Nārada Purāṇa 1.35

इति श्रीबृहन्नारदीयपुराणे पूर्वभागे प्रथमपादे हरिभक्तिलक्षणं नाम चतुस्त्रिंशो ऽध्यायः सनक उवाच पुनर्वक्ष्यामि माहात्म्यं देवदेवस्य चक्रिणः । पठतां शुण्वतां सद्यः पापराशिः प्रणश्यति

iti śrībṛhannāradīyapurāṇe pūrvabhāge prathamapāde haribhaktilakṣaṇaṃ nāma catustriṃśo 'dhyāyaḥ sanaka uvāca punarvakṣyāmi māhātmyaṃ devadevasya cakriṇaḥ / paṭhatāṃ śuṇvatāṃ sadyaḥ pāparāśiḥ praṇaśyati

Sanskrit only: no published translation is held for this verse.

शान्ता जितारिषड्वर्गा योगेनाप्यनहॄङ्कृताः । यजन्ति ज्ञानयोगेन ज्ञानरूपिणमव्ययम्

śāntā jitāriṣaḍvargā yogenāpyanahṝṅkṛtāḥ / yajanti jñānayogena jñānarūpiṇamavyayam

Sanskrit only: no published translation is held for this verse.

तीर्थस्नानैर्विशुद्धा ये व्रतदानतपोमखैः । यजन्ति कर्मयोगेन सर्वधातारमच्युतम्

tīrthasnānairviśuddhā ye vratadānatapomakhaiḥ / yajanti karmayogena sarvadhātāramacyutam

Sanskrit only: no published translation is held for this verse.

लुब्धा व्यसनितो ऽज्ञाश्च न यजन्ति जगत्पतिम् । अजरामरवन्मूढास्तिष्टन्ति नरकीटकाः

lubdhā vyasanito 'jñāśca na yajanti jagatpatim / ajarāmaravanmūḍhāstiṣṭanti narakīṭakāḥ

Sanskrit only: no published translation is held for this verse.

तडिल्लेखाश्रिया मत्ता वृथाहॄङ्कारद्विषिताः । न यजन्ति जगन्नाथं सर्वश्रैयोविधायकम्

taḍillekhāśriyā mattā vṛthāhṝṅkāradviṣitāḥ / na yajanti jagannāthaṃ sarvaśraiyovidhāyakam

Sanskrit only: no published translation is held for this verse.

हरिधर्मरताः शान्ता हरिपादाब्जसेवकाः । दैवात्के ऽपीह जायन्ते लोकानुग्रहतत्पराः

haridharmaratāḥ śāntā haripādābjasevakāḥ / daivātke 'pīha jāyante lokānugrahatatparāḥ

Sanskrit only: no published translation is held for this verse.

कर्मणा मनसा वाचा यो यजेद्भक्तितो हरिम् । स याति परमं स्थानं सर्वलोकोत्तमोत्तमम्

karmaṇā manasā vācā yo yajedbhaktito harim / sa yāti paramaṃ sthānaṃ sarvalokottamottamam

Sanskrit only: no published translation is held for this verse.

अत्रैवोदाहरन्तीममितिहासं पुरातनम् । पठतां शृण्वतां चैव सर्वपापप्रणाशनम्

atraivodāharantīmamitihāsaṃ purātanam / paṭhatāṃ śṛṇvatāṃ caiva sarvapāpapraṇāśanam

Sanskrit only: no published translation is held for this verse.

तत्प्रवक्ष्यामि चरितं यज्ञमालिसुमालिनोः । यस्य श्रवणमात्रेण वाचिमेध फलं लभेत्

tatpravakṣyāmi caritaṃ yajñamālisumālinoḥ / yasya śravaṇamātreṇa vācimedha phalaṃ labhet

Sanskrit only: no published translation is held for this verse.

कश्चिदासीत्पुरा विप्र ब्रह्मणो रैवतेंऽतरे । वेदमालिरिति ख्यातो वेदवेदाङ्गपारगः

kaścidāsītpurā vipra brahmaṇo raivateṃ'tare / vedamāliriti khyāto vedavedāṅgapāragaḥ

Sanskrit only: no published translation is held for this verse.

सर्वभूतदयायुक्तो हरिपूजापरायणः । पुत्रमित्रकलत्रार्थं धनार्जनपरो ऽभवत्

sarvabhūtadayāyukto haripūjāparāyaṇaḥ / putramitrakalatrārthaṃ dhanārjanaparo 'bhavat

Sanskrit only: no published translation is held for this verse.

अपण्यंविक्रयं चक्रे तथा च रसिविक्रयम् । चण्डालाद्यैरपि तथा संभषी तत्प्रतिग्रही

apaṇyaṃvikrayaṃ cakre tathā ca rasivikrayam / caṇḍālādyairapi tathā saṃbhaṣī tatpratigrahī

Sanskrit only: no published translation is held for this verse.

तपसां विक्रयं चक्रे व्रतानां विक्रयं तथा । परार्थं तीर्थगमनं कलत्रार्थमकारयत्

tapasāṃ vikrayaṃ cakre vratānāṃ vikrayaṃ tathā / parārthaṃ tīrthagamanaṃ kalatrārthamakārayat

Sanskrit only: no published translation is held for this verse.

कालेन गच्छता विप्र जातौ तस्य सुतावुभो । यज्ञमाली सुमाली च यमलावतिशोभनौ

kālena gacchatā vipra jātau tasya sutāvubho / yajñamālī sumālī ca yamalāvatiśobhanau

Sanskrit only: no published translation is held for this verse.

ततः पिता कुमारौ तावतिस्नेहसमन्वितः । पोषयामास वात्सल्याद्बहुभिः साधनैस्तदा

tataḥ pitā kumārau tāvatisnehasamanvitaḥ / poṣayāmāsa vātsalyādbahubhiḥ sādhanaistadā

Sanskrit only: no published translation is held for this verse.

वेदमालिर्बहूपायैर्धनं संपाद्य यत्नतः । स्वधनं गणयामास कियत्स्यादिति वेदितुम्

vedamālirbahūpāyairdhanaṃ saṃpādya yatnataḥ / svadhanaṃ gaṇayāmāsa kiyatsyāditi veditum

Sanskrit only: no published translation is held for this verse.

निधिकोटिसहस्राणां कोटिकोटिगुणान्वितम् । विगणय्य स्वयं दृष्टो विस्मितश्चार्थचिन्तया

nidhikoṭisahasrāṇāṃ koṭikoṭiguṇānvitam / vigaṇayya svayaṃ dṛṣṭo vismitaścārthacintayā

Sanskrit only: no published translation is held for this verse.

असत्प्रतिग्रहैश्चैव अपण्यानां च विक्रयैः । मेया तपो विक्रयाद्यैरेतद्धनमुपार्जितम्

asatpratigrahaiścaiva apaṇyānāṃ ca vikrayaiḥ / meyā tapo vikrayādyairetaddhanamupārjitam

Sanskrit only: no published translation is held for this verse.

नाद्यापि शान्तिमापन्ना मम तृष्णातिदुःसहा । मेरुतुल्यसुवर्णानि ह्यसंख्यातानि वाञ्छति

nādyāpi śāntimāpannā mama tṛṣṇātiduḥsahā / merutulyasuvarṇāni hyasaṃkhyātāni vāñchati

Sanskrit only: no published translation is held for this verse.

अहो मन्ये महाकष्टं समस्तक्लेशसाधनम् । सर्वान्कामानवांप्नोति पुनरन्यञ्च काङ्क्षति

aho manye mahākaṣṭaṃ samastakleśasādhanam / sarvānkāmānavāṃpnoti punaranyañca kāṅkṣati

Sanskrit only: no published translation is held for this verse.

जीर्यन्ति जीर्यतः केशाः दन्ता जीर्यन्ति जीर्यतः । चक्षुःश्रोत्रे च जीर्येते तृष्णेका तरुणायते

jīryanti jīryataḥ keśāḥ dantā jīryanti jīryataḥ / cakṣuḥśrotre ca jīryete tṛṣṇekā taruṇāyate

Sanskrit only: no published translation is held for this verse.

ममेद्रियाणि सर्वाणि मन्दभावं व्रजन्ति च । बलं हतं च जरसा तृष्णा तरुणतां गता

mamedriyāṇi sarvāṇi mandabhāvaṃ vrajanti ca / balaṃ hataṃ ca jarasā tṛṣṇā taruṇatāṃ gatā

Sanskrit only: no published translation is held for this verse.

कष्टाशा वर्त्तते यस्य स विद्रानथ पण्डितः । सुशान्तो ऽपि प्रमन्युः स्याद्धीमानप्यतिमूढधीः

kaṣṭāśā varttate yasya sa vidrānatha paṇḍitaḥ / suśānto 'pi pramanyuḥ syāddhīmānapyatimūḍhadhīḥ

Sanskrit only: no published translation is held for this verse.

आशा भङ्गकरी पुंसामजेयारातिसन्निभा । तस्मादाशां त्यजेत्प्राज्ञो यदीच्छेच्छाश्वतं सुखम्

āśā bhaṅgakarī puṃsāmajeyārātisannibhā / tasmādāśāṃ tyajetprājño yadīcchecchāśvataṃ sukham

Sanskrit only: no published translation is held for this verse.

बलं तेजोः यशश्वैव विद्यां मानं च वृद्धताम् । तथैव सत्कुले जन्म आशा हत्यतिवेगतः

balaṃ tejoḥ yaśaśvaiva vidyāṃ mānaṃ ca vṛddhatām / tathaiva satkule janma āśā hatyativegataḥ

Sanskrit only: no published translation is held for this verse.

नृणामाशाभिभूतानामाश्चर्यमिदसुच्यते । किञ्चिद्दातापि चाण्डालस्तस्मादधिकतां गतः

nṛṇāmāśābhibhūtānāmāścaryamidasucyate / kiñciddātāpi cāṇḍālastasmādadhikatāṃ gataḥ

Sanskrit only: no published translation is held for this verse.

आशाभिभूता ये मर्त्या महामोहा महोद्धताः । अवमानादिकं दुःखं न जानन्ति कदाप्यहो

āśābhibhūtā ye martyā mahāmohā mahoddhatāḥ / avamānādikaṃ duḥkhaṃ na jānanti kadāpyaho

Sanskrit only: no published translation is held for this verse.

मयाप्येवं बहुक्लिशैरेतद्धनमुपार्जितम् । शरीरमपि जीर्णं च जरसापहतं बलम्

mayāpyevaṃ bahukliśairetaddhanamupārjitam / śarīramapi jīrṇaṃ ca jarasāpahataṃ balam

Sanskrit only: no published translation is held for this verse.

इतः परं यतिष्यामि परलोकार्थमादरात् । एवं निश्चित्य विप्रेन्द्र धर्ममार्ग रतो ऽभवत्

itaḥ paraṃ yatiṣyāmi paralokārthamādarāt / evaṃ niścitya viprendra dharmamārga rato 'bhavat

Sanskrit only: no published translation is held for this verse.

तदैव तद्धनं सर्वं चतुर्द्धा व्यभजत्तथा । स्वयं तु भाग द्वितय स्वार्जितार्थादपाहरत्

tadaiva taddhanaṃ sarvaṃ caturddhā vyabhajattathā / svayaṃ tu bhāga dvitaya svārjitārthādapāharat

Sanskrit only: no published translation is held for this verse.

शेषं च भागद्वितयं पुत्रयोरुभयोर्ददौ । स्वेनार्जितानां पापानां नाशं कर्तुमनास्तदा

śeṣaṃ ca bhāgadvitayaṃ putrayorubhayordadau / svenārjitānāṃ pāpānāṃ nāśaṃ kartumanāstadā

Sanskrit only: no published translation is held for this verse.

प्रपातडागारामांश्च तथा देवगृहान्बहून् । अन्नादीनां च दानानि गङ्गातीरे चकार सः

prapātaḍāgārāmāṃśca tathā devagṛhānbahūn / annādīnāṃ ca dānāni gaṅgātīre cakāra saḥ

Sanskrit only: no published translation is held for this verse.

एवं धनमशेषं च विश्राण्य हरिभक्तिमान् । नारनारायण स्थानं जगाम तपसे वनम्

evaṃ dhanamaśeṣaṃ ca viśrāṇya haribhaktimān / nāranārāyaṇa sthānaṃ jagāma tapase vanam

Sanskrit only: no published translation is held for this verse.

तत्रापश्यन्महारम्यमाश्रमं मुनिसेवितम् । फलितैः पुषअपितैश्चैव शोभितं वृक्षसंचयैः

tatrāpaśyanmahāramyamāśramaṃ munisevitam / phalitaiḥ puṣaapitaiścaiva śobhitaṃ vṛkṣasaṃcayaiḥ

Sanskrit only: no published translation is held for this verse.

गृणद्भिः परमं ब्रह्म शास्त्रचिन्तापरैस्तथा । परिचर्यापरैर्वृद्धैर्मुनिभिः परिशोभितम्

gṛṇadbhiḥ paramaṃ brahma śāstracintāparaistathā / paricaryāparairvṛddhairmunibhiḥ pariśobhitam

Sanskrit only: no published translation is held for this verse.

शिष्यैः परिवृतं तत्र मुनिं जानन्ति संज्ञकम् । गृणन्तं परमं ब्रह्म तेजोराशिं ददर्श ह

śiṣyaiḥ parivṛtaṃ tatra muniṃ jānanti saṃjñakam / gṛṇantaṃ paramaṃ brahma tejorāśiṃ dadarśa ha

Sanskrit only: no published translation is held for this verse.

शमादिगुणसंयुक्तं रागादिरहितं मुनिम् । शीर्णपर्णाशनं दृष्ट्वा वेदमालिर्ननाम तम्

śamādiguṇasaṃyuktaṃ rāgādirahitaṃ munim / śīrṇaparṇāśanaṃ dṛṣṭvā vedamālirnanāma tam

Sanskrit only: no published translation is held for this verse.

तस्य जानन्तिरागन्तोः कल्पयामास चार्हणम् । कन्दमूलफलाद्यैस्तु नारायणधिया मुने

tasya jānantirāgantoḥ kalpayāmāsa cārhaṇam / kandamūlaphalādyaistu nārāyaṇadhiyā mune

Sanskrit only: no published translation is held for this verse.

कृतातिथ्यक्रियस्तेन वेदमाली कृताञ्जलिः । विनयावनतो भूत्वा प्रोवाच वदतां वरम्

kṛtātithyakriyastena vedamālī kṛtāñjaliḥ / vinayāvanato bhūtvā provāca vadatāṃ varam

Sanskrit only: no published translation is held for this verse.

भगवन्कृतकृत्यो ऽस्मि विगतं कल्मषं मम । मामुद्धर महाभाग ज्ञानदानेन पण्डित

bhagavankṛtakṛtyo 'smi vigataṃ kalmaṣaṃ mama / māmuddhara mahābhāga jñānadānena paṇḍita

Sanskrit only: no published translation is held for this verse.

एवमुक्तस्ततस्तेन जानन्तिर्मुनिसत्तमः । प्रोवाच प्रहसन्वाग्मी वेदमालिं गुणान्वितम्

evamuktastatastena jānantirmunisattamaḥ / provāca prahasanvāgmī vedamāliṃ guṇānvitam

Sanskrit only: no published translation is held for this verse.

जानन्तिरुवाच शृणष्व विप्रशार्दूल संसारच्छेदकारणम् । प्रवक्ष्यामि समासेन दुर्लभं त्वकृतात्मनाम्

jānantiruvāca śṛṇaṣva vipraśārdūla saṃsāracchedakāraṇam / pravakṣyāmi samāsena durlabhaṃ tvakṛtātmanām

Sanskrit only: no published translation is held for this verse.

भज विष्णुं परं नित्यं स्मर नारायणं प्रभुम् । परापवादं पैशुन्यं कदाचिदपि मा कृथाः

bhaja viṣṇuṃ paraṃ nityaṃ smara nārāyaṇaṃ prabhum / parāpavādaṃ paiśunyaṃ kadācidapi mā kṛthāḥ

Sanskrit only: no published translation is held for this verse.

परोपकारनिरतः स दा भव महामते । हरिपूजापरश्चैव त्यज मूर्खसमागमम्

paropakāranirataḥ sa dā bhava mahāmate / haripūjāparaścaiva tyaja mūrkhasamāgamam

Sanskrit only: no published translation is held for this verse.

कामं क्रोधं च लोभं च मोहं च मदमत्सरौ । परित्यज्यात्मवल्लोकं दृष्ट्वा शान्तिं गमिष्यसि

kāmaṃ krodhaṃ ca lobhaṃ ca mohaṃ ca madamatsarau / parityajyātmavallokaṃ dṛṣṭvā śāntiṃ gamiṣyasi

Sanskrit only: no published translation is held for this verse.

असूयां परनिन्दां च कदाचिदपि मा कुरु । द्रंभाचारमहॄङ्कारं नैष्ठुर्यं च परित्यज

asūyāṃ paranindāṃ ca kadācidapi mā kuru / draṃbhācāramahṝṅkāraṃ naiṣṭhuryaṃ ca parityaja

Sanskrit only: no published translation is held for this verse.

दयां कुरुष्व भुतेषु शुश्रूषां च तथा सताम् । त्वया कृतांश्च धर्मान्वै मा प्रकाशय पुच्छताम्

dayāṃ kuruṣva bhuteṣu śuśrūṣāṃ ca tathā satām / tvayā kṛtāṃśca dharmānvai mā prakāśaya pucchatām

Sanskrit only: no published translation is held for this verse.

अनाचारपरान्दृष्ट्वा नोपेक्षां कुरु शक्तितः । पूजयस्वातियिं नित्यं स्वकुटुंबाविरोधतः

anācāraparāndṛṣṭvā nopekṣāṃ kuru śaktitaḥ / pūjayasvātiyiṃ nityaṃ svakuṭuṃbāvirodhataḥ

Sanskrit only: no published translation is held for this verse.

पत्रैः पुष्पैः फलैर्वापि दूर्वाभिः पल्लवैरथ । पूजयस्व जगन्नाथं नारायणमकां मतः

patraiḥ puṣpaiḥ phalairvāpi dūrvābhiḥ pallavairatha / pūjayasva jagannāthaṃ nārāyaṇamakāṃ mataḥ

Sanskrit only: no published translation is held for this verse.

देवानृपीन्पितॄश्चापि तर्पयस्व यथाविधि । अग्रेश्च विधिवद्वप्र परिचर्यापरो भव

devānṛpīnpitṝścāpi tarpayasva yathāvidhi / agreśca vidhivadvapra paricaryāparo bhava

Sanskrit only: no published translation is held for this verse.

देवतायतने नित्यं संमार्जनपरो भव । तथोपलेपनं चैव कुरुष्व सुसमाहितः

devatāyatane nityaṃ saṃmārjanaparo bhava / tathopalepanaṃ caiva kuruṣva susamāhitaḥ

Sanskrit only: no published translation is held for this verse.

शीर्णस्फटितसंधानं कुरु देवगृहे सदा । मार्गशोभां च दीपं च विष्णोरायतने कुरु

śīrṇasphaṭitasaṃdhānaṃ kuru devagṛhe sadā / mārgaśobhāṃ ca dīpaṃ ca viṣṇorāyatane kuru

Sanskrit only: no published translation is held for this verse.

कन्दमूलफलैर्वापि सदा पूजय माधवम् । प्रदक्षिणनमस्कारैः स्तोत्राणां पठनैस्तथा

kandamūlaphalairvāpi sadā pūjaya mādhavam / pradakṣiṇanamaskāraiḥ stotrāṇāṃ paṭhanaistathā

Sanskrit only: no published translation is held for this verse.

युराणश्रवणं चैव पुराणपठनं तथा । वेदान्तपठनं चैव प्रत्यहं कुरु शक्तितः

yurāṇaśravaṇaṃ caiva purāṇapaṭhanaṃ tathā / vedāntapaṭhanaṃ caiva pratyahaṃ kuru śaktitaḥ

Sanskrit only: no published translation is held for this verse.

एवं स्थिति तव ज्ञानं भघविष्यत्युत्तमोत्तमम् । ज्ञानात्समस्तपापानां मोक्षो भवति निश्चितम्

evaṃ sthiti tava jñānaṃ bhaghaviṣyatyuttamottamam / jñānātsamastapāpānāṃ mokṣo bhavati niścitam

Sanskrit only: no published translation is held for this verse.

एवं प्रबोधितस्तेन वेदमालिर्महामतिः । तथा ज्ञानरतो नित्यं ज्ञानलेशमवाप्तवान्

evaṃ prabodhitastena vedamālirmahāmatiḥ / tathā jñānarato nityaṃ jñānaleśamavāptavān

Sanskrit only: no published translation is held for this verse.

वेदमालिः कदाचित्तु ज्ञानलेशप्रचोदितः । को ऽहं मम क्रिया केति स्वयमेव व्यक्तिन्तयत्

vedamāliḥ kadācittu jñānaleśapracoditaḥ / ko 'haṃ mama kriyā keti svayameva vyaktintayat

Sanskrit only: no published translation is held for this verse.

मम जन्म कथं जातं रूपं कीदृग्विधं मम । एवं विचारणपरोः दिवानिशमतन्द्रितः

mama janma kathaṃ jātaṃ rūpaṃ kīdṛgvidhaṃ mama / evaṃ vicāraṇaparoḥ divāniśamatandritaḥ

Sanskrit only: no published translation is held for this verse.

अनिश्चितमतिर्भूत्वा वेदमालिर्द्धिजोत्तमः । पुनर्जानन्तिमागम्य प्रणम्येदमुवाच ह

aniścitamatirbhūtvā vedamālirddhijottamaḥ / punarjānantimāgamya praṇamyedamuvāca ha

Sanskrit only: no published translation is held for this verse.

वेदमालिरुवाच मम चित्तमतिभ्रातं गुरो ब्रह्मविदां वर । को ऽहं मम क्रिया का च मम जन्म कथं वद

vedamāliruvāca mama cittamatibhrātaṃ guro brahmavidāṃ vara / ko 'haṃ mama kriyā kā ca mama janma kathaṃ vada

Sanskrit only: no published translation is held for this verse.

जानन्तिरुवाच सत्यं सत्यं महाभागं चित्तं भ्रातं सुनिश्चितम् । अविद्यानिलर्य चित्तं कथं सद्भावगगमेष्यति

jānantiruvāca satyaṃ satyaṃ mahābhāgaṃ cittaṃ bhrātaṃ suniścitam / avidyānilarya cittaṃ kathaṃ sadbhāvagagameṣyati

Sanskrit only: no published translation is held for this verse.

ममेति गदितं यत्तु तदपि भ्रान्तिरिष्यते । अहॄङ्कारो मनोधर्म आत्मनो नहि पण्डित

mameti gaditaṃ yattu tadapi bhrāntiriṣyate / ahṝṅkāro manodharma ātmano nahi paṇḍita

Sanskrit only: no published translation is held for this verse.

पुनश्च को ऽहमित्युक्तं वेदमाले त्वया तु यत् । मम जात्यादि शून्यस्य कथं नाम करोम्यहम्

punaśca ko 'hamityuktaṃ vedamāle tvayā tu yat / mama jātyādi śūnyasya kathaṃ nāma karomyaham

Sanskrit only: no published translation is held for this verse.

अनौपम्यस्वभावस्य निर्गुणस्य परात्मनः । नीरूपस्याप्रमेयस्य कथं नाम करोम्यहम्

anaupamyasvabhāvasya nirguṇasya parātmanaḥ / nīrūpasyāprameyasya kathaṃ nāma karomyaham

Sanskrit only: no published translation is held for this verse.

परज्योतिः स्वरूपस्य परिपूर्णाव्ययात्मनः । अविच्छिन्नस्वभावस्य कथ्यते च कथं क्रिया

parajyotiḥ svarūpasya paripūrṇāvyayātmanaḥ / avicchinnasvabhāvasya kathyate ca kathaṃ kriyā

Sanskrit only: no published translation is held for this verse.

स्वप्रकाशात्मनो विप्र नित्यस्य परमात्मनः । अनन्तस्य क्रिया चैव कथं जन्म च कथ्यते

svaprakāśātmano vipra nityasya paramātmanaḥ / anantasya kriyā caiva kathaṃ janma ca kathyate

Sanskrit only: no published translation is held for this verse.

ज्ञानैकवेद्यमजरं परं ब्रह्म सनातनम् । परिपूर्णं परानन्दं तस्मान्नान्यदिह द्विज

jñānaikavedyamajaraṃ paraṃ brahma sanātanam / paripūrṇaṃ parānandaṃ tasmānnānyadiha dvija

Sanskrit only: no published translation is held for this verse.

तत्त्वमस्यादिवाक्येभ्यो ज्ञानं मोक्षस्य साधनम् । ज्ञाने त्वनाहते सिद्धे सर्वं ब्रह्ममयं भवेत्

tattvamasyādivākyebhyo jñānaṃ mokṣasya sādhanam / jñāne tvanāhate siddhe sarvaṃ brahmamayaṃ bhavet

Sanskrit only: no published translation is held for this verse.

एवं प्रबोधितस्तेन वेदमालिर्मुनीश्वर । मुमोद पश्यन्नात्मानमात्मन्येवाच्युतं प्रभुम्

evaṃ prabodhitastena vedamālirmunīśvara / mumoda paśyannātmānamātmanyevācyutaṃ prabhum

Sanskrit only: no published translation is held for this verse.

उपाधिरहितं ब्रह्म स्वप्रकाशं निरञ्जनम् । अहमेवेति निश्चित्य परां शान्तिमवाप्तवान्

upādhirahitaṃ brahma svaprakāśaṃ nirañjanam / ahameveti niścitya parāṃ śāntimavāptavān

Sanskrit only: no published translation is held for this verse.

ततश्च व्यवहारार्थं वेदमालिर्मुनीश्वरम् । गुरुं प्रणम्य जानन्ति सदा ध्यानपरो ऽभवत्

tataśca vyavahārārthaṃ vedamālirmunīśvaram / guruṃ praṇamya jānanti sadā dhyānaparo 'bhavat

Sanskrit only: no published translation is held for this verse.

गते बहुतिथे काले वेदमालिर्मुनीश्व । वाराणसीपुरं प्राप्य परं मोक्षमवाप्तवान्

gate bahutithe kāle vedamālirmunīśva / vārāṇasīpuraṃ prāpya paraṃ mokṣamavāptavān

Sanskrit only: no published translation is held for this verse.

य इमं पठते ऽध्यायं शृणुयाद्वा समाहितः । स कर्मपाशविच्छेदं प्राप्य सौख्यमवान्पुयात्

ya imaṃ paṭhate 'dhyāyaṃ śṛṇuyādvā samāhitaḥ / sa karmapāśavicchedaṃ prāpya saukhyamavānpuyāt

Sanskrit only: no published translation is held for this verse.