Library·Narada-Smrti (plain text)·2
स्वद्रव्यं यत्र विश्रम्भान् निक्षिपत्य् अविशङ्कितः । निक्षेपो नाम तत् प्रोक्तं व्यवहारपदं बुधैः
svadravyaṃ yatra viśrambhān nikṣipaty aviśaṅkitaḥ / nikṣepo nāma tat proktaṃ vyavahārapadaṃ budhaiḥ
Sanskrit only: no published translation is held for this verse.
अन्यद्रव्यव्यवहितं द्रव्यम् अव्याकृतं च यत् । निक्षिप्यते परगृहे तद् औपनिधिकं स्मृतम्
anyadravyavyavahitaṃ dravyam avyākṛtaṃ ca yat / nikṣipyate paragṛhe tad aupanidhikaṃ smṛtam
Sanskrit only: no published translation is held for this verse.
स पुनर् द्विविधः प्रोक्तः साक्षिमान् इतरस् तथा । प्रतिदानं तथैवास्य प्रत्ययः स्याद् विपर्यये
sa punar dvividhaḥ proktaḥ sākṣimān itaras tathā / pratidānaṃ tathaivāsya pratyayaḥ syād viparyaye
Sanskrit only: no published translation is held for this verse.
याच्यमानस् तु यो दात्रा निक्षेपं न प्रयच्छति । दण्ड्यः स राज्ञा दाप्यश् च नष्टे दाप्यश् च तत्समम्
yācyamānas tu yo dātrā nikṣepaṃ na prayacchati / daṇḍyaḥ sa rājñā dāpyaś ca naṣṭe dāpyaś ca tatsamam
Sanskrit only: no published translation is held for this verse.
यश् चार्थं साधयेत् तेन निक्षेप्तुर् अननुज्ञया । तत्रापि दण्ड्यः स भवेत् तच् च सोदयम् आवहेत्
yaś cārthaṃ sādhayet tena nikṣeptur ananujñayā / tatrāpi daṇḍyaḥ sa bhavet tac ca sodayam āvahet
Sanskrit only: no published translation is held for this verse.
ग्रहीतुः सह यो ऽर्थेन नष्टो नष्टः स दायिनः । दैवराजकृते तद्वन् न चेत् तज् जिह्मकारितम्
grahītuḥ saha yo 'rthena naṣṭo naṣṭaḥ sa dāyinaḥ / daivarājakṛte tadvan na cet taj jihmakāritam
Sanskrit only: no published translation is held for this verse.
एष एव विधिर् दृष्टो याचितान्वाहितादिषु । शिल्पिषूपनिधौ न्यासे प्रतिन्यासे तथैव च
eṣa eva vidhir dṛṣṭo yācitānvāhitādiṣu / śilpiṣūpanidhau nyāse pratinyāse tathaiva ca
Sanskrit only: no published translation is held for this verse.
प्रतिगृह्णाति पोगण्डं यश् च सप्रधनं नरः । तस्याप्य् एष भवेद् धर्मः षड् एते विधयः समाः
pratigṛhṇāti pogaṇḍaṃ yaś ca sapradhanaṃ naraḥ / tasyāpy eṣa bhaved dharmaḥ ṣaḍ ete vidhayaḥ samāḥ
Sanskrit only: no published translation is held for this verse.