tat / bahirmukhasya tasyāsyaṃ mā darśaya maheśvara
Sanskrit only: no published translation is held for this verse.
कामकिंकरतां प्राप्य सकामाः सर्वकिंकराः । कामेनैव परित्यक्तो निष्कामः कस्य किंकरः
kāmakiṃkaratāṃ prāpya sakāmāḥ sarvakiṃkarāḥ / kāmenaiva parityakto niṣkāmaḥ kasya kiṃkaraḥ
Sanskrit only: no published translation is held for this verse.
कर्मविडम्बना वंशपात्रमिवापूर्णं पूर्णं घटशतैरपि । क्रियाजालं कथं साधो विरागाय न जायते
karmaviḍambanā vaṃśapātramivāpūrṇaṃ pūrṇaṃ ghaṭaśatairapi / kriyājālaṃ kathaṃ sādho virāgāya na jāyate
Sanskrit only: no published translation is held for this verse.
ब्रह्मणो दिनमारभ्य यावदद्य कृताः क्रियाः । मुहूर्त्तं हन्त संसारी नैव निश्चिन्तताङ्गतः
brahmaṇo dinamārabhya yāvadadya kṛtāḥ kriyāḥ / muhūrttaṃ hanta saṃsārī naiva niścintatāṅgataḥ
Sanskrit only: no published translation is held for this verse.
अभाग्यं परमं पुंसां परपिण्डोपजीवनम् । तत्कथं नाम सौभाग्यं पुत्रपिण्डोपजीवनम्
abhāgyaṃ paramaṃ puṃsāṃ parapiṇḍopajīvanam / tatkathaṃ nāma saubhāgyaṃ putrapiṇḍopajīvanam
Sanskrit only: no published translation is held for this verse.
मृतशब्देन सम्बोध्य मृतपिण्डं मृताहनि । मृताय दास्यते पुत्रस्तद्वरं किमुतामृतम्
mṛtaśabdena sambodhya mṛtapiṇḍaṃ mṛtāhani / mṛtāya dāsyate putrastadvaraṃ kimutāmṛtam
Sanskrit only: no published translation is held for this verse.
अशनायां पिपासां च शोकं मोहं जरां मृतिम् । प्राप्नुवञ्च्छ्रुतिशास्त्रेभ्यो मा भव श्राद्धभक्षकः
aśanāyāṃ pipāsāṃ ca śokaṃ mohaṃ jarāṃ mṛtim / prāpnuvañcchrutiśāstrebhyo mā bhava śrāddhabhakṣakaḥ
Sanskrit only: no published translation is held for this verse.
दीर्घमायुर्जराभुक्त्यै धनं भूरि दुराधये । पुत्राः कलहदुःखाय संसारे दुःखमद्भुतम्
dīrghamāyurjarābhuktyai dhanaṃ bhūri durādhaye / putrāḥ kalahaduḥkhāya saṃsāre duḥkhamadbhutam
Sanskrit only: no published translation is held for this verse.
छायां पश्यति कायस्य रायो गर्वेण मुह्यति । जायां भजति भावेन मायां नो वेद वैष्णवीम्
chāyāṃ paśyati kāyasya rāyo garveṇa muhyati / jāyāṃ bhajati bhāvena māyāṃ no veda vaiṣṇavīm
Sanskrit only: no published translation is held for this verse.
यात्रासमागमसमे नतर्कितगतागते । पशुपुत्रकलत्रादौ ममता न मता समा
yātrāsamāgamasame natarkitagatāgate / paśuputrakalatrādau mamatā na matā samā
Sanskrit only: no published translation is held for this verse.
सुतरां गुरवोऽस्माकं वैयाकरणसत्तमाः । आदिश्य ममतास्थाने समतां साधयन्ति ये
sutarāṃ guravo'smākaṃ vaiyākaraṇasattamāḥ / ādiśya mamatāsthāne samatāṃ sādhayanti ye
Sanskrit only: no published translation is held for this verse.
त्यक्ष्यंत्यवश्यं च त्वान्त्वं च त्यक्ष्यसि यानपि । येषां त्यागे महत्सौख्यं तेषां त्यागेऽपि कः श्रमः
tyakṣyaṃtyavaśyaṃ ca tvāntvaṃ ca tyakṣyasi yānapi / yeṣāṃ tyāge mahatsaukhyaṃ teṣāṃ tyāge'pi kaḥ śramaḥ
Sanskrit only: no published translation is held for this verse.
व्यवहारविमूढानां स्तुतिनिन्दामयः क्रमः । सोऽपि तत्कायपर्यन्तः कायः कतिदिनान्वयी
vyavahāravimūḍhānāṃ stutinindāmayaḥ kramaḥ / so'pi tatkāyaparyantaḥ kāyaḥ katidinānvayī
Sanskrit only: no published translation is held for this verse.
एकतः सकला लोका विकर्षन्ति यथाबलम् । पदार्थमालां बलवानेकः कालो गिलत्यसौ
ekataḥ sakalā lokā vikarṣanti yathābalam / padārthamālāṃ balavānekaḥ kālo gilatyasau
Sanskrit only: no published translation is held for this verse.
लोला लक्ष्मीर्वयं लोला लोला विषयवृत्तयः । किं सुखं तत्र यत्राङ्ग जीवनस्यैव संशयः
lolā lakṣmīrvayaṃ lolā lolā viṣayavṛttayaḥ / kiṃ sukhaṃ tatra yatrāṅga jīvanasyaiva saṃśayaḥ
Sanskrit only: no published translation is held for this verse.
शोकमोहौ भयं दैन्यमाधिर्व्याधिः क्षुधा तृषा । इत्यादि विविधं दुःखमिति संक्षेपकीर्त्तनम्
śokamohau bhayaṃ dainyamādhirvyādhiḥ kṣudhā tṛṣā / ityādi vividhaṃ duḥkhamiti saṃkṣepakīrttanam
Sanskrit only: no published translation is held for this verse.