Narada-Smrti (plain text) 17

अक्षवर्ध्रशलाकाद्यैर् देवनं जिह्मकारितम् । पणक्रीडा वयोभिश् च पदं द्यूतसमाह्वयम्

akṣavardhraśalākādyair devanaṃ jihmakāritam / paṇakrīḍā vayobhiś ca padaṃ dyūtasamāhvayam

Sanskrit only: no published translation is held for this verse.

सभिकः कारयेद् द्यूतं देयं दद्याच् च तत्कृतम् । दशकं तु शतं वृद्धिस् तस्य स्याद् द्यूतकारिता

sabhikaḥ kārayed dyūtaṃ deyaṃ dadyāc ca tatkṛtam / daśakaṃ tu śataṃ vṛddhis tasya syād dyūtakāritā

Sanskrit only: no published translation is held for this verse.

द्विरभ्यस्ताः पतन्त्य् अक्षा ग्लहे यस्याक्षदेविनः । जयं तस्यापरस्याहुः कितवस्य पराजयम्

dvirabhyastāḥ patanty akṣā glahe yasyākṣadevinaḥ / jayaṃ tasyāparasyāhuḥ kitavasya parājayam

Sanskrit only: no published translation is held for this verse.

कितवेष्व् एव तिष्ठेयुः कितवाः संशयं प्रति । त एव तस्य द्रष्टारः स्युस् त एव च साक्षिणः

kitaveṣv eva tiṣṭheyuḥ kitavāḥ saṃśayaṃ prati / ta eva tasya draṣṭāraḥ syus ta eva ca sākṣiṇaḥ

Sanskrit only: no published translation is held for this verse.

अशुद्धः कितवो नान्यद् आश्रयेद् द्यूतमण्डलम् । प्रतिहन्यान् न सभिकं दापयेत् तत् स्वम् इष्टतः

aśuddhaḥ kitavo nānyad āśrayed dyūtamaṇḍalam / pratihanyān na sabhikaṃ dāpayet tat svam iṣṭataḥ

Sanskrit only: no published translation is held for this verse.

कूटाक्षदेविनः पापान् निर्भजेद् द्यूतमण्डलात् । कण्ठे ऽक्षमालाम् आसज्य स ह्य् एषां विनयः स्मृतः

kūṭākṣadevinaḥ pāpān nirbhajed dyūtamaṇḍalāt / kaṇṭhe 'kṣamālām āsajya sa hy eṣāṃ vinayaḥ smṛtaḥ

Sanskrit only: no published translation is held for this verse.