Narahari: Bodhasara 50

शिवपूजाशतकम् शिवपूजात्मकं कर्म कर्मनिर्मूलनक्षमम् । सङ्कल्पः शिवपूजायाः सर्वसङ्कल्पदुःखहृत्

śivapūjāśatakam śivapūjātmakaṃ karma karmanirmūlanakṣamam / saṅkalpaḥ śivapūjāyāḥ sarvasaṅkalpaduḥkhahṛt

Sanskrit only: no published translation is held for this verse.

शिवपञ्चाक्षरी दीक्षा शब्दब्रह्ममयी हिता । शब्दब्रह्मणि निष्णातः परं ब्रह्माधिगच्छति

śivapañcākṣarī dīkṣā śabdabrahmamayī hitā / śabdabrahmaṇi niṣṇātaḥ paraṃ brahmādhigacchati

Sanskrit only: no published translation is held for this verse.

तिस्रो रेखा विभूतेस्तु श्रद्धाभक्तिविरक्तयः । पूजाधिकारसिद्धर्थं धार्याः स्वाङ्गेषु शाम्भवैः

tisro rekhā vibhūtestu śraddhābhaktiviraktayaḥ / pūjādhikārasiddharthaṃ dhāryāḥ svāṅgeṣu śāmbhavaiḥ

Sanskrit only: no published translation is held for this verse.

रुद्राभरणमुद्रास्तु धार्या रुद्राक्षमालिकाः । देवो भूत्वा यजेद्देवमितीयं शाश्वती श्रुतिः

rudrābharaṇamudrāstu dhāryā rudrākṣamālikāḥ / devo bhūtvā yajeddevamitīyaṃ śāśvatī śrutiḥ

Sanskrit only: no published translation is held for this verse.

अथ पूजाक्रमः । आकाराः कल्पिता यस्यां ब्रह्माद्याः स्थिरजङ्गमाः । तन्मृतिकामयं शैवैः शिवलिङ्गं प्रपूज्यते

atha pūjākramaḥ | ākārāḥ kalpitā yasyāṃ brahmādyāḥ sthirajaṅgamāḥ / tanmṛtikāmayaṃ śaivaiḥ śivaliṅgaṃ prapūjyate

Sanskrit only: no published translation is held for this verse.

तत्र प्रथमं हराय नम इति मृत्तिकाग्रहणम् । मृत्सत्या यच्छरावास्तु श्रुता ब्रह्माण्डकोटयः । हराय नम इत्येव ग्राह्या सा मृत्तिका बुधैः

tatra prathamaṃ harāya nama iti mṛttikāgrahaṇam | mṛtsatyā yaccharāvāstu śrutā brahmāṇḍakoṭayaḥ / harāya nama ityeva grāhyā sā mṛttikā budhaiḥ

Sanskrit only: no published translation is held for this verse.

महेश्वराय नम इति लिङ्गसङ्घट्टनम् । अखण्डाकारवृत्तिस्तु वेदान्ते या निरूपिता । नमो महेश्वरायेति लिङ्गसङ्घट्टनं हि तत्

maheśvarāya nama iti liṅgasaṅghaṭṭanam | akhaṇḍākāravṛttistu vedānte yā nirūpitā / namo maheśvarāyeti liṅgasaṅghaṭṭanaṃ hi tat

Sanskrit only: no published translation is held for this verse.

शुलपाणये नम इति प्रतिष्ठापनम् । त्यक्त्वाऽसम्भावनां तद्वद्विपरीतत्वभावनाम् । शुलपाणिः प्रतिष्ठाप्यः पीठे निष्ठामये बुधैः

śulapāṇaye nama iti pratiṣṭhāpanam | tyaktvā'sambhāvanāṃ tadvadviparītatvabhāvanām / śulapāṇiḥ pratiṣṭhāpyaḥ pīṭhe niṣṭhāmaye budhaiḥ

Sanskrit only: no published translation is held for this verse.

पिनाकधृते नम इत्यावाहनम् । सर्वगस्यापि देवस्य भक्तिरावाहनं तव । आवाहयामि भक्त्या त्वामित्यावाह्यः पिनाकधृत्

pinākadhṛte nama ityāvāhanam | sarvagasyāpi devasya bhaktirāvāhanaṃ tava / āvāhayāmi bhaktyā tvāmityāvāhyaḥ pinākadhṛt

Sanskrit only: no published translation is held for this verse.

अथ ध्यानम् । ध्यायेन्नित्यं महेशं रजतगिरिनिभं चारुचन्द्रावतंसं रत्नाकल्पोज्ज्वलाङ्गं परशुमृगवराभीतिहस्तं प्रसन्नम् । पद्मासीनं समन्तात्स्तुतममरगणैर्व्याघ्रकृत्तिं वसानं विश्वाद्यं विश्ववन्द्यं निखिलभयहरं पञ्चवक्त्रं त्रिनेत्रम्

atha dhyānam | dhyāyennityaṃ maheśaṃ rajatagirinibhaṃ cārucandrāvataṃsaṃ ratnākalpojjvalāṅgaṃ paraśumṛgavarābhītihastaṃ prasannam / padmāsīnaṃ samantātstutamamaragaṇairvyāghrakṛttiṃ vasānaṃ viśvādyaṃ viśvavandyaṃ nikhilabhayaharaṃ pañcavaktraṃ trinetram

Sanskrit only: no published translation is held for this verse.

अथाऽस्य विवरणम् । तत्र ध्यायेदित्यादिपदत्रयस्य विवरणम् । अनित्ये नित्यं विरसा नित्ये नित्यं धृतव्रताः । नित्यं महेशं ध्यायन्ति नित्यानित्यविवेकिनः

athā'sya vivaraṇam | tatra dhyāyedityādipadatrayasya vivaraṇam | anitye nityaṃ virasā nitye nityaṃ dhṛtavratāḥ / nityaṃ maheśaṃ dhyāyanti nityānityavivekinaḥ

Sanskrit only: no published translation is held for this verse.

अथ रजतगिरिनिभमित्यस्य विवरणम् । रजतस्य गिरिः शंभुः शाम्भवानां परं धनम् । धनेन तेन पूर्णानां दरिद्रत्वं न विद्यते

atha rajatagirinibhamityasya vivaraṇam | rajatasya giriḥ śaṃbhuḥ śāmbhavānāṃ paraṃ dhanam / dhanena tena pūrṇānāṃ daridratvaṃ na vidyate

Sanskrit only: no published translation is held for this verse.

अथ चारुचन्द्रावतंसमित्यस्य विवरणम् । शुद्धात्मा शीतला कान्ता सूक्ष्मा बोधकला परा । वक्रायते दुरापेयं चन्द्रचूडो विभर्ति ताम्

atha cārucandrāvataṃsamityasya vivaraṇam | śuddhātmā śītalā kāntā sūkṣmā bodhakalā parā / vakrāyate durāpeyaṃ candracūḍo vibharti tām

Sanskrit only: no published translation is held for this verse.

अथ रत्नाकल्पोज्ज्वलाङ्गमित्यस्य विवरणम् । योगदीक्षामयान्येव बोधरत्नानि कानिचित् । दधाति शंकरोऽतोऽस्य रत्नाकल्पोज्ज्वलाङ्गता

atha ratnākalpojjvalāṅgamityasya vivaraṇam | yogadīkṣāmayānyeva bodharatnāni kānicit / dadhāti śaṃkaro'to'sya ratnākalpojjvalāṅgatā

Sanskrit only: no published translation is held for this verse.

अथ परशुहस्तपदविवरणम् । येन मोहवनं छिन्नं कदाचिन्न प्ररोहति । स बोधः परशुस्तीक्ष्णो हस्ते रुद्रस्य वर्त्तते

atha paraśuhastapadavivaraṇam | yena mohavanaṃ chinnaṃ kadācinna prarohati / sa bodhaḥ paraśustīkṣṇo haste rudrasya varttate

Sanskrit only: no published translation is held for this verse.

अथ मृगहस्तपदविवरणम् । धर्तुं न शक्यते धीरैर्यो धृतोऽपि पलायते । लीलयैव धृतो हस्ते शम्भुना स मनोमृगः

atha mṛgahastapadavivaraṇam | dhartuṃ na śakyate dhīrairyo dhṛto'pi palāyate / līlayaiva dhṛto haste śambhunā sa manomṛgaḥ

Sanskrit only: no published translation is held for this verse.

अथ वरहस्तत्वविवरणम् । वरार्थिभिर्वरेण्याय वृतो यैस्तु वरः स तम् । वरं ददाति हस्तेन वरदस्तेन शंकरः

atha varahastatvavivaraṇam | varārthibhirvareṇyāya vṛto yaistu varaḥ sa tam / varaṃ dadāti hastena varadastena śaṃkaraḥ

Sanskrit only: no published translation is held for this verse.

अथाऽभीतिहस्तत्वविवरणम् । मृत्योर्बिभेति ब्रह्माऽपि मृत्युरेव भयं महत् । तस्मादमृत्युरभयं हस्ते मृत्युञ्जयस्य तत्

athā'bhītihastatvavivaraṇam | mṛtyorbibheti brahmā'pi mṛtyureva bhayaṃ mahat / tasmādamṛtyurabhayaṃ haste mṛtyuñjayasya tat

Sanskrit only: no published translation is held for this verse.

अथ प्रसन्नमित्यस्य विवरणम् । सिद्धिमेकामपि प्राप्य कश्चिदन्तः प्रसीदति । निधानं सर्वसिद्धीनां प्रसन्नः सर्वदा हरः

atha prasannamityasya vivaraṇam | siddhimekāmapi prāpya kaścidantaḥ prasīdati / nidhānaṃ sarvasiddhīnāṃ prasannaḥ sarvadā haraḥ

Sanskrit only: no published translation is held for this verse.

अथ पद्मासीनमित्यस्य विवरणम् । सतां हृदयपद्मेषु यदासीनः सदाशिवः । अत एव हि वेदेषु पद्मासीन इतीरितः

atha padmāsīnamityasya vivaraṇam | satāṃ hṛdayapadmeṣu yadāsīnaḥ sadāśivaḥ / ata eva hi vedeṣu padmāsīna itīritaḥ

Sanskrit only: no published translation is held for this verse.

अथ समन्तात्स्तुतममरगणैरित्यस्य विवरणम् । स्तुवन्ति देवान्मनुजास्ते देवा देवनायकान् । देवदेवो महादेवः स्तूयते देवनायकैः

atha samantātstutamamaragaṇairityasya vivaraṇam | stuvanti devānmanujāste devā devanāyakān / devadevo mahādevaḥ stūyate devanāyakaiḥ

Sanskrit only: no published translation is held for this verse.

अथ व्याघ्रकृत्तिं वसानमित्यस्य विवरणम् । शङ्करेण किरातेन मोहव्याघ्रो निपातितः । कटौ कृत्तिस्वरूपेण पश्य तस्य निदर्शनम्

atha vyāghrakṛttiṃ vasānamityasya vivaraṇam | śaṅkareṇa kirātena mohavyāghro nipātitaḥ / kaṭau kṛttisvarūpeṇa paśya tasya nidarśanam

Sanskrit only: no published translation is held for this verse.

अथ विश्वाद्यं विश्ववन्द्यमित्यस्य विवरणम् । विश्वकृद्विश्वरूपोऽसौ विश्वहृद्विश्वपालकः । विश्वाद्यो विश्ववन्द्यश्च विश्वेशो गिरिजापतिः

atha viśvādyaṃ viśvavandyamityasya vivaraṇam | viśvakṛdviśvarūpo'sau viśvahṛdviśvapālakaḥ / viśvādyo viśvavandyaśca viśveśo girijāpatiḥ

Sanskrit only: no published translation is held for this verse.

अथ निखिलभयहरमित्यस्य विवरणम् । श्रुतिर्भयमिति प्राह द्वितीयाद्वै भयं भवेत् । हरो हरति भक्तानां मुक्तिदो निखिलं भयम्

atha nikhilabhayaharamityasya vivaraṇam | śrutirbhayamiti prāha dvitīyādvai bhayaṃ bhavet / haro harati bhaktānāṃ muktido nikhilaṃ bhayam

Sanskrit only: no published translation is held for this verse.

अथ पञ्चवक्त्रमित्यस्य विवरणम् । ध्यायन्ति भक्ताः सर्वत्र सर्वेषामपि सन्मुखः । उन्मुखो विमुखानां यस्तस्य सा पञ्चवक्त्रता

atha pañcavaktramityasya vivaraṇam | dhyāyanti bhaktāḥ sarvatra sarveṣāmapi sanmukhaḥ / unmukho vimukhānāṃ yastasya sā pañcavaktratā

Sanskrit only: no published translation is held for this verse.

अथ त्रिनेत्रमित्यस्य विवरणम् । कर्मोपास्ती उभे नेत्रे ज्ञानं नेत्रं तृतीयकम् । ललाटे राजते यस्य त्रिनेत्रस्तेन शङ्करः

atha trinetramityasya vivaraṇam | karmopāstī ubhe netre jñānaṃ netraṃ tṛtīyakam / lalāṭe rājate yasya trinetrastena śaṅkaraḥ

Sanskrit only: no published translation is held for this verse.

इति ध्यानम् । अथोपकरणविचारः । तत्रादौ शुद्धस्फटिकसङ्काशताविचारः । निर्मले सर्वमेवेदं यदस्मिन्प्रतिबिम्बति । शुद्धस्फटिकसङ्काशो नीरागः सोऽयमीश्वरः

iti dhyānam | athopakaraṇavicāraḥ | tatrādau śuddhasphaṭikasaṅkāśatāvicāraḥ | nirmale sarvamevedaṃ yadasminpratibimbati / śuddhasphaṭikasaṅkāśo nīrāgaḥ so'yamīśvaraḥ

Sanskrit only: no published translation is held for this verse.

अथ कर्पूरगौरताविचारः । यद्वासनाप्रसादेन सर्वा दुर्वासना गता । स्वभावशीतला सेयं शिवे कर्पूरगौरता

atha karpūragauratāvicāraḥ | yadvāsanāprasādena sarvā durvāsanā gatā / svabhāvaśītalā seyaṃ śive karpūragauratā

Sanskrit only: no published translation is held for this verse.

अथ दिगम्बरताविचारः । निरावरणविज्ञानस्वरूपो हि स्वयं हरः । स्वैरं चरति संसारे तेन प्रोक्तो दिगम्बरः

atha digambaratāvicāraḥ | nirāvaraṇavijñānasvarūpo hi svayaṃ haraḥ / svairaṃ carati saṃsāre tena prokto digambaraḥ

Sanskrit only: no published translation is held for this verse.

अथ भस्मोद्धूलनविचारः । ज्ञानाग्निः सर्वकर्माणि भस्मसात्कुरुते किल । तेनैव भस्मना गात्रमुद्धूलयति धूर्जटिः

atha bhasmoddhūlanavicāraḥ | jñānāgniḥ sarvakarmāṇi bhasmasātkurute kila / tenaiva bhasmanā gātramuddhūlayati dhūrjaṭiḥ

Sanskrit only: no published translation is held for this verse.

भासते भिन्नभावानामपि भेदो न भस्मनि । स्वस्वभावस्वभावेन भस्म भर्गस्य वल्लभम्

bhāsate bhinnabhāvānāmapi bhedo na bhasmani / svasvabhāvasvabhāvena bhasma bhargasya vallabham

Sanskrit only: no published translation is held for this verse.

अथ चन्द्रचूडताविचारः । नश्यन्त्यस्य कलाः सर्वाः सा कला नैव नश्यति । याऽर्पिता शङ्करे भक्त्या चन्द्रचूडस्तया हरः

atha candracūḍatāvicāraḥ | naśyantyasya kalāḥ sarvāḥ sā kalā naiva naśyati / yā'rpitā śaṅkare bhaktyā candracūḍastayā haraḥ

Sanskrit only: no published translation is held for this verse.

अथ जटाजूटविचारः । विश्रामोऽयं मुनीन्द्राणां पुरातनवटो हरः । वेदान्तसाङ्ख्ययोगाख्यास्तिस्रस्तज्जटयः स्मृताः

atha jaṭājūṭavicāraḥ | viśrāmo'yaṃ munīndrāṇāṃ purātanavaṭo haraḥ / vedāntasāṅkhyayogākhyāstisrastajjaṭayaḥ smṛtāḥ

Sanskrit only: no published translation is held for this verse.

अथ गङ्गाधरत्वविचारः । ब्रह्मलोका च या गङ्गा सुषुम्णा शीतलद्रवा । मस्तके राजते यस्य तेन गङ्गाधरो हरः

atha gaṅgādharatvavicāraḥ | brahmalokā ca yā gaṅgā suṣumṇā śītaladravā / mastake rājate yasya tena gaṅgādharo haraḥ

Sanskrit only: no published translation is held for this verse.

अथ त्रिनेत्रताविचारः । आप्यायनस्तमोहन्ता विद्यया दोषदाहकृत् । सोमसूर्याग्निनयनस्त्रिनेत्रस्तेन शङ्करः

atha trinetratāvicāraḥ | āpyāyanastamohantā vidyayā doṣadāhakṛt / somasūryāgninayanastrinetrastena śaṅkaraḥ

Sanskrit only: no published translation is held for this verse.

अथ नीलकण्ठताविचारः । कण्ठे ब्रह्माण्डनभसां गिलितानामनेकधा । छाया स्फटिकसङ्काशे नीलकण्ठत्वकारणम्

atha nīlakaṇṭhatāvicāraḥ | kaṇṭhe brahmāṇḍanabhasāṃ gilitānāmanekadhā / chāyā sphaṭikasaṅkāśe nīlakaṇṭhatvakāraṇam

Sanskrit only: no published translation is held for this verse.

यद्ब्रह्माण्डशरीरस्य श्यामलं पार्वतीपतेः । कण्ठदेशे स्थितं व्योम नीलकण्ठस्ततो हरः

yadbrahmāṇḍaśarīrasya śyāmalaṃ pārvatīpateḥ / kaṇṭhadeśe sthitaṃ vyoma nīlakaṇṭhastato haraḥ

Sanskrit only: no published translation is held for this verse.

शङ्करेणाभ्रशुभ्रेण यद्विषाम्बु दयालुना । कण्ठे धृतमतः कण्ठे नवाम्बुधरसुन्दरः

śaṅkareṇābhraśubhreṇa yadviṣāmbu dayālunā / kaṇṭhe dhṛtamataḥ kaṇṭhe navāmbudharasundaraḥ

Sanskrit only: no published translation is held for this verse.

शुद्धस्फटिकसङ्काशः स्थितोऽयं मन्दराचले । इन्द्रनीलाचलच्छाया नीलकण्ठत्वकारणम्

śuddhasphaṭikasaṅkāśaḥ sthito'yaṃ mandarācale / indranīlācalacchāyā nīlakaṇṭhatvakāraṇam

Sanskrit only: no published translation is held for this verse.

रामोऽस्य परमो भक्तः शङ्करो भक्तवत्सलः । रामरत्नं धृतं कण्ठे नीलकण्ठत्वकारणम्

rāmo'sya paramo bhaktaḥ śaṅkaro bhaktavatsalaḥ / rāmaratnaṃ dhṛtaṃ kaṇṭhe nīlakaṇṭhatvakāraṇam

Sanskrit only: no published translation is held for this verse.

अथ भुजङ्गभूषणताविचारः । योगिनः पवनाहारास्तथा गिरिबिले शयाः । निजरूपे धृतास्तेन भुजङ्गाभरणो हरः

atha bhujaṅgabhūṣaṇatāvicāraḥ | yoginaḥ pavanāhārāstathā giribile śayāḥ / nijarūpe dhṛtāstena bhujaṅgābharaṇo haraḥ

Sanskrit only: no published translation is held for this verse.

काचित्कुण्डलिनी शक्तिः शङ्करेण वशीकृता । कुण्डलिन्या कुण्डलिनो देहाभरणतां गताः

kācitkuṇḍalinī śaktiḥ śaṅkareṇa vaśīkṛtā / kuṇḍalinyā kuṇḍalino dehābharaṇatāṃ gatāḥ

Sanskrit only: no published translation is held for this verse.

अनन्तवासुकी शम्भोः कर्णकुण्डलतां गतौ । तत्प्रधानतयाऽन्येपि ख्याताः कुण्डलिसंज्ञया

anantavāsukī śambhoḥ karṇakuṇḍalatāṃ gatau / tatpradhānatayā'nyepi khyātāḥ kuṇḍalisaṃjñayā

Sanskrit only: no published translation is held for this verse.

अथ त्रिशूलविचारः । शान्तिवैराग्यबोधाख्यैस्त्रिभिरग्रैस्तरस्विभिः । त्रिगुणत्रिपुरं हन्ति त्रिशूलेन त्रिलोचनः

atha triśūlavicāraḥ | śāntivairāgyabodhākhyaistribhiragraistarasvibhiḥ / triguṇatripuraṃ hanti triśūlena trilocanaḥ

Sanskrit only: no published translation is held for this verse.

अथ डमरुविचारः । टण्टङ्कारच्छलेनासौ शैवानां मुक्तिहेतवे । नेति नेति मुहुः प्राह डमरुः शाम्भवो हि सः

atha ḍamaruvicāraḥ | ṭaṇṭaṅkāracchalenāsau śaivānāṃ muktihetave / neti neti muhuḥ prāha ḍamaruḥ śāmbhavo hi saḥ

Sanskrit only: no published translation is held for this verse.

अथ मुण्डमालाविचारः । अनन्तमृतब्रह्माण्डमुण्डमालाविधारणे । अनाद्यनन्तरूपत्वात्समर्थः शिव एव हि

atha muṇḍamālāvicāraḥ | anantamṛtabrahmāṇḍamuṇḍamālāvidhāraṇe / anādyanantarūpatvātsamarthaḥ śiva eva hi

Sanskrit only: no published translation is held for this verse.

अथ वृषवाहनविचारः । ब्रह्माद्या यत्र नारूढास्तमारोहति शङ्करः । समाधिं धर्ममेघाख्यं तेनायं वृषवाहनः

atha vṛṣavāhanavicāraḥ | brahmādyā yatra nārūḍhāstamārohati śaṅkaraḥ / samādhiṃ dharmameghākhyaṃ tenāyaṃ vṛṣavāhanaḥ

Sanskrit only: no published translation is held for this verse.

अथ कैलासविचारः । कैवल्ये लसते रुद्रस्तद्भक्ता अपि सर्वदा । तत्कैवल्यविलासेन कैलासं शम्भुमन्दिरम्

atha kailāsavicāraḥ | kaivalye lasate rudrastadbhaktā api sarvadā / tatkaivalyavilāsena kailāsaṃ śambhumandiram

Sanskrit only: no published translation is held for this verse.

अथ मन्दरविचारः । मथितो मुक्तिरत्नार्थं येनायं भवसागरः । स बोधो मन्दरो नाम मन्दिरं शङ्करस्य तत्

atha mandaravicāraḥ | mathito muktiratnārthaṃ yenāyaṃ bhavasāgaraḥ / sa bodho mandaro nāma mandiraṃ śaṅkarasya tat

Sanskrit only: no published translation is held for this verse.

अथ श्मशानविचारः । नित्यं क्रीडति यत्रायं स्वयं संहारभैरवः । तत्र श्मशाने संसारे शिवः सर्वत्र दृश्यते

atha śmaśānavicāraḥ | nityaṃ krīḍati yatrāyaṃ svayaṃ saṃhārabhairavaḥ / tatra śmaśāne saṃsāre śivaḥ sarvatra dṛśyate

Sanskrit only: no published translation is held for this verse.

अथ गणविचारः । आनन्दसागरः शम्भुस्तच्छक्तिर्द्रव उच्यते । शीकरा इव सामुद्रास्तदानन्दकणा गणाः

atha gaṇavicāraḥ | ānandasāgaraḥ śambhustacchaktirdrava ucyate / śīkarā iva sāmudrāstadānandakaṇā gaṇāḥ

Sanskrit only: no published translation is held for this verse.

जगद्विलक्षणः स्वामी स्वरूपाकृतिलक्षणैः । जगद्विलक्षणा एव गणास्तस्य किमद्भुतम्

jagadvilakṣaṇaḥ svāmī svarūpākṛtilakṣaṇaiḥ / jagadvilakṣaṇā eva gaṇāstasya kimadbhutam

Sanskrit only: no published translation is held for this verse.

अथ योगिनीगणविचारः । यैव यैव मनोवृत्तिर्योगाभ्यासेन योगिनाम् । सा समीपं गता शम्भोः सैवायं योगिनीगणः

atha yoginīgaṇavicāraḥ | yaiva yaiva manovṛttiryogābhyāsena yoginām / sā samīpaṃ gatā śambhoḥ saivāyaṃ yoginīgaṇaḥ

Sanskrit only: no published translation is held for this verse.

सखायः शङ्करस्यैते योगिनीभैरवादयः । जीवन्मुक्ता जडैरुक्ता भूतप्रेतपिशाचकाः

sakhāyaḥ śaṅkarasyaite yoginībhairavādayaḥ / jīvanmuktā jaḍairuktā bhūtapretapiśācakāḥ

Sanskrit only: no published translation is held for this verse.

अथ कालभैरवविचारः । विवर्त्तितजगज्जालः कालोऽस्य द्वारपालकः । कालाद्बिभेति यद्विश्वं स गणः कालभैरवः

atha kālabhairavavicāraḥ | vivarttitajagajjālaḥ kālo'sya dvārapālakaḥ / kālādbibheti yadviśvaṃ sa gaṇaḥ kālabhairavaḥ

Sanskrit only: no published translation is held for this verse.

अथ दण्डपाणिविचारः । मनसो दण्डनेनैव दण्डपाणिर्गणो भवेत् । तादृशा एव देवस्य गणत्वमुपयान्ति हि

atha daṇḍapāṇivicāraḥ | manaso daṇḍanenaiva daṇḍapāṇirgaṇo bhavet / tādṛśā eva devasya gaṇatvamupayānti hi

Sanskrit only: no published translation is held for this verse.

अथ क्षेत्रपालविचारः । परमात्मा स्वयं शम्भुस्तदंशाः क्षेत्रपालकाः । अंशांशिभावभेदेन क्षेत्रपालैर्वृतो हरः

atha kṣetrapālavicāraḥ | paramātmā svayaṃ śambhustadaṃśāḥ kṣetrapālakāḥ / aṃśāṃśibhāvabhedena kṣetrapālairvṛto haraḥ

Sanskrit only: no published translation is held for this verse.

अथ नन्दिगणविचारः । यस्योपरि स्फुरद्रूपो दृश्यते परमेश्वरः । स बोधः शुद्धभावात्मा गीयते नन्दिकेश्वरः

atha nandigaṇavicāraḥ | yasyopari sphuradrūpo dṛśyate parameśvaraḥ / sa bodhaḥ śuddhabhāvātmā gīyate nandikeśvaraḥ

Sanskrit only: no published translation is held for this verse.

अथ भृङ्गिविचारः । यः कीटभृङ्गभावेन भक्तः सारूप्यमागतः । स एव खण्डपरशोर्भृङ्गिनामा गणः किल

atha bhṛṅgivicāraḥ | yaḥ kīṭabhṛṅgabhāvena bhaktaḥ sārūpyamāgataḥ / sa eva khaṇḍaparaśorbhṛṅgināmā gaṇaḥ kila

Sanskrit only: no published translation is held for this verse.

अथ महाकालविचारः । कालेन भक्षितं विश्वं कालो बोधेन भक्षितः । बोधात्मा कालकालोऽयं महाकालो परो गणः

atha mahākālavicāraḥ | kālena bhakṣitaṃ viśvaṃ kālo bodhena bhakṣitaḥ / bodhātmā kālakālo'yaṃ mahākālo paro gaṇaḥ

Sanskrit only: no published translation is held for this verse.

अथ स्कन्दविचारः । बोधस्वसेनया येन मोहस्य स्कन्दनं कृतम् । स बुद्धिमान्महासेनः स्कन्दो नाम शिवात्मजः

atha skandavicāraḥ | bodhasvasenayā yena mohasya skandanaṃ kṛtam / sa buddhimānmahāsenaḥ skando nāma śivātmajaḥ

Sanskrit only: no published translation is held for this verse.

अथ गणेशविचारः । सुतोऽन्यो विघ्नराशिघ्नः सर्वविद्याविशारदः । आनन्दतुन्दिलः साक्षात्सिद्धिदाता गणेश्वरः

atha gaṇeśavicāraḥ | suto'nyo vighnarāśighnaḥ sarvavidyāviśāradaḥ / ānandatundilaḥ sākṣātsiddhidātā gaṇeśvaraḥ

Sanskrit only: no published translation is held for this verse.

अथ शिवरात्रिविचारः । या निशा सर्वभूतानां तस्यां जागर्त्ति संयमी । जागर्त्ति शिवरात्रौ यः शिवस्तस्मिन्प्रसीदति

atha śivarātrivicāraḥ | yā niśā sarvabhūtānāṃ tasyāṃ jāgartti saṃyamī / jāgartti śivarātrau yaḥ śivastasminprasīdati

Sanskrit only: no published translation is held for this verse.

पञ्चकर्मेन्द्रियाण्येव पञ्चज्ञानेन्द्रियाणि च । मनोऽहंकृतिचित्तानि त्रीणि बुद्धिश्चतुर्दशी

pañcakarmendriyāṇyeva pañcajñānendriyāṇi ca / mano'haṃkṛticittāni trīṇi buddhiścaturdaśī

Sanskrit only: no published translation is held for this verse.

इयं तु शाम्भवैः प्रोक्ता शिवरात्रिचतुर्दशी । निराहारतया तत्र वृत्तिरोधी भवेद्बुधः

iyaṃ tu śāmbhavaiḥ proktā śivarātricaturdaśī / nirāhāratayā tatra vṛttirodhī bhavedbudhaḥ

Sanskrit only: no published translation is held for this verse.

शिवभक्तैः कृता पूर्वं शिवस्यात्यन्तवल्लभा । शिवरात्रिरियं पुत्र शिवसायुज्यदायिनी

śivabhaktaiḥ kṛtā pūrvaṃ śivasyātyantavallabhā / śivarātririyaṃ putra śivasāyujyadāyinī

Sanskrit only: no published translation is held for this verse.

निशीथ एव मध्याह्नो रात्रिरेव दिनं विभोः । न यत्र किञ्चित्काशेत स प्रकाशस्तु शाम्भवः

niśītha eva madhyāhno rātrireva dinaṃ vibhoḥ / na yatra kiñcitkāśeta sa prakāśastu śāmbhavaḥ

Sanskrit only: no published translation is held for this verse.

अथ शिवताण्डवविचारः । यस्यानन्दलयेनैव नन्दिता नारदादयः । तदानन्दविनोदाख्यं शाम्भवं विद्धि ताण्डवम्

atha śivatāṇḍavavicāraḥ | yasyānandalayenaiva nanditā nāradādayaḥ / tadānandavinodākhyaṃ śāmbhavaṃ viddhi tāṇḍavam

Sanskrit only: no published translation is held for this verse.

अथ स्मरहरत्वविचारः । हृते स्मरे हृता एव षडप्येते स्मरादयः । स्मरादिहरणादेव देवः स्मरहरो हरः

atha smaraharatvavicāraḥ | hṛte smare hṛtā eva ṣaḍapyete smarādayaḥ / smarādiharaṇādeva devaḥ smaraharo haraḥ

Sanskrit only: no published translation is held for this verse.

अथ गौरीविचारः । सा स्वभावेन वामैव मनोवाचामगोचरा । वामाङ्गी वामदेवस्य वामे गौरी विराजते

atha gaurīvicāraḥ | sā svabhāvena vāmaiva manovācāmagocarā / vāmāṅgī vāmadevasya vāme gaurī virājate

Sanskrit only: no published translation is held for this verse.

सा ब्रह्मवादिनां श्रेष्ठा भवानी ब्रह्मवादिनी । या कटाक्षेण सर्वत्र शिवाख्यं ब्रह्म वीक्षते

sā brahmavādināṃ śreṣṭhā bhavānī brahmavādinī / yā kaṭākṣeṇa sarvatra śivākhyaṃ brahma vīkṣate

Sanskrit only: no published translation is held for this verse.

मम प्रियो मम स्वामी ममाऽऽत्त्मा मे गृहेश्वरः । इति यस्याः शिवे भावः सा धन्या शैलकन्यका

mama priyo mama svāmī mamā''ttmā me gṛheśvaraḥ / iti yasyāḥ śive bhāvaḥ sā dhanyā śailakanyakā

Sanskrit only: no published translation is held for this verse.

स ईक्षितः स आश्लिष्टः स भुक्तः स च पूजितः । स एव हृदये ध्यातः पार्वत्या परमेश्वरः

sa īkṣitaḥ sa āśliṣṭaḥ sa bhuktaḥ sa ca pūjitaḥ / sa eva hṛdaye dhyātaḥ pārvatyā parameśvaraḥ

Sanskrit only: no published translation is held for this verse.

शिवं भजति भावेन पातिव्रत्येन पार्वती । अतः सौभाग्यमेतस्या लोके वेदे च गीयते

śivaṃ bhajati bhāvena pātivratyena pārvatī / ataḥ saubhāgyametasyā loke vede ca gīyate

Sanskrit only: no published translation is held for this verse.

योगेश्वराणां योगोऽयं भुज्यते यन्महेश्वरः । तेन योगेन सम्पन्ना भवानी दिव्ययोगिनी

yogeśvarāṇāṃ yogo'yaṃ bhujyate yanmaheśvaraḥ / tena yogena sampannā bhavānī divyayoginī

Sanskrit only: no published translation is held for this verse.

नित्यं नृत्यति पार्वत्याः पुरतः परमेश्वरः । यदन्तस्तादृशं प्रेम तदग्रे किं न नृत्यतु

nityaṃ nṛtyati pārvatyāḥ purataḥ parameśvaraḥ / yadantastādṛśaṃ prema tadagre kiṃ na nṛtyatu

Sanskrit only: no published translation is held for this verse.

एकात्मभावसम्पन्नौ स्थितौ भिन्नात्मकाविव । भवानीशङ्करौ वन्दे ब्रह्मविद्ब्रह्मणी यथा

ekātmabhāvasampannau sthitau bhinnātmakāviva / bhavānīśaṅkarau vande brahmavidbrahmaṇī yathā

Sanskrit only: no published translation is held for this verse.

प्रकारद्वितयेनापि पार्वती स्तुतिमर्हति । यदस्याः शङ्करे प्रेम यदस्यां प्रेम शाङ्करम्

prakāradvitayenāpi pārvatī stutimarhati / yadasyāḥ śaṅkare prema yadasyāṃ prema śāṅkaram

Sanskrit only: no published translation is held for this verse.

पूजनीया विशेषेण शङ्करादपि पार्वती । साक्षादानन्दरूपो यस्तस्याप्यानन्दवर्धिनी

pūjanīyā viśeṣeṇa śaṅkarādapi pārvatī / sākṣādānandarūpo yastasyāpyānandavardhinī

Sanskrit only: no published translation is held for this verse.

परब्रह्मस्वरूपैव पार्वती नात्र संशयः । यदस्यां प्रचुरप्रेमा ब्रह्मज्ञानी सदाशिवः

parabrahmasvarūpaiva pārvatī nātra saṃśayaḥ / yadasyāṃ pracurapremā brahmajñānī sadāśivaḥ

Sanskrit only: no published translation is held for this verse.

मन्दारास्तरवो वनेषु परिखातोयं सुधासागरो द्वारेप्यष्टविभूतयो निधिगणैरन्तःपुरे पार्वती । शूलं शस्त्रवरं वृषः प्रियसखा नारः कपालः करे ग्रैवेयं गरलं भुजेषु भुजगा भस्माङ्गरागे रुचिः

mandārāstaravo vaneṣu parikhātoyaṃ sudhāsāgaro dvārepyaṣṭavibhūtayo nidhigaṇairantaḥpure pārvatī / śūlaṃ śastravaraṃ vṛṣaḥ priyasakhā nāraḥ kapālaḥ kare graiveyaṃ garalaṃ bhujeṣu bhujagā bhasmāṅgarāge ruciḥ

Sanskrit only: no published translation is held for this verse.

चन्द्रादित्यशतप्रकाशजयिनी चन्द्रावतंसोज्ज्वला गङ्गागर्भजटाधरा त्रिनयना गङ्गाम्बुवन्निर्मला । वामे भूधरकन्यका सहचरी भूत्या सदाऽ; लंकृता स्वानन्दा शितिकण्ठिनी पुरभिदो मूर्त्तिः पुरः स्फूर्जति

candrādityaśataprakāśajayinī candrāvataṃsojjvalā gaṅgāgarbhajaṭādharā trinayanā gaṅgāmbuvannirmalā / vāme bhūdharakanyakā sahacarī bhūtyā sadā'; laṃkṛtā svānandā śitikaṇṭhinī purabhido mūrttiḥ puraḥ sphūrjati

Sanskrit only: no published translation is held for this verse.

इति सोपकरणं ध्यानम् पशुपतये नमः स्नानम् । पशुत्ववासना त्याज्या ज्ञानगङ्गाम्बुधारया । पवित्रया शीतलया स्नाप्यः पशुपतिः शिवः

iti sopakaraṇaṃ dhyānam paśupataye namaḥ snānam | paśutvavāsanā tyājyā jñānagaṅgāmbudhārayā / pavitrayā śītalayā snāpyaḥ paśupatiḥ śivaḥ

Sanskrit only: no published translation is held for this verse.

शिवाय नम इति पूजनम् । शिवो देवः शिवो जीवः शिवादन्यन्न विद्यते । एवं शिवे प्रकर्त्तव्यं भक्त्या चन्दनलेपनम्

śivāya nama iti pūjanam | śivo devaḥ śivo jīvaḥ śivādanyanna vidyate / evaṃ śive prakarttavyaṃ bhaktyā candanalepanam

Sanskrit only: no published translation is held for this verse.

अथाक्षताः । भजनादक्षता भक्ता देवस्तु स्वयमक्षतः । अतस्त्वक्षतया भक्त्या पूजनीयः शिवोऽक्षतैः

athākṣatāḥ | bhajanādakṣatā bhaktā devastu svayamakṣataḥ / atastvakṣatayā bhaktyā pūjanīyaḥ śivo'kṣataiḥ

Sanskrit only: no published translation is held for this verse.

अथार्कपुष्पविचारः । अर्कः पाशुपतो नाम देवः पाशुपतप्रियः । अतः पाशुपतार्कस्य पुष्पं पशुपतेः प्रियम्

athārkapuṣpavicāraḥ | arkaḥ pāśupato nāma devaḥ pāśupatapriyaḥ / ataḥ pāśupatārkasya puṣpaṃ paśupateḥ priyam

Sanskrit only: no published translation is held for this verse.

कटुपत्रस्तरुः कोऽ; पि भक्तेन गिरिशेऽर्पितः । प्रकाशकस्तमोहन्ता स एवार्कत्वमागतः

kaṭupatrastaruḥ ko'; pi bhaktena giriśe'rpitaḥ / prakāśakastamohantā sa evārkatvamāgataḥ

Sanskrit only: no published translation is held for this verse.

पुष्पं कटुदलस्यास्य शाम्भवेन निवेदितम् । शम्भुना स्वीकृतं तेन सा जाता शिवमल्लिका

puṣpaṃ kaṭudalasyāsya śāmbhavena niveditam / śambhunā svīkṛtaṃ tena sā jātā śivamallikā

Sanskrit only: no published translation is held for this verse.

अथ धत्तूरनिर्णयः । ईश्वरस्य प्रसादेन भासतेऽन्यादृशं जगत् । स्वसमानगुणत्वेन धत्तूरः शिववल्लभः

atha dhattūranirṇayaḥ | īśvarasya prasādena bhāsate'nyādṛśaṃ jagat / svasamānaguṇatvena dhattūraḥ śivavallabhaḥ

Sanskrit only: no published translation is held for this verse.

उन्मन्या स्वयमुन्मत्त उन्मादयति शाम्भवान् । अत एव प्रियं शम्भोः पुष्पमुन्मत्तसम्भवम्

unmanyā svayamunmatta unmādayati śāmbhavān / ata eva priyaṃ śambhoḥ puṣpamunmattasambhavam

Sanskrit only: no published translation is held for this verse.

कैतवं कितवस्यास्य सर्वगोऽयं न लिप्यते । अतः कितवधूर्त्तस्य कैतवं कुसुमं प्रियम्

kaitavaṃ kitavasyāsya sarvago'yaṃ na lipyate / ataḥ kitavadhūrttasya kaitavaṃ kusumaṃ priyam

Sanskrit only: no published translation is held for this verse.

कामादयो महाधूर्त्ता धूर्तितं यैर्जगत्त्रयम् । तान्धूर्तयति यो युक्त्या स धूर्तो धूर्जटिप्रियः

kāmādayo mahādhūrttā dhūrtitaṃ yairjagattrayam / tāndhūrtayati yo yuktyā sa dhūrto dhūrjaṭipriyaḥ

Sanskrit only: no published translation is held for this verse.

अर्पितं शङ्करे धूर्त्तपत्रं कनकपुण्यदम् । अनेन हेतुना जातो धत्तूरः कनकाह्वयः

arpitaṃ śaṅkare dhūrttapatraṃ kanakapuṇyadam / anena hetunā jāto dhattūraḥ kanakāhvayaḥ

Sanskrit only: no published translation is held for this verse.

अथ कण्टकारिकानिर्णयः । भक्त्या भक्तेन चेद् वृत्तिर्मनसः शङ्करेऽर्पिता । सकण्टकस्वभावापि जाता साऽकण्टकारिका

atha kaṇṭakārikānirṇayaḥ | bhaktyā bhaktena ced vṛttirmanasaḥ śaṅkare'rpitā / sakaṇṭakasvabhāvāpi jātā sā'kaṇṭakārikā

Sanskrit only: no published translation is held for this verse.

अथ बिल्वविचारः । शिवभक्तिस्वभावेन शाण्डिल्यो हि महामुनिः । तन्नाम्नैव प्रियं शम्भोः पत्रं शाण्डिल्यसम्भवम्

atha bilvavicāraḥ | śivabhaktisvabhāvena śāṇḍilyo hi mahāmuniḥ / tannāmnaiva priyaṃ śambhoḥ patraṃ śāṇḍilyasambhavam

Sanskrit only: no published translation is held for this verse.

विश्वरूपो महादेवः स्वयं शैलूषलक्षणः । अतः शैलूषपत्राणां पूजया स प्रसीदति

viśvarūpo mahādevaḥ svayaṃ śailūṣalakṣaṇaḥ / ataḥ śailūṣapatrāṇāṃ pūjayā sa prasīdati

Sanskrit only: no published translation is held for this verse.

जन्मनस्तु फलं श्रीमद्बिल्वपत्रार्पणाच्छिवे । अतो निरूपितो वृक्षो बिल्वः श्रीफलसंज्ञया

janmanastu phalaṃ śrīmadbilvapatrārpaṇācchive / ato nirūpito vṛkṣo bilvaḥ śrīphalasaṃjñayā

Sanskrit only: no published translation is held for this verse.

धूपप्रदीपनैवेद्यफलताम्बूलदक्षिणाः । शिवाय नम इत्येव सर्वमेवास्य पूजनम्

dhūpapradīpanaivedyaphalatāmbūladakṣiṇāḥ / śivāya nama ityeva sarvamevāsya pūjanam

Sanskrit only: no published translation is held for this verse.

विद्यासु श्रुतिरुत्कृष्टा रुद्रैकादशिनी श्रुतौ । तत्र पञ्चाक्षरी श्रेष्ठा सा जप्या शिवतुष्टये

vidyāsu śrutirutkṛṣṭā rudraikādaśinī śrutau / tatra pañcākṣarī śreṣṭhā sā japyā śivatuṣṭaye

Sanskrit only: no published translation is held for this verse.

द्रष्टा च दर्शनं दृश्यमिति पत्रत्रयान्विता । शिवे समर्प्या चिद्रूपे प्रथमा बिल्वपत्रिका

draṣṭā ca darśanaṃ dṛśyamiti patratrayānvitā / śive samarpyā cidrūpe prathamā bilvapatrikā

Sanskrit only: no published translation is held for this verse.

कर्त्ता कार्यं च करणमिति पत्रत्रयान्विता । शिवे समर्प्या चिद्रूपे द्वितीया बिल्वपत्रिका

karttā kāryaṃ ca karaṇamiti patratrayānvitā / śive samarpyā cidrūpe dvitīyā bilvapatrikā

Sanskrit only: no published translation is held for this verse.

भोक्ता च भोजनं भोज्यमिति पत्रत्रयात्मिका । शिवे समर्प्या चिद्रूपे तृतीया बिल्वपत्रिका

bhoktā ca bhojanaṃ bhojyamiti patratrayātmikā / śive samarpyā cidrūpe tṛtīyā bilvapatrikā

Sanskrit only: no published translation is held for this verse.

भूर्भुवश्च तथा स्वर्ग इति पत्रत्रयात्मिका । शिवे समर्प्या चिद्रूपे चतुर्थी बिल्वपत्रिका

bhūrbhuvaśca tathā svarga iti patratrayātmikā / śive samarpyā cidrūpe caturthī bilvapatrikā

Sanskrit only: no published translation is held for this verse.

जाग्रत्स्वप्नस्तथा सुप्तिरिति पत्रत्रयान्विना । शिवे समर्प्या चिद्रूपे पञ्चमी बिल्वपत्रिका

jāgratsvapnastathā suptiriti patratrayānvinā / śive samarpyā cidrūpe pañcamī bilvapatrikā

Sanskrit only: no published translation is held for this verse.

स्थूलं सूक्ष्मं कारणाख्यमिति पत्रत्रयान्विता । शिवे समर्प्या चिद्रूपे षष्ठिका बिल्वपत्रिका

sthūlaṃ sūkṣmaṃ kāraṇākhyamiti patratrayānvitā / śive samarpyā cidrūpe ṣaṣṭhikā bilvapatrikā

Sanskrit only: no published translation is held for this verse.

अविद्या संसृतिर्जीव इति पत्रत्रयान्विता । शिवे समर्प्या चिद्रूपे सप्तमी बिल्वपत्रिका

avidyā saṃsṛtirjīva iti patratrayānvitā / śive samarpyā cidrūpe saptamī bilvapatrikā

Sanskrit only: no published translation is held for this verse.

उत्पत्तिश्च स्थितिर्नाश इति पत्रत्रयान्विता । शिवे समर्प्या चिद्रूपे ह्यष्टमी बिल्वपत्रिका

utpattiśca sthitirnāśa iti patratrayānvitā / śive samarpyā cidrūpe hyaṣṭamī bilvapatrikā

Sanskrit only: no published translation is held for this verse.

ब्रह्मा विष्णुस्तथा रुद्र इति पत्रत्रयान्विता । शिवे समर्प्या चिद्रूपे नवमी बिल्वपत्रिका

brahmā viṣṇustathā rudra iti patratrayānvitā / śive samarpyā cidrūpe navamī bilvapatrikā

Sanskrit only: no published translation is held for this verse.

तमो रजस्तथा सत्त्वमिति पत्रत्रयान्विता । शिवे समर्प्या चिद्रूपे दशमी बिल्वपत्रिका

tamo rajastathā sattvamiti patratrayānvitā / śive samarpyā cidrūpe daśamī bilvapatrikā

Sanskrit only: no published translation is held for this verse.

त्वन्ताऽहन्ता तथेदंत्वमिति पत्रत्रयान्विता । शिवे समर्प्या चिद्रूपे रुद्राख्या बिल्वपत्रिका

tvantā'hantā tathedaṃtvamiti patratrayānvitā / śive samarpyā cidrūpe rudrākhyā bilvapatrikā

Sanskrit only: no published translation is held for this verse.

एकादशैताः कथिताः शाम्भवाः बिल्वपत्रिकाः । एताभिरर्चितः शम्भुः सद्यो मुक्तिं प्रयच्छति

ekādaśaitāḥ kathitāḥ śāmbhavāḥ bilvapatrikāḥ / etābhirarcitaḥ śambhuḥ sadyo muktiṃ prayacchati

Sanskrit only: no published translation is held for this verse.

अथाष्टमूर्तिपूजनम् । शर्वो भवो रुद्र उग्रो भीमः पशुपतिस्तथा । महादेवस्तथेशान इति मूर्तिप्रपूजनम्

athāṣṭamūrtipūjanam | śarvo bhavo rudra ugro bhīmaḥ paśupatistathā / mahādevastatheśāna iti mūrtiprapūjanam

Sanskrit only: no published translation is held for this verse.

अष्टौ प्रकृतिरूपाणि कष्टान्यष्टैव देहिनः । स्पष्टं मूर्तिभिरष्टाभिरष्टमूर्तिर्हरत्यसौ

aṣṭau prakṛtirūpāṇi kaṣṭānyaṣṭaiva dehinaḥ / spaṣṭaṃ mūrtibhiraṣṭābhiraṣṭamūrtirharatyasau

Sanskrit only: no published translation is held for this verse.

अथ प्रदक्षिणनिर्णयः । अपर्यन्तो महादेवस्तस्य कल्पशतैरपि । न स्यात्प्रदक्षिणं तेन शिवस्यार्धं प्रदक्षिणम्

atha pradakṣiṇanirṇayaḥ | aparyanto mahādevastasya kalpaśatairapi / na syātpradakṣiṇaṃ tena śivasyārdhaṃ pradakṣiṇam

Sanskrit only: no published translation is held for this verse.

अथ गल्लवाद्यविचारः । यथा स्वरूपं देवस्य तथा वक्तुं न शक्यते । स्तुतिर्वा गल्लवाद्यं वा तेन शम्भोर्द्वयं समम्

atha gallavādyavicāraḥ | yathā svarūpaṃ devasya tathā vaktuṃ na śakyate / stutirvā gallavādyaṃ vā tena śambhordvayaṃ samam

Sanskrit only: no published translation is held for this verse.

अथ नमस्कारविचारः । प्रेमनिर्भरभावेन दण्डवत्पतितैर्भुवि । महादेवो नमस्कार्यो गलितत्वादहङ्कृतेः

atha namaskāravicāraḥ | premanirbharabhāvena daṇḍavatpatitairbhuvi / mahādevo namaskāryo galitatvādahaṅkṛteḥ

Sanskrit only: no published translation is held for this verse.

अथ क्षमापनम् । मानुष्यमपि संप्राप्य पूजितो न महेश्वरः । अपराधो महाञ्जातः क्षमस्वेति मुहुर्वदेत्

atha kṣamāpanam | mānuṣyamapi saṃprāpya pūjito na maheśvaraḥ / aparādho mahāñjātaḥ kṣamasveti muhurvadet

Sanskrit only: no published translation is held for this verse.

अथ विसर्जननिर्णयः ज्ञत्वकर्तृत्वभोक्तृत्वजीवत्वादिविसर्जनम् । एतस्यां शिवपूजायामेतदेव विसर्जनम्

atha visarjananirṇayaḥ jñatvakartṛtvabhoktṛtvajīvatvādivisarjanam / etasyāṃ śivapūjāyāmetadeva visarjanam

Sanskrit only: no published translation is held for this verse.

आज्ञाकरत्वमायाति पुरुषार्थचतुष्टयी । यतोऽस्याः शिवपूजाया महिमा केन वर्ण्यताम्

ājñākaratvamāyāti puruṣārthacatuṣṭayī / yato'syāḥ śivapūjāyā mahimā kena varṇyatām

Sanskrit only: no published translation is held for this verse.

तत्त्वतो यः शिवं वेद स वेद शिवपूजनम् । कस्तत्त्वतः शिवं वेद को वेद शिवपूजनम्

tattvato yaḥ śivaṃ veda sa veda śivapūjanam / kastattvataḥ śivaṃ veda ko veda śivapūjanam

Sanskrit only: no published translation is held for this verse.