रागत्यागनिर्णयः न विरक्ता धनैस्त्यक्ता न विरक्ता दिगम्बराः । विशेषरक्ताः स्वपदे ते विरक्ता मता मम
rāgatyāganirṇayaḥ na viraktā dhanaistyaktā na viraktā digambarāḥ / viśeṣaraktāḥ svapade te viraktā matā mama
Sanskrit only: no published translation is held for this verse.
चौरस्त्यजन्ति गेहं स्वं भयेनैव न बोधतः । जारास्त्यजन्ति गेहं स्वं कामेनैव न बोधतः
caurastyajanti gehaṃ svaṃ bhayenaiva na bodhataḥ / jārāstyajanti gehaṃ svaṃ kāmenaiva na bodhataḥ
Sanskrit only: no published translation is held for this verse.
क्रुद्धस्त्यजति गेहं स्वं प्रतिवादिविरोधतः । रुद्धस्त्यजति गेहं स्वं रोधेनैव न बोधतः
kruddhastyajati gehaṃ svaṃ prativādivirodhataḥ / ruddhastyajati gehaṃ svaṃ rodhenaiva na bodhataḥ
Sanskrit only: no published translation is held for this verse.
निःसङ्गतासुखं प्राप्ताः कया चिद्बोधलीलया । गृहं त्यजन्ति मुनयो गृहस्था वावने स्थिताः
niḥsaṅgatāsukhaṃ prāptāḥ kayā cidbodhalīlayā / gṛhaṃ tyajanti munayo gṛhasthā vāvane sthitāḥ
Sanskrit only: no published translation is held for this verse.
तदुक्तम् । मूढः किं त्यजतु प्रमत्तमनसस्त्यागेन वा किं फलं । विज्ञः कर्म करोतु वा न कुरुतां त्यागेऽवलिप्तो न यत् । इत्येवं कृतनिश्चयः प्रवचनैरद्वैतविद्यावतां । रागत्यागनिरादरो मुनिजनः पारे गिरां खेलति
taduktam | mūḍhaḥ kiṃ tyajatu pramattamanasastyāgena vā kiṃ phalaṃ / vijñaḥ karma karotu vā na kurutāṃ tyāge'valipto na yat / ityevaṃ kṛtaniścayaḥ pravacanairadvaitavidyāvatāṃ / rāgatyāganirādaro munijanaḥ pāre girāṃ khelati
Sanskrit only: no published translation is held for this verse.
इत्ययं योगयुक्तानां रागत्यागविनिर्णयः । त्यजतैव हि तज्ज्ञेयमिति वेदान्तनिर्णयात्
ityayaṃ yogayuktānāṃ rāgatyāgavinirṇayaḥ / tyajataiva hi tajjñeyamiti vedāntanirṇayāt
Sanskrit only: no published translation is held for this verse.