Narahari: Bodhasara 43

ज्ञानगङ्गातरङ्गोनाशीतिकम् ज्ञानगङ्गातरङ्गोनाशीतिकं शृणु सांप्रतम् । एकेनाप्यङ्गलग्नेन सर्वपापक्षयो भवेत्

jñānagaṅgātaraṅgonāśītikam jñānagaṅgātaraṅgonāśītikaṃ śṛṇu sāṃpratam / ekenāpyaṅgalagnena sarvapāpakṣayo bhavet

Sanskrit only: no published translation is held for this verse.

वाङ्मयं खं हि सर्वत्र वाचो मूकस्य दुर्लभाः । चिन्मयं ब्रह्म सर्वत्र विद्याहीनस्य दुर्लभम्

vāṅmayaṃ khaṃ hi sarvatra vāco mūkasya durlabhāḥ / cinmayaṃ brahma sarvatra vidyāhīnasya durlabham

Sanskrit only: no published translation is held for this verse.

प्राचीमथ प्रतीचीं वा यत्र क्वचन गच्छतु । तमसा दृश्यते नैषा ब्रह्मचिद्भास्करो यथा

prācīmatha pratīcīṃ vā yatra kvacana gacchatu / tamasā dṛśyate naiṣā brahmacidbhāskaro yathā

Sanskrit only: no published translation is held for this verse.

आकाशमण्डले शून्ये यथा नक्षत्रमण्डलम् । चिद्ब्रह्ममण्डले शून्ये तथा संसारमण्डलम्

ākāśamaṇḍale śūnye yathā nakṣatramaṇḍalam / cidbrahmamaṇḍale śūnye tathā saṃsāramaṇḍalam

Sanskrit only: no published translation is held for this verse.

जाग्रत्स्वरूप एवायं पश्यन्त्स्वप्नमयं जगत् । सुषुप्त इव चिद्रूपे मुनेस्तुर्यस्थताऽद्भुता

jāgratsvarūpa evāyaṃ paśyantsvapnamayaṃ jagat / suṣupta iva cidrūpe munesturyasthatā'dbhutā

Sanskrit only: no published translation is held for this verse.

मुमुक्षा दम्भमात्रं ते न ते तीव्रा मुमुक्षुता । तीव्रा यदि मुमुक्षा स्यान्न विलम्बो भवेदियान्

mumukṣā dambhamātraṃ te na te tīvrā mumukṣutā / tīvrā yadi mumukṣā syānna vilambo bhavediyān

Sanskrit only: no published translation is held for this verse.

अभूत्कुहूमयं विश्वं पक्षः स मलिनो गतः । इदानीं निर्मलः पक्षो जातं राकामयं जगत्

abhūtkuhūmayaṃ viśvaṃ pakṣaḥ sa malino gataḥ / idānīṃ nirmalaḥ pakṣo jātaṃ rākāmayaṃ jagat

Sanskrit only: no published translation is held for this verse.

न तिष्ठति मनो यत्र गोः शृङ्गे सर्षपो यथा । शैला इव समाधिस्थास्तत्रैव स्थितिमागताः

na tiṣṭhati mano yatra goḥ śṛṅge sarṣapo yathā / śailā iva samādhisthāstatraiva sthitimāgatāḥ

Sanskrit only: no published translation is held for this verse.

जलप्रवाह इव याऽनवच्छिन्ना स्वभावतः । चतुर्दशधियां दूरे सा मुनेर्मननस्थितिः

jalapravāha iva yā'navacchinnā svabhāvataḥ / caturdaśadhiyāṃ dūre sā munermananasthitiḥ

Sanskrit only: no published translation is held for this verse.

परमात्मपदभ्रष्टः स पुनः परमात्मताम् । यया प्राप्नोति विश्वात्मा सा मुनेर्मननस्थितिः

paramātmapadabhraṣṭaḥ sa punaḥ paramātmatām / yayā prāpnoti viśvātmā sā munermananasthitiḥ

Sanskrit only: no published translation is held for this verse.

प्रतिबिम्बं न गृह्णाति निर्मलो निकटस्थितः । प्रपञ्चवञ्चने युक्तिः सा मुनेरेव नामुनेः

pratibimbaṃ na gṛhṇāti nirmalo nikaṭasthitaḥ / prapañcavañcane yuktiḥ sā munereva nāmuneḥ

Sanskrit only: no published translation is held for this verse.

अपसर्पन्त्विति प्रोक्ताः क्षणादपसरन्त्यमी । यदाज्ञया मनोभावाः स वशी कस्य नाद्भुतः

apasarpantviti proktāḥ kṣaṇādapasarantyamī / yadājñayā manobhāvāḥ sa vaśī kasya nādbhutaḥ

Sanskrit only: no published translation is held for this verse.

जारणात्कालकूटस्य शम्भोराशीविषा वशाः । मारणान्मनसस्तद्वन्मुनेरिन्द्रियवृत्तयः

jāraṇātkālakūṭasya śambhorāśīviṣā vaśāḥ / māraṇānmanasastadvanmunerindriyavṛttayaḥ

Sanskrit only: no published translation is held for this verse.

अहन्ताममतात्यागः कर्त्तुं यदि न शक्यते । अहन्ताममताभावः सर्वत्रैव विधीयताम्

ahantāmamatātyāgaḥ karttuṃ yadi na śakyate / ahantāmamatābhāvaḥ sarvatraiva vidhīyatām

Sanskrit only: no published translation is held for this verse.

वर्णाश्रमवयोवेषाध्ययनाचारसुन्दरः । विना विचारवैराग्यैः पशुरेव न संशयः

varṇāśramavayoveṣādhyayanācārasundaraḥ / vinā vicāravairāgyaiḥ paśureva na saṃśayaḥ

Sanskrit only: no published translation is held for this verse.

तीक्ष्णे विचारवैराग्ये चित्ते यस्य निरन्तरे । स पण्डितः किमेतस्य साधनान्तरचिंत्तनैः

tīkṣṇe vicāravairāgye citte yasya nirantare / sa paṇḍitaḥ kimetasya sādhanāntaraciṃttanaiḥ

Sanskrit only: no published translation is held for this verse.

वर्धते मूलसेकेन मूलशोषेण शुष्यति । भस्मसात्क्रियते वह्निज्वालयेति तरुस्थितिः

vardhate mūlasekena mūlaśoṣeṇa śuṣyati / bhasmasātkriyate vahnijvālayeti tarusthitiḥ

Sanskrit only: no published translation is held for this verse.

वर्धते मनसः सेकैर्मनःशोषेण शुष्यति । भस्मसात्क्रियते बोधज्वालयेति भवस्थितिः

vardhate manasaḥ sekairmanaḥśoṣeṇa śuṣyati / bhasmasātkriyate bodhajvālayeti bhavasthitiḥ

Sanskrit only: no published translation is held for this verse.

परपारस्थितं हंसं द्विधेव प्रतिबिम्बितम् । तथात्मानं विजानाति तटस्थः सत्यदर्शनः

parapārasthitaṃ haṃsaṃ dvidheva pratibimbitam / tathātmānaṃ vijānāti taṭasthaḥ satyadarśanaḥ

Sanskrit only: no published translation is held for this verse.

चित्रमल्पेन कालेन बोधभर्जितचेतसः । भर्जितस्येव बीजस्य कार्यसाधकता गता

citramalpena kālena bodhabharjitacetasaḥ / bharjitasyeva bījasya kāryasādhakatā gatā

Sanskrit only: no published translation is held for this verse.

पङ्गवस्तु कृता एव दृगाद्या न चलन्ति यत् । अन्धानपि करिष्यामि न पश्यन्ति यथा जगत्

paṅgavastu kṛtā eva dṛgādyā na calanti yat / andhānapi kariṣyāmi na paśyanti yathā jagat

Sanskrit only: no published translation is held for this verse.

जानातु वा न जानातु ब्रह्म जीवस्य जीवनम् । जानाति चेत्परो लाभो न जानाति भयं महत्

jānātu vā na jānātu brahma jīvasya jīvanam / jānāti cetparo lābho na jānāti bhayaṃ mahat

Sanskrit only: no published translation is held for this verse.

ब्रह्मधेनोः स्वभावोऽयं देवधेनोर्विलक्षणः । भोक्तैव तद्दुग्धपानात्सद्यस्तद्रूपतां व्रजेत्

brahmadhenoḥ svabhāvo'yaṃ devadhenorvilakṣaṇaḥ / bhoktaiva taddugdhapānātsadyastadrūpatāṃ vrajet

Sanskrit only: no published translation is held for this verse.

यदि योगे कृता बुद्धिः सप्तमीं गच्छ भूमिकाम् । मग्नश्चेद्गच्छ पातालमिति नीतिविदां वचः

yadi yoge kṛtā buddhiḥ saptamīṃ gaccha bhūmikām / magnaścedgaccha pātālamiti nītividāṃ vacaḥ

Sanskrit only: no published translation is held for this verse.

मध्याह्नभास्करं द्रष्टुं साक्षाद्यदि तु न क्षमम् । पटव्यवहितं पश्येज्जले वा प्रतिबिम्बितम्

madhyāhnabhāskaraṃ draṣṭuṃ sākṣādyadi tu na kṣamam / paṭavyavahitaṃ paśyejjale vā pratibimbitam

Sanskrit only: no published translation is held for this verse.

तथा चिन्मात्रचण्डांशुं निर्विकल्पं न चेत्क्षमः । सर्वव्यापितया पश्येदन्तर्यामितयाऽथवा

tathā cinmātracaṇḍāṃśuṃ nirvikalpaṃ na cetkṣamaḥ / sarvavyāpitayā paśyedantaryāmitayā'thavā

Sanskrit only: no published translation is held for this verse.

लक्षं शराः प्रयोक्तव्याः सूक्ष्मे लक्ष्येऽपि धन्विना । कदाचिद्दैवसंयोगादेकोऽपि तु लगिष्यति

lakṣaṃ śarāḥ prayoktavyāḥ sūkṣme lakṣye'pi dhanvinā / kadāciddaivasaṃyogādeko'pi tu lagiṣyati

Sanskrit only: no published translation is held for this verse.

सदैव चेतसो वृत्तिर्ध्यानाभ्यासे विधीयताम् । कदाचित्कृपया शम्भोरखण्डाकारता भवेत्

sadaiva cetaso vṛttirdhyānābhyāse vidhīyatām / kadācitkṛpayā śambhorakhaṇḍākāratā bhavet

Sanskrit only: no published translation is held for this verse.

ब्रह्मणोऽपि ब्राह्मणः श्रेयानित्याह द्वाभ्याम् । लीलासिन्धोः कियदिव हरेः षोडशस्त्रीसहस्त्रं निःसंख्याता विविधरुचिना येन भुक्ताः स्त्रियस्ताः । तादृङ्नीतः स पुनरनया भामया वश्यभावं । सम्यग्भुक्तो यदुपतिरतः सत्यभामैव धन्या

brahmaṇo'pi brāhmaṇaḥ śreyānityāha dvābhyām | līlāsindhoḥ kiyadiva hareḥ ṣoḍaśastrīsahastraṃ niḥsaṃkhyātā vividharucinā yena bhuktāḥ striyastāḥ | tādṛṅnītaḥ sa punaranayā bhāmayā vaśyabhāvaṃ / samyagbhukto yadupatirataḥ satyabhāmaiva dhanyā

Sanskrit only: no published translation is held for this verse.

वर्त्तते ब्रह्म सर्वत्र ब्राह्मणो लभ्यते क्वचित् । समर्घाद्ब्रह्मणस्तस्मान्महर्घो ब्राह्मणो भवेत्

varttate brahma sarvatra brāhmaṇo labhyate kvacit / samarghādbrahmaṇastasmānmahargho brāhmaṇo bhavet

Sanskrit only: no published translation is held for this verse.

परसङ्गसुखासक्तं योगिनां योषितामिव । विहाय लोकसिद्धान्तं रमते स्वमते मनः

parasaṅgasukhāsaktaṃ yogināṃ yoṣitāmiva / vihāya lokasiddhāntaṃ ramate svamate manaḥ

Sanskrit only: no published translation is held for this verse.

तोयरन्ध्रनिरोधेन भाति पूर्णं सरोवरम् । वृत्तिरन्ध्रनिरोधेन पूर्णो बोधः किमद्भुतम्

toyarandhranirodhena bhāti pūrṇaṃ sarovaram / vṛttirandhranirodhena pūrṇo bodhaḥ kimadbhutam

Sanskrit only: no published translation is held for this verse.

निर्मूला निष्कला शुष्का कदर्या भोगवासना । तया तिरोहितः स्वामी तृणेनेव महागिरिः

nirmūlā niṣkalā śuṣkā kadaryā bhogavāsanā / tayā tirohitaḥ svāmī tṛṇeneva mahāgiriḥ

Sanskrit only: no published translation is held for this verse.

न देशकालौ न वयो न युक्तिर्न विदग्धता । यदैव वासनात्यागस्तव मुक्तिस्तदैव हि

na deśakālau na vayo na yuktirna vidagdhatā / yadaiva vāsanātyāgastava muktistadaiva hi

Sanskrit only: no published translation is held for this verse.

उपायैः शोधिते क्षेत्रे निर्मलं बीजमर्पितम् । किं चित्रं धान्यसम्पत्तौ स देवो यदि वर्षति

upāyaiḥ śodhite kṣetre nirmalaṃ bījamarpitam / kiṃ citraṃ dhānyasampattau sa devo yadi varṣati

Sanskrit only: no published translation is held for this verse.

कृतवाक्यविचारस्य परमार्थमभीप्सतः । ज्ञानं गरिष्ठमज्ञानमज्ञानं ज्ञानमुत्तमम्

kṛtavākyavicārasya paramārthamabhīpsataḥ / jñānaṃ gariṣṭhamajñānamajñānaṃ jñānamuttamam

Sanskrit only: no published translation is held for this verse.

व्याख्यासि वेदान्तगिरो जयसि द्वैतवादिनः । नान्तर्विशसि तन्मन्ये तत्रास्ति मरणं तव

vyākhyāsi vedāntagiro jayasi dvaitavādinaḥ / nāntarviśasi tanmanye tatrāsti maraṇaṃ tava

Sanskrit only: no published translation is held for this verse.

मित्रेण कुशले पृष्टे पूर्वावस्थामनुस्मरन् । इदानीं कुशलं जातमिति हृष्यति योगवित्

mitreṇa kuśale pṛṣṭe pūrvāvasthāmanusmaran / idānīṃ kuśalaṃ jātamiti hṛṣyati yogavit

Sanskrit only: no published translation is held for this verse.

कर्मठः काञ्चनालिप्तशून्यताम्रघटोपमः । विद्वांस्तु रत्नसम्पूर्णहेमकुम्भ इवोत्तमः

karmaṭhaḥ kāñcanāliptaśūnyatāmraghaṭopamaḥ / vidvāṃstu ratnasampūrṇahemakumbha ivottamaḥ

Sanskrit only: no published translation is held for this verse.

भूरुहत्वाविशेषेऽपि द्वयोरन्तरमीदृशम् । इक्षुकाण्डसमो विद्वान्दण्डकाष्ठसमः पशुः

bhūruhatvāviśeṣe'pi dvayorantaramīdṛśam / ikṣukāṇḍasamo vidvāndaṇḍakāṣṭhasamaḥ paśuḥ

Sanskrit only: no published translation is held for this verse.

विशालदृष्टौ रमते न त्वन्यत्र पतिर्मम । येन दृष्टिर्विशाला स्यात्स मन्त्रो मम दीयताम्

viśāladṛṣṭau ramate na tvanyatra patirmama / yena dṛṣṭirviśālā syātsa mantro mama dīyatām

Sanskrit only: no published translation is held for this verse.

पूज्योऽयमिति विज्ञाय पूजितः स्वापितो गृहे । न भुक्तो मूढया स्वामी कश्चित्पुरुष इत्ययम्

pūjyo'yamiti vijñāya pūjitaḥ svāpito gṛhe / na bhukto mūḍhayā svāmī kaścitpuruṣa ityayam

Sanskrit only: no published translation is held for this verse.

भोगयोग्येन वेषेण व्यतीत्य शयने निशाम् । प्रियस्य भोगमप्राप्य प्रातः क्रन्दति कामिनी

bhogayogyena veṣeṇa vyatītya śayane niśām / priyasya bhogamaprāpya prātaḥ krandati kāminī

Sanskrit only: no published translation is held for this verse.

चित्रपत्रे कृता नारी विचित्रा रूपसम्पदा । दृश्यते तावदेवाहो यावन्नायाति सुन्दरी

citrapatre kṛtā nārī vicitrā rūpasampadā / dṛśyate tāvadevāho yāvannāyāti sundarī

Sanskrit only: no published translation is held for this verse.

चिन्तामणिं कराद्भ्रष्टं मा शुचः प्राह मे गुरुः । दिनैः कतिपयैरेव पुनरेव मिलिष्यति

cintāmaṇiṃ karādbhraṣṭaṃ mā śucaḥ prāha me guruḥ / dinaiḥ katipayaireva punareva miliṣyati

Sanskrit only: no published translation is held for this verse.

करोमि संशयं यावन्मुकुन्दमुखदर्शने । आश्वासयति मां तावत्परमा देवता मनः

karomi saṃśayaṃ yāvanmukundamukhadarśane / āśvāsayati māṃ tāvatparamā devatā manaḥ

Sanskrit only: no published translation is held for this verse.

कन्दर्पकोटिलावण्यं सत्यमुक्तं जनार्दने । कन्दर्पप्रमुखाः सर्वे तत्प्रकाशे पलायिताः

kandarpakoṭilāvaṇyaṃ satyamuktaṃ janārdane / kandarpapramukhāḥ sarve tatprakāśe palāyitāḥ

Sanskrit only: no published translation is held for this verse.

अश्रु मुक्तं वियोगिन्या राधया मेलनाशया । तत्रैव मायया गुप्तः प्राप्तः प्रकटतां हरिः

aśru muktaṃ viyoginyā rādhayā melanāśayā / tatraiva māyayā guptaḥ prāptaḥ prakaṭatāṃ hariḥ

Sanskrit only: no published translation is held for this verse.

सौरभ्याय भ्रमन्त्येके मधु काङ्क्षन्ति चापरे । न भ्रमन्ति न काङ्क्षन्ति मधुमत्ता मधुव्रताः

saurabhyāya bhramantyeke madhu kāṅkṣanti cāpare / na bhramanti na kāṅkṣanti madhumattā madhuvratāḥ

Sanskrit only: no published translation is held for this verse.

धनं प्राप्नोति कष्टेन प्रदोषे काष्ठभारिकः । सुखासनस्थो विपुलं धनं रत्नपरीक्षकः

dhanaṃ prāpnoti kaṣṭena pradoṣe kāṣṭhabhārikaḥ / sukhāsanastho vipulaṃ dhanaṃ ratnaparīkṣakaḥ

Sanskrit only: no published translation is held for this verse.

नर्त्तकी स्वाङ्गभङ्गेन धनं प्राप्नोति वा न वा । कुलाङ्गना कटाक्षेण स्वं वशीकुरुते पतिम्

narttakī svāṅgabhaṅgena dhanaṃ prāpnoti vā na vā / kulāṅganā kaṭākṣeṇa svaṃ vaśīkurute patim

Sanskrit only: no published translation is held for this verse.

तव बुद्धिप्रकाशोऽयं निकटां मुक्तिमाह माम् । नूनं निर्वाणसमये दीपो देदीप्यते भृशम्

tava buddhiprakāśo'yaṃ nikaṭāṃ muktimāha mām / nūnaṃ nirvāṇasamaye dīpo dedīpyate bhṛśam

Sanskrit only: no published translation is held for this verse.

एके खनन्ति वसुधां तथा विक्रयिणः परे । घर्षयन्त्यपरे रत्नं भोगं गृह्नाति भाग्यवान्

eke khananti vasudhāṃ tathā vikrayiṇaḥ pare / gharṣayantyapare ratnaṃ bhogaṃ gṛhnāti bhāgyavān

Sanskrit only: no published translation is held for this verse.

एके तक्रेण तुष्यन्ति दधिदुग्धेन चापरे । तत्त्वज्ञा नैव तुष्यन्ति नवनीतघृतं विना

eke takreṇa tuṣyanti dadhidugdhena cāpare / tattvajñā naiva tuṣyanti navanītaghṛtaṃ vinā

Sanskrit only: no published translation is held for this verse.

यत्र क्वापि स्वपामीति जाता निद्रालुता मम । विस्तीर्णं शयनं प्राप्तं कोमलं ब्रह्म निर्मलम्

yatra kvāpi svapāmīti jātā nidrālutā mama / vistīrṇaṃ śayanaṃ prāptaṃ komalaṃ brahma nirmalam

Sanskrit only: no published translation is held for this verse.

दृश्यं बोधेन निर्घृष्टं तच्चिदाकारतां गतम् । यत्र यत्रैव पश्यामि स्वं रूपं तत्र दृश्यते

dṛśyaṃ bodhena nirghṛṣṭaṃ taccidākāratāṃ gatam / yatra yatraiva paśyāmi svaṃ rūpaṃ tatra dṛśyate

Sanskrit only: no published translation is held for this verse.

यदेकोऽपि जनो गीर्णः स्तुवन्त्यजगरं जनाः । मां न स्तुवन्ति किं येन गीर्णा ब्रह्माण्डकोटयः

yadeko'pi jano gīrṇaḥ stuvantyajagaraṃ janāḥ / māṃ na stuvanti kiṃ yena gīrṇā brahmāṇḍakoṭayaḥ

Sanskrit only: no published translation is held for this verse.

मय्यसूया न कर्त्तव्या बहु जल्पामि यद्यपि । ब्रह्मास्मीति वदाम्येव श्रुतिर्मां नाभ्यसूयति

mayyasūyā na karttavyā bahu jalpāmi yadyapi / brahmāsmīti vadāmyeva śrutirmāṃ nābhyasūyati

Sanskrit only: no published translation is held for this verse.

सिंहासनं समाधिर्मे वेदान्ता मम वन्दिनः । मारितो मोहनामाऽरिर्मम राज्यमकण्टकम्

siṃhāsanaṃ samādhirme vedāntā mama vandinaḥ / mārito mohanāmā'rirmama rājyamakaṇṭakam

Sanskrit only: no published translation is held for this verse.

दृष्टं चिदम्बरं नाम मया विस्तीर्णमम्बरम् । इदं जडाम्बरं शून्यमत्यल्पं यदपेक्षया

dṛṣṭaṃ cidambaraṃ nāma mayā vistīrṇamambaram / idaṃ jaḍāmbaraṃ śūnyamatyalpaṃ yadapekṣayā

Sanskrit only: no published translation is held for this verse.

ईष्तमन्नं क्षुधार्त्तस्य कृपणस्य धनं प्रियम् । तृषितस्य जलं त्विष्टं चैतन्यं मम वल्लभम्

īṣtamannaṃ kṣudhārttasya kṛpaṇasya dhanaṃ priyam / tṛṣitasya jalaṃ tviṣṭaṃ caitanyaṃ mama vallabham

Sanskrit only: no published translation is held for this verse.

रसायनप्रसङ्गेन गतं ताम्रमताम्रताम् । तथाऽस्माकमहङ्कारो निरहङ्कारतां गतः

rasāyanaprasaṅgena gataṃ tāmramatāmratām / tathā'smākamahaṅkāro nirahaṅkāratāṃ gataḥ

Sanskrit only: no published translation is held for this verse.

पूर्वमासीदहङ्कारो मम दुःखस्य कारणम् । रिपुरद्य मृतो दृष्टः परमानन्दकारणम्

pūrvamāsīdahaṅkāro mama duḥkhasya kāraṇam / ripuradya mṛto dṛṣṭaḥ paramānandakāraṇam

Sanskrit only: no published translation is held for this verse.

भोगेप्सूनां सभामध्ये भोक्ता कान्तो यथा युवा । मुमुक्षुणां तथा मध्ये राजते परमार्थवित्

bhogepsūnāṃ sabhāmadhye bhoktā kānto yathā yuvā / mumukṣuṇāṃ tathā madhye rājate paramārthavit

Sanskrit only: no published translation is held for this verse.

गृहकार्यप्रसक्ताऽपि भुक्तभोगेव कामिनी । मनसैव मनो नूनमानन्दयति योगवित्

gṛhakāryaprasaktā'pi bhuktabhogeva kāminī / manasaiva mano nūnamānandayati yogavit

Sanskrit only: no published translation is held for this verse.

मुनिमानन्दितं दृष्ट्वा ग्रामीणो वक्ति तं मुहुः । त्वया यस्तु निधिः प्राप्तस्तं प्रदर्शय मामपि

munimānanditaṃ dṛṣṭvā grāmīṇo vakti taṃ muhuḥ / tvayā yastu nidhiḥ prāptastaṃ pradarśaya māmapi

Sanskrit only: no published translation is held for this verse.

वञ्चकैर्विषयैस्तात वद के के न वञ्चिताः । गुरुभिः पुरुषव्याघ्रैर्नूनमेतेऽपि वञ्चिताः

vañcakairviṣayaistāta vada ke ke na vañcitāḥ / gurubhiḥ puruṣavyāghrairnūnamete'pi vañcitāḥ

Sanskrit only: no published translation is held for this verse.

शीर्षे घटसहस्राम्भः पातयन्तु जडा जनाः । मौनमेवावलम्बेत शिवलिङ्गमिवात्मवित्

śīrṣe ghaṭasahasrāmbhaḥ pātayantu jaḍā janāḥ / maunamevāvalambeta śivaliṅgamivātmavit

Sanskrit only: no published translation is held for this verse.

सविचारास्तु गुरवो विरक्ता गुरुसत्तमाः । विचारेऽपि विरक्ता ये गुरूणां गुरवो हि ते

savicārāstu guravo viraktā gurusattamāḥ / vicāre'pi viraktā ye gurūṇāṃ guravo hi te

Sanskrit only: no published translation is held for this verse.

दुस्त्यजान्विषयान्मूढो जिज्ञासुरपि मुञ्चति । विदां तद्रागदोषस्य त्यागे किमिव दुष्करम्

dustyajānviṣayānmūḍho jijñāsurapi muñcati / vidāṃ tadrāgadoṣasya tyāge kimiva duṣkaram

Sanskrit only: no published translation is held for this verse.

जायेत जातबोधानामपि सांसारिकी कथा । जागरे समनुप्राप्ते यथा स्वप्नकथा नृणाम्

jāyeta jātabodhānāmapi sāṃsārikī kathā / jāgare samanuprāpte yathā svapnakathā nṛṇām

Sanskrit only: no published translation is held for this verse.

मोहेन विस्मृते दृश्ये सुषुप्तिरनुभूयते । बोधेन विस्मृते दृश्ये तुरीयमवशिष्यते

mohena vismṛte dṛśye suṣuptiranubhūyate / bodhena vismṛte dṛśye turīyamavaśiṣyate

Sanskrit only: no published translation is held for this verse.

दृश्यं चेत्स्याद्रविर्न स्यात्तम एकं तदा किल । रविश्चेत्स्याज्जगच्च स्याद्व्यवहारस्तदा किल

dṛśyaṃ cetsyādravirna syāttama ekaṃ tadā kila / raviścetsyājjagacca syādvyavahārastadā kila

Sanskrit only: no published translation is held for this verse.

रविरस्ति जगन्न स्याज्ज्योतिरेकं तदा किल । इति लोकस्थितिः पुत्र परमार्थगतिं शृणु

ravirasti jaganna syājjyotirekaṃ tadā kila / iti lokasthitiḥ putra paramārthagatiṃ śṛṇu

Sanskrit only: no published translation is held for this verse.

नित्यो हि रविरस्माकं तस्य नाशो न विद्यते । तमोभूतेऽपि सकले तमःसाक्षी सदव्ययः

nityo hi ravirasmākaṃ tasya nāśo na vidyate / tamobhūte'pi sakale tamaḥsākṣī sadavyayaḥ

Sanskrit only: no published translation is held for this verse.

रविरस्ति जगन्नास्ति समाधानवतो मुनेः । अनेन हेतुना साधो ज्योतिरेकं तदा किल

ravirasti jagannāsti samādhānavato muneḥ / anena hetunā sādho jyotirekaṃ tadā kila

Sanskrit only: no published translation is held for this verse.

रविरस्ति जगच्चास्ति व्यवहारावलोकिनः । रविर्नास्ति जगन्नास्ति तम एकं तदा किल

ravirasti jagaccāsti vyavahārāvalokinaḥ / ravirnāsti jagannāsti tama ekaṃ tadā kila

Sanskrit only: no published translation is held for this verse.

प्रकाश्यापगमे पुत्र प्रकाशः किं प्रकाशयेत् । प्रकाश्यत्वविनाशेऽपि प्रकाशत्वमखण्डितम्

prakāśyāpagame putra prakāśaḥ kiṃ prakāśayet / prakāśyatvavināśe'pi prakāśatvamakhaṇḍitam

Sanskrit only: no published translation is held for this verse.

आयातु यातु वा भानोः प्रकाश्यं निजहेतुभिः । न मम स्वप्रकाशस्य किञ्चिदायाति गच्छति

āyātu yātu vā bhānoḥ prakāśyaṃ nijahetubhiḥ / na mama svaprakāśasya kiñcidāyāti gacchati

Sanskrit only: no published translation is held for this verse.