Narahari: Bodhasara 44

मनोमहिमा किं बद्धमसि मुक्तं वा मनः पृच्छ महामुने । यदि बद्धमिति ब्रूयात्तर्हि बद्धोऽस्यसंशयः

manomahimā kiṃ baddhamasi muktaṃ vā manaḥ pṛccha mahāmune / yadi baddhamiti brūyāttarhi baddho'syasaṃśayaḥ

Sanskrit only: no published translation is held for this verse.

किंचिन्मुक्तमिति ब्रूयात्किंचिन्मुक्तोऽसि मोहतः । यदि मुक्तमिति ब्रूयात्तर्हि मुक्तोऽसि मोहतः

kiṃcinmuktamiti brūyātkiṃcinmukto'si mohataḥ / yadi muktamiti brūyāttarhi mukto'si mohataḥ

Sanskrit only: no published translation is held for this verse.

बद्धेन मनसा बद्धो मुक्तो मुक्तेन चेतसा । न बद्धो न च मुक्तोऽयमिति वेदान्तनिर्णयः

baddhena manasā baddho mukto muktena cetasā / na baddho na ca mukto'yamiti vedāntanirṇayaḥ

Sanskrit only: no published translation is held for this verse.

स्फुरन्ति महिमानो ये यत्र यत्र जगत्त्रये । ते सर्वे मनसो धर्मा मनो हि महिमाऽऽश्रयम्

sphuranti mahimāno ye yatra yatra jagattraye / te sarve manaso dharmā mano hi mahimā''śrayam

Sanskrit only: no published translation is held for this verse.

अणिमा महिमा चैव लघिमा गरिमा तथा । प्राप्तिः प्राकाम्यमीशित्वं वशित्वं मनसो गुणाः

aṇimā mahimā caiva laghimā garimā tathā / prāptiḥ prākāmyamīśitvaṃ vaśitvaṃ manaso guṇāḥ

Sanskrit only: no published translation is held for this verse.

मनो धनुर्मनो मौर्वी मन एव धनुर्धरः । मनो लक्ष्यं मनो वेधो मनो विद्धं विमुक्तये

mano dhanurmano maurvī mana eva dhanurdharaḥ / mano lakṣyaṃ mano vedho mano viddhaṃ vimuktaye

Sanskrit only: no published translation is held for this verse.

मन एव मनुष्याणां कारणं बन्धमोक्षयोः । इतोऽधिकं तु किं वाच्यमद्वये तु स्थितं न तत्

mana eva manuṣyāṇāṃ kāraṇaṃ bandhamokṣayoḥ / ito'dhikaṃ tu kiṃ vācyamadvaye tu sthitaṃ na tat

Sanskrit only: no published translation is held for this verse.