Library·Nārada Purāṇa·1·1.3
इति श्रीबृहन्नारदीयपुराणे पूर्वभागे प्रथमपादे सनत्कुमारनारदसंवादे नारदकृतविष्णुस्तुतिर्नाम द्वितीयोध्यायः नारद उवाच कथं ससर्ज ब्रह्मादीनादिदेवः पुरा विभुः । तन्ममाख्याहि सनक सर्वज्ञो ऽस्ति यतो भवान्
iti śrībṛhannāradīyapurāṇe pūrvabhāge prathamapāde sanatkumāranāradasaṃvāde nāradakṛtaviṣṇustutirnāma dvitīyodhyāyaḥ nārada uvāca kathaṃ sasarja brahmādīnādidevaḥ purā vibhuḥ / tanmamākhyāhi sanaka sarvajño 'sti yato bhavān
Sanskrit only: no published translation is held for this verse.
श्रीसनक उवाचा नारायणो ऽक्षरो ऽनन्तः सर्वव्यापी निरञ्जनः । तेनेदमखिलं व्यात्पं जगत्स्थावरजङ्गमम्
śrīsanaka uvācā nārāyaṇo 'kṣaro 'nantaḥ sarvavyāpī nirañjanaḥ / tenedamakhilaṃ vyātpaṃ jagatsthāvarajaṅgamam
Sanskrit only: no published translation is held for this verse.
आदिसर्गे महाविष्णुः स्वप्रकाशो जगन्मयः । गुणभेदमधिष्ठाय मूर्त्तित्रिकमवासृजत्
ādisarge mahāviṣṇuḥ svaprakāśo jaganmayaḥ / guṇabhedamadhiṣṭhāya mūrttitrikamavāsṛjat
Sanskrit only: no published translation is held for this verse.
सृष्ट्यर्थं तु पुरा देवो दक्षिणाङ्गात्प्रजापतिम् । मध्येरुद्राख्यमीथानं जगदन्तकरं मुने
sṛṣṭyarthaṃ tu purā devo dakṣiṇāṅgātprajāpatim / madhyerudrākhyamīthānaṃ jagadantakaraṃ mune
Sanskrit only: no published translation is held for this verse.
पालनायास्य जगतो वामाङ्गाद्विष्णुमव्ययम् । तमादिदेवमजरं केचिदाहुः शिवाभिधम् । केचिद्विष्णुं सदा सत्यं ब्रह्माणं केचिदूचिरे
pālanāyāsya jagato vāmāṅgādviṣṇumavyayam / tamādidevamajaraṃ kecidāhuḥ śivābhidham / kecidviṣṇuṃ sadā satyaṃ brahmāṇaṃ kecidūcire
Sanskrit only: no published translation is held for this verse.
तस्य शक्तिः परा विष्णोर्जगत्कार्यप्रवर्तिनी । भावाभावस्वरुपा सा विद्याविद्येति गीयते
tasya śaktiḥ parā viṣṇorjagatkāryapravartinī / bhāvābhāvasvarupā sā vidyāvidyeti gīyate
Sanskrit only: no published translation is held for this verse.
यदा विश्वं महाविष्णोर्भिन्नत्वेन प्रतीयते । तदा ह्यविद्या संसिद्धा भवेद्दुःखस्य साधनम्
yadā viśvaṃ mahāviṣṇorbhinnatvena pratīyate / tadā hyavidyā saṃsiddhā bhavedduḥkhasya sādhanam
Sanskrit only: no published translation is held for this verse.
ज्ञातृज्ञेयाद्युपाधिस्ते यदा नश्यति नारद । सर्वैकभावना बुद्धिः सा विद्येत्यभिधीयते
jñātṛjñeyādyupādhiste yadā naśyati nārada / sarvaikabhāvanā buddhiḥ sā vidyetyabhidhīyate
Sanskrit only: no published translation is held for this verse.
एषं माया महाविष्णोर्भिन्ना संसारदायिनी । अभेदबुद्ध्या दृष्टा चेत्संसारक्षयकारिणी
eṣaṃ māyā mahāviṣṇorbhinnā saṃsāradāyinī / abhedabuddhyā dṛṣṭā cetsaṃsārakṣayakāriṇī
Sanskrit only: no published translation is held for this verse.
विष्णुशक्तिसमुद्भूतमेतत्सर्वं वराचंम् । यस्माद्भिन्नमिदं सर्वं यच्चेङ्गेद्यच्चनेङ्गति
viṣṇuśaktisamudbhūtametatsarvaṃ varācaṃm / yasmādbhinnamidaṃ sarvaṃ yacceṅgedyaccaneṅgati
Sanskrit only: no published translation is held for this verse.
उपाधिभिर्यथाकाशो भिन्नत्वेन प्रतीयते । अविद्योपाधियोगेनतथेदमखिलं जगत्
upādhibhiryathākāśo bhinnatvena pratīyate / avidyopādhiyogenatathedamakhilaṃ jagat
Sanskrit only: no published translation is held for this verse.
यथा हरिर्जगद्यापी तस्य शक्तिस्तथा मुने । दाहशक्तिर्यथाङ्गारे स्वाश्रयं व्याप्य तिष्टति
yathā harirjagadyāpī tasya śaktistathā mune / dāhaśaktiryathāṅgāre svāśrayaṃ vyāpya tiṣṭati
Sanskrit only: no published translation is held for this verse.
उमेति केचिदाहुस्तां शक्तिं लक्ष्मीं तथा परे । भारतीत्यपरे चैनां गिरिजेत्यम्बिकेति च
umeti kecidāhustāṃ śaktiṃ lakṣmīṃ tathā pare / bhāratītyapare caināṃ girijetyambiketi ca
Sanskrit only: no published translation is held for this verse.
दुर्गेति भद्रकालीति चण्डी माहेश्वरीत्यपि । कौमारी वैष्णवी चेति वाराह्येन्द्री च शाम्भवी
durgeti bhadrakālīti caṇḍī māheśvarītyapi / kaumārī vaiṣṇavī ceti vārāhyendrī ca śāmbhavī
Sanskrit only: no published translation is held for this verse.
ब्राह्मीति विद्याविद्येति मायेति च तथा परे । प्रकृतिश्च परा चेति वदन्ति परमर्षस्यः
brāhmīti vidyāvidyeti māyeti ca tathā pare / prakṛtiśca parā ceti vadanti paramarṣasyaḥ
Sanskrit only: no published translation is held for this verse.
शेषशक्तिः परा विष्णोर्जगत्सर्गादिकारिणी । व्यक्ताव्यक्तस्वरुपेण जगह्याप्य व्यवस्थिता
śeṣaśaktiḥ parā viṣṇorjagatsargādikāriṇī / vyaktāvyaktasvarupeṇa jagahyāpya vyavasthitā
Sanskrit only: no published translation is held for this verse.
प्रकृतिश्चपुमांश्चैव कालश्चेति विधिस्थितिः । सृष्टिस्थितिविनाशानामेकः कारणतां गतः
prakṛtiścapumāṃścaiva kālaśceti vidhisthitiḥ / sṛṣṭisthitivināśānāmekaḥ kāraṇatāṃ gataḥ
Sanskrit only: no published translation is held for this verse.
येनेदमखिलं जातं ब्रह्मरुपधरेण वै । तस्मात्परतरो देवो नित्यैत्यभिधीयते
yenedamakhilaṃ jātaṃ brahmarupadhareṇa vai / tasmātparataro devo nityaityabhidhīyate
Sanskrit only: no published translation is held for this verse.
रक्षां करोति यो देवो नित्य इत्यभिधीयते । रक्षां करोति यो देवो जगतां परतः पुमान्
rakṣāṃ karoti yo devo nitya ityabhidhīyate / rakṣāṃ karoti yo devo jagatāṃ parataḥ pumān
Sanskrit only: no published translation is held for this verse.
तस्मात्परतरं यत्तदव्ययं परमं पदम्
tasmātparataraṃ yattadavyayaṃ paramaṃ padam
Sanskrit only: no published translation is held for this verse.
अक्षरो निर्गुणः शुद्धः परिपूर्णः सनातनः । यः परः कालपुपाख्यो योगिध्येयः परात्परः
akṣaro nirguṇaḥ śuddhaḥ paripūrṇaḥ sanātanaḥ / yaḥ paraḥ kālapupākhyo yogidhyeyaḥ parātparaḥ
Sanskrit only: no published translation is held for this verse.
परमात्मा परानन्दः सर्वोपाधिविवर्जितः । ज्ञानैकवेद्यः परमः सञ्चिदानन्दविग्रहः
paramātmā parānandaḥ sarvopādhivivarjitaḥ / jñānaikavedyaḥ paramaḥ sañcidānandavigrahaḥ
Sanskrit only: no published translation is held for this verse.
यो ऽसौ शुद्धो ऽपि परमो ह्यहॄङ्कारेण संयुतः । देहीति प्रोच्यते मूढैरहो ऽज्ञानविडम्बनम्
yo 'sau śuddho 'pi paramo hyahṝṅkāreṇa saṃyutaḥ / dehīti procyate mūḍhairaho 'jñānaviḍambanam
Sanskrit only: no published translation is held for this verse.
स देवः परमः शुद्धः सत्त्वदिगुणभेदतः । मूर्तित्रयं समापन्नः सृष्टिस्थित्यन्तकारणम्
sa devaḥ paramaḥ śuddhaḥ sattvadiguṇabhedataḥ / mūrtitrayaṃ samāpannaḥ sṛṣṭisthityantakāraṇam
Sanskrit only: no published translation is held for this verse.
यो ऽसौ ब्रह्मा जगत्कर्ता यन्नाभिकमलोद्भवः । स एवानन्दरुपात्मा तस्मान्नास्त्यपरो मुने
yo 'sau brahmā jagatkartā yannābhikamalodbhavaḥ / sa evānandarupātmā tasmānnāstyaparo mune
Sanskrit only: no published translation is held for this verse.
अन्तर्यामी जगद्यापी सर्वसाक्षी निरञ्जनः । भिन्नाभिन्नस्वरुपेण स्थितो वै परमेश्वरः
antaryāmī jagadyāpī sarvasākṣī nirañjanaḥ / bhinnābhinnasvarupeṇa sthito vai parameśvaraḥ
Sanskrit only: no published translation is held for this verse.
यस्य शक्तिर्महामाया जगद्विस्त्रम्भधारिणी । विश्वोत्पत्तेर्निदानत्वात्प्रकृतिः प्रोच्यते बुधैः
yasya śaktirmahāmāyā jagadvistrambhadhāriṇī / viśvotpatternidānatvātprakṛtiḥ procyate budhaiḥ
Sanskrit only: no published translation is held for this verse.
आदिसर्गे महाविष्णोर्लोकान्कर्त्तुं समुद्यतः । प्रकृतिः पुरुषश्चेति कालश्चेति त्रिधा भवेत्
ādisarge mahāviṣṇorlokānkarttuṃ samudyataḥ / prakṛtiḥ puruṣaśceti kālaśceti tridhā bhavet
Sanskrit only: no published translation is held for this verse.
पश्यन्ति भावितात्मानो यं ब्रह्मत्यभिसंज्ञितम् । शुद्धं यत्परमं धाम तद्विष्णोः परमं पदम्
paśyanti bhāvitātmāno yaṃ brahmatyabhisaṃjñitam / śuddhaṃ yatparamaṃ dhāma tadviṣṇoḥ paramaṃ padam
Sanskrit only: no published translation is held for this verse.
एवं शुद्धो ऽक्षरो ऽनन्तः कालरुपी महेश्वरः । गुणरुपीगुणाधारोजगतामादिकृद्विभुः
evaṃ śuddho 'kṣaro 'nantaḥ kālarupī maheśvaraḥ / guṇarupīguṇādhārojagatāmādikṛdvibhuḥ
Sanskrit only: no published translation is held for this verse.
प्रतृतिः क्षोभमापन्ना पुरुषाख्ये जगद्गुरौ । महान्प्रादुरभूद्धुद्धिस्ततो ऽहं समवर्त्तत
pratṛtiḥ kṣobhamāpannā puruṣākhye jagadgurau / mahānprādurabhūddhuddhistato 'haṃ samavarttata
Sanskrit only: no published translation is held for this verse.
अहॄङ्काराश्च सूक्ष्माणि तन्मात्राणीन्द्रियाणि च । तन्मात्रेभ्यो हि जातानि भूतानि जगतः कृते
ahṝṅkārāśca sūkṣmāṇi tanmātrāṇīndriyāṇi ca / tanmātrebhyo hi jātāni bhūtāni jagataḥ kṛte
Sanskrit only: no published translation is held for this verse.
आकाशवाय्यग्रिजलभूमयो ऽब्जभावात्मज । यथाक्रमं कारणतामेकैकस्योपयान्ति च
ākāśavāyyagrijalabhūmayo 'bjabhāvātmaja / yathākramaṃ kāraṇatāmekaikasyopayānti ca
Sanskrit only: no published translation is held for this verse.
ततो ब्रह्मा जगद्धाता तामसानसृजत्प्रभुः । तिर्यग्योनिगताञ्जन्तून्पशुपक्षिमृगादिकान्
tato brahmā jagaddhātā tāmasānasṛjatprabhuḥ / tiryagyonigatāñjantūnpaśupakṣimṛgādikān
Sanskrit only: no published translation is held for this verse.
तमप्यसाधकं मत्वा देवसर्गं सनातनात् । ततो वैमानुषं सर्गं कल्पयामास पह्मजः
tamapyasādhakaṃ matvā devasargaṃ sanātanāt / tato vaimānuṣaṃ sargaṃ kalpayāmāsa pahmajaḥ
Sanskrit only: no published translation is held for this verse.
ततो दक्षादिकान्पुत्रान्सृष्टिसाधनतत्परान् । एभिः पुत्रैरिदं व्याप्तं सदेवासुरमानुषम्
tato dakṣādikānputrānsṛṣṭisādhanatatparān / ebhiḥ putrairidaṃ vyāptaṃ sadevāsuramānuṣam
Sanskrit only: no published translation is held for this verse.
भुर्भुवश्च तथा स्वश्च महश्वैव जनस्तथा । तपश्च सत्यमित्येवं लोकाः सत्योपरि स्थिताः
bhurbhuvaśca tathā svaśca mahaśvaiva janastathā / tapaśca satyamityevaṃ lokāḥ satyopari sthitāḥ
Sanskrit only: no published translation is held for this verse.
अतलं वितलं चैव सुतलं च तलातलम् । महातलं च विप्रेन्द्र ततो ऽधच्च रसातलम्
atalaṃ vitalaṃ caiva sutalaṃ ca talātalam / mahātalaṃ ca viprendra tato 'dhacca rasātalam
Sanskrit only: no published translation is held for this verse.
पातालं चेति सप्तैव पातालानि क्रमादधः । एष सर्वेषु लोकेषु लोकनाथांश्च सृष्टवान्
pātālaṃ ceti saptaiva pātālāni kramādadhaḥ / eṣa sarveṣu lokeṣu lokanāthāṃśca sṛṣṭavān
Sanskrit only: no published translation is held for this verse.
कुलाचलान्नदीश्चासौ तत्तल्लोकनिवासिनाम् । वर्त्तनादीनि सर्वाणि यथायोग्यंमकल्पयत्
kulācalānnadīścāsau tattallokanivāsinām / varttanādīni sarvāṇi yathāyogyaṃmakalpayat
Sanskrit only: no published translation is held for this verse.
भूतले मध्यगो मेरुः सर्वदेवसमाश्रयः । लोकालोकश्च भूम्यन्ते तन्मध्ये सत्प सागराः
bhūtale madhyago meruḥ sarvadevasamāśrayaḥ / lokālokaśca bhūmyante tanmadhye satpa sāgarāḥ
Sanskrit only: no published translation is held for this verse.
द्वीपाश्च सत्प विप्रेन्द्र द्वीपे कुलाचलाः । बाह्या नद्यश्च विख्याता जनाश्चामरसन्निभाः
dvīpāśca satpa viprendra dvīpe kulācalāḥ / bāhyā nadyaśca vikhyātā janāścāmarasannibhāḥ
Sanskrit only: no published translation is held for this verse.
जम्बूप्लक्षाभिधानौ च शाल्मलश्च कुशस्तथा । क्रौञ्चशाकौ पुष्करश्च ते सर्वे देवभूमयः
jambūplakṣābhidhānau ca śālmalaśca kuśastathā / krauñcaśākau puṣkaraśca te sarve devabhūmayaḥ
Sanskrit only: no published translation is held for this verse.
एते द्वीपाः समुद्रैस्तु सत्पसत्पभिरावृताः । लवणेक्षुसुरासर्पिर्दधिक्षीरजलैः समम्
ete dvīpāḥ samudraistu satpasatpabhirāvṛtāḥ / lavaṇekṣusurāsarpirdadhikṣīrajalaiḥ samam
Sanskrit only: no published translation is held for this verse.
एते द्वीपाः समुद्राश्च पूर्वस्मादुत्तरेराः । ज्ञेया द्विगुणविस्तरा लोकालोकाञ्च पर्वतात्
ete dvīpāḥ samudrāśca pūrvasmāduttarerāḥ / jñeyā dviguṇavistarā lokālokāñca parvatāt
Sanskrit only: no published translation is held for this verse.
क्षारोदधेरुपत्तरं यद्धि माद्रेश्चैव दक्षिणाम् । ज्ञेयं तद्भारतं वर्षं सर्वकर्मफलप्रदम्
kṣārodadherupattaraṃ yaddhi mādreścaiva dakṣiṇām / jñeyaṃ tadbhārataṃ varṣaṃ sarvakarmaphalapradam
Sanskrit only: no published translation is held for this verse.
अत्र कर्माणि कुर्वन्ति त्रिविधानि तु नारद । तत्फलं भुज्यते चैव भोगभूमिधनक्रमात्
atra karmāṇi kurvanti trividhāni tu nārada / tatphalaṃ bhujyate caiva bhogabhūmidhanakramāt
Sanskrit only: no published translation is held for this verse.
भारते तु कृतं कर्म शुभं वाशुभमेव च । तत्फलं क्षयि विप्रेन्द्र भुज्यते ऽन्यत्रजन्तुभिः
bhārate tu kṛtaṃ karma śubhaṃ vāśubhameva ca / tatphalaṃ kṣayi viprendra bhujyate 'nyatrajantubhiḥ
Sanskrit only: no published translation is held for this verse.
अद्यापि देवा इच्छन्ति जन्म भारतभूतले । संचितं सुमहत्पुण्यमक्षय्यममलं शुभम्
adyāpi devā icchanti janma bhāratabhūtale / saṃcitaṃ sumahatpuṇyamakṣayyamamalaṃ śubham
Sanskrit only: no published translation is held for this verse.
कदा लभामहे जन्म वर्षभारतभूमिषु । कदा पुण्येन महता यास्याम परमं पदम्
kadā labhāmahe janma varṣabhāratabhūmiṣu / kadā puṇyena mahatā yāsyāma paramaṃ padam
Sanskrit only: no published translation is held for this verse.
दानैर्वाविविधैर्यज्ञैस्तपोभिर्वाथवा हरिम् । जगदीशंसमेष्यामो नित्यानन्दमनामयम्
dānairvāvividhairyajñaistapobhirvāthavā harim / jagadīśaṃsameṣyāmo nityānandamanāmayam
Sanskrit only: no published translation is held for this verse.
यो भारतभुवं प्राप्य विष्णुपूजापरो भवेत् । न तस्य सदृशो ऽन्यो ऽस्ति त्रिषु लोकेषु नारदा
yo bhāratabhuvaṃ prāpya viṣṇupūjāparo bhavet / na tasya sadṛśo 'nyo 'sti triṣu lokeṣu nāradā
Sanskrit only: no published translation is held for this verse.
हरिकीर्तनशीलो वा तद्भक्तानां पियो ऽपि वा । शुक्षषुर्वापि महतः सवेद्यो दिविजैरपि
harikīrtanaśīlo vā tadbhaktānāṃ piyo 'pi vā / śukṣaṣurvāpi mahataḥ savedyo divijairapi
Sanskrit only: no published translation is held for this verse.
हरिपूजारतो नित्यं भक्तः पूजास्तो ऽषि वा । भक्तोच्छिष्टान्नसेवी च याति विष्णोः परं पदम्
haripūjārato nityaṃ bhaktaḥ pūjāsto 'ṣi vā / bhaktocchiṣṭānnasevī ca yāti viṣṇoḥ paraṃ padam
Sanskrit only: no published translation is held for this verse.
नारायणेति कृष्णेति वासुदेवेति यो वदेत् । अहिंसादिपरः शन्तिः सो ऽपि वन्द्यः सुरोत्तमैः
nārāyaṇeti kṛṣṇeti vāsudeveti yo vadet / ahiṃsādiparaḥ śantiḥ so 'pi vandyaḥ surottamaiḥ
Sanskrit only: no published translation is held for this verse.
शिवेति नीलकण्ठेति शङ्करेतिच यः स्मरेत् । सर्वभूतहितो नित्यं सो ऽभ्यर्च्यो दिविजैः स्मृतः
śiveti nīlakaṇṭheti śaṅkaretica yaḥ smaret / sarvabhūtahito nityaṃ so 'bhyarcyo divijaiḥ smṛtaḥ
Sanskrit only: no published translation is held for this verse.
गुरुभक्तः शिवध्यानी स्वाश्रमाचारतत्परः । अनसूयुःशुचिर्दक्षो यः सो ऽप्यर्च्यःसुरेश्वरैः
gurubhaktaḥ śivadhyānī svāśramācāratatparaḥ / anasūyuḥśucirdakṣo yaḥ so 'pyarcyaḥsureśvaraiḥ
Sanskrit only: no published translation is held for this verse.
ब्राह्मणानां हितकरः श्रध्दावान्वर्णधर्मयोः । वेदवादरतो नित्यं स ज्ञेयः पङ्किपावनः
brāhmaṇānāṃ hitakaraḥ śradhdāvānvarṇadharmayoḥ / vedavādarato nityaṃ sa jñeyaḥ paṅkipāvanaḥ
Sanskrit only: no published translation is held for this verse.
अभेददर्शी देवेशे नारायणशिवात्मके । सर्वं यो ब्रह्मण नित्यमस्मदादिषु का कथा
abhedadarśī deveśe nārāyaṇaśivātmake / sarvaṃ yo brahmaṇa nityamasmadādiṣu kā kathā
Sanskrit only: no published translation is held for this verse.
गोषु क्षान्तो ब्रह्मचारी परनिन्दाविवर्जितः । अपरिग्रहशी लश्च देवपूज्यः स नारद
goṣu kṣānto brahmacārī paranindāvivarjitaḥ / aparigrahaśī laśca devapūjyaḥ sa nārada
Sanskrit only: no published translation is held for this verse.
स्तेयादिदोषविमुखः कृतज्ञः सत्यवाक् शुचिः । परोपकारनिरतः पूजनीयः सुरासुरैः
steyādidoṣavimukhaḥ kṛtajñaḥ satyavāk śuciḥ / paropakāranirataḥ pūjanīyaḥ surāsuraiḥ
Sanskrit only: no published translation is held for this verse.
वेदार्थश्रवणे बुद्धिः पुराणश्रवणे तथा । सत्संगे ऽपि च यस्यास्ति सो ऽपि वन्द्यः सुरोत्तमैः
vedārthaśravaṇe buddhiḥ purāṇaśravaṇe tathā / satsaṃge 'pi ca yasyāsti so 'pi vandyaḥ surottamaiḥ
Sanskrit only: no published translation is held for this verse.
एवमादीन्यनेकानि कर्माणि श्रद्धयान्वितः । करोति भारते वर्षे संबन्धो ऽस्माभिरेव च
evamādīnyanekāni karmāṇi śraddhayānvitaḥ / karoti bhārate varṣe saṃbandho 'smābhireva ca
Sanskrit only: no published translation is held for this verse.
एतेष्वन्यतमो विप्रमात्मानं नारभेत्तु यः । स एव दुष्कृतिर्मूढो नास्त्यन्यो ऽस्मादचेतनः
eteṣvanyatamo vipramātmānaṃ nārabhettu yaḥ / sa eva duṣkṛtirmūḍho nāstyanyo 'smādacetanaḥ
Sanskrit only: no published translation is held for this verse.
संप्राप्य भारते जन्म सत्कर्म सुपराङ्मुखः । पीयूषकलशं सुक्त्वा विषभाण्डमुपाश्रितः
saṃprāpya bhārate janma satkarma suparāṅmukhaḥ / pīyūṣakalaśaṃ suktvā viṣabhāṇḍamupāśritaḥ
Sanskrit only: no published translation is held for this verse.
श्रुतिस्मृत्युदितैर्द्धर्मैर्नात्मानं पावयेत्तु यः । स एवात्मविधाती स्यात्पापिनामग्रणीर्मुने
śrutismṛtyuditairddharmairnātmānaṃ pāvayettu yaḥ / sa evātmavidhātī syātpāpināmagraṇīrmune
Sanskrit only: no published translation is held for this verse.
कर्मभूमिं समासाद्य यो न धर्मं समाचरेत् । स च सर्वाधमः प्रोक्तो वेदविद्भिर्मुनीश्वर
karmabhūmiṃ samāsādya yo na dharmaṃ samācaret / sa ca sarvādhamaḥ prokto vedavidbhirmunīśvara
Sanskrit only: no published translation is held for this verse.
शुभं कर्म समुत्सृज्य दुष्कर्माणि करोति यः । कामधेनुं परित्यज्य अर्कक्षीरं सं मार्गति
śubhaṃ karma samutsṛjya duṣkarmāṇi karoti yaḥ / kāmadhenuṃ parityajya arkakṣīraṃ saṃ mārgati
Sanskrit only: no published translation is held for this verse.
एवं भारतभूभागं प्रशंसन्ति दिवौकसः । ब्रह्माद्या अपि विप्रेन्द्र स्वभोगक्षयभीरवः
evaṃ bhāratabhūbhāgaṃ praśaṃsanti divaukasaḥ / brahmādyā api viprendra svabhogakṣayabhīravaḥ
Sanskrit only: no published translation is held for this verse.
तस्मात्पुण्यतमं ज्ञेयं भारतं वर्षमुत्तमम् । देवानां दुर्लभं वापि सर्वकर्मफलप्रदम्
tasmātpuṇyatamaṃ jñeyaṃ bhārataṃ varṣamuttamam / devānāṃ durlabhaṃ vāpi sarvakarmaphalapradam
Sanskrit only: no published translation is held for this verse.
अस्मिन्पुण्ये च भूभागे यस्तु सत्कर्मसूद्यतः । न तस्य सदृशं कश्चित्रिषु विद्यते
asminpuṇye ca bhūbhāge yastu satkarmasūdyataḥ / na tasya sadṛśaṃ kaścitriṣu vidyate
Sanskrit only: no published translation is held for this verse.
अस्मिञ्जातो नरो यस्तु स्वङ्कर्मक्षपणोद्यतः । नररुपपरिच्छन्नः स हरिर्नात्र संशयः
asmiñjāto naro yastu svaṅkarmakṣapaṇodyataḥ / nararupaparicchannaḥ sa harirnātra saṃśayaḥ
Sanskrit only: no published translation is held for this verse.
परं लोकफलं प्रेप्सुः किर्यात्कर्माण्यतन्द्रितः । निवेद्य हरये भक्त्या तत्फलं ह्यक्षयं स्मृतम्
paraṃ lokaphalaṃ prepsuḥ kiryātkarmāṇyatandritaḥ / nivedya haraye bhaktyā tatphalaṃ hyakṣayaṃ smṛtam
Sanskrit only: no published translation is held for this verse.
विरागी चेत्कर्मफलेष्वपि किञ्चित्र कारयेत् । अर्पयेत्सुकृतं कर्म प्रीयतामितिं मे हरिः
virāgī cetkarmaphaleṣvapi kiñcitra kārayet / arpayetsukṛtaṃ karma prīyatāmitiṃ me hariḥ
Sanskrit only: no published translation is held for this verse.
आब्रह्मभुवनाल्लोकाः पुनरुत्पत्तिदायकाः । फलागृध्नुः कर्मणां तत्प्रात्प्रोति परमं पदम्
ābrahmabhuvanāllokāḥ punarutpattidāyakāḥ / phalāgṛdhnuḥ karmaṇāṃ tatprātproti paramaṃ padam
Sanskrit only: no published translation is held for this verse.
वेदोदितानि कर्माणि कुर्यादीश्वरतुष्टये । यथाश्रमं त्यक्तुकामः प्रान्पोति पदमव्ययम्
vedoditāni karmāṇi kuryādīśvaratuṣṭaye / yathāśramaṃ tyaktukāmaḥ prānpoti padamavyayam
Sanskrit only: no published translation is held for this verse.
निष्कामो वा सकामो वा कुर्यात्कर्म यथाविधि । स्वाश्रमाचारशून्यश्च पतितः प्रोच्यते बुधैः
niṣkāmo vā sakāmo vā kuryātkarma yathāvidhi / svāśramācāraśūnyaśca patitaḥ procyate budhaiḥ
Sanskrit only: no published translation is held for this verse.
सदाचारपरो विप्रो वर्द्धते ब्रह्मतेजसा । तस्य विष्णुश्च तुष्टः स्याद्भक्तियुक्तस्य नारद
sadācāraparo vipro varddhate brahmatejasā / tasya viṣṇuśca tuṣṭaḥ syādbhaktiyuktasya nārada
Sanskrit only: no published translation is held for this verse.
भारते जन्म संप्राप्य नात्मानं तारयेतु यः । पच्यते निरये धोरे स त्वाचन्द्राक्रतारकम्
bhārate janma saṃprāpya nātmānaṃ tārayetu yaḥ / pacyate niraye dhore sa tvācandrākratārakam
Sanskrit only: no published translation is held for this verse.
वासदेवपरो धर्मो वासुदेवपरं तपः । वासुदेवपरं ज्ञानं वासुदेवपरा गतिः
vāsadevaparo dharmo vāsudevaparaṃ tapaḥ / vāsudevaparaṃ jñānaṃ vāsudevaparā gatiḥ
Sanskrit only: no published translation is held for this verse.
वासुदेवात्मकं सर्वं जगत्स्थावरजङ्गमम् । आब्रह्मस्तम्बपर्यन्तं तस्मादन्यत्र विद्यते
vāsudevātmakaṃ sarvaṃ jagatsthāvarajaṅgamam / ābrahmastambaparyantaṃ tasmādanyatra vidyate
Sanskrit only: no published translation is held for this verse.
स एव धाता त्रिपुरान्तकश्च स एव देवासुरयज्ञरुपः । स एवब्रह्माण्डमिदं ततो ऽन्यन्न किञ्चिदस्ति व्यतिरिक्तरुपम्
sa eva dhātā tripurāntakaśca sa eva devāsurayajñarupaḥ / sa evabrahmāṇḍamidaṃ tato 'nyanna kiñcidasti vyatiriktarupam
Sanskrit only: no published translation is held for this verse.
अस्मात्परं नापरमस्ति किञ्चिद्यस्मादणीयान्नतथा महीयान् । व्यात्पं हि तेनेदमिदं विचित्रं तं देवदेवं प्रणमेत्समीङ्यम्
asmātparaṃ nāparamasti kiñcidyasmādaṇīyānnatathā mahīyān / vyātpaṃ hi tenedamidaṃ vicitraṃ taṃ devadevaṃ praṇametsamīṅyam
Sanskrit only: no published translation is held for this verse.