Narada-Smrti (plain text) 7

निक्षिप्तं वा परद्रव्यं नष्टं लब्ध्वापहृत्य वा । विक्रीयते ऽसमक्षं यद् विज्ञेयो ऽस्वामिविक्रयः

nikṣiptaṃ vā paradravyaṃ naṣṭaṃ labdhvāpahṛtya vā / vikrīyate 'samakṣaṃ yad vijñeyo 'svāmivikrayaḥ

Sanskrit only: no published translation is held for this verse.

द्रव्यम् अस्वामिविक्रीतं प्राप्य स्वामी समाप्नुयात् । प्रकाशं क्रयतः शुद्धिः क्रेतुः स्तेयं रहः क्रयात्

dravyam asvāmivikrītaṃ prāpya svāmī samāpnuyāt / prakāśaṃ krayataḥ śuddhiḥ kretuḥ steyaṃ rahaḥ krayāt

Sanskrit only: no published translation is held for this verse.

अस्वाम्यनुमताद् दासाद् असतश् च जनाद् रहः । हीनमूल्यम् अवेलायां क्रीणंस् तद्दोषभाग् भवेत्

asvāmyanumatād dāsād asataś ca janād rahaḥ / hīnamūlyam avelāyāṃ krīṇaṃs taddoṣabhāg bhavet

Sanskrit only: no published translation is held for this verse.

न गूहेतागमं क्रेता शुद्धिस् तस्य तदागमात् । विपर्यये तुल्यदोषः स्तेयदण्डं च सो ऽर्हति

na gūhetāgamaṃ kretā śuddhis tasya tadāgamāt / viparyaye tulyadoṣaḥ steyadaṇḍaṃ ca so 'rhati

Sanskrit only: no published translation is held for this verse.

विक्रेता स्वामिने ऽर्थं च क्रेतुर् मूल्यं च तत्कृतम् । दद्याद् दण्डं तथा राज्ञे विधिर् अस्वामिविक्रये

vikretā svāmine 'rthaṃ ca kretur mūlyaṃ ca tatkṛtam / dadyād daṇḍaṃ tathā rājñe vidhir asvāmivikraye

Sanskrit only: no published translation is held for this verse.

परेण निहितं लब्ध्वा राजन्य् उपहरेन् निधिम् । राजगामी निधिः सर्वः सर्वेषां ब्राह्मणाद् ऋते

pareṇa nihitaṃ labdhvā rājany upaharen nidhim / rājagāmī nidhiḥ sarvaḥ sarveṣāṃ brāhmaṇād ṛte

Sanskrit only: no published translation is held for this verse.

ब्राह्मणो ऽपि निधिं लब्ध्वा क्षिप्रं राज्ञे निवेदयेत् । तेन दत्तं च भूञ्जीत स्तेनः स्याद् अनिवेदयन्

brāhmaṇo 'pi nidhiṃ labdhvā kṣipraṃ rājñe nivedayet / tena dattaṃ ca bhūñjīta stenaḥ syād anivedayan

Sanskrit only: no published translation is held for this verse.

स्वम् अप्य् अर्थं तथा नष्टं लब्ध्वा राज्ञे निवेदयेत् । गृह्णीयात् तत्र तं शुद्धम् अशुद्धं स्यात् ततो ऽन्यथा

svam apy arthaṃ tathā naṣṭaṃ labdhvā rājñe nivedayet / gṛhṇīyāt tatra taṃ śuddham aśuddhaṃ syāt tato 'nyathā

Sanskrit only: no published translation is held for this verse.