इति श्रीबृहन्नारदीयपुराणे बृहदुपाख्याने पूर्वभागे चतुर्थपादे द्वादशमासस्य द्वादशीव्रतनिरूपणं नामैकविंशत्यधिकशततमो ऽध्यायः सनातन उवाच अथातऋ संप्रवक्ष्यामि त्रयोदश्या व्रतानि ते । यानि कृत्वा नरो भक्त्या सुभगो जायते भुवि
iti śrībṛhannāradīyapurāṇe bṛhadupākhyāne pūrvabhāge caturthapāde dvādaśamāsasya dvādaśīvratanirūpaṇaṃ nāmaikaviṃśatyadhikaśatatamo 'dhyāyaḥ sanātana uvāca athātaṛ saṃpravakṣyāmi trayodaśyā vratāni te / yāni kṛtvā naro bhaktyā subhago jāyate bhuvi
Sanskrit only: no published translation is held for this verse.
मधौ शुक्लत्रयोदश्यां मदनं चन्दनात्मकम् । कृत्वा संपूज्य यत्नेन वीजेयव्द्यजनेन च
madhau śuklatrayodaśyāṃ madanaṃ candanātmakam / kṛtvā saṃpūjya yatnena vījeyavdyajanena ca
Sanskrit only: no published translation is held for this verse.
ततः संक्षुधितः कामः पुत्रपौत्रविवर्द्धनः । अनङ्गपूजाप्यत्रोक्ता तां निबोध मुनीश्वर
tataḥ saṃkṣudhitaḥ kāmaḥ putrapautravivarddhanaḥ / anaṅgapūjāpyatroktā tāṃ nibodha munīśvara
Sanskrit only: no published translation is held for this verse.
सिन्दूररजनीरागैः फलके ऽनङ्गमालिखेत् । रतिप्रीतियुतं श्लक्ष्णं पुष्पचापेषुधारिणम्
sindūrarajanīrāgaiḥ phalake 'naṅgamālikhet / ratiprītiyutaṃ ślakṣṇaṃ puṣpacāpeṣudhāriṇam
Sanskrit only: no published translation is held for this verse.
कामदेवं वसन्तं च वाजिवक्त्रं वृषध्वजम् । मध्याह्ने पूजयेद्भक्त्या गन्धस्रग्भूषणांशुकैः
kāmadevaṃ vasantaṃ ca vājivaktraṃ vṛṣadhvajam / madhyāhne pūjayedbhaktyā gandhasragbhūṣaṇāṃśukaiḥ
Sanskrit only: no published translation is held for this verse.
क्षभ्यैर्नानाविधैश्चापि मन्त्रेणानेन नारद । नमो माराय कामाय कामदेवस्य मूर्त्तये
kṣabhyairnānāvidhaiścāpi mantreṇānena nārada / namo mārāya kāmāya kāmadevasya mūrttaye
Sanskrit only: no published translation is held for this verse.
ब्रह्मविष्णुशिवेन्द्राणां मनःभोभकराय वै । तत्तस्याग्रतो भक्त्या पूजयेदङ्गनापतिम्
brahmaviṣṇuśivendrāṇāṃ manaḥbhobhakarāya vai / tattasyāgrato bhaktyā pūjayedaṅganāpatim
Sanskrit only: no published translation is held for this verse.
वस्त्रमाल्याविभूषाद्यैः कामो ऽयमिति चिन्तयेत् । संपूज्य द्विजदांपत्यं गन्धवस्त्रविभूषणैः
vastramālyāvibhūṣādyaiḥ kāmo 'yamiti cintayet / saṃpūjya dvijadāṃpatyaṃ gandhavastravibhūṣaṇaiḥ
Sanskrit only: no published translation is held for this verse.
एवं यः कुरुते विप्र वर्षे वर्षे महोत्सवम् । वसंतसमये प्राप्ते हृष्टः पुष्टः सदैव सः
evaṃ yaḥ kurute vipra varṣe varṣe mahotsavam / vasaṃtasamaye prāpte hṛṣṭaḥ puṣṭaḥ sadaiva saḥ
Sanskrit only: no published translation is held for this verse.
प्रतिमासं पूजयेद्वा यावद्वर्षं समाप्यते । मदनं हृद्भवं कामं मन्मथं च रतिप्रियम्
pratimāsaṃ pūjayedvā yāvadvarṣaṃ samāpyate / madanaṃ hṛdbhavaṃ kāmaṃ manmathaṃ ca ratipriyam
Sanskrit only: no published translation is held for this verse.
अनङ्गं चैव कन्दर्पं पूजयेन्मकरध्वजम् । कुसुमायुधसंज्ञं च ततः पश्चान्मनोभवम्
anaṅgaṃ caiva kandarpaṃ pūjayenmakaradhvajam / kusumāyudhasaṃjñaṃ ca tataḥ paścānmanobhavam
Sanskrit only: no published translation is held for this verse.
विषमेषु तथा विप्र मालर्ताप्रियमित्यपि । अजाया दानमप्युक्तं स्नात्वा नद्या विधानतः
viṣameṣu tathā vipra mālartāpriyamityapi / ajāyā dānamapyuktaṃ snātvā nadyā vidhānataḥ
Sanskrit only: no published translation is held for this verse.
अजाः पयस्विनीर्दद्याद्दरिद्राय कुटुंबिने । भूयस्त्वनेन दानेन स लोके नैव जायते
ajāḥ payasvinīrdadyāddaridrāya kuṭuṃbine / bhūyastvanena dānena sa loke naiva jāyate
Sanskrit only: no published translation is held for this verse.
यदीयं शनिना युक्ता सा महावारुणी स्मृता । गङ्गायां यदि लभ्येत कोटिसूर्यग्रहाधिका
yadīyaṃ śaninā yuktā sā mahāvāruṇī smṛtā / gaṅgāyāṃ yadi labhyeta koṭisūryagrahādhikā
Sanskrit only: no published translation is held for this verse.
शुभयोगः शतर्क्षं च शनौ कामे मधौ सिते । महामहेति विख्याता कुलकोटिविमुक्तिदा
śubhayogaḥ śatarkṣaṃ ca śanau kāme madhau site / mahāmaheti vikhyātā kulakoṭivimuktidā
Sanskrit only: no published translation is held for this verse.
राधशुक्लत्रयोदश्यां कामदेवव्रतं स्मृतम् । तत्र गन्धादिभिः कामं पूजयेदुपवासवान्
rādhaśuklatrayodaśyāṃ kāmadevavrataṃ smṛtam / tatra gandhādibhiḥ kāmaṃ pūjayedupavāsavān
Sanskrit only: no published translation is held for this verse.
प्रतिमासं ततः पश्चात्त्रयोदश्यां सिते दले । एवमेव व्रतं कार्यं वर्षान्ते गामलङ्कृताम्
pratimāsaṃ tataḥ paścāttrayodaśyāṃ site dale / evameva vrataṃ kāryaṃ varṣānte gāmalaṅkṛtām
Sanskrit only: no published translation is held for this verse.
दद्याद्विप्राय सत्कृत्य व्रतसांगत्वसिद्धये । ज्येष्ठशुक्लत्रयोदश्यां दौर्भाग्यशमनं व्रतम्
dadyādviprāya satkṛtya vratasāṃgatvasiddhaye / jyeṣṭhaśuklatrayodaśyāṃ daurbhāgyaśamanaṃ vratam
Sanskrit only: no published translation is held for this verse.
तत्र स्नात्वा नदीतोये पूजयेच्छुचिदेशजम् । श्वेतमन्दारमर्कं वा करवीरं च रक्तकम्
tatra snātvā nadītoye pūjayecchucideśajam / śvetamandāramarkaṃ vā karavīraṃ ca raktakam
Sanskrit only: no published translation is held for this verse.
निरीक्ष्य गगने सूर्यं प्रार्थयेन्मन्त्रतस्तदा । मन्दारकरवीरार्का भवन्तो भास्करांशजाः
nirīkṣya gagane sūryaṃ prārthayenmantratastadā / mandārakaravīrārkā bhavanto bhāskarāṃśajāḥ
Sanskrit only: no published translation is held for this verse.
पूजिता मम दौर्भाग्यं नाशयन्तु नमो ऽस्तु वः । इत्थं योर्ऽचयते भक्त्या वर्षे वर्षे द्रुमत्रयम्
pūjitā mama daurbhāgyaṃ nāśayantu namo 'stu vaḥ / itthaṃ yor'cayate bhaktyā varṣe varṣe drumatrayam
Sanskrit only: no published translation is held for this verse.
नश्यते तस्य दौर्भाग्यं नात्र कार्या विचारणा । शुचिशुक्लत्रयोदश्यामेकभक्तं समाचरेत्
naśyate tasya daurbhāgyaṃ nātra kāryā vicāraṇā / śuciśuklatrayodaśyāmekabhaktaṃ samācaret
Sanskrit only: no published translation is held for this verse.
पूजयित्वा जगन्नाथावुमामाहेश्वरी तनूः । हैम्यौ रौप्यौ च मृन्मप्यौ यथाशक्त्या विधाय च
pūjayitvā jagannāthāvumāmāheśvarī tanūḥ / haimyau raupyau ca mṛnmapyau yathāśaktyā vidhāya ca
Sanskrit only: no published translation is held for this verse.
सिंहोक्षस्थे देवगृहे गोष्ठे ब्राह्मणवेश्मनि । स्थापयित्वा प्रतिष्ठाप्य दैवमन्त्रेण नारद
siṃhokṣasthe devagṛhe goṣṭhe brāhmaṇaveśmani / sthāpayitvā pratiṣṭhāpya daivamantreṇa nārada
Sanskrit only: no published translation is held for this verse.
ततः पञ्चदिनं पूजा चैकभक्तं व्रतं तथा । तृतीयदिवसे प्रातः स्नात्वा संपूज्य तौ पुनः
tataḥ pañcadinaṃ pūjā caikabhaktaṃ vrataṃ tathā / tṛtīyadivase prātaḥ snātvā saṃpūjya tau punaḥ
Sanskrit only: no published translation is held for this verse.
समर्पणीयौ विप्राय वेदवेदाङ्गशालिने । वर्षे वर्षे ततः पश्चाद्विधेयं वर्षपञ्चकम्
samarpaṇīyau viprāya vedavedāṅgaśāline / varṣe varṣe tataḥ paścādvidheyaṃ varṣapañcakam
Sanskrit only: no published translation is held for this verse.
तदन्ते धेनुयुग्मेन सहितौ तौ प्रदापयेत् । इत्थं नरो वा नारी वा कृत्वा व्रतमिदं शुभम्
tadante dhenuyugmena sahitau tau pradāpayet / itthaṃ naro vā nārī vā kṛtvā vratamidaṃ śubham
Sanskrit only: no published translation is held for this verse.
नैव दांपत्यविच्छेदं लभते सप्तजन्मसु । नभः शुक्लत्रयोदश्यां रतिकामव्रतं शुभम्
naiva dāṃpatyavicchedaṃ labhate saptajanmasu / nabhaḥ śuklatrayodaśyāṃ ratikāmavrataṃ śubham
Sanskrit only: no published translation is held for this verse.
वैधव्यवारणं स्त्रीणां तथा संतानवर्धनम् । कृतोपवासा कन्यैव नारी वा द्विजसत्तम
vaidhavyavāraṇaṃ strīṇāṃ tathā saṃtānavardhanam / kṛtopavāsā kanyaiva nārī vā dvijasattama
Sanskrit only: no published translation is held for this verse.
ताम्रे वा मृन्मये वापि सौवर्णे राजते तथा । रतिकामौ प्रविन्यस्य गन्धाद्यैः सम्यगर्चयेत्
tāmre vā mṛnmaye vāpi sauvarṇe rājate tathā / ratikāmau pravinyasya gandhādyaiḥ samyagarcayet
Sanskrit only: no published translation is held for this verse.
ततस्तु द्विजदांपत्यं चतुर्दश्यां निमन्त्र्य च । सतकृत्य भोज्य प्रतिमे दद्यात्ताभ्यां सदक्षिणे
tatastu dvijadāṃpatyaṃ caturdaśyāṃ nimantrya ca / satakṛtya bhojya pratime dadyāttābhyāṃ sadakṣiṇe
Sanskrit only: no published translation is held for this verse.
एवं चतुर्दशाब्दं च कृत्वा व्रतमनुत्तमम् । धेनुयुग्मान्विते देये व्रतसंपूर्तिहेतवे
evaṃ caturdaśābdaṃ ca kṛtvā vratamanuttamam / dhenuyugmānvite deye vratasaṃpūrtihetave
Sanskrit only: no published translation is held for this verse.
भाद्रशुक्लत्रयोदश्यां गोत्रिरात्रव्रतं स्मृतम् । लक्ष्मीनारायणं कृत्वा सौवर्णं वापि राजतम्
bhādraśuklatrayodaśyāṃ gotrirātravrataṃ smṛtam / lakṣmīnārāyaṇaṃ kṛtvā sauvarṇaṃ vāpi rājatam
Sanskrit only: no published translation is held for this verse.
पञ्चामृतेन संस्नाप्य मण्डले ऽष्टदले शुभे । पीठे विन्यस्य वस्त्राढ्यं गन्धाद्यैः परिपूजयेत्
pañcāmṛtena saṃsnāpya maṇḍale 'ṣṭadale śubhe / pīṭhe vinyasya vastrāḍhyaṃ gandhādyaiḥ paripūjayet
Sanskrit only: no published translation is held for this verse.
आरार्तिकं ततः कृत्वा दद्यात्सान्नोदकं घटम् । एवं दिनत्रयं कृत्वा व्रतान्ते मासमर्च्य च
ārārtikaṃ tataḥ kṛtvā dadyātsānnodakaṃ ghaṭam / evaṃ dinatrayaṃ kṛtvā vratānte māsamarcya ca
Sanskrit only: no published translation is held for this verse.
सम्यगर्थं च संपाद्य दद्यान्मन्त्रेण नारद । पञ्चगावः समुत्पन्ना मथ्यमाने महोदधौ
samyagarthaṃ ca saṃpādya dadyānmantreṇa nārada / pañcagāvaḥ samutpannā mathyamāne mahodadhau
Sanskrit only: no published translation is held for this verse.
तासां मध्ये तु या नन्दा तस्यै धेन्वै नमो नमः । प्रदक्षिणीकृत्य ततो दद्याद्विप्राय मन्त्रतः
tāsāṃ madhye tu yā nandā tasyai dhenvai namo namaḥ / pradakṣiṇīkṛtya tato dadyādviprāya mantrataḥ
Sanskrit only: no published translation is held for this verse.
गावो ममाग्रतः सन्तु गावो मे संतु पृष्ठतः । गावो मे पार्श्वतः संतु गवां मध्ये वसाम्यहम्
gāvo mamāgrataḥ santu gāvo me saṃtu pṛṣṭhataḥ / gāvo me pārśvataḥ saṃtu gavāṃ madhye vasāmyaham
Sanskrit only: no published translation is held for this verse.
ततश्च द्विजदांपत्यं सम्यगभ्यर्च्य भोजयेत् । लक्ष्मीनारायणं तस्मै सत्कृत्य प्रतिपादयेत्
tataśca dvijadāṃpatyaṃ samyagabhyarcya bhojayet / lakṣmīnārāyaṇaṃ tasmai satkṛtya pratipādayet
Sanskrit only: no published translation is held for this verse.
अश्वमेधसहस्राणि राजसूयशतानि च । कृत्वा यत्फलमाप्नोति गोत्रिरात्रव्रताच्च तत्
aśvamedhasahasrāṇi rājasūyaśatāni ca / kṛtvā yatphalamāpnoti gotrirātravratācca tat
Sanskrit only: no published translation is held for this verse.
इषे शुक्लत्रयोदश्यां त्रिरात्रशोककव्रतम् । हैमं ह्यशोकं निर्माय पूजयित्वा विधानतः
iṣe śuklatrayodaśyāṃ trirātraśokakavratam / haimaṃ hyaśokaṃ nirmāya pūjayitvā vidhānataḥ
Sanskrit only: no published translation is held for this verse.
उपवासपरा नारी नित्यं कुर्यात्प्रदक्षिणाः । अष्टोत्तरशतं विप्र मन्त्रेणानेन सादरम्
upavāsaparā nārī nityaṃ kuryātpradakṣiṇāḥ / aṣṭottaraśataṃ vipra mantreṇānena sādaram
Sanskrit only: no published translation is held for this verse.
हरेण निर्मितः पूर्वं त्वमशोक कृपालुना । लोकोपकारकरणस्तत्प्रसीद शिवप्रिय
hareṇa nirmitaḥ pūrvaṃ tvamaśoka kṛpālunā / lokopakārakaraṇastatprasīda śivapriya
Sanskrit only: no published translation is held for this verse.
ततस्तृतीये दिवसे वृक्षे तस्मिन्वृषध्वजम् । समभ्यर्च्य विधानेन द्विजं संभोज्य दापयेत्
tatastṛtīye divase vṛkṣe tasminvṛṣadhvajam / samabhyarcya vidhānena dvijaṃ saṃbhojya dāpayet
Sanskrit only: no published translation is held for this verse.
एवं कृतव्रता नारी वैधव्यं नाप्नुयात्क्वचित् । पुत्रपौत्रादि सहिता भर्तुश्च स्यात्सुवल्लभा
evaṃ kṛtavratā nārī vaidhavyaṃ nāpnuyātkvacit / putrapautrādi sahitā bhartuśca syātsuvallabhā
Sanskrit only: no published translation is held for this verse.
ऊर्ज्जकृष्णत्रयोदश्यामेकभक्तः समाहितः । प्रदोषे तैलदीपं तु प्रज्वाल्याभ्यर्च्य यत्नतः
ūrjjakṛṣṇatrayodaśyāmekabhaktaḥ samāhitaḥ / pradoṣe tailadīpaṃ tu prajvālyābhyarcya yatnataḥ
Sanskrit only: no published translation is held for this verse.
गृहद्वारे बहिर्दद्याद्यमो मे प्रीयतामिति । एवं कृते तु विप्रेन्द्र यमपीडा न जायते
gṛhadvāre bahirdadyādyamo me prīyatāmiti / evaṃ kṛte tu viprendra yamapīḍā na jāyate
Sanskrit only: no published translation is held for this verse.
ऊर्ज्शुक्लत्रयोदश्यामेकभोजी द्विजोत्तम । पुनः स्नात्वा प्रदोषे तु वाग्यतः सुसमाहितः
ūrjśuklatrayodaśyāmekabhojī dvijottama / punaḥ snātvā pradoṣe tu vāgyataḥ susamāhitaḥ
Sanskrit only: no published translation is held for this verse.
प्रदीपानां सहस्रेण शतेनाप्यथवा द्विज । प्रदीपयेच्छिवं वापि द्वात्रिंशद्दीपमालया
pradīpānāṃ sahasreṇa śatenāpyathavā dvija / pradīpayecchivaṃ vāpi dvātriṃśaddīpamālayā
Sanskrit only: no published translation is held for this verse.
घृतेन दीपयेद्द्वीपान्गन्धाद्यैः पूजयेच्छिवम् । फलैर्नानाविधैश्चैव नैवेद्यैरपि नारद
ghṛtena dīpayeddvīpāngandhādyaiḥ pūjayecchivam / phalairnānāvidhaiścaiva naivedyairapi nārada
Sanskrit only: no published translation is held for this verse.
ततः स्तुवीत देवेशं शिवं नाम्नां शतेन च । तानि नामानि कीर्त्यन्ते सर्वाभीष्टप्रदानि वै
tataḥ stuvīta deveśaṃ śivaṃ nāmnāṃ śatena ca / tāni nāmāni kīrtyante sarvābhīṣṭapradāni vai
Sanskrit only: no published translation is held for this verse.
नमो रुद्राय भीमाय नीलकण्ठाय वेधसे । कपर्द्दिने सुरेशाय व्योमकेशाय वै नमः
namo rudrāya bhīmāya nīlakaṇṭhāya vedhase / kaparddine sureśāya vyomakeśāya vai namaḥ
Sanskrit only: no published translation is held for this verse.
वृषध्वजाय सोमाय सोमनाथाय वै नमः । दिगंबराय भृङ्गाय उमाकान्ताय वर्द्धिने
vṛṣadhvajāya somāya somanāthāya vai namaḥ / digaṃbarāya bhṛṅgāya umākāntāya varddhine
Sanskrit only: no published translation is held for this verse.
तपोमयाय व्याप्ताय शिपिविष्याय वै नमः । व्यालप्रियाय व्यालाय व्यालानां पतये नमः
tapomayāya vyāptāya śipiviṣyāya vai namaḥ / vyālapriyāya vyālāya vyālānāṃ pataye namaḥ
Sanskrit only: no published translation is held for this verse.
महीधराय व्योमाय पशूनां पतये नमः । त्रिपुरघ्नाय सिंहाय शार्दूलायार्षभाय च
mahīdharāya vyomāya paśūnāṃ pataye namaḥ / tripuraghnāya siṃhāya śārdūlāyārṣabhāya ca
Sanskrit only: no published translation is held for this verse.
मिताय मितनाथाय सिद्धाय परमेष्ठिने । वेदगीताय गुप्ताय वेदगुह्याय वै नमः
mitāya mitanāthāya siddhāya parameṣṭhine / vedagītāya guptāya vedaguhyāya vai namaḥ
Sanskrit only: no published translation is held for this verse.
दीर्घाय दीर्घरूपाय दीर्घार्थाय महीयसे । नमो जगत्प्रतिष्ठाय व्योमरूपाय वै नमः
dīrghāya dīrgharūpāya dīrghārthāya mahīyase / namo jagatpratiṣṭhāya vyomarūpāya vai namaḥ
Sanskrit only: no published translation is held for this verse.
कल्याणाय विशिष्याय शिष्टाय परमात्मने । गजकृत्ति धरायाथ अन्धकासुरभेदिने
kalyāṇāya viśiṣyāya śiṣṭāya paramātmane / gajakṛtti dharāyātha andhakāsurabhedine
Sanskrit only: no published translation is held for this verse.
नीललोहितशुक्लाय चडमुण्डप्रियाय च । भक्तिप्रियाय देवाय यज्ञान्तायाव्ययाय च
nīlalohitaśuklāya caḍamuṇḍapriyāya ca / bhaktipriyāya devāya yajñāntāyāvyayāya ca
Sanskrit only: no published translation is held for this verse.
महेशाय नमस्तुभ्यं महादेवहराय च । त्रिनेत्राय त्रिवेदाय वेदाङ्गाय नमो नमः
maheśāya namastubhyaṃ mahādevaharāya ca / trinetrāya trivedāya vedāṅgāya namo namaḥ
Sanskrit only: no published translation is held for this verse.
अर्थायार्थस्वरूपाय परमार्थाय वै नमः । विश्वरूपाय विश्वाय विश्वनाथाय वै नमः
arthāyārthasvarūpāya paramārthāya vai namaḥ / viśvarūpāya viśvāya viśvanāthāya vai namaḥ
Sanskrit only: no published translation is held for this verse.
शङ्कराय च कालाय कालावयवरूपिणे । अरूपाय विरूपाय सूक्ष्मसूक्ष्माय वै नमः
śaṅkarāya ca kālāya kālāvayavarūpiṇe / arūpāya virūpāya sūkṣmasūkṣmāya vai namaḥ
Sanskrit only: no published translation is held for this verse.
श्मशानवासिने तुभ्यं नमस्ते कृत्तिवाससे । शशाङ्कशेखरायाथ रुद्रभूमिश्रिताय च
śmaśānavāsine tubhyaṃ namaste kṛttivāsase / śaśāṅkaśekharāyātha rudrabhūmiśritāya ca
Sanskrit only: no published translation is held for this verse.
दुर्गाय दुर्गपाराय दुर्गावयवसाक्षिणे । लिङ्गरूपाय लिङ्गाय लिङ्गानपतये नमः
durgāya durgapārāya durgāvayavasākṣiṇe / liṅgarūpāya liṅgāya liṅgānapataye namaḥ
Sanskrit only: no published translation is held for this verse.
नमः प्रभावरूपाय प्रभावार्थाय वै नमः
namaḥ prabhāvarūpāya prabhāvārthāya vai namaḥ
Sanskrit only: no published translation is held for this verse.
नमो नमः कारणकारणाय ते मृत्युञ्जयायात्मभवस्वरूपिणे । त्रियंबकाय शितिकण्ठभार्गिणे गौरीयुजे मङ्गलहेतवे नमः
namo namaḥ kāraṇakāraṇāya te mṛtyuñjayāyātmabhavasvarūpiṇe / triyaṃbakāya śitikaṇṭhabhārgiṇe gaurīyuje maṅgalahetave namaḥ
Sanskrit only: no published translation is held for this verse.
नाम्नां शतमिदं विप्र पिनाकिगुणकीर्तनम् । पठित्वा दक्षिणीकृत्य प्रायान्निजनिकेतनम्
nāmnāṃ śatamidaṃ vipra pinākiguṇakīrtanam / paṭhitvā dakṣiṇīkṛtya prāyānnijaniketanam
Sanskrit only: no published translation is held for this verse.
एवं कृत्वा व्रतं विप्र महादेवप्रसादतः । भुक्त्वेह भोगानखिलानन्ते शिवपदं लभेत्
evaṃ kṛtvā vrataṃ vipra mahādevaprasādataḥ / bhuktveha bhogānakhilānante śivapadaṃ labhet
Sanskrit only: no published translation is held for this verse.
मार्गशुक्लत्रयोदश्यां यो ऽनङ्गं विधिना यजेत् । त्रिकालमेककालं वा शिवसंगमसंभवम्
mārgaśuklatrayodaśyāṃ yo 'naṅgaṃ vidhinā yajet / trikālamekakālaṃ vā śivasaṃgamasaṃbhavam
Sanskrit only: no published translation is held for this verse.
गन्धाद्यैरुपचारैस्तु पूजयित्वा विधानतः । घटे मङ्गलपट्टे वा भोजयेद्द्विजदंपती
gandhādyairupacāraistu pūjayitvā vidhānataḥ / ghaṭe maṅgalapaṭṭe vā bhojayeddvijadaṃpatī
Sanskrit only: no published translation is held for this verse.
ततश्च दक्षिणां दत्वा स्वयमेकाशनं चरेत् । एवं कृते तु विधिवद्व्रती सौभाग्यभाजनः जायते भुवि विप्रेन्द्र महादेवप्रसादतः
tataśca dakṣiṇāṃ datvā svayamekāśanaṃ caret / evaṃ kṛte tu vidhivadvratī saubhāgyabhājanaḥ jāyate bhuvi viprendra mahādevaprasādataḥ
Sanskrit only: no published translation is held for this verse.
पौषशुक्लत्रयोदश्यां समभ्यर्च्याच्युतं हरिम् । घृतपात्रं द्विजेन्द्राय प्रदद्यात्सर्वसिद्धये
pauṣaśuklatrayodaśyāṃ samabhyarcyācyutaṃ harim / ghṛtapātraṃ dvijendrāya pradadyātsarvasiddhaye
Sanskrit only: no published translation is held for this verse.
माघशुक्लत्रयोदश्यां समारभ्य दिनत्रयम् । माघस्नानव्रतं विप्र नानाकामफलावहम्
māghaśuklatrayodaśyāṃ samārabhya dinatrayam / māghasnānavrataṃ vipra nānākāmaphalāvaham
Sanskrit only: no published translation is held for this verse.
प्रयागे माघमासे तु त्र्यहं स्नातस्य यत्फलम् । नाश्वमेघसहस्रेण तत्फलं लभते भुवि
prayāge māghamāse tu tryahaṃ snātasya yatphalam / nāśvameghasahasreṇa tatphalaṃ labhate bhuvi
Sanskrit only: no published translation is held for this verse.
तत्र स्नानं जपो होमो दानं चानन्त्यमश्नुते । फआल्गुने तु सिते पक्षे त्रयोदश्यामुपोषितः
tatra snānaṃ japo homo dānaṃ cānantyamaśnute / phaālgune tu site pakṣe trayodaśyāmupoṣitaḥ
Sanskrit only: no published translation is held for this verse.
नमस्कृत्य जगन्नाथं प्रारंभे धनदव्रतम् । महाराजं यक्षपतिं गन्धाद्यैरुपचारकैः
namaskṛtya jagannāthaṃ prāraṃbhe dhanadavratam / mahārājaṃ yakṣapatiṃ gandhādyairupacārakaiḥ
Sanskrit only: no published translation is held for this verse.
लिखितं वर्णकैः पट्टे पूजयेद्भक्तिभावतः । एवं शुक्लत्रयोदश्यां प्रतिमासं द्विजोत्तम
likhitaṃ varṇakaiḥ paṭṭe pūjayedbhaktibhāvataḥ / evaṃ śuklatrayodaśyāṃ pratimāsaṃ dvijottama
Sanskrit only: no published translation is held for this verse.
संपूजयेत्सोपवासश्चैकभुक्तो भवेन्नरः । ततो व्रतान्ते तु पुनः सौवर्णं धननायकम्
saṃpūjayetsopavāsaścaikabhukto bhavennaraḥ / tato vratānte tu punaḥ sauvarṇaṃ dhananāyakam
Sanskrit only: no published translation is held for this verse.
विधाय निधिभिः सार्द्धं सौवर्णाभिर्द्विजोत्तम । उपचारैः षोडशभिः स्नानैः पञ्चामृतादिभिः
vidhāya nidhibhiḥ sārddhaṃ sauvarṇābhirdvijottama / upacāraiḥ ṣoḍaśabhiḥ snānaiḥ pañcāmṛtādibhiḥ
Sanskrit only: no published translation is held for this verse.
नैवेद्यैर्विविधैर्भक्त्या पूजयेत्तु समाहितः । ततो धेनुमलङ्कृत्य वस्त्रस्रग्गन्धभूषणैः
naivedyairvividhairbhaktyā pūjayettu samāhitaḥ / tato dhenumalaṅkṛtya vastrasraggandhabhūṣaṇaiḥ
Sanskrit only: no published translation is held for this verse.
सवत्सां दापयेद्विप्र सम्यग्वेदविदे शुभाम् । संभोज्य विप्रान्मिष्टान्नैर्द्वादशाथ त्रयोदश
savatsāṃ dāpayedvipra samyagvedavide śubhām / saṃbhojya viprānmiṣṭānnairdvādaśātha trayodaśa
Sanskrit only: no published translation is held for this verse.
गुरुं समर्च्य वस्त्राद्यैः प्रतिमां तां निवेदयेत् । द्विजेभ्यो दक्षणां शक्त्या दत्वा नत्वा विसृज्य च
guruṃ samarcya vastrādyaiḥ pratimāṃ tāṃ nivedayet / dvijebhyo dakṣaṇāṃ śaktyā datvā natvā visṛjya ca
Sanskrit only: no published translation is held for this verse.
स्वयं भुञ्जीत मतिमानिष्टैः सह समाहितः । एवं कृते व्रते विप्र निर्धनः प्राप्य वैभवम्
svayaṃ bhuñjīta matimāniṣṭaiḥ saha samāhitaḥ / evaṃ kṛte vrate vipra nirdhanaḥ prāpya vaibhavam
Sanskrit only: no published translation is held for this verse.
मोदते भुवि विख्यातो राजराज इवापरः
modate bhuvi vikhyāto rājarāja ivāparaḥ
Sanskrit only: no published translation is held for this verse.