सत्संगसुधा सत्संगसुधया तात मन आनन्दितं यदा । निश्चेतव्यं तदा मोहान्मम मुक्तिर्भविष्यति
satsaṃgasudhā satsaṃgasudhayā tāta mana ānanditaṃ yadā / niścetavyaṃ tadā mohānmama muktirbhaviṣyati
Sanskrit only: no published translation is held for this verse.
साधनानां हि सर्वेषां वरिष्ठा साधुसङ्गतिः । एतया सिद्धया सिद्धं सर्वमेव हि साधनम्
sādhanānāṃ hi sarveṣāṃ variṣṭhā sādhusaṅgatiḥ / etayā siddhayā siddhaṃ sarvameva hi sādhanam
Sanskrit only: no published translation is held for this verse.
शश्वदीश्वरभक्ता ये विरक्ताः समदर्शनाः । साधवः सेवितव्यास्ते मोक्षशास्त्रविशारदाः
śaśvadīśvarabhaktā ye viraktāḥ samadarśanāḥ / sādhavaḥ sevitavyāste mokṣaśāstraviśāradāḥ
Sanskrit only: no published translation is held for this verse.
येषां दर्शनमात्रेण मोक्षे श्रद्धा विवर्धते । येषां च वाग्विलासेन संशयो विनिवर्त्तते
yeṣāṃ darśanamātreṇa mokṣe śraddhā vivardhate / yeṣāṃ ca vāgvilāsena saṃśayo vinivarttate
Sanskrit only: no published translation is held for this verse.
उपक्रमादितात्पर्यलिङ्गैस्तात्पर्यनिर्णयः । विशेषसामान्यतया शास्त्रार्थानां व्यवस्थितिः
upakramāditātparyaliṅgaistātparyanirṇayaḥ / viśeṣasāmānyatayā śāstrārthānāṃ vyavasthitiḥ
Sanskrit only: no published translation is held for this verse.
वेदशास्त्राविरोधेन मोक्षमार्गप्रवेशनम् । संप्रदायपरिज्ञानं मतभेदविनिर्णयः
vedaśāstrāvirodhena mokṣamārgapraveśanam / saṃpradāyaparijñānaṃ matabhedavinirṇayaḥ
Sanskrit only: no published translation is held for this verse.
पूर्वोत्तराभ्यां पक्षाभ्यां येषां वाक्यादवाप्यते । ज्ञानिनः कर्णधारास्ते सेवितव्या हि साधवः
pūrvottarābhyāṃ pakṣābhyāṃ yeṣāṃ vākyādavāpyate / jñāninaḥ karṇadhārāste sevitavyā hi sādhavaḥ
Sanskrit only: no published translation is held for this verse.
तथा च गीता तद्विद्धि प्रणिपातेन परिप्रश्नेन सेवया । उपदेक्ष्यन्ति ते ज्ञानं ज्ञानिनस्तत्वदर्शिनः
tathā ca gītā tadviddhi praṇipātena paripraśnena sevayā / upadekṣyanti te jñānaṃ jñāninastatvadarśinaḥ
Sanskrit only: no published translation is held for this verse.