Library·Narahari: Bodhasara·40
जातसाक्षात्कारं शिष्यं प्रति श्रीगुरोः प्रश्नामृतम् । नित्यानुभूतमपि यन्नानुभूतत्वमागतम् । अनुभूतिरसस्पर्शैरनुभूतं परं पदम्
jātasākṣātkāraṃ śiṣyaṃ prati śrīguroḥ praśnāmṛtam | nityānubhūtamapi yannānubhūtatvamāgatam / anubhūtirasasparśairanubhūtaṃ paraṃ padam
Sanskrit only: no published translation is held for this verse.
प्रत्यक्षलक्षणैरेव पराग्वृत्तिविलक्षणैः । साक्षात्कृतः शिवः साक्षात्सच्चिदानन्दलक्षणैः
pratyakṣalakṣaṇaireva parāgvṛttivilakṣaṇaiḥ / sākṣātkṛtaḥ śivaḥ sākṣātsaccidānandalakṣaṇaiḥ
Sanskrit only: no published translation is held for this verse.
यशोदागीतमधुरैर्मृदुवेदान्तभाषितैः । लालितः प्रापितो निद्रां मुकुन्द इव मोदसे
yaśodāgītamadhurairmṛduvedāntabhāṣitaiḥ / lālitaḥ prāpito nidrāṃ mukunda iva modase
Sanskrit only: no published translation is held for this verse.
नवनीतरसग्रासैश्चमत्कारैः स्वसंविदाम् । अन्तराप्यायितो बालमुकुन्द इव खेलसि
navanītarasagrāsaiścamatkāraiḥ svasaṃvidām / antarāpyāyito bālamukunda iva khelasi
Sanskrit only: no published translation is held for this verse.
स्वात्मनि प्रलयं नीत्वा दृश्यमेकाकितां गतः । किं नृत्यसि निजानन्दे महादेव इवात्मनि
svātmani pralayaṃ nītvā dṛśyamekākitāṃ gataḥ / kiṃ nṛtyasi nijānande mahādeva ivātmani
Sanskrit only: no published translation is held for this verse.
सायङ्काले समाध्याख्ये स्निग्धां सर्वाङ्गसुन्दरीम् । निजशक्तिमुमां पश्यन्महेश इव नृत्यसि
sāyaṅkāle samādhyākhye snigdhāṃ sarvāṅgasundarīm / nijaśaktimumāṃ paśyanmaheśa iva nṛtyasi
Sanskrit only: no published translation is held for this verse.
दृश्यं निपीय गरलं पाचयित्वा तदात्मनि । मृत्त्युञ्जयपदं प्राप्तः किं हृष्यसि हरो यथा
dṛśyaṃ nipīya garalaṃ pācayitvā tadātmani / mṛttyuñjayapadaṃ prāptaḥ kiṃ hṛṣyasi haro yathā
Sanskrit only: no published translation is held for this verse.
यथा संमुखतां नीत्वा मुकुरे मुखमीक्षितम् । अखण्डवृत्तौ च तथा स्वरूपं किं विलोकितम्
yathā saṃmukhatāṃ nītvā mukure mukhamīkṣitam / akhaṇḍavṛttau ca tathā svarūpaṃ kiṃ vilokitam
Sanskrit only: no published translation is held for this verse.
बहिरन्तर्हरिं पश्यन्मायां पश्यञ्जगन्मयीम् । विस्मयं परमं यासि मार्कण्डेय इवात्मनि
bahirantarhariṃ paśyanmāyāṃ paśyañjaganmayīm / vismayaṃ paramaṃ yāsi mārkaṇḍeya ivātmani
Sanskrit only: no published translation is held for this verse.