Narada-Smrti (plain text) 8

विक्रीय पण्यं मूल्येन क्रेतुर् यन् न प्रदीयते । विक्रीयासंप्रदानं तद् विवादपदम् उच्यते

vikrīya paṇyaṃ mūlyena kretur yan na pradīyate / vikrīyāsaṃpradānaṃ tad vivādapadam ucyate

Sanskrit only: no published translation is held for this verse.

लोके ऽस्मिन् द्विविधं द्रव्यं जङ्गमं स्थावरं तथा । क्रयविक्रयधर्मेषु सर्वं तत् पण्यम् उच्यते

loke 'smin dvividhaṃ dravyaṃ jaṅgamaṃ sthāvaraṃ tathā / krayavikrayadharmeṣu sarvaṃ tat paṇyam ucyate

Sanskrit only: no published translation is held for this verse.

षड्विधस् तस्य तु बुधैर् दानादानविधिः स्मृतः । गणिमं तुलिमं मेयं क्रियया रूपतः श्रिया

ṣaḍvidhas tasya tu budhair dānādānavidhiḥ smṛtaḥ / gaṇimaṃ tulimaṃ meyaṃ kriyayā rūpataḥ śriyā

Sanskrit only: no published translation is held for this verse.

विक्रीय पण्यं मूल्येन क्रेतुर् यो न प्रयच्छति । स्थावरस्य क्षयं दाप्यो जङ्गमस्य क्रियाफलम्

vikrīya paṇyaṃ mūlyena kretur yo na prayacchati / sthāvarasya kṣayaṃ dāpyo jaṅgamasya kriyāphalam

Sanskrit only: no published translation is held for this verse.

अर्घश् चेद् अपहीयेत सोदयं पण्यम् आवहेत् । स्थायिनाम् एष नियमो दिग्लाभो दिग्विचारिणाम्

arghaś ced apahīyeta sodayaṃ paṇyam āvahet / sthāyinām eṣa niyamo diglābho digvicāriṇām

Sanskrit only: no published translation is held for this verse.

उपहन्येत वा पण्यं दह्येतापह्रियेत वा । विक्रेतुर् एव सो ऽनर्थो विक्रीयासम्प्रयच्छतः

upahanyeta vā paṇyaṃ dahyetāpahriyeta vā / vikretur eva so 'nartho vikrīyāsamprayacchataḥ

Sanskrit only: no published translation is held for this verse.

निर्दोषं दर्शयित्वा तु सदोषं यः प्रयच्छति । मूल्यं तद्द्विगुणं दाप्यो विनयं तावद् एव च

nirdoṣaṃ darśayitvā tu sadoṣaṃ yaḥ prayacchati / mūlyaṃ taddviguṇaṃ dāpyo vinayaṃ tāvad eva ca

Sanskrit only: no published translation is held for this verse.

तथान्यहस्ते विक्रीय यो ऽन्यस्मै संप्रयच्छति । सो ऽपि तद्द्विगुणं दाप्यो विनेयस् तावद् एव च

tathānyahaste vikrīya yo 'nyasmai saṃprayacchati / so 'pi taddviguṇaṃ dāpyo vineyas tāvad eva ca

Sanskrit only: no published translation is held for this verse.

दीयमानं न गृह्णाति क्रीतं पण्यं च यः क्रयी । विक्रीणानस् तद् अन्यत्र विक्रेता नापराध्नुयात्

dīyamānaṃ na gṛhṇāti krītaṃ paṇyaṃ ca yaḥ krayī / vikrīṇānas tad anyatra vikretā nāparādhnuyāt

Sanskrit only: no published translation is held for this verse.

दत्तमूल्यस्य पण्यस्य विधिर् एष प्रकीर्तितः । अदत्ते ऽन्यत्र समयान् न विक्रेतुर् अतिक्रमः

dattamūlyasya paṇyasya vidhir eṣa prakīrtitaḥ / adatte 'nyatra samayān na vikretur atikramaḥ

Sanskrit only: no published translation is held for this verse.

लाभार्थे वणिजां सर्व- पण्येषु क्रयविक्रयः । स च लाभो ऽर्घम् आसाद्य महान् भवति वा न वा

lābhārthe vaṇijāṃ sarva- paṇyeṣu krayavikrayaḥ / sa ca lābho 'rgham āsādya mahān bhavati vā na vā

Sanskrit only: no published translation is held for this verse.

तस्माद् देशे च काले च वणिग् अर्घं पराक्रमेत् । न जिह्मेन प्रवर्तेत श्रेयान् एवं वणिक्पथः

tasmād deśe ca kāle ca vaṇig arghaṃ parākramet / na jihmena pravarteta śreyān evaṃ vaṇikpathaḥ

Sanskrit only: no published translation is held for this verse.