Library·Nagarjuna: Ratnavali (1-2.46, and 4)·1
। नमो रत्नत्रयाय ॥ सर्वदोषविनिर्मुक्तं गुणैः सर्वैरलंकृतम् । प्रणम्य सर्वज्ञमहं सर्वसत्त्वैकबान्धवम्
/ namo ratnatrayāya // sarvadoṣavinirmuktaṃ guṇaiḥ sarvairalaṃkṛtam / praṇamya sarvajñamahaṃ sarvasattvaikabāndhavam
Sanskrit only: no published translation is held for this verse.
धर्ममेकान्तकल्याणं राज[न् ध]र्मोदयाय ते । वक्ष्यामि धर्मः सिद्धिं हि याति सद्धर्मभाजने
dharmamekāntakalyāṇaṃ rāja[n dha]rmodayāya te / vakṣyāmi dharmaḥ siddhiṃ hi yāti saddharmabhājane
Sanskrit only: no published translation is held for this verse.
प्राग्धर्माभ्युदयो यत्र पश्चानैःश्रेयसोदयः । संप्राप्याभ्युदयं यस्मादेति नैःश्रेयसं क्रमात्
prāgdharmābhyudayo yatra paścānaiḥśreyasodayaḥ / saṃprāpyābhyudayaṃ yasmādeti naiḥśreyasaṃ kramāt
Sanskrit only: no published translation is held for this verse.
सुखमभ्युदय[स्तत्र मोक्षो]नैःश्रेयसो मतः । अस्य साधनसंक्षेपः श्रद्धाप्रज्ञे समासतः
sukhamabhyudaya[statra mokṣo]naiḥśreyaso mataḥ / asya sādhanasaṃkṣepaḥ śraddhāprajñe samāsataḥ
Sanskrit only: no published translation is held for this verse.
श्राद्धत्वाभ्दजते धर्मं प्राज्ञत्वाद्वेत्ति तत्त्वतः । प्रज्ञा प्रधानं त्वनयोः श्रद्धा पूर्वंगमास्य तु
śrāddhatvābhdajate dharmaṃ prājñatvādvetti tattvataḥ / prajñā pradhānaṃ tvanayoḥ śraddhā pūrvaṃgamāsya tu
Sanskrit only: no published translation is held for this verse.
छन्दाद् द्वेषाभ्दयान्मोहाद्यो धर्मं नातिवर्तते । स श्राद्ध इति विज्ञेयः श्रेयसो भाजनं परम्
chandād dveṣābhdayānmohādyo dharmaṃ nātivartate / sa śrāddha iti vijñeyaḥ śreyaso bhājanaṃ param
Sanskrit only: no published translation is held for this verse.
कायवाङ्मानसं कर्म सर्वं सम्यक्परीक्ष्य यः । परात्महितमाज्ञाय सदा कुर्यात्स पण्डितः
kāyavāṅmānasaṃ karma sarvaṃ samyakparīkṣya yaḥ / parātmahitamājñāya sadā kuryātsa paṇḍitaḥ
Sanskrit only: no published translation is held for this verse.
अहिंसा चौर्यविरतिः परदारविवर्जनम् । मिथ्यापैशुन्यपारुष्याबद्धवादेषु संयमः
ahiṃsā cauryaviratiḥ paradāravivarjanam / mithyāpaiśunyapāruṣyābaddhavādeṣu saṃyamaḥ
Sanskrit only: no published translation is held for this verse.
लोभव्यापादनास्तिक्यदृष्टीनां परिवर्जनम् । एते कर्मपथाः शुक्ला दश कृष्णा विपर्ययात्
lobhavyāpādanāstikyadṛṣṭīnāṃ parivarjanam / ete karmapathāḥ śuklā daśa kṛṣṇā viparyayāt
Sanskrit only: no published translation is held for this verse.
अमद्यपानं स्वाजीवो ऽविहिंसा दानमादरात् । पूज्यपूजा च मैत्री च धर्मश्चैष समासतः
amadyapānaṃ svājīvo 'vihiṃsā dānamādarāt / pūjyapūjā ca maitrī ca dharmaścaiṣa samāsataḥ
Sanskrit only: no published translation is held for this verse.
शरीरतापनाद्धर्मः केवला(न्नास्ति तेन हि) । न परद्रोहविरतिर्न परेसामनुग्रहः
śarīratāpanāddharmaḥ kevalā(nnāsti tena hi) / na paradrohaviratirna paresāmanugrahaḥ
Sanskrit only: no published translation is held for this verse.
दानशीलक्षमास्पष्टं यः सद्धर्ममहापथम् । अनादृत्य व्रजेत् कायक्लेशगो दण्डकोत्पथैः
dānaśīlakṣamāspaṣṭaṃ yaḥ saddharmamahāpatham / anādṛtya vrajet kāyakleśago daṇḍakotpathaiḥ
Sanskrit only: no published translation is held for this verse.
स संसाराटवीं घोरामनन्तजनपादपाम् । क्लेशव्यालावलीढाङ्गः सुदीर्घं प्रतिपद्यते
sa saṃsārāṭavīṃ ghorāmanantajanapādapām / kleśavyālāvalīḍhāṅgaḥ sudīrghaṃ pratipadyate
Sanskrit only: no published translation is held for this verse.
हिंसया जायते ऽल्पायुः बहवाबाधो विहिंसया । चौर्येण भोगव्यसनी सश(त्रुः) पारदारिकः
hiṃsayā jāyate 'lpāyuḥ bahavābādho vihiṃsayā / cauryeṇa bhogavyasanī saśa(truḥ) pāradārikaḥ
Sanskrit only: no published translation is held for this verse.
प्रत्याख्यानं मृषावादात् पैशुन्यान्मित्रभेदनम् । अप्रियश्रवणं रौक्ष्यादबाद्धा(दपार्था?)द्दुर्भगं वचः
pratyākhyānaṃ mṛṣāvādāt paiśunyānmitrabhedanam / apriyaśravaṇaṃ raukṣyādabāddhā(dapārthā?)ddurbhagaṃ vacaḥ
Sanskrit only: no published translation is held for this verse.
मनोरथान् हन्त्यमिध्या व्यापादो भयदः स्मृतः । मिथ्यादृष्टिः कुदृष्टित्वं मद्यपानं मतिभ्रमः
manorathān hantyamidhyā vyāpādo bhayadaḥ smṛtaḥ / mithyādṛṣṭiḥ kudṛṣṭitvaṃ madyapānaṃ matibhramaḥ
Sanskrit only: no published translation is held for this verse.
अप्रदानेन दारिद्यं मिथ्याजीवेन वञ्चना । स्तम्भेन दुष्कुलीनत्वमल्पौजस्कत्वमीर्ष्यया
apradānena dāridyaṃ mithyājīvena vañcanā / stambhena duṣkulīnatvamalpaujaskatvamīrṣyayā
Sanskrit only: no published translation is held for this verse.
क्रोधाद्दुर्वर्णता मौर्ख्यमप्रश्नेन विपश्चिताम् । फलमेतन्मनुष्यत्वे सर्वेभ्यः प्राक् च दुर्गतिः
krodhāddurvarṇatā maurkhyamapraśnena vipaścitām / phalametanmanuṣyatve sarvebhyaḥ prāk ca durgatiḥ
Sanskrit only: no published translation is held for this verse.
एषामकुशलाख्यानां विपाको यः प्रकीर्तितः । कुशलानां च सर्वेषां विपरीतः फलोदयः
eṣāmakuśalākhyānāṃ vipāko yaḥ prakīrtitaḥ / kuśalānāṃ ca sarveṣāṃ viparītaḥ phalodayaḥ
Sanskrit only: no published translation is held for this verse.
लोभो द्वेषश्च मोहश्च तज्जं कर्मेति चाशुभम् । अलोभामोहाद्वेषाश्च तज्जं कर्मेतरच्छुभम्
lobho dveṣaśca mohaśca tajjaṃ karmeti cāśubham / alobhāmohādveṣāśca tajjaṃ karmetaracchubham
Sanskrit only: no published translation is held for this verse.
अभुभात्सर्वदुःखानि सर्वदुर्गतयस्तथा । शुभात्सुगतयः सर्वाः सर्वजन्मसुखानि च
abhubhātsarvaduḥkhāni sarvadurgatayastathā / śubhātsugatayaḥ sarvāḥ sarvajanmasukhāni ca
Sanskrit only: no published translation is held for this verse.
निवृत्तिरशुभात्कृत्स्नात्प्रवृत्तिस्तु शुभे सदा । मनसा कर्मणा वाचा धर्मो ऽयं द्विविधः स्मृतः
nivṛttiraśubhātkṛtsnātpravṛttistu śubhe sadā / manasā karmaṇā vācā dharmo 'yaṃ dvividhaḥ smṛtaḥ
Sanskrit only: no published translation is held for this verse.
नरकप्रेततिर्यग्भ्यो धर्मादस्माद्विमुच्यते । नृषु देवेषु चाप्नोति सुखश्रिराज्यविस्तरान्
narakapretatiryagbhyo dharmādasmādvimucyate / nṛṣu deveṣu cāpnoti sukhaśrirājyavistarān
Sanskrit only: no published translation is held for this verse.
ध्यानाप्रमाणारूप्यैस्तु ब्रह्माद्यसुखमश्नुते । इत्यभ्युदयधर्मो ऽयं फलं चास्य समासतः
dhyānāpramāṇārūpyaistu brahmādyasukhamaśnute / ityabhyudayadharmo 'yaṃ phalaṃ cāsya samāsataḥ
Sanskrit only: no published translation is held for this verse.
नैःश्रेयसः पुनर्धर्मः सूक्ष्मो गम्भीरदर्शनः । बालानां[अश्रोत्रवताम्] उक्तस्त्रासकरो जिनैः
naiḥśreyasaḥ punardharmaḥ sūkṣmo gambhīradarśanaḥ / bālānāṃ[aśrotravatām] uktastrāsakaro jinaiḥ
Sanskrit only: no published translation is held for this verse.
नास्म्यहं न भविष्यामि न मे ऽस्ति न भविष्यति । इति बालस्य संत्रासः पण्डितस्य भयक्षयः
nāsmyahaṃ na bhaviṣyāmi na me 'sti na bhaviṣyati / iti bālasya saṃtrāsaḥ paṇḍitasya bhayakṣayaḥ
Sanskrit only: no published translation is held for this verse.
अहंकरप्रसूतेयं ममकारोपसंहिता । प्रजा प्रजाहितैकान्तवादिनाभिहिताखिला
ahaṃkaraprasūteyaṃ mamakāropasaṃhitā / prajā prajāhitaikāntavādinābhihitākhilā
Sanskrit only: no published translation is held for this verse.
अस्त्यहं मम चास्तीति मिथ्यैतत्परमार्थिभिः । यथाभूतपरिज्ञानान्न भवत्युभयं यतः
astyahaṃ mama cāstīti mithyaitatparamārthibhiḥ / yathābhūtaparijñānānna bhavatyubhayaṃ yataḥ
Sanskrit only: no published translation is held for this verse.
अहंकारोद्भवाः स्कन्धाः सो ऽहंकारो ऽनृतो ऽर्थतः । बीजं यस्यानृतं तस्य प्ररोहः सत्यतः कुतः
ahaṃkārodbhavāḥ skandhāḥ so 'haṃkāro 'nṛto 'rthataḥ / bījaṃ yasyānṛtaṃ tasya prarohaḥ satyataḥ kutaḥ
Sanskrit only: no published translation is held for this verse.
स्कन्धानसत्यान् दृष्ट्वैवमहंकारः प्रहीयते । अहंकारप्रहाणाच्च न पुनः स्कन्धसंभवः
skandhānasatyān dṛṣṭvaivamahaṃkāraḥ prahīyate / ahaṃkāraprahāṇācca na punaḥ skandhasaṃbhavaḥ
Sanskrit only: no published translation is held for this verse.
यथादर्शमुपादाय(स्वमुखप्रतिबिम्बकम् । दृश्य) ते नाम तच्चैवं न किंचिदपि तत्त्वतः
yathādarśamupādāya(svamukhapratibimbakam / dṛśya) te nāma taccaivaṃ na kiṃcidapi tattvataḥ
Sanskrit only: no published translation is held for this verse.
अहंकारस्तथा स्कन्धानुपादायोपलभ्यते । न च कश्चित्स तत्त्वेन स्वमुखप्रतिबिम्बवत्
ahaṃkārastathā skandhānupādāyopalabhyate / na ca kaścitsa tattvena svamukhapratibimbavat
Sanskrit only: no published translation is held for this verse.
यथादर्शमनादाय स्वमुखप्रतिबिम्बकम् । न दृश्यते तथा स्कन्धाननादायाहमित्यपि
yathādarśamanādāya svamukhapratibimbakam / na dṛśyate tathā skandhānanādāyāhamityapi
Sanskrit only: no published translation is held for this verse.
एवंविधार्थश्रवणाद्धर्मचक्षुरवाप्तवान् । आर्यानन्दः स्वयं चैव भिक्षुभ्यो ऽभीक्ष्णमुक्तवान्
evaṃvidhārthaśravaṇāddharmacakṣuravāptavān / āryānandaḥ svayaṃ caiva bhikṣubhyo 'bhīkṣṇamuktavān
Sanskrit only: no published translation is held for this verse.
स्कन्धग्राहो यावदस्ति तावदेवाहमित्यपि । अहंकारे सति पुनः कर्म जन्म ततः पुनः
skandhagrāho yāvadasti tāvadevāhamityapi / ahaṃkāre sati punaḥ karma janma tataḥ punaḥ
Sanskrit only: no published translation is held for this verse.
त्रिवर्त्मैतदनाद्यन्तमध्यं संसारमण्डलम् । अलातमण्डलप्रख्यं भ्रमत्यन्योन्यहेतुकम्
trivartmaitadanādyantamadhyaṃ saṃsāramaṇḍalam / alātamaṇḍalaprakhyaṃ bhramatyanyonyahetukam
Sanskrit only: no published translation is held for this verse.
स्वपरोभयतस्तस्य त्रैकाल्यतो ऽप्यप्राप्तितः । अहंकारः क्षयं याति ततः कर्म च जन्म च
svaparobhayatastasya traikālyato 'pyaprāptitaḥ / ahaṃkāraḥ kṣayaṃ yāti tataḥ karma ca janma ca
Sanskrit only: no published translation is held for this verse.
एवं हेतुफलोत्पादं पश्यंस्तत्क्षयमेव च । नास्तितामस्तितां चैव नैति लोकस्य तत्त्वतः
evaṃ hetuphalotpādaṃ paśyaṃstatkṣayameva ca / nāstitāmastitāṃ caiva naiti lokasya tattvataḥ
Sanskrit only: no published translation is held for this verse.
सर्वदुःखक्षयं धम श्रुत्वैवमपरीक्षकः । संकम्पत्यपरिज्ञानादभयस्थानकातरः
sarvaduḥkhakṣayaṃ dhama śrutvaivamaparīkṣakaḥ / saṃkampatyaparijñānādabhayasthānakātaraḥ
Sanskrit only: no published translation is held for this verse.
न भविष्यति निर्वाणे सर्वमेतन्न ते भयम् । उच्यमान इहाभावस्तस्य ते किं भयंकरः
na bhaviṣyati nirvāṇe sarvametanna te bhayam / ucyamāna ihābhāvastasya te kiṃ bhayaṃkaraḥ
Sanskrit only: no published translation is held for this verse.
मोक्षे नात्मा न च स्कन्धा मोक्षश्चेदीदृशः प्रियः । आत्मस्कन्धापनयनं किमिहैव तवाप्रियम्
mokṣe nātmā na ca skandhā mokṣaścedīdṛśaḥ priyaḥ / ātmaskandhāpanayanaṃ kimihaiva tavāpriyam
Sanskrit only: no published translation is held for this verse.
न चाभावो ऽपि निर्वानं कुत एव तस्य[वास्य] भावता । भावाभावपरामर्शक्षयो निर्वाणमुच्यते
na cābhāvo 'pi nirvānaṃ kuta eva tasya[vāsya] bhāvatā / bhāvābhāvaparāmarśakṣayo nirvāṇamucyate
Sanskrit only: no published translation is held for this verse.
समासान्नास्तितादृष्टिः फलं नास्तीति कर्मणः । अपुण्यापायीकी चैषा मिथ्यादृष्टिरिति स्मृता
samāsānnāstitādṛṣṭiḥ phalaṃ nāstīti karmaṇaḥ / apuṇyāpāyīkī caiṣā mithyādṛṣṭiriti smṛtā
Sanskrit only: no published translation is held for this verse.
समासादस्तितादृष्टिः फलं चास्तीति कर्मणाम् । पुण्या सुगतिनिष्यन्दा सम्यग्दृष्टिरिति स्मृता
samāsādastitādṛṣṭiḥ phalaṃ cāstīti karmaṇām / puṇyā sugatiniṣyandā samyagdṛṣṭiriti smṛtā
Sanskrit only: no published translation is held for this verse.
ज्ञाने नास्त्यस्तिताशान्तेः पापपुण्यव्यतिक्रमः । दुर्गतेः सुगतेश्चास्मात् स मोक्षः सभ्दिरुच्यते
jñāne nāstyastitāśānteḥ pāpapuṇyavyatikramaḥ / durgateḥ sugateścāsmāt sa mokṣaḥ sabhdirucyate
Sanskrit only: no published translation is held for this verse.
सहेतुमुदयं पश्यन् नास्तितामतिवर्तते । अस्तितामपि नोपैति निरोधं सह हेतुना
sahetumudayaṃ paśyan nāstitāmativartate / astitāmapi nopaiti nirodhaṃ saha hetunā
Sanskrit only: no published translation is held for this verse.
प्राग्जातः सहजातश्च हेतुरहेतुको ऽर्थतः । प्रज्ञप्तेरप्रतीतत्वादुत्पत्तेश्चैव तत्त्वतः
prāgjātaḥ sahajātaśca heturahetuko 'rthataḥ / prajñapterapratītatvādutpatteścaiva tattvataḥ
Sanskrit only: no published translation is held for this verse.
अस्मिन् सतीदं भवति दीर्घे ह्रस्वं यथा सति । [तस्योत्पादादुदेतीदं दीपोत्पादाद्यथा] प्रभा
asmin satīdaṃ bhavati dīrghe hrasvaṃ yathā sati / [tasyotpādādudetīdaṃ dīpotpādādyathā] prabhā
Sanskrit only: no published translation is held for this verse.
ह्रस्वे ऽसति पुनर्दीर्घं न भवति स्वभावतः । प्रदीपस्याप्यनुत्पादात्प्रभाया अप्यसंभवः
hrasve 'sati punardīrghaṃ na bhavati svabhāvataḥ / pradīpasyāpyanutpādātprabhāyā apyasaṃbhavaḥ
Sanskrit only: no published translation is held for this verse.
एवं हेतुफलोत्पादं दृष्ट्वा नोपैति नास्तिक्यम्(नास्तिताम्) । अभ्युपेत्यास्य लोकस्य याथाभूत्यं प्रपञ्चजम्
evaṃ hetuphalotpādaṃ dṛṣṭvā nopaiti nāstikyam(nāstitām) / abhyupetyāsya lokasya yāthābhūtyaṃ prapañcajam
Sanskrit only: no published translation is held for this verse.
निरोधं च प्रपञ्चोत्थं याथाभूत्यादुपागतः । नोपयात्यस्तितां तस्मान्मुच्यते ऽद्वयनिश्चितः
nirodhaṃ ca prapañcotthaṃ yāthābhūtyādupāgataḥ / nopayātyastitāṃ tasmānmucyate 'dvayaniścitaḥ
Sanskrit only: no published translation is held for this verse.
दूरादालोकितं रूपमासन्नैर्दृश्यते स्फुटम् । मरीचिर्यदि वारि स्यादासन्नैः किं न दृश्यते
dūrādālokitaṃ rūpamāsannairdṛśyate sphuṭam / marīciryadi vāri syādāsannaiḥ kiṃ na dṛśyate
Sanskrit only: no published translation is held for this verse.
दूरीभूतैर्यथाभूतो लोको ऽयं दृशयते तथा । न दृश्यते तदासन्नैरनिमित्तो मरीचिवत्
dūrībhūtairyathābhūto loko 'yaṃ dṛśayate tathā / na dṛśyate tadāsannairanimitto marīcivat
Sanskrit only: no published translation is held for this verse.
स्कन्धास्तथात्मसदृशा नात्मानो नापि ते ऽर्थतः
skandhāstathātmasadṛśā nātmāno nāpi te 'rthataḥ
Sanskrit only: no published translation is held for this verse.
मरीचीं तोयमित्येतदिति मत्वागतो ऽत्र सन् । यदि नास्तीति तत्तोयं [गृण्हीयान्मूढ एव सः
marīcīṃ toyamityetaditi matvāgato 'tra san / yadi nāstīti tattoyaṃ [gṛṇhīyānmūḍha eva saḥ
Sanskrit only: no published translation is held for this verse.
मरीचिप्रतिमं लोकमेवमस्तीति गृण्हतः । नास्तीति चापि मोहो ऽयं सति मोहे न मुच्यते
marīcipratimaṃ lokamevamastīti gṛṇhataḥ / nāstīti cāpi moho 'yaṃ sati mohe na mucyate
Sanskrit only: no published translation is held for this verse.
नास्तिको दुर्गतिं यातिं सुगतिं यति चास्तिकः । यथाभूतपरिज्ञानान्मोक्षमद्वयनिश्रितः
nāstiko durgatiṃ yātiṃ sugatiṃ yati cāstikaḥ / yathābhūtaparijñānānmokṣamadvayaniśritaḥ
Sanskrit only: no published translation is held for this verse.
अनिच्छन् नास्तितास्तित्वे यथाभूतपरिज्ञया । नास्तितां लभते मोहात् कस्मान्न लभते ऽस्तिताम्
anicchan nāstitāstitve yathābhūtaparijñayā / nāstitāṃ labhate mohāt kasmānna labhate 'stitām
Sanskrit only: no published translation is held for this verse.
स्यादस्तिदूषणादस्य नास्तिताक्षिप्यते ऽर्थतः । नास्तितादूषणादेव कस्मान्नाक्षिप्यते ऽस्तिता
syādastidūṣaṇādasya nāstitākṣipyate 'rthataḥ / nāstitādūṣaṇādeva kasmānnākṣipyate 'stitā
Sanskrit only: no published translation is held for this verse.
न प्रतिज्ञा न चरितं न चित्तं बोधिनिश्रयात् । नास्तिकत्वे ऽर्थतो येषां कथं ते नास्तिकाः स्मृताः
na pratijñā na caritaṃ na cittaṃ bodhiniśrayāt / nāstikatve 'rthato yeṣāṃ kathaṃ te nāstikāḥ smṛtāḥ
Sanskrit only: no published translation is held for this verse.
ससांख्यौलूक्यनिर्ग्रन्थपुग्दलस्कन्धवादिनम् । पृच्छ लोकं यदि वदत्यस्तिनास्तिव्यतिक्रमम्
sasāṃkhyaulūkyanirgranthapugdalaskandhavādinam / pṛccha lokaṃ yadi vadatyastināstivyatikramam
Sanskrit only: no published translation is held for this verse.
धर्मयौतकमित्यस्मान्नास्त्यस्तित्वव्यतिक्रमम् । विद्धि गम्भीरमित्युक्तं बुद्धानां शासनामृतम्
dharmayautakamityasmānnāstyastitvavyatikramam / viddhi gambhīramityuktaṃ buddhānāṃ śāsanāmṛtam
Sanskrit only: no published translation is held for this verse.
विभवं नैति नायाति न तिष्ठत्यपि च क्षणम् । त्रैकाल्यव्यतिवृत्तात्मा लोक एव कुतो ऽर्थतः
vibhavaṃ naiti nāyāti na tiṣṭhatyapi ca kṣaṇam / traikālyavyativṛttātmā loka eva kuto 'rthataḥ
Sanskrit only: no published translation is held for this verse.
द्वयोरप्यागतिगती प्रस्थितिश्च न तत्त्वतः । लोकनिर्याणयोस्तस्माद्विशेषः क इवार्थतः
dvayorapyāgatigatī prasthitiśca na tattvataḥ / lokaniryāṇayostasmādviśeṣaḥ ka ivārthataḥ
Sanskrit only: no published translation is held for this verse.
स्थितेरभावादुदयो निरोधश्च न तत्त्वतः । उदितश्च स्थितश्चेति निरुद्धश्च कुतो ऽर्थतः
sthiterabhāvādudayo nirodhaśca na tattvataḥ / uditaśca sthitaśceti niruddhaśca kuto 'rthataḥ
Sanskrit only: no published translation is held for this verse.
कथमक्षणिको भावः परिणामः सदा यदि । नास्ति चेत्परिणामः स्यादन्यथात्वं कुतो ऽर्थतः
kathamakṣaṇiko bhāvaḥ pariṇāmaḥ sadā yadi / nāsti cetpariṇāmaḥ syādanyathātvaṃ kuto 'rthataḥ
Sanskrit only: no published translation is held for this verse.
एकदेशे क्षयाद्वा स्यात् क्षणिकं सर्वशो ऽपि वा । वैषम्यानुपलब्धेश्च द्विधाप्येतदयुक्तिमत्
ekadeśe kṣayādvā syāt kṣaṇikaṃ sarvaśo 'pi vā / vaiṣamyānupalabdheśca dvidhāpyetadayuktimat
Sanskrit only: no published translation is held for this verse.
क्षणिके सर्वथा भावे कुतः काचित्पुराणता । स्थैर्यादक्षणिके चापि कुतः काचित्पुराणता
kṣaṇike sarvathā bhāve kutaḥ kācitpurāṇatā / sthairyādakṣaṇike cāpi kutaḥ kācitpurāṇatā
Sanskrit only: no published translation is held for this verse.
यथान्तो ऽस्ति क्षणस्यैवमादिर्मध्यं च कल्प्यताम् । त्र्यात्मकत्वात् क्षणस्यैवं न लोकस्य क्षणं स्थितिः
yathānto 'sti kṣaṇasyaivamādirmadhyaṃ ca kalpyatām / tryātmakatvāt kṣaṇasyaivaṃ na lokasya kṣaṇaṃ sthitiḥ
Sanskrit only: no published translation is held for this verse.
आदिमध्यावसानानि[चिन्त्यानि क्षणवत्पुनः । आदिमध्या] वसानत्वं न स्वतः परतो ऽपि वा
ādimadhyāvasānāni[cintyāni kṣaṇavatpunaḥ / ādimadhyā] vasānatvaṃ na svataḥ parato 'pi vā
Sanskrit only: no published translation is held for this verse.
नैको ऽनेकप्रदेशत्वान्नाप्रदेशश्च कश्चन् । विनैकमपि नानेको नास्तित्वमपि चास्तिताम्
naiko 'nekapradeśatvānnāpradeśaśca kaścan / vinaikamapi nāneko nāstitvamapi cāstitām
Sanskrit only: no published translation is held for this verse.
विनाशात् प्रतिपक्षाद्वा स्यादस्तित्वस्य नास्तिता । विनाशः प्रतिपक्षो वा कथं स्यादस्त्यसंभवात्
vināśāt pratipakṣādvā syādastitvasya nāstitā / vināśaḥ pratipakṣo vā kathaṃ syādastyasaṃbhavāt
Sanskrit only: no published translation is held for this verse.
निर्वृतेस्तेन लोकस्य नोपैत्यूनत्वमर्थतः । अन्तवानिति लोकश्च पृष्टस्तूष्णीं जिनो ऽभवत्
nirvṛtestena lokasya nopaityūnatvamarthataḥ / antavāniti lokaśca pṛṣṭastūṣṇīṃ jino 'bhavat
Sanskrit only: no published translation is held for this verse.
सर्वज्ञ इति सर्वज्ञो बुधैस्तेनैव गम्यते । येनैतद्धर्मगाम्भीर्यं नोवाचाभजने लोके
sarvajña iti sarvajño budhaistenaiva gamyate / yenaitaddharmagāmbhīryaṃ novācābhajane loke
Sanskrit only: no published translation is held for this verse.
इति नैःश्रेयसो धर्मो गम्भीरो निष्परिग्रहः । अनालय इति प्रोक्तः संबुद्धैस्तत्वदर्शिभिः
iti naiḥśreyaso dharmo gambhīro niṣparigrahaḥ / anālaya iti proktaḥ saṃbuddhaistatvadarśibhiḥ
Sanskrit only: no published translation is held for this verse.
अस्मादनालयाद्धर्मादायलयाभिरता जनाः । अस्तिनास्त्यव्यतिक्रान्ता भीता नश्यन्त्यमेधसः
asmādanālayāddharmādāyalayābhiratā janāḥ / astināstyavyatikrāntā bhītā naśyantyamedhasaḥ
Sanskrit only: no published translation is held for this verse.
ते नष्टा नाशयन्त्यन्यानभयस्थानभीरवः । तथा कुरु यथा राजान् नष्टैर्न विप्रणाश्यसे
te naṣṭā nāśayantyanyānabhayasthānabhīravaḥ / tathā kuru yathā rājān naṣṭairna vipraṇāśyase
Sanskrit only: no published translation is held for this verse.