Nārada Purāṇa 1.101

इति श्रीबृहन्नारदीयपुराणे पूर्वभागे बृहदुपाख्याने चतुर्थपादे भविष्यपुराणानुक्रमणी निरूपणं नाम शततमो ऽध्यायः श्रीब्रह्मोवाच शृणु वत्स प्रवक्ष्यामि पुराणं दशमं तव । ब्रह्मवैवर्तकं नाम वेदमार्गानुदर्शकम्

iti śrībṛhannāradīyapurāṇe pūrvabhāge bṛhadupākhyāne caturthapāde bhaviṣyapurāṇānukramaṇī nirūpaṇaṃ nāma śatatamo 'dhyāyaḥ śrībrahmovāca śṛṇu vatsa pravakṣyāmi purāṇaṃ daśamaṃ tava / brahmavaivartakaṃ nāma vedamārgānudarśakam

Sanskrit only: no published translation is held for this verse.

सावर्णिर्यत्र भगवान्साक्षाद्देवर्षये स्थितः । नारदाय पुराणार्थं प्राह सर्वमलौकिकम्

sāvarṇiryatra bhagavānsākṣāddevarṣaye sthitaḥ / nāradāya purāṇārthaṃ prāha sarvamalaukikam

Sanskrit only: no published translation is held for this verse.

धर्मार्थकाममोक्षाणां सारः प्रीतिर्हरौ हरे । तयोरभेदसिद्ध्यर्थं ब्रह्मवैवर्तमुत्तमम्

dharmārthakāmamokṣāṇāṃ sāraḥ prītirharau hare / tayorabhedasiddhyarthaṃ brahmavaivartamuttamam

Sanskrit only: no published translation is held for this verse.

रथन्तरस्य कल्पस्य वृत्तान्तं यन्मयोदितम् । शतकोटिपुराणे तत्संक्षिप्य प्राह वेदवित्

rathantarasya kalpasya vṛttāntaṃ yanmayoditam / śatakoṭipurāṇe tatsaṃkṣipya prāha vedavit

Sanskrit only: no published translation is held for this verse.

व्यासश्चतुर्द्धा संव्यस्य ब्रह्मवैवर्तसंज्ञिते । अष्टादशसहस्रं तत्पुराणं परिकीर्तितम्

vyāsaścaturddhā saṃvyasya brahmavaivartasaṃjñite / aṣṭādaśasahasraṃ tatpurāṇaṃ parikīrtitam

Sanskrit only: no published translation is held for this verse.

ब्रह्मप्रकृतिविघ्नेशकृष्णखण्डसमन्वितम् । तत्र सूतर्षिसंवादे पुराणोपक्रमस्ततः

brahmaprakṛtivighneśakṛṣṇakhaṇḍasamanvitam / tatra sūtarṣisaṃvāde purāṇopakramastataḥ

Sanskrit only: no published translation is held for this verse.

सृष्टिप्रकरणं त्वाद्यं ततो नारदवेधसोः । विवादः सुमहान्यत्र द्वयोरासीत्पराभवः

sṛṣṭiprakaraṇaṃ tvādyaṃ tato nāradavedhasoḥ / vivādaḥ sumahānyatra dvayorāsītparābhavaḥ

Sanskrit only: no published translation is held for this verse.

शिवलोकगतिः पश्चाज्ज्ञानलाभः शिवात्मने । शिववाक्येन तत्पश्चान्मरीचेर्नारदस्य तु

śivalokagatiḥ paścājjñānalābhaḥ śivātmane / śivavākyena tatpaścānmarīcernāradasya tu

Sanskrit only: no published translation is held for this verse.

गमनं चैव सावर्णेर्ज्ञानार्थं सिद्धसेविते । आश्रमे सुमहापुण्ये त्रैलोक्याश्चर्यकारिणी

gamanaṃ caiva sāvarṇerjñānārthaṃ siddhasevite / āśrame sumahāpuṇye trailokyāścaryakāriṇī

Sanskrit only: no published translation is held for this verse.

एतद्धि ब्रह्मखण्डं हि श्रुतं पापविनाशनम् । ततः सावर्णिसंवादो नारदस्य समीरितः

etaddhi brahmakhaṇḍaṃ hi śrutaṃ pāpavināśanam / tataḥ sāvarṇisaṃvādo nāradasya samīritaḥ

Sanskrit only: no published translation is held for this verse.

कृष्णमाहात्म्यसंयुक्तो नानाख्यानकथोत्तरम् । प्रकृतेरंशभूतानां कलानां चापि वर्णितम्

kṛṣṇamāhātmyasaṃyukto nānākhyānakathottaram / prakṛteraṃśabhūtānāṃ kalānāṃ cāpi varṇitam

Sanskrit only: no published translation is held for this verse.

माहात्म्यं पूजनाद्यं च विस्तरेण यथास्थितम् । एतत्प्रकृतिखण्डं हि श्रुतं भूतिविधायकम्

māhātmyaṃ pūjanādyaṃ ca vistareṇa yathāsthitam / etatprakṛtikhaṇḍaṃ hi śrutaṃ bhūtividhāyakam

Sanskrit only: no published translation is held for this verse.

गणेशजन्मसंप्रश्नः सपुण्यकमहाव्रतम् । पार्वत्याः कार्तिकेयेन सह विघ्नेशसंभवम्

gaṇeśajanmasaṃpraśnaḥ sapuṇyakamahāvratam / pārvatyāḥ kārtikeyena saha vighneśasaṃbhavam

Sanskrit only: no published translation is held for this verse.

चरितं कार्तवीर्यस्य जामदग्र्यस्य चाद्भुतम् । विवादः सुमहानासीज्जामदग्र्यगणेशयोः

caritaṃ kārtavīryasya jāmadagryasya cādbhutam / vivādaḥ sumahānāsījjāmadagryagaṇeśayoḥ

Sanskrit only: no published translation is held for this verse.

एतद्विघ्नेशखण्डं हि सर्वविघ्नविनाशनम् । श्रीकृष्णजन्मसंप्रश्नो जन्माख्यानं ततो ऽद्भुतम्

etadvighneśakhaṇḍaṃ hi sarvavighnavināśanam / śrīkṛṣṇajanmasaṃpraśno janmākhyānaṃ tato 'dbhutam

Sanskrit only: no published translation is held for this verse.

गोकुले गमनं गश्चात्पूतनादिवदाद्भूताः । बाल्यकौमारजा लीला विविधास्तत्र वर्णिताः

gokule gamanaṃ gaścātpūtanādivadādbhūtāḥ / bālyakaumārajā līlā vividhāstatra varṇitāḥ

Sanskrit only: no published translation is held for this verse.

रासक्रीडा च गोपीभिः शारदी समुदाहृता । रहस्ये राधया क्रीडा वर्णिता बहुविस्तरा

rāsakrīḍā ca gopībhiḥ śāradī samudāhṛtā / rahasye rādhayā krīḍā varṇitā bahuvistarā

Sanskrit only: no published translation is held for this verse.

सहाक्रूरेण तत्पश्चान्मथुरागमनं हरेः । कंसादीनां वधे वृत्ते कृष्णस्य द्विजसंस्कृतिः

sahākrūreṇa tatpaścānmathurāgamanaṃ hareḥ / kaṃsādīnāṃ vadhe vṛtte kṛṣṇasya dvijasaṃskṛtiḥ

Sanskrit only: no published translation is held for this verse.

काश्यसांदीपनेः पश्चाद्विद्योपादानमद्भुतम् । यवनस्य वधः पश्चाद्द्वारकागमनं हरेः

kāśyasāṃdīpaneḥ paścādvidyopādānamadbhutam / yavanasya vadhaḥ paścāddvārakāgamanaṃ hareḥ

Sanskrit only: no published translation is held for this verse.

नरकादिवधस्तत्र कृष्णेन विहितो ऽद्भुतः । कृष्णखण्डमिदं विप्र नृणां संसारखण्डनम्

narakādivadhastatra kṛṣṇena vihito 'dbhutaḥ / kṛṣṇakhaṇḍamidaṃ vipra nṛṇāṃ saṃsārakhaṇḍanam

Sanskrit only: no published translation is held for this verse.

पठितं च श्रुतं ध्यातं पूजितं चाभिवन्दितम् । इत्येतद्ब्रह्मवैवर्तपुराणं चात्यलौकिकम्

paṭhitaṃ ca śrutaṃ dhyātaṃ pūjitaṃ cābhivanditam / ityetadbrahmavaivartapurāṇaṃ cātyalaukikam

Sanskrit only: no published translation is held for this verse.

व्यासोक्तं चादि संभूतं पठञ्छृण्वन्विमुच्यते । विज्ञानाज्ञानशमनाद्धोरात्संसारसागरात्

vyāsoktaṃ cādi saṃbhūtaṃ paṭhañchṛṇvanvimucyate / vijñānājñānaśamanāddhorātsaṃsārasāgarāt

Sanskrit only: no published translation is held for this verse.

लिखित्वेदं च यो दद्यान्माध्यां धेनुसमन्वितम् । ब्रह्मलोकमवाप्नोति स मुक्तो ऽज्ञानबन्धनात्

likhitvedaṃ ca yo dadyānmādhyāṃ dhenusamanvitam / brahmalokamavāpnoti sa mukto 'jñānabandhanāt

Sanskrit only: no published translation is held for this verse.

यश्चानुक्रमणीं चापि पठेद्वा शृणुयादपि । सो ऽपि कृष्णप्रसादेन लभते वाञ्छितं फलम्

yaścānukramaṇīṃ cāpi paṭhedvā śṛṇuyādapi / so 'pi kṛṣṇaprasādena labhate vāñchitaṃ phalam

Sanskrit only: no published translation is held for this verse.