Narahari: Bodhasara 52

बोधसारोपासना गुरुर्मे बोधसारोऽयं यतो ज्ञानप्रदो मम । शिष्यो मे बोधसारोऽयं यमुद्दिश्य वदाम्यहम्

bodhasāropāsanā gururme bodhasāro'yaṃ yato jñānaprado mama / śiṣyo me bodhasāro'yaṃ yamuddiśya vadāmyaham

Sanskrit only: no published translation is held for this verse.

स्वामी मे बोधसारोऽयं मां पालयति यः सदा । सेवको बोधसारो मे मम सेवां करोति यः

svāmī me bodhasāro'yaṃ māṃ pālayati yaḥ sadā / sevako bodhasāro me mama sevāṃ karoti yaḥ

Sanskrit only: no published translation is held for this verse.

सुहृन्मे बोधसारोऽयं सर्वं जानाति मद्गतम् । सखा मे बोधसारोऽयं यस्मिन्दृष्टे सुखं मम

suhṛnme bodhasāro'yaṃ sarvaṃ jānāti madgatam / sakhā me bodhasāro'yaṃ yasmindṛṣṭe sukhaṃ mama

Sanskrit only: no published translation is held for this verse.

गृहं मे बोधसारोऽयं यत्रैव निवासाम्यहम् । आरामो बोधसारो मे विहारो यत्र मामकः

gṛhaṃ me bodhasāro'yaṃ yatraiva nivāsāmyaham / ārāmo bodhasāro me vihāro yatra māmakaḥ

Sanskrit only: no published translation is held for this verse.

कान्ता मे बोधसारोऽयं यमालिङ्ग्य स्वपाम्यहम् । मनो मे बोधसारोऽयं मननं येन जायते

kāntā me bodhasāro'yaṃ yamāliṅgya svapāmyaham / mano me bodhasāro'yaṃ mananaṃ yena jāyate

Sanskrit only: no published translation is held for this verse.

बुद्धिर्मे बोधसारोऽयं परमं बुध्यते यया । चित्तं मे बोधसारोऽयं येन चेतामि तत्पदे

buddhirme bodhasāro'yaṃ paramaṃ budhyate yayā / cittaṃ me bodhasāro'yaṃ yena cetāmi tatpade

Sanskrit only: no published translation is held for this verse.

अहङ्कारो बोधसारो बोधसारोऽहमेव हि । शरीरं बोधसारो मे ममता यत्र भूयसी

ahaṅkāro bodhasāro bodhasāro'hameva hi / śarīraṃ bodhasāro me mamatā yatra bhūyasī

Sanskrit only: no published translation is held for this verse.

प्राणो मे बोधसारोऽयं ममता यत्र भूयसी । जीवो मे बोधसारोऽयं येन जीवाम्यहं सदा

prāṇo me bodhasāro'yaṃ mamatā yatra bhūyasī / jīvo me bodhasāro'yaṃ yena jīvāmyahaṃ sadā

Sanskrit only: no published translation is held for this verse.

ईश्वरो बोधसारो मे यतो मुक्तिप्रदो मम । बोधसारः परं ब्रह्म बोधसारात्परं नहि

īśvaro bodhasāro me yato muktiprado mama / bodhasāraḥ paraṃ brahma bodhasārātparaṃ nahi

Sanskrit only: no published translation is held for this verse.