Narahari: Bodhasara 51

बोधसारप्रशंसा आदौ गुरुस्तवो यत्र प्रान्ते च शिवपूजनम् । मध्ये मुकुन्दस्मरणं बोधसारः स उत्तमः

bodhasārapraśaṃsā ādau gurustavo yatra prānte ca śivapūjanam / madhye mukundasmaraṇaṃ bodhasāraḥ sa uttamaḥ

Sanskrit only: no published translation is held for this verse.

सिद्धार्थः सुगमार्थश्च विशेषैर्बहुभिर्वृतः । ग्रन्थस्त्वेताद्दृशस्तात न भूतो न भविष्यति

siddhārthaḥ sugamārthaśca viśeṣairbahubhirvṛtaḥ / granthastvetāddṛśastāta na bhūto na bhaviṣyati

Sanskrit only: no published translation is held for this verse.

न स्तोमि न च निन्दामि कथयामि यथास्थितम् । एकैकस्मिन्निह श्लोके प्रोक्तः सिद्धान्तनिर्णयः

na stomi na ca nindāmi kathayāmi yathāsthitam / ekaikasminniha śloke proktaḥ siddhāntanirṇayaḥ

Sanskrit only: no published translation is held for this verse.

यथा ब्रह्माण्डसर्वस्वं पिण्डे पिण्डे निरूपितम् । तथा सिद्धान्तसर्वस्वं श्लोके श्लोके निरूपितम्

yathā brahmāṇḍasarvasvaṃ piṇḍe piṇḍe nirūpitam / tathā siddhāntasarvasvaṃ śloke śloke nirūpitam

Sanskrit only: no published translation is held for this verse.

अविद्योन्मूलकुद्दालस्त्वविद्यादावपावकः । अविद्यामृगशार्दूलस्त्वविद्यागजकेसरी

avidyonmūlakuddālastvavidyādāvapāvakaḥ / avidyāmṛgaśārdūlastvavidyāgajakesarī

Sanskrit only: no published translation is held for this verse.

अविद्याजीवगरलमविद्याकण्ठकृच्छुरी । अविद्यालवणस्याऽऽप अविद्याप्रलयार्णवः

avidyājīvagaralamavidyākaṇṭhakṛcchurī / avidyālavaṇasyā''pa avidyāpralayārṇavaḥ

Sanskrit only: no published translation is held for this verse.

अविद्याशैलदम्भोलिरविद्याऽन्धकशङ्करः । अविद्याकंसगोविन्दस्त्वविद्याचण्डचण्डिका

avidyāśailadambholiravidyā'ndhakaśaṅkaraḥ / avidyākaṃsagovindastvavidyācaṇḍacaṇḍikā

Sanskrit only: no published translation is held for this verse.

अविद्यादाहशीतांशुरविद्याध्वान्तभास्करः । तथैव बोधसारोऽयमविद्यास्वप्नजागरः

avidyādāhaśītāṃśuravidyādhvāntabhāskaraḥ / tathaiva bodhasāro'yamavidyāsvapnajāgaraḥ

Sanskrit only: no published translation is held for this verse.