Narada-Smrti (plain text) 4

दत्त्वा द्रव्यम् असम्यग् यः पुनर् आदातुम् इच्छति । दत्ताप्रदानिकं नाम तद् विवादपदं स्मृतम्

dattvā dravyam asamyag yaḥ punar ādātum icchati / dattāpradānikaṃ nāma tad vivādapadaṃ smṛtam

Sanskrit only: no published translation is held for this verse.

अदेयम् अथ देयं च दत्तं चादत्तम् एव च । व्यवहारेषु विज्ञेयो दानमार्गश् चतुर्विधः

adeyam atha deyaṃ ca dattaṃ cādattam eva ca / vyavahāreṣu vijñeyo dānamārgaś caturvidhaḥ

Sanskrit only: no published translation is held for this verse.

तत्र ह्यष्टाव् अदेयानि देयम् एकविधं स्मृतम् । दत्तं सप्तविधं विद्याद् अदत्तं षोडशात्मकम्

tatra hyaṣṭāv adeyāni deyam ekavidhaṃ smṛtam / dattaṃ saptavidhaṃ vidyād adattaṃ ṣoḍaśātmakam

Sanskrit only: no published translation is held for this verse.

अन्वाहितं याचितकम् आधिः साधारणं च यत् । निक्षेपः पुत्रदारं च सर्वस्वं चान्वये सति

anvāhitaṃ yācitakam ādhiḥ sādhāraṇaṃ ca yat / nikṣepaḥ putradāraṃ ca sarvasvaṃ cānvaye sati

Sanskrit only: no published translation is held for this verse.

आपत्स्व् अपि हि कष्टासु वर्तमानेन देहिना । अदेयान्य् आहुर् आचार्या यच् चान्यस्मै प्रतिश्रुतम्

āpatsv api hi kaṣṭāsu vartamānena dehinā / adeyāny āhur ācāryā yac cānyasmai pratiśrutam

Sanskrit only: no published translation is held for this verse.

कुटुम्बभरणाद् द्रव्यं यत्किंचिद् अतिरिच्यते । तद् देयम् उपहृत्यान्यद् ददद् दोषम् अवाप्नुयात्

kuṭumbabharaṇād dravyaṃ yatkiṃcid atiricyate / tad deyam upahṛtyānyad dadad doṣam avāpnuyāt

Sanskrit only: no published translation is held for this verse.

पण्यमूल्यं भृतिस् तुष्ट्या स्नेहात् प्रत्युपकारतः । स्त्रीशुल्कानुग्रहार्थं च दत्तं दानविदो विदुः

paṇyamūlyaṃ bhṛtis tuṣṭyā snehāt pratyupakārataḥ / strīśulkānugrahārthaṃ ca dattaṃ dānavido viduḥ

Sanskrit only: no published translation is held for this verse.

अदत्तं तु भयक्रोध- शोकवेगरुजान्वितैः । तथोत्कोचपरीहास- व्यत्यासच्छलयोगतः

adattaṃ tu bhayakrodha- śokavegarujānvitaiḥ / tathotkocaparīhāsa- vyatyāsacchalayogataḥ

Sanskrit only: no published translation is held for this verse.

बालमूढास्वतन्त्रार्त- मत्तोन्मत्तापवर्जितम् । कर्ता ममायं कर्मेति प्रतिलाभेच्छया च यत्

bālamūḍhāsvatantrārta- mattonmattāpavarjitam / kartā mamāyaṃ karmeti pratilābhecchayā ca yat

Sanskrit only: no published translation is held for this verse.

अपात्रे पात्रम् इत्य् उक्ते कार्ये चाधर्मसंहिते । यद् दत्तं स्याद् अविज्ञानाद् अदत्तं तद् अपि स्मृतम्

apātre pātram ity ukte kārye cādharmasaṃhite / yad dattaṃ syād avijñānād adattaṃ tad api smṛtam

Sanskrit only: no published translation is held for this verse.

गृह्णात्य् अदत्तं यो लोभाद् यश् चादेयं प्रयच्छति । अदत्तादायको दण्ड्यस् तथादेयस्य दायकः

gṛhṇāty adattaṃ yo lobhād yaś cādeyaṃ prayacchati / adattādāyako daṇḍyas tathādeyasya dāyakaḥ

Sanskrit only: no published translation is held for this verse.