Nārada Purāṇa 1.116

इति श्रीबृहन्नारदीयपुराणे पूर्वभागे बृहदुपाख्याने चतुर्थपादे द्वादशमासस्थितषष्ठीव्रतनिरूपणं नाम पञ्चदशाधिकशततमो ऽध्यायः सनातन उवाच शृणु नारद वक्ष्यामि सप्तम्यास्ते व्रतान्यहम् । यानि कृत्वा नरो भक्त्या सूर्यसायुज्यमाप्नुयात्

iti śrībṛhannāradīyapurāṇe pūrvabhāge bṛhadupākhyāne caturthapāde dvādaśamāsasthitaṣaṣṭhīvratanirūpaṇaṃ nāma pañcadaśādhikaśatatamo 'dhyāyaḥ sanātana uvāca śṛṇu nārada vakṣyāmi saptamyāste vratānyaham / yāni kṛtvā naro bhaktyā sūryasāyujyamāpnuyāt

Sanskrit only: no published translation is held for this verse.

चैत्रे तु शुक्लसप्तम्यां बहिः स्नानं समाचरेत् । स्थण्डिले गोमयालिप्ते गौरमृत्तिकयास्तृते

caitre tu śuklasaptamyāṃ bahiḥ snānaṃ samācaret / sthaṇḍile gomayālipte gauramṛttikayāstṛte

Sanskrit only: no published translation is held for this verse.

लिखित्वाष्टदलं पद्मं कर्णिकायां विभावम् । विन्यसेत्पूर्वपत्रे तु देवौ द्वौ कृतधातुकौ

likhitvāṣṭadalaṃ padmaṃ karṇikāyāṃ vibhāvam / vinyasetpūrvapatre tu devau dvau kṛtadhātukau

Sanskrit only: no published translation is held for this verse.

आग्नेयं च न्यसेन्पत्रे गन्धर्वौं कृतकारकौ । दक्षिणे च न्यसेत्पत्रे तथैव राक्षसद्वयम्

āgneyaṃ ca nyasenpatre gandharvauṃ kṛtakārakau / dakṣiṇe ca nyasetpatre tathaiva rākṣasadvayam

Sanskrit only: no published translation is held for this verse.

आकृतौ द्वौ न्यसेत्पत्रे नैरृते मुनिसत्तम । काद्रवेयौ महानागौ पश्चिमे कृतचारकौ

ākṛtau dvau nyasetpatre nairṛte munisattama / kādraveyau mahānāgau paścime kṛtacārakau

Sanskrit only: no published translation is held for this verse.

वायव्य यातुधानौ द्वौ उत्तरे च ऋषिद्वयम् । ऐशान्ये विन्यसेत्पत्पे ग्रहमेको द्विजोत्तम

vāyavya yātudhānau dvau uttare ca ṛṣidvayam / aiśānye vinyasetpatpe grahameko dvijottama

Sanskrit only: no published translation is held for this verse.

तेषां संपूजनं कार्यं गन्धमाल्यानुलेपनैः । दीपैर्धूपैः सनैवेद्यैस्तांबूलक्रमुकादिभिः

teṣāṃ saṃpūjanaṃ kāryaṃ gandhamālyānulepanaiḥ / dīpairdhūpaiḥ sanaivedyaistāṃbūlakramukādibhiḥ

Sanskrit only: no published translation is held for this verse.

एवं संपूज्य होमं तु घृतेनाष्टशतं चरेत् । सूर्यस्याष्टाष्ट चान्येषां प्रदद्यादाहुतीः क्रमात्

evaṃ saṃpūjya homaṃ tu ghṛtenāṣṭaśataṃ caret / sūryasyāṣṭāṣṭa cānyeṣāṃ pradadyādāhutīḥ kramāt

Sanskrit only: no published translation is held for this verse.

नाममन्त्रेण वेद्यां वा ततः पूर्णाहुतिं ददेत् । दक्षिणा च ततो देया द्विजेभ्यः शक्तितो द्विज

nāmamantreṇa vedyāṃ vā tataḥ pūrṇāhutiṃ dadet / dakṣiṇā ca tato deyā dvijebhyaḥ śaktito dvija

Sanskrit only: no published translation is held for this verse.

एतत्कृत्वा विधआनं तु सर्वसौख्यमवाप्नुयात् । देहान्ते मण्डलं भानोर्भत्त्वा गच्छेत्परं पदम्

etatkṛtvā vidhaānaṃ tu sarvasaukhyamavāpnuyāt / dehānte maṇḍalaṃ bhānorbhattvā gacchetparaṃ padam

Sanskrit only: no published translation is held for this verse.

वैशाखशुक्लसप्तम्यां जह्नुना जाह्नवी स्वयम् । क्रोधात्पीता पुनस्त्यक्ता कर्णरन्ध्रात्तु दक्षिणात्

vaiśākhaśuklasaptamyāṃ jahnunā jāhnavī svayam / krodhātpītā punastyaktā karṇarandhrāttu dakṣiṇāt

Sanskrit only: no published translation is held for this verse.

तां तत्र पूजयेत्स्नात्वा प्रत्यूषे विमले जले । गन्धपुष्पाक्षताद्यैश्च सर्वैरेवोपचारकैः

tāṃ tatra pūjayetsnātvā pratyūṣe vimale jale / gandhapuṣpākṣatādyaiśca sarvairevopacārakaiḥ

Sanskrit only: no published translation is held for this verse.

ततो घटसहस्रं तु देयं गङ्गाव्रते त्विदम् । भक्त्या कृतं सप्तकुलं नयेत्स्वर्गमसंशयः

tato ghaṭasahasraṃ tu deyaṃ gaṅgāvrate tvidam / bhaktyā kṛtaṃ saptakulaṃ nayetsvargamasaṃśayaḥ

Sanskrit only: no published translation is held for this verse.

कमलव्रतमप्यत्र प्रोक्तं तद्विधिरुच्यते । तिलमात्रं तु सौवर्णं विधाय कमलं शुभम्

kamalavratamapyatra proktaṃ tadvidhirucyate / tilamātraṃ tu sauvarṇaṃ vidhāya kamalaṃ śubham

Sanskrit only: no published translation is held for this verse.

वस्त्रयुग्मावृतं कृत्वा गन्धधूपादिनार्चयेत् । नमस्ते पद्महस्ताय नमस्ते विश्वधारिणे

vastrayugmāvṛtaṃ kṛtvā gandhadhūpādinārcayet / namaste padmahastāya namaste viśvadhāriṇe

Sanskrit only: no published translation is held for this verse.

दिवाकर नमस्तुभ्यं प्रभाकर नमो ऽस्तु ते । इति संप्रार्थ्य देवेशं सूर्ये चास्तमुपागते

divākara namastubhyaṃ prabhākara namo 'stu te / iti saṃprārthya deveśaṃ sūrye cāstamupāgate

Sanskrit only: no published translation is held for this verse.

सोदकुंभं तु तत्पद्मं कपिलां च द्विजेर्ऽपयेत् । तद्दिने तूपवस्तव्यं भोक्तव्यं च परे ऽहनि

sodakuṃbhaṃ tu tatpadmaṃ kapilāṃ ca dvijer'payet / taddine tūpavastavyaṃ bhoktavyaṃ ca pare 'hani

Sanskrit only: no published translation is held for this verse.

संभोज्य ब्राह्मणान्भक्त्या व्रतसाकल्यमाप्नुयात् । निबव्रतं च तत्रेव तद्विधानं शृणुष्व मे

saṃbhojya brāhmaṇānbhaktyā vratasākalyamāpnuyāt / nibavrataṃ ca tatreva tadvidhānaṃ śṛṇuṣva me

Sanskrit only: no published translation is held for this verse.

निंबपत्रैः स्मृता पूजा भास्करस्य द्विजोत्तम । खखोल्कायेति मन्त्रेण प्रणवाद्येन नारद

niṃbapatraiḥ smṛtā pūjā bhāskarasya dvijottama / khakholkāyeti mantreṇa praṇavādyena nārada

Sanskrit only: no published translation is held for this verse.

निंबपत्रं ततो ऽश्नीयाच्छयेद्भूमौ च वाग्यतः । द्विजान्परे ऽह्नि संभोज्य स्वयं भुञ्जीत बन्धुभिः

niṃbapatraṃ tato 'śnīyācchayedbhūmau ca vāgyataḥ / dvijānpare 'hni saṃbhojya svayaṃ bhuñjīta bandhubhiḥ

Sanskrit only: no published translation is held for this verse.

निंबपत्रव्रतं चैतत्कर्तृआणां सर्वसौख्यदम् । सप्तमी शर्कराख्यैषा प्रोक्ता तच्चापि मे शृणु

niṃbapatravrataṃ caitatkartṛāṇāṃ sarvasaukhyadam / saptamī śarkarākhyaiṣā proktā taccāpi me śṛṇu

Sanskrit only: no published translation is held for this verse.

अमृतं पिबतो हस्तात्सूर्यस्यामृतबिन्दवः । निष्पेतुर्भुवि चोत्पन्नाः शालिमुद्गयवेक्षवः

amṛtaṃ pibato hastātsūryasyāmṛtabindavaḥ / niṣpeturbhuvi cotpannāḥ śālimudgayavekṣavaḥ

Sanskrit only: no published translation is held for this verse.

शर्करा च ततस्तस्मादिक्षुसारामृतोपमा । इष्टा रवेरतः पुण्या शर्करा हव्यकव्ययोः

śarkarā ca tatastasmādikṣusārāmṛtopamā / iṣṭā raverataḥ puṇyā śarkarā havyakavyayoḥ

Sanskrit only: no published translation is held for this verse.

शर्करासप्तमी चैव वाजिमेधपलप्रदा । सर्वदुःखोपशमनी पुत्रसंततिवर्धिनी

śarkarāsaptamī caiva vājimedhapalapradā / sarvaduḥkhopaśamanī putrasaṃtativardhinī

Sanskrit only: no published translation is held for this verse.

अस्यान्तु शर्करादानं शर्कराभोजनं तथा । कर्तव्यं हि प्रयत्नेन व्रतमे तद्रविप्रियम्

asyāntu śarkarādānaṃ śarkarābhojanaṃ tathā / kartavyaṃ hi prayatnena vratame tadravipriyam

Sanskrit only: no published translation is held for this verse.

यः कुर्यात्पराया भक्त्या स वै सद्गतिमाप्नुयात् । ज्येष्ठे तु शुक्लसप्तम्यां जात इन्द्रो रविः स्वयम्

yaḥ kuryātparāyā bhaktyā sa vai sadgatimāpnuyāt / jyeṣṭhe tu śuklasaptamyāṃ jāta indro raviḥ svayam

Sanskrit only: no published translation is held for this verse.

तं संपूज्य विधानेन सोपवासो जितेन्द्रियः । स्वर्गतिं लभते विप्र देवेन्द्रस्य प्रसादतः

taṃ saṃpūjya vidhānena sopavāso jitendriyaḥ / svargatiṃ labhate vipra devendrasya prasādataḥ

Sanskrit only: no published translation is held for this verse.

आषाढशुक्लसप्तम्यां विवस्वान्नाम भास्करः । जातस्तं तत्र संप्रार्च्य गन्धपुष्पादिभिः पृथक्

āṣāḍhaśuklasaptamyāṃ vivasvānnāma bhāskaraḥ / jātastaṃ tatra saṃprārcya gandhapuṣpādibhiḥ pṛthak

Sanskrit only: no published translation is held for this verse.

लभते सूर्यसायुज्यं विप्रेन्द्रात्र न संशयः । श्रावणे शुक्लसप्तम्यामव्यङ्गाख्यं व्रतं शुभम्

labhate sūryasāyujyaṃ viprendrātra na saṃśayaḥ / śrāvaṇe śuklasaptamyāmavyaṅgākhyaṃ vrataṃ śubham

Sanskrit only: no published translation is held for this verse.

कार्पासं तु चतुर्हस्तं सार्द्ध वस्त्रं हि गोपतेः ॥। पूजान्ते प्रीतये देयं व्रतमेतच्छुभावहम्

kārpāsaṃ tu caturhastaṃ sārddha vastraṃ hi gopateḥ /// pūjānte prītaye deyaṃ vratametacchubhāvaham

Sanskrit only: no published translation is held for this verse.

यदि चेद्धस्तयुक्तेयं तदा स्यात्पापनाशिनी । अस्यां दानं जपो होमः सर्वं चाक्षय्यतां व्रजेत्

yadi ceddhastayukteyaṃ tadā syātpāpanāśinī / asyāṃ dānaṃ japo homaḥ sarvaṃ cākṣayyatāṃ vrajet

Sanskrit only: no published translation is held for this verse.

भाद्रे तु शुक्लसप्तम्याममुक्ताभरणव्रतम् । सोमस्य तु महेशस्य पूजनं चात्र कीर्तितम्

bhādre tu śuklasaptamyāmamuktābharaṇavratam / somasya tu maheśasya pūjanaṃ cātra kīrtitam

Sanskrit only: no published translation is held for this verse.

गङ्गादिभिः षोडशभिरुपचारैः समर्चनम् । प्रार्थ्य प्रणम्य विसृजेत्सर्वकामसमृद्धये

gaṅgādibhiḥ ṣoḍaśabhirupacāraiḥ samarcanam / prārthya praṇamya visṛjetsarvakāmasamṛddhaye

Sanskrit only: no published translation is held for this verse.

फलसप्तमिका चेयं तद्विधानमुदीर्यते । नालिकेरं च वृन्ताकं नारङ्गं बीजपूरकम्

phalasaptamikā ceyaṃ tadvidhānamudīryate / nālikeraṃ ca vṛntākaṃ nāraṅgaṃ bījapūrakam

Sanskrit only: no published translation is held for this verse.

कूष्माण्डं बृहतीपूगमिति सप्त फलानि वै । महादेवस्य पुरतो विन्यस्यापरदोरकम्

kūṣmāṇḍaṃ bṛhatīpūgamiti sapta phalāni vai / mahādevasya purato vinyasyāparadorakam

Sanskrit only: no published translation is held for this verse.

सप्ततन्तुकृतं सप्तग्रन्थियुक्तं द्विजोत्तम । संपूज्य परया भक्त्या धारयेद्वामके करे

saptatantukṛtaṃ saptagranthiyuktaṃ dvijottama / saṃpūjya parayā bhaktyā dhārayedvāmake kare

Sanskrit only: no published translation is held for this verse.

स्त्री नरो दक्षिणे चैव यावद्वर्षं समाप्यते । संभोज्य विप्रान्सप्तैव पायसेन विसृज्यस तान्

strī naro dakṣiṇe caiva yāvadvarṣaṃ samāpyate / saṃbhojya viprānsaptaiva pāyasena visṛjyasa tān

Sanskrit only: no published translation is held for this verse.

स्वयं भुञ्जीत मतिमान् व्रतसंपूर्तिहेतवे । फलानि तानि देयानि सप्तस्वपि द्विजेषु च

svayaṃ bhuñjīta matimān vratasaṃpūrtihetave / phalāni tāni deyāni saptasvapi dvijeṣu ca

Sanskrit only: no published translation is held for this verse.

एवं तु सप्त वर्षाणि कृत्वोपास्य यथाविधि । सायुज्यं लभते विप्र महादेवस्य तद्व्रती

evaṃ tu sapta varṣāṇi kṛtvopāsya yathāvidhi / sāyujyaṃ labhate vipra mahādevasya tadvratī

Sanskrit only: no published translation is held for this verse.

आश्विने शुक्लपक्षे तु विज्ञेया शुभसप्तमी । तस्यां कृतस्नानपूजो वाचयित्वा द्विजोत्तमान्

āśvine śuklapakṣe tu vijñeyā śubhasaptamī / tasyāṃ kṛtasnānapūjo vācayitvā dvijottamān

Sanskrit only: no published translation is held for this verse.

आरभ्य कपिलाङ्गां च संपूज्य प्रार्थयेत्ततः । त्वामहं दद्मि कल्याणि प्रीयतामर्यमा स्वयम्

ārabhya kapilāṅgāṃ ca saṃpūjya prārthayettataḥ / tvāmahaṃ dadmi kalyāṇi prīyatāmaryamā svayam

Sanskrit only: no published translation is held for this verse.

पालय त्वं जगत्कत्स्नं यतो ऽसि धर्मसम्भवा । इत्युक्त्वा वेदविदुषे दत्त्वा कृत्वा च दक्षिणाम्

pālaya tvaṃ jagatkatsnaṃ yato 'si dharmasambhavā / ityuktvā vedaviduṣe dattvā kṛtvā ca dakṣiṇām

Sanskrit only: no published translation is held for this verse.

नमस्कृत्य स्वयं विप्र विसृजेत्प्राशयेत्वरवयम् । पचगव्यं व्रतं चेत्थं विधाय श्वो द्विजोत्तमान्

namaskṛtya svayaṃ vipra visṛjetprāśayetvaravayam / pacagavyaṃ vrataṃ cetthaṃ vidhāya śvo dvijottamān

Sanskrit only: no published translation is held for this verse.

भोजयित्वा स्वयं चाद्यात्तदन्नं द्विजशेषितम् । कृतं ह्येतद्गतं विप्र सुभाष्यं श्रद्धयान्वितः

bhojayitvā svayaṃ cādyāttadannaṃ dvijaśeṣitam / kṛtaṃ hyetadgataṃ vipra subhāṣyaṃ śraddhayānvitaḥ

Sanskrit only: no published translation is held for this verse.

देवदेवप्रसादेन भुक्तिमुक्तिमवाप्नुयात् । अथ कार्तिकशुक्लायां शाकाख्यं सप्तमीव्रतम्

devadevaprasādena bhuktimuktimavāpnuyāt / atha kārtikaśuklāyāṃ śākākhyaṃ saptamīvratam

Sanskrit only: no published translation is held for this verse.

तस्यां तु सप्तशाकानिसस्वर्णकमलानि च । प्रदद्यात्सप्तविप्रेभ्यः शाकाहारस्ततः स्वयम्

tasyāṃ tu saptaśākānisasvarṇakamalāni ca / pradadyātsaptaviprebhyaḥ śākāhārastataḥ svayam

Sanskrit only: no published translation is held for this verse.

द्वितीये ऽह्नि द्विजान्भोज्य दत्वा तेभ्यो ऽन्नदक्षिणाम् । विसृज्य बन्धुभिः सार्द्धं स्वयं भुञ्जीत वाग्यतः

dvitīye 'hni dvijānbhojya datvā tebhyo 'nnadakṣiṇām / visṛjya bandhubhiḥ sārddhaṃ svayaṃ bhuñjīta vāgyataḥ

Sanskrit only: no published translation is held for this verse.

मार्गस्य सितसप्तम्यां मित्रव्रतमुदाहृतम् । यद्विष्णोर्दक्षिणं नेत्रं तदेव कृतवानिह

mārgasya sitasaptamyāṃ mitravratamudāhṛtam / yadviṣṇordakṣiṇaṃ netraṃ tadeva kṛtavāniha

Sanskrit only: no published translation is held for this verse.

अदित्यां कश्यपाज्जज्ञे मित्रो नामा दिवाकरः । अतो ऽस्यां पूजनं तस्य यथोक्तविधिना द्विज

adityāṃ kaśyapājjajñe mitro nāmā divākaraḥ / ato 'syāṃ pūjanaṃ tasya yathoktavidhinā dvija

Sanskrit only: no published translation is held for this verse.

कृत्वा द्विजान्भोजयित्वा सप्तैव मधुरादिना । सुवर्णदक्षिणां दत्वा विसृज्याश्नीत च स्वयम्

kṛtvā dvijānbhojayitvā saptaiva madhurādinā / suvarṇadakṣiṇāṃ datvā visṛjyāśnīta ca svayam

Sanskrit only: no published translation is held for this verse.

कृत्वैतद्विधिना लोकं सृर्य्यस्य व्रजति ध्रुवम् । द्विजोब्राह्मं तथा शूद्रः सत्कुलेजन्म चाप्नुयात्

kṛtvaitadvidhinā lokaṃ sṛryyasya vrajati dhruvam / dvijobrāhmaṃ tathā śūdraḥ satkulejanma cāpnuyāt

Sanskrit only: no published translation is held for this verse.

पौषस्य शुक्लसप्तम्यां व्रतं चाभयसंज्ञितम् । उपोष्य भानुं त्रिःसन्ध्यं समभ्यर्च्य धरास्थितः

pauṣasya śuklasaptamyāṃ vrataṃ cābhayasaṃjñitam / upoṣya bhānuṃ triḥsandhyaṃ samabhyarcya dharāsthitaḥ

Sanskrit only: no published translation is held for this verse.

क्षीरसिक्तान्नसंबद्धं मोदकं प्रस्थसंमितम् । द्विजाय दत्वा भोज्यान्यान्सप्ताष्टभ्यश्च दक्षिणाम्

kṣīrasiktānnasaṃbaddhaṃ modakaṃ prasthasaṃmitam / dvijāya datvā bhojyānyānsaptāṣṭabhyaśca dakṣiṇām

Sanskrit only: no published translation is held for this verse.

पृथवी वा सुवर्णं वा विसृज्याश्नीत च स्वयम् । अभयाख्यं व्रतं त्वेतत्सर्वस्याभयदं स्मृतम्

pṛthavī vā suvarṇaṃ vā visṛjyāśnīta ca svayam / abhayākhyaṃ vrataṃ tvetatsarvasyābhayadaṃ smṛtam

Sanskrit only: no published translation is held for this verse.

मार्तण्डाख्यं व्रतं नाम कथयन्ति द्विजाः परे । एकमेवेति च प्रोक्तमेकदैवतया बुधैः

mārtaṇḍākhyaṃ vrataṃ nāma kathayanti dvijāḥ pare / ekameveti ca proktamekadaivatayā budhaiḥ

Sanskrit only: no published translation is held for this verse.

माघे तु कृष्णसप्तम्यां व्रतं सर्वाप्तिसंज्ञकम् । समुपोष्य दिने तस्मिन्सम्पूज्यादित्यबिम्बकम्

māghe tu kṛṣṇasaptamyāṃ vrataṃ sarvāptisaṃjñakam / samupoṣya dine tasminsampūjyādityabimbakam

Sanskrit only: no published translation is held for this verse.

सौवर्णं गन्धपुष्पाद्यैः कृत्वा रात्रौ च जागरम् । परे ऽह्नि विप्रान्सम्भोज्य पायसेन तु सप्त वै

sauvarṇaṃ gandhapuṣpādyaiḥ kṛtvā rātrau ca jāgaram / pare 'hni viprānsambhojya pāyasena tu sapta vai

Sanskrit only: no published translation is held for this verse.

दक्षिणां नालिकेराणि तेभ्यो दत्वा गुरुं ततः । सौवर्णं तु रवेर्बिम्बं युक्तं दक्षिणया न्यया

dakṣiṇāṃ nālikerāṇi tebhyo datvā guruṃ tataḥ / sauvarṇaṃ tu raverbimbaṃ yuktaṃ dakṣiṇayā nyayā

Sanskrit only: no published translation is held for this verse.

समर्प्य च भृशं प्रार्थ्य विसृज्याद्यात्स्वयं ततः । एतत्सर्वाप्तिदं नाम संप्रोक्तं सार्वकामिकम्

samarpya ca bhṛśaṃ prārthya visṛjyādyātsvayaṃ tataḥ / etatsarvāptidaṃ nāma saṃproktaṃ sārvakāmikam

Sanskrit only: no published translation is held for this verse.

व्रतस्यास्य प्रभावेण द्वैतं सिध्येद्धि सर्वथा । माघस्य शुक्लसप्तम्यामचलाख्यं व्रतं स्मृतम्

vratasyāsya prabhāveṇa dvaitaṃ sidhyeddhi sarvathā / māghasya śuklasaptamyāmacalākhyaṃ vrataṃ smṛtam

Sanskrit only: no published translation is held for this verse.

त्रिलोचनजयन्तीयं सर्वपापहरा स्मृता । रथाख्या सप्तमी चेयं चक्रवर्तित्वदायिनी

trilocanajayantīyaṃ sarvapāpaharā smṛtā / rathākhyā saptamī ceyaṃ cakravartitvadāyinī

Sanskrit only: no published translation is held for this verse.

अस्यां समर्च्य सवितुः प्रतिमां तु हैमीं हैमाश्वयुक्तरथगां तु ददेत्सहेभाम् । यो भावभक्तिसहितः स गतो हि लोकं शम्भोः स मोदत इहापि च भुक्तभोगः

asyāṃ samarcya savituḥ pratimāṃ tu haimīṃ haimāśvayuktarathagāṃ tu dadetsahebhām / yo bhāvabhaktisahitaḥ sa gato hi lokaṃ śambhoḥ sa modata ihāpi ca bhuktabhogaḥ

Sanskrit only: no published translation is held for this verse.

भास्करी सप्तमी चेयं कोटिभास्वद्ग्रहोपमा । अरुणोदयवेलायामस्यां स्नानं विधीयते

bhāskarī saptamī ceyaṃ koṭibhāsvadgrahopamā / aruṇodayavelāyāmasyāṃ snānaṃ vidhīyate

Sanskrit only: no published translation is held for this verse.

अर्कस्य च बदर्याश्च सप्त सप्त दलानि वै । निधाय शिरसि स्नायात्सप्तजन्माघशान्तये

arkasya ca badaryāśca sapta sapta dalāni vai / nidhāya śirasi snāyātsaptajanmāghaśāntaye

Sanskrit only: no published translation is held for this verse.

पुत्रप्रदं व्रतं चात्र प्राहादित्यः स्वयं प्रभुः । यो माघसितप्तम्यां पूजयेन्मां विधानतः

putrapradaṃ vrataṃ cātra prāhādityaḥ svayaṃ prabhuḥ / yo māghasitaptamyāṃ pūjayenmāṃ vidhānataḥ

Sanskrit only: no published translation is held for this verse.

तस्याहं पुत्रतां यास्ये स्वांशेन भृशतोषितः । तस्माज्जितेन्द्रियो भूत्वा समुपोष्य दिवानिशम्

tasyāhaṃ putratāṃ yāsye svāṃśena bhṛśatoṣitaḥ / tasmājjitendriyo bhūtvā samupoṣya divāniśam

Sanskrit only: no published translation is held for this verse.

पूजयेदपरे चाह्नि होमं कृत्वा द्विजां स्ततः । दध्योदनेन पयसा पायसेन च भोजयेत्

pūjayedapare cāhni homaṃ kṛtvā dvijāṃ stataḥ / dadhyodanena payasā pāyasena ca bhojayet

Sanskrit only: no published translation is held for this verse.

अनेन विधिना यम्तु कुरुते पुत्रसप्तमीः । लभते स तु सत्पुत्रं चिरायुषमनामयम्

anena vidhinā yamtu kurute putrasaptamīḥ / labhate sa tu satputraṃ cirāyuṣamanāmayam

Sanskrit only: no published translation is held for this verse.

तपस्यशुक्लसप्तम्यां व्रतमर्कपुटं चरेत् ॥ अर्कपत्रैर्यजेदर्कमर्कपत्राणि चाश्नुयात्

tapasyaśuklasaptamyāṃ vratamarkapuṭaṃ caret // arkapatrairyajedarkamarkapatrāṇi cāśnuyāt

Sanskrit only: no published translation is held for this verse.

अर्कनाम जपेच्छश्वदित्थं चार्कपुटव्रतम् । धनदं पुत्रदं चैतत्सर्वपापप्रणाशनम्

arkanāma japecchaśvaditthaṃ cārkapuṭavratam / dhanadaṃ putradaṃ caitatsarvapāpapraṇāśanam

Sanskrit only: no published translation is held for this verse.

त्रिवर्गदामिति प्राहुः केचिदेतद्वतं द्विज । यज्ञव्रतं तथाप्यन्ये विधिवद्धोमकर्मणा

trivargadāmiti prāhuḥ kecidetadvataṃ dvija / yajñavrataṃ tathāpyanye vidhivaddhomakarmaṇā

Sanskrit only: no published translation is held for this verse.

सर्वासु सर्वमासेषु सप्तमीषु द्विजोत्तमः । भास्कराराधनं प्रोक्तं सर्वकामिकमित्यलम्

sarvāsu sarvamāseṣu saptamīṣu dvijottamaḥ / bhāskarārādhanaṃ proktaṃ sarvakāmikamityalam

Sanskrit only: no published translation is held for this verse.