Narada-Smrti (plain text) 10

पाषण्डनैगमादीनां स्थितिः समय उच्यते । समयस्यानपाकर्म तद् विवादपदं स्मृतम्

pāṣaṇḍanaigamādīnāṃ sthitiḥ samaya ucyate / samayasyānapākarma tad vivādapadaṃ smṛtam

Sanskrit only: no published translation is held for this verse.

पाषण्डनैगमश्रेणी- पूगव्रातगणादिषु । संरक्षेत् समयं राजा दुर्गे जनपदे तथा

pāṣaṇḍanaigamaśreṇī- pūgavrātagaṇādiṣu / saṃrakṣet samayaṃ rājā durge janapade tathā

Sanskrit only: no published translation is held for this verse.

यो धर्मः कर्म यच् चैषाम् उपस्थानविधिश् च यः । यच् चैषां वृत्त्युपादानम् अनुमन्येत तत् तथा

yo dharmaḥ karma yac caiṣām upasthānavidhiś ca yaḥ / yac caiṣāṃ vṛttyupādānam anumanyeta tat tathā

Sanskrit only: no published translation is held for this verse.

प्रतिकूलं च यद् राज्ञः प्रकृत्यवमतं च यत् । बाधकं च यद् अर्थानां तत् तेभ्यो विनिवर्तयेत्

pratikūlaṃ ca yad rājñaḥ prakṛtyavamataṃ ca yat / bādhakaṃ ca yad arthānāṃ tat tebhyo vinivartayet

Sanskrit only: no published translation is held for this verse.

मिथः संघातकरणम् अहितं शस्त्रधारणम् । परस्परोपघातं च तेषां राजा न मर्षयेत्

mithaḥ saṃghātakaraṇam ahitaṃ śastradhāraṇam / parasparopaghātaṃ ca teṣāṃ rājā na marṣayet

Sanskrit only: no published translation is held for this verse.

पृथग् गणांश् च ये भिन्द्युस् ते विनेया विशेषतः । आवहेयुर् भयं घोरं व्याधिवत् ते ह्य् उपेक्षिताः

pṛthag gaṇāṃś ca ye bhindyus te vineyā viśeṣataḥ / āvaheyur bhayaṃ ghoraṃ vyādhivat te hy upekṣitāḥ

Sanskrit only: no published translation is held for this verse.

दोषवत् करणं यत् स्याद् अनाम्नायप्रकल्पितम् । प्रवृत्तम् अपि तद् राजा श्रेयस्कामो निवर्तयेत्

doṣavat karaṇaṃ yat syād anāmnāyaprakalpitam / pravṛttam api tad rājā śreyaskāmo nivartayet

Sanskrit only: no published translation is held for this verse.