Nārada Purāṇa 1.13

पूजया रहितं लिङ्गमचर्यत्तेत्फलं शृणु । अप्सरोगणगन्धर्वैः स्तूयमानो विमानगः

pūjayā rahitaṃ liṅgamacaryattetphalaṃ śṛṇu / apsarogaṇagandharvaiḥ stūyamāno vimānagaḥ

Sanskrit only: no published translation is held for this verse.

प्रयाति शिवसान्निध्यमित्याह कमलोद्भवः । चुलुकोदकमात्रेण लिङ्गं संस्नाप्य भूमिप

prayāti śivasānnidhyamityāha kamalodbhavaḥ / culukodakamātreṇa liṅgaṃ saṃsnāpya bhūmipa

Sanskrit only: no published translation is held for this verse.

लक्षाश्वमेधजं पुण्यं संप्रान्पोति न संशयः । पूजया रहितं लिङ्गं कुसुमैर्योर्ऽचयेत्सुधीः

lakṣāśvamedhajaṃ puṇyaṃ saṃprānpoti na saṃśayaḥ / pūjayā rahitaṃ liṅgaṃ kusumairyor'cayetsudhīḥ

Sanskrit only: no published translation is held for this verse.

अश्वमेधायुतफलं भवेत्तस्य जनेश्वर । भक्ष्यैर्भोज्यैः फलैर्वापि शून्यं लिङ्गं प्रपूज्य च

aśvamedhāyutaphalaṃ bhavettasya janeśvara / bhakṣyairbhojyaiḥ phalairvāpi śūnyaṃ liṅgaṃ prapūjya ca

Sanskrit only: no published translation is held for this verse.

शिवसायुज्यमान्पोति पुनरावृत्तिवर्जितम् । पूजया रहितं विष्णुं योर्ऽचयेदकर्वंशज

śivasāyujyamānpoti punarāvṛttivarjitam / pūjayā rahitaṃ viṣṇuṃ yor'cayedakarvaṃśaja

Sanskrit only: no published translation is held for this verse.

जलेनापि स सालोक्यं विष्णोर्याति नरोत्तम । देवतायतने यस्तु कुर्यात्संमार्जनं सुधीः

jalenāpi sa sālokyaṃ viṣṇoryāti narottama / devatāyatane yastu kuryātsaṃmārjanaṃ sudhīḥ

Sanskrit only: no published translation is held for this verse.

यावत्पांसु युगावासं वैष्णवे मन्दिरेलभेत् । शीर्णं स्फटिकलिङ्गन्तु यः संदध्यान्नृपोत्तम

yāvatpāṃsu yugāvāsaṃ vaiṣṇave mandirelabhet / śīrṇaṃ sphaṭikaliṅgantu yaḥ saṃdadhyānnṛpottama

Sanskrit only: no published translation is held for this verse.

शतजन्मार्जितैः पापैर्मुच्यते स तु मानवः । यस्तु देवालये राजन्नपि गोचर्ममात्रकम्

śatajanmārjitaiḥ pāpairmucyate sa tu mānavaḥ / yastu devālaye rājannapi gocarmamātrakam

Sanskrit only: no published translation is held for this verse.

जलेन सिञ्चिद्भूभागं सो ऽपि स्वर्गं लभेन्नरः । गन्धोदकेन यः सिञ्चेद्देवतायतने भुवम्

jalena siñcidbhūbhāgaṃ so 'pi svargaṃ labhennaraḥ / gandhodakena yaḥ siñceddevatāyatane bhuvam

Sanskrit only: no published translation is held for this verse.

यावत्कणानुकल्पं तु तिष्ठेत देवसन्निधौ । मृदा धातुविकारैर्वा यो लिम्पेद्देवतागृहम्

yāvatkaṇānukalpaṃ tu tiṣṭheta devasannidhau / mṛdā dhātuvikārairvā yo limpeddevatāgṛham

Sanskrit only: no published translation is held for this verse.

स कोटिकुलमुद्धृत्य याति साम्यं मधुद्विषः । शिलाचूर्णेन यो मर्त्यो देवागारं तु लोपयेत्

sa koṭikulamuddhṛtya yāti sāmyaṃ madhudviṣaḥ / śilācūrṇena yo martyo devāgāraṃ tu lopayet

Sanskrit only: no published translation is held for this verse.

स्वस्तिकादीनि वा कुर्यात्तस्य पुण्यमनन्तकम् । यः कुर्याद्दीपरचनां देवतायतने नृप

svastikādīni vā kuryāttasya puṇyamanantakam / yaḥ kuryāddīparacanāṃ devatāyatane nṛpa

Sanskrit only: no published translation is held for this verse.

तस्य पुण्यं प्रसंख्यातुं नोत्सहे ऽब्दशतैरपि । अखण्डदीपं यः कुर्याद्विष्णोर्वा शङ्करस्य च

tasya puṇyaṃ prasaṃkhyātuṃ notsahe 'bdaśatairapi / akhaṇḍadīpaṃ yaḥ kuryādviṣṇorvā śaṅkarasya ca

Sanskrit only: no published translation is held for this verse.

क्षणे क्षणे ऽश्वमेधस्य फलं तस्य न दुर्लभम् । अर्चितं शङ्करं दृष्ट्वा विष्णुं वापि नमेत्तु यः

kṣaṇe kṣaṇe 'śvamedhasya phalaṃ tasya na durlabham / arcitaṃ śaṅkaraṃ dṛṣṭvā viṣṇuṃ vāpi namettu yaḥ

Sanskrit only: no published translation is held for this verse.

स विष्णुभवनं प्राप्य मोदते च युगायुतम् । देव्याः प्रदक्षिणामेकां सत्प सूर्यस्य भूमिप

sa viṣṇubhavanaṃ prāpya modate ca yugāyutam / devyāḥ pradakṣiṇāmekāṃ satpa sūryasya bhūmipa

Sanskrit only: no published translation is held for this verse.

तिस्त्रो विनायकस्यापि चतस्त्रो विष्णुमन्दिरे । कृत्वा तत्तद्गृहं प्राप्य मोदते युगलक्षकम्

tistro vināyakasyāpi catastro viṣṇumandire / kṛtvā tattadgṛhaṃ prāpya modate yugalakṣakam

Sanskrit only: no published translation is held for this verse.

यो विष्णोर्भक्तिभावेन तथैव गोद्विजस्य च । प्रदक्षिणां चररेत्तस्य ह्यश्वमेधः पदे पदे

yo viṣṇorbhaktibhāvena tathaiva godvijasya ca / pradakṣiṇāṃ cararettasya hyaśvamedhaḥ pade pade

Sanskrit only: no published translation is held for this verse.

काश्यां महेश्वरं माहेश्वरं लिङ्गं संपूज्य प्रणमेत्तु यः । न तस्य विद्यते कृत्यं संसृतिर्नैव जायते

kāśyāṃ maheśvaraṃ māheśvaraṃ liṅgaṃ saṃpūjya praṇamettu yaḥ / na tasya vidyate kṛtyaṃ saṃsṛtirnaiva jāyate

Sanskrit only: no published translation is held for this verse.

शिवं प्रदक्षिणं कृत्वा सव्येनैव विधानतः । नरो न च्यवते स्वर्गाच्छङ्करस्य प्रसादतः

śivaṃ pradakṣiṇaṃ kṛtvā savyenaiva vidhānataḥ / naro na cyavate svargācchaṅkarasya prasādataḥ

Sanskrit only: no published translation is held for this verse.

स्तुत्वा स्तोत्रैर्जगन्नाथं नारायणमनामयम् । सर्वान्कामानवान्पोति मनसा यद्यदिच्छति

stutvā stotrairjagannāthaṃ nārāyaṇamanāmayam / sarvānkāmānavānpoti manasā yadyadicchati

Sanskrit only: no published translation is held for this verse.

देवतायतने यस्तु भक्तियुक्तः प्रनृत्यति । गायते वा स भूपाल रुद्रलोके च मुक्तिभाक्

devatāyatane yastu bhaktiyuktaḥ pranṛtyati / gāyate vā sa bhūpāla rudraloke ca muktibhāk

Sanskrit only: no published translation is held for this verse.

ये तु वाद्यं प्रकुर्वन्ति देवतायतने नराः । ते हंसयानमारुढा व्रजन्ति ब्रह्मणः पदम्

ye tu vādyaṃ prakurvanti devatāyatane narāḥ / te haṃsayānamāruḍhā vrajanti brahmaṇaḥ padam

Sanskrit only: no published translation is held for this verse.

करतालं प्रकुर्वन्ति देवतायतने तु येते । सर्वपापनिर्मुक्ता विमानस्था युगायुतम्

karatālaṃ prakurvanti devatāyatane tu yete / sarvapāpanirmuktā vimānasthā yugāyutam

Sanskrit only: no published translation is held for this verse.

देवतायतने ये तु घण्टानादं प्रकुर्वते । तेषां पुण्यं निगदितुं न समर्थः शिवः स्वयम्

devatāyatane ye tu ghaṇṭānādaṃ prakurvate / teṣāṃ puṇyaṃ nigadituṃ na samarthaḥ śivaḥ svayam

Sanskrit only: no published translation is held for this verse.

भेरीमृदङ्गपटहमुरजैश्व सडिण्डिमैः । संप्रीणयन्ति देवेशं तेषां पुण्यफलं शृणु

bherīmṛdaṅgapaṭahamurajaiśva saḍiṇḍimaiḥ / saṃprīṇayanti deveśaṃ teṣāṃ puṇyaphalaṃ śṛṇu

Sanskrit only: no published translation is held for this verse.

देवस्त्रीगणसंयुक्ताः सर्वकामैः समर्चिताः । स्वर्गलोकमनुप्राप्य मोदन्ते कल्पपञ्चकम्

devastrīgaṇasaṃyuktāḥ sarvakāmaiḥ samarcitāḥ / svargalokamanuprāpya modante kalpapañcakam

Sanskrit only: no published translation is held for this verse.

देवतामन्दिरे कुर्वन्नरः शङ्खरवं नृप । सर्वपापविनिर्मुक्तो विष्णुना सह मोदते

devatāmandire kurvannaraḥ śaṅkharavaṃ nṛpa / sarvapāpavinirmukto viṣṇunā saha modate

Sanskrit only: no published translation is held for this verse.

तालकांस्यादिनिनदं कुर्वन् विष्णुगृहे नरः । सर्वपापविनिर्मुक्तो विष्णुलोकमवान्पुयात्

tālakāṃsyādininadaṃ kurvan viṣṇugṛhe naraḥ / sarvapāpavinirmukto viṣṇulokamavānpuyāt

Sanskrit only: no published translation is held for this verse.

यो देवः सर्वदृग्विष्णुर्ज्ञानरुपी निरञ्जनः । सर्वधर्मफलं पूर्णं संतुष्टः प्रददाति च

yo devaḥ sarvadṛgviṣṇurjñānarupī nirañjanaḥ / sarvadharmaphalaṃ pūrṇaṃ saṃtuṣṭaḥ pradadāti ca

Sanskrit only: no published translation is held for this verse.

यस्य स्मरणमात्रेण देवदेवस्य चक्रिणः । सफलानि भवन्त्येव सर्वकर्माणि भूपते

yasya smaraṇamātreṇa devadevasya cakriṇaḥ / saphalāni bhavantyeva sarvakarmāṇi bhūpate

Sanskrit only: no published translation is held for this verse.

परमात्मा जगन्नाथः सर्वकर्ंमफलप्रदः । सत्कर्मकर्तृभिर्नित्यं स्मृतः सर्वार्तिनाशनः । तमुद्दिश्य कृतं यच्च तदानन्त्याय कल्पते

paramātmā jagannāthaḥ sarvakarṃmaphalapradaḥ / satkarmakartṛbhirnityaṃ smṛtaḥ sarvārtināśanaḥ / tamuddiśya kṛtaṃ yacca tadānantyāya kalpate

Sanskrit only: no published translation is held for this verse.

धर्माणि विष्णुश्च फलानि विष्णुः कर्माणि विष्णुश्च फलानि भोक्ता । कार्यं च विष्णुः करणानि विष्णुरस्मान्न किञ्चिव्द्यतिरिक्तमस्ति

dharmāṇi viṣṇuśca phalāni viṣṇuḥ karmāṇi viṣṇuśca phalāni bhoktā / kāryaṃ ca viṣṇuḥ karaṇāni viṣṇurasmānna kiñcivdyatiriktamasti

Sanskrit only: no published translation is held for this verse.