Narahari: Bodhasara 9

समन्वयसरस्वती अवगाह्या विशेषेण समन्वयसरस्वती । जायेत मतभेदाख्यपङ्कप्रक्षालनं यया

samanvayasarasvatī avagāhyā viśeṣeṇa samanvayasarasvatī / jāyeta matabhedākhyapaṅkaprakṣālanaṃ yayā

Sanskrit only: no published translation is held for this verse.

पदं पदार्थो वाक्यार्थस्तत्वानि मनसो यमः । महावाक्यार्थविज्ञानं साधनानि क्रमेण हि

padaṃ padārtho vākyārthastatvāni manaso yamaḥ / mahāvākyārthavijñānaṃ sādhanāni krameṇa hi

Sanskrit only: no published translation is held for this verse.

सर्वेषां तत्र तन्त्राणामुपयोगो यथायथम् । वदामि तत्समासेन सर्वमेव यथातथम्

sarveṣāṃ tatra tantrāṇāmupayogo yathāyatham / vadāmi tatsamāsena sarvameva yathātatham

Sanskrit only: no published translation is held for this verse.

जायते शब्दशास्त्रेण पदव्युत्पत्तिरुत्तमा । व्युत्पत्तिश्च पदार्थानां न्यायवैशेषिकोक्तिभिः

jāyate śabdaśāstreṇa padavyutpattiruttamā / vyutpattiśca padārthānāṃ nyāyavaiśeṣikoktibhiḥ

Sanskrit only: no published translation is held for this verse.

मीमांसया च वाक्यार्थव्युत्पत्तिः परिनिष्ठिता । व्यक्तिः सांख्येन तत्त्वानां योगेन मनसो यमः

mīmāṃsayā ca vākyārthavyutpattiḥ pariniṣṭhitā / vyaktiḥ sāṃkhyena tattvānāṃ yogena manaso yamaḥ

Sanskrit only: no published translation is held for this verse.

महावाक्यार्थविज्ञानं वेदान्तैर्ब्रह्मनिष्ठया । इत्येवं सर्वतन्त्राणां ब्रह्मण्येव समन्वयः

mahāvākyārthavijñānaṃ vedāntairbrahmaniṣṭhayā / ityevaṃ sarvatantrāṇāṃ brahmaṇyeva samanvayaḥ

Sanskrit only: no published translation is held for this verse.