Nagnajit: Citralaksana 2

॥ इति नग्नजिच्चित्रलक्षणनिर्देशे नग्नजयो नाम प्रथमः परिवर्त्तः ॥ द्वितीयः परिवर्त्तः यथोक्तं ब्रह्मणा पूर्वम् आचष्टे भूपतिं तथा । लिखनादिविधिं सम्यक् चित्रस्य परिनिर्मितो

|| iti nagnajiccitralakṣaṇanirdeśe nagnajayo nāma prathamaḥ parivarttaḥ || dvitīyaḥ parivarttaḥ yathoktaṃ brahmaṇā pūrvam ācaṣṭe bhūpatiṃ tathā / likhanādividhiṃ samyak citrasya parinirmito

Sanskrit only: no published translation is held for this verse.

स्थावरे जंगमे नष्टे प्रलयान्ते च वै पुरा । प्रादुरभूत् सुवर्णाण्डं तमो हत्वा जलात् किल

sthāvare jaṃgame naṣṭe pralayānte ca vai purā / prādurabhūt suvarṇāṇḍaṃ tamo hatvā jalāt kila

Sanskrit only: no published translation is held for this verse.

तस्मादण्डात् प्रादुरभूत् लोकपितामहः स्वयम् । ओमित्येकाक्षरं तस्माद् वेदविद्याश्च कल्पना

tasmādaṇḍāt prādurabhūt lokapitāmahaḥ svayam / omityekākṣaraṃ tasmād vedavidyāśca kalpanā

Sanskrit only: no published translation is held for this verse.

चतस्रश्च प्रजास्तासां रुपसंज्ञादयस्तदा । आयुषा सहितस्यैव ब्रह्मणो जातिरेव च

catasraśca prajāstāsāṃ rupasaṃjñādayastadā / āyuṣā sahitasyaiva brahmaṇo jātireva ca

Sanskrit only: no published translation is held for this verse.

स्थानं चर्या च धर्मश्च न्यायश्च प्राभवन् तदा । एवं कृते सति ब्रह्मा-चिन्तयत् जगतो हितम्

sthānaṃ caryā ca dharmaśca nyāyaśca prābhavan tadā / evaṃ kṛte sati brahmā-cintayat jagato hitam

Sanskrit only: no published translation is held for this verse.

एवं चिन्तयतस्तस्य मतिरित्थं बभूव ह । कथं जनाश्च जानीयुः संज्ञां देवमहीभूजाम् । अप्रमादेन चादरः सदा तेषु कथं भवेत्

evaṃ cintayatastasya matiritthaṃ babhūva ha / kathaṃ janāśca jānīyuḥ saṃjñāṃ devamahībhūjām / apramādena cādaraḥ sadā teṣu kathaṃ bhavet

Sanskrit only: no published translation is held for this verse.

ब्रह्मेत्थं चिन्तयित्वा तु विष्णोः शिवस्य चात्मनः । शक्रस्य सर्वदेवानां परिमाणं गुणं तथा

brahmetthaṃ cintayitvā tu viṣṇoḥ śivasya cātmanaḥ / śakrasya sarvadevānāṃ parimāṇaṃ guṇaṃ tathā

Sanskrit only: no published translation is held for this verse.

सवस्त्रं विविधस्थितम् अलंकारास्त्रसंयुतं । मनोरमं सुरुपं च अत्यन्तस्रदृशं तथा

savastraṃ vividhasthitam alaṃkārāstrasaṃyutaṃ / manoramaṃ surupaṃ ca atyantasradṛśaṃ tathā

Sanskrit only: no published translation is held for this verse.

ससविभक्तसर्वाङ्गं प्रत्यङ्गं च यथायथम् । मिश्रितेन च वर्णेन चित्राकारं विनिर्ममे

sasavibhaktasarvāṅgaṃ pratyaṅgaṃ ca yathāyatham / miśritena ca varṇena citrākāraṃ vinirmame

Sanskrit only: no published translation is held for this verse.

विलोक्य तानि चित्राणि नेत्रमूलात् प्रमोदिताः । साधु साध्विति संपूज्य प्रशंशसुर्विधिं सुराः

vilokya tāni citrāṇi netramūlāt pramoditāḥ / sādhu sādhviti saṃpūjya praśaṃśasurvidhiṃ surāḥ

Sanskrit only: no published translation is held for this verse.

इमे देवाः प्रसन्नाश्च स्वप्ताकारं च लेभिरे । अधिष्ठानं प्रभावं च कृतवन्तस्तथा इमे

ime devāḥ prasannāśca svaptākāraṃ ca lebhire / adhiṣṭhānaṃ prabhāvaṃ ca kṛtavantastathā ime

Sanskrit only: no published translation is held for this verse.

प्राह सप्तसुरान् ब्रह्मा अस्तु पुण्यं समाश्रितम् । अद्य प्रभृति सर्वत्र युष्माकं प्रतिमासु च । नात्र शङ्का कृथा नरः पूजयिष्यति वः सदा

prāha saptasurān brahmā astu puṇyaṃ samāśritam / adya prabhṛti sarvatra yuṣmākaṃ pratimāsu ca / nātra śaṅkā kṛthā naraḥ pūjayiṣyati vaḥ sadā

Sanskrit only: no published translation is held for this verse.

शूद्धया दानेन विधिवत् तत्परायणमानसः । मनुष्येषु च यो नाम भवन्तं पूजयिष्यति । तस्मै कामस्य सिद्धये नैरुज्यं संप्रदास्यति

śūddhayā dānena vidhivat tatparāyaṇamānasaḥ / manuṣyeṣu ca yo nāma bhavantaṃ pūjayiṣyati / tasmai kāmasya siddhaye nairujyaṃ saṃpradāsyati

Sanskrit only: no published translation is held for this verse.

नाना प्रकारदुःस्वप्नात् द्वेषग्रस्तेभ्य एव च । सर्वेषा रक्षण कृत्वा पापान् नाशयति ध्रुवम्

nānā prakāraduḥsvapnāt dveṣagrastebhya eva ca / sarveṣā rakṣaṇa kṛtvā pāpān nāśayati dhruvam

Sanskrit only: no published translation is held for this verse.

धर्मश्च सदृशो भाव्यः रक्षोहानिर्भवेद् ध्रुवम् । यशोवृद्धिर्भवेद् विश्वे युष्माकं परिपूजनात्

dharmaśca sadṛśo bhāvyaḥ rakṣohānirbhaved dhruvam / yaśovṛddhirbhaved viśve yuṣmākaṃ paripūjanāt

Sanskrit only: no published translation is held for this verse.

लोकपूजाव्यवस्थायै प्रतिमानां यथायथम् । नामादिकीर्तनं कार्य स्तवपूजादिकं तथा

lokapūjāvyavasthāyai pratimānāṃ yathāyatham / nāmādikīrtanaṃ kārya stavapūjādikaṃ tathā

Sanskrit only: no published translation is held for this verse.

प्रतिमां यां प्रतिदिनं पुण्यात्मा पूजयिष्यति । तयैव दीयते शान्तिस् तस्मै भक्ताय सर्वतः

pratimāṃ yāṃ pratidinaṃ puṇyātmā pūjayiṣyati / tayaiva dīyate śāntis tasmai bhaktāya sarvataḥ

Sanskrit only: no published translation is held for this verse.

एवं ववत्विति प्राहुर् देवाः प्रसन्नमानसाः । स्वीयवेषैः स्वचेतसा स्वाधिष्ठानं समागताः । इत्थं पूजाभवद् विश्व-वासिभिस्ते प्रपूजिताः

evaṃ vavatviti prāhur devāḥ prasannamānasāḥ / svīyaveṣaiḥ svacetasā svādhiṣṭhānaṃ samāgatāḥ / itthaṃ pūjābhavad viśva-vāsibhiste prapūjitāḥ

Sanskrit only: no published translation is held for this verse.

परिमाणादिकं तेषां मत्तः श्रुत्वा च लक्षणम् । अद्य मनुष्यलोकेषु प्रचारय प्रयत्नतः

parimāṇādikaṃ teṣāṃ mattaḥ śrutvā ca lakṣaṇam / adya manuṣyalokeṣu pracāraya prayatnataḥ

Sanskrit only: no published translation is held for this verse.

ब्रह्मणश्च मया प्राप्तं विद्योत्तमा च लक्षणम् । अशेषं परिमाणं च तुभ्यमद्य प्रदीयते

brahmaṇaśca mayā prāptaṃ vidyottamā ca lakṣaṇam / aśeṣaṃ parimāṇaṃ ca tubhyamadya pradīyate

Sanskrit only: no published translation is held for this verse.

त्रिलोकेषु च पूज्यानां सर्वेषां देहिनां तथा । पापहानिकरं भीतेर् नाशकम् नेत्रमोदकं

trilokeṣu ca pūjyānāṃ sarveṣāṃ dehināṃ tathā / pāpahānikaraṃ bhīter nāśakam netramodakaṃ

Sanskrit only: no published translation is held for this verse.

आद्युत्पन्नञ्च दोषेण हीनं नानाश्रयं परम् । विजानीहि क्षितीन्द्र त्वं यशोराशिविवर्धकम्

ādyutpannañca doṣeṇa hīnaṃ nānāśrayaṃ param / vijānīhi kṣitīndra tvaṃ yaśorāśivivardhakam

Sanskrit only: no published translation is held for this verse.