Nārada Purāṇa 1.38

इति श्रीबृहन्नारदीयपुराणे पूर्वभागे विष्णुमाहात्म्ये सप्तत्रिंशो ऽध्यायः नारद उवाच किन्तत्स्तोत्रं महाभाग कथं तुष्टो जनार्दनः । उक्तङ्कः पुण्यपुरुषः कीदृशं लब्धवान्वरम्

iti śrībṛhannāradīyapurāṇe pūrvabhāge viṣṇumāhātmye saptatriṃśo 'dhyāyaḥ nārada uvāca kintatstotraṃ mahābhāga kathaṃ tuṣṭo janārdanaḥ / uktaṅkaḥ puṇyapuruṣaḥ kīdṛśaṃ labdhavānvaram

Sanskrit only: no published translation is held for this verse.

सनक उवाच उत्तङ्कस्तु तदा विप्रो हरिध्यानपरायणः । पादोदकस्य माहात्म्यं दृष्ट्वा तुष्टाव भक्तितः

sanaka uvāca uttaṅkastu tadā vipro haridhyānaparāyaṇaḥ / pādodakasya māhātmyaṃ dṛṣṭvā tuṣṭāva bhaktitaḥ

Sanskrit only: no published translation is held for this verse.

उत्तङ्क उवाच नतो ऽस्मि नारायणमादिदेवं जगन्निवासं जगदेकबन्धुम् । चक्राब्जशार्ङ्गीसिधरं महान्तं स्मृतार्तिनिघ्नं शरणं प्रपद्ये

uttaṅka uvāca nato 'smi nārāyaṇamādidevaṃ jagannivāsaṃ jagadekabandhum / cakrābjaśārṅgīsidharaṃ mahāntaṃ smṛtārtinighnaṃ śaraṇaṃ prapadye

Sanskrit only: no published translation is held for this verse.

यन्निभिजाब्ज प्रभवो विधाता सृजत्यमुं लोकसमुञ्चयं च । यत्क्रोधजो हॄन्ति जगञ्च रुद्रस्तमादिदेवं प्रणतो ऽस्मि विष्णुम्

yannibhijābja prabhavo vidhātā sṛjatyamuṃ lokasamuñcayaṃ ca / yatkrodhajo hṝnti jagañca rudrastamādidevaṃ praṇato 'smi viṣṇum

Sanskrit only: no published translation is held for this verse.

पद्मापतिं पद्मदलायताक्षं विचित्रवीर्यं निखिलैकहेतुम् । वेदान्तवेद्यं पुकुषं पुराणं तैजोनिधिं विष्णुमहं प्रपन्नः

padmāpatiṃ padmadalāyatākṣaṃ vicitravīryaṃ nikhilaikahetum / vedāntavedyaṃ pukuṣaṃ purāṇaṃ taijonidhiṃ viṣṇumahaṃ prapannaḥ

Sanskrit only: no published translation is held for this verse.

आत्माक्षरः सर्वगतो ऽच्युताख्यो ज्ञानात्मको ज्ञानविदां शरण्यः । ज्ञानैकवेद्यो भगवाननादिः प्रसीदतां व्यष्टिस प्रष्टिरुपः

ātmākṣaraḥ sarvagato 'cyutākhyo jñānātmako jñānavidāṃ śaraṇyaḥ / jñānaikavedyo bhagavānanādiḥ prasīdatāṃ vyaṣṭisa praṣṭirupaḥ

Sanskrit only: no published translation is held for this verse.

अनन्तवीयो गुणजातिहीनां गुणात्मको ज्ञानविदां वरष्टः । नित्यः प्रपन्नार्ति हरः परात्मा दयांबुधिर्मे वरदस्तु भघूयात्

anantavīyo guṇajātihīnāṃ guṇātmako jñānavidāṃ varaṣṭaḥ / nityaḥ prapannārti haraḥ parātmā dayāṃbudhirme varadastu bhaghūyāt

Sanskrit only: no published translation is held for this verse.

यः स्थूलसूक्ष्मादिविशेषभेदौर्जगद्यथावत्स्वकृतं प्रविष्टः । त्वमेव तत्सर्वमनन्तसारं त्वत्तः परं नास्ति यतः परात्मन्

yaḥ sthūlasūkṣmādiviśeṣabhedaurjagadyathāvatsvakṛtaṃ praviṣṭaḥ / tvameva tatsarvamanantasāraṃ tvattaḥ paraṃ nāsti yataḥ parātman

Sanskrit only: no published translation is held for this verse.

अगोचरं यत्तव शुद्धरूरं मायाविहीनं गुणजातिहीनम् । निरञ्जनं निर्मलमप्रमेयं पश्यन्ति सन्तः परमार्थसंज्ञम्

agocaraṃ yattava śuddharūraṃ māyāvihīnaṃ guṇajātihīnam / nirañjanaṃ nirmalamaprameyaṃ paśyanti santaḥ paramārthasaṃjñam

Sanskrit only: no published translation is held for this verse.

एकेन हेम्रैव विभूषणानि यातानि भेदत्वमुपाधिभेदात् । तथैव सर्वेष्वर एक एव प्रदृश्यते भिन्न इवारिवलात्मा

ekena hemraiva vibhūṣaṇāni yātāni bhedatvamupādhibhedāt / tathaiva sarveṣvara eka eva pradṛśyate bhinna ivārivalātmā

Sanskrit only: no published translation is held for this verse.

यन्मायया मोहितचेतसस्तं पश्यन्ति नात्मानमपि प्रसिद्धम् । त एव मायारहितास्तदेव पसअयन्ति सर्वात्मकमात्मरुपम्

yanmāyayā mohitacetasastaṃ paśyanti nātmānamapi prasiddham / ta eva māyārahitāstadeva pasaayanti sarvātmakamātmarupam

Sanskrit only: no published translation is held for this verse.

विभुं ज्योतिरनौपम्यं विष्णुसंज्ञं नमाम्यहम् । समस्तमेतदुद्भूतं यतो यत्र प्रतिष्टितम्

vibhuṃ jyotiranaupamyaṃ viṣṇusaṃjñaṃ namāmyaham / samastametadudbhūtaṃ yato yatra pratiṣṭitam

Sanskrit only: no published translation is held for this verse.

यतश्चैतन्यमायातं यद्रूपं तस्य वै नमः । अप्रमेयमनादारमाधाराधेयरूपकम्

yataścaitanyamāyātaṃ yadrūpaṃ tasya vai namaḥ / aprameyamanādāramādhārādheyarūpakam

Sanskrit only: no published translation is held for this verse.

परमानन्दचिन्मात्रं वासुदेवं नतो ऽस्म्यहम् । हृद्गुहानिलयं देवं योगिभिः परिसेवितम्

paramānandacinmātraṃ vāsudevaṃ nato 'smyaham / hṛdguhānilayaṃ devaṃ yogibhiḥ parisevitam

Sanskrit only: no published translation is held for this verse.

योगानामादिभूतं तं नमामि प्रणवस्थितम् । नादात्मकं नादबीजं प्रणवात्मकमव्ययम्

yogānāmādibhūtaṃ taṃ namāmi praṇavasthitam / nādātmakaṃ nādabījaṃ praṇavātmakamavyayam

Sanskrit only: no published translation is held for this verse.

सद्भघावं सञ्चिदानन्दं तं वन्दे तिग्मचक्रिणम् । अजरं साक्षिणं त्वस्य ह्यवाङ्मनसगोचरम्

sadbhaghāvaṃ sañcidānandaṃ taṃ vande tigmacakriṇam / ajaraṃ sākṣiṇaṃ tvasya hyavāṅmanasagocaram

Sanskrit only: no published translation is held for this verse.

निरञ्जनमनन्ताख्यं विष्णुरुपं नतो ऽस्म्यहम् । इन्द्रियाणि मनो बुद्धिः सत्त्वं तेजो बलं धृतिः

nirañjanamanantākhyaṃ viṣṇurupaṃ nato 'smyaham / indriyāṇi mano buddhiḥ sattvaṃ tejo balaṃ dhṛtiḥ

Sanskrit only: no published translation is held for this verse.

वासुदेवात्मकान्याहुः क्षेत्रं क्षेत्र ज्ञमेव च । विद्याविद्यात्मकं प्राहुः परात्परतरं तथा

vāsudevātmakānyāhuḥ kṣetraṃ kṣetra jñameva ca / vidyāvidyātmakaṃ prāhuḥ parātparataraṃ tathā

Sanskrit only: no published translation is held for this verse.

अनादिनिधनं शान्तं सर्वधातारमच्युतम् । ये प्रपन्ना महात्मानस्तेषां मुक्तिर्हि शाश्वती

anādinidhanaṃ śāntaṃ sarvadhātāramacyutam / ye prapannā mahātmānasteṣāṃ muktirhi śāśvatī

Sanskrit only: no published translation is held for this verse.

वरं वरेण्यं वरदं पुराणं सनातनं सर्वगतं समस्तम् । नतो ऽस्मि भूयो ऽपि नतो ऽस्मि भूयो ऽपि नतो ऽस्मि भूयः

varaṃ vareṇyaṃ varadaṃ purāṇaṃ sanātanaṃ sarvagataṃ samastam / nato 'smi bhūyo 'pi nato 'smi bhūyo 'pi nato 'smi bhūyaḥ

Sanskrit only: no published translation is held for this verse.

यत्पाद तोयं भघवरोगवैद्यो यत्पादपांशुर्विमलत्वसिद्ध्यै । यन्नाम दुष्कर्मनिवारणायचय तमप्रमेयं पुरुषं भजामि

yatpāda toyaṃ bhaghavarogavaidyo yatpādapāṃśurvimalatvasiddhyai / yannāma duṣkarmanivāraṇāyacaya tamaprameyaṃ puruṣaṃ bhajāmi

Sanskrit only: no published translation is held for this verse.

सद्रूपं तमसद्रूपं सदसद्रूपमव्ययम् । तत्तद्विलक्षणं श्रेष्ठं श्रेष्ठाच्छ्रष्ठतरं भजे

sadrūpaṃ tamasadrūpaṃ sadasadrūpamavyayam / tattadvilakṣaṇaṃ śreṣṭhaṃ śreṣṭhācchraṣṭhataraṃ bhaje

Sanskrit only: no published translation is held for this verse.

निरञ्जनं निराकारं पूर्णमाकाशमध्यगम् । परं च विद्याविद्याभ्यां हृदंबुजनिवासिनम्

nirañjanaṃ nirākāraṃ pūrṇamākāśamadhyagam / paraṃ ca vidyāvidyābhyāṃ hṛdaṃbujanivāsinam

Sanskrit only: no published translation is held for this verse.

स्वप्रकाशमनिर्देष्यं महतां च महत्तरम् । अणोरणीयांसमजं सर्वोपाधिविवर्जितम्

svaprakāśamanirdeṣyaṃ mahatāṃ ca mahattaram / aṇoraṇīyāṃsamajaṃ sarvopādhivivarjitam

Sanskrit only: no published translation is held for this verse.

यन्नित्यं परमानन्दं परं ब्रह्म सनातनम् । विष्णुसंज्ञं जगद्धाम तमस्मि शरणं गतः

yannityaṃ paramānandaṃ paraṃ brahma sanātanam / viṣṇusaṃjñaṃ jagaddhāma tamasmi śaraṇaṃ gataḥ

Sanskrit only: no published translation is held for this verse.

यं भजन्ति क्रियानिष्टायं पश्यन्ति च योगिनः । पूज्यात्पूज्यतरं शान्तं गतो ऽस्मि शरणं प्रभुम्

yaṃ bhajanti kriyāniṣṭāyaṃ paśyanti ca yoginaḥ / pūjyātpūjyataraṃ śāntaṃ gato 'smi śaraṇaṃ prabhum

Sanskrit only: no published translation is held for this verse.

यं न पश्यन्ति विद्वांसो य एतद्व्याव्य तिष्टति । सर्वस्मादधिकं नित्यं नतो ऽस्मि विभुमव्ययम्

yaṃ na paśyanti vidvāṃso ya etadvyāvya tiṣṭati / sarvasmādadhikaṃ nityaṃ nato 'smi vibhumavyayam

Sanskrit only: no published translation is held for this verse.

अन्तः करणसंयोगाज्जीव इत्युच्यते च यः । अविद्याकार्य रहितः परमात्मेति गीयते

antaḥ karaṇasaṃyogājjīva ityucyate ca yaḥ / avidyākārya rahitaḥ paramātmeti gīyate

Sanskrit only: no published translation is held for this verse.

सर्वात्मकं सर्वहेतुं स्रवकर्मफलप्पदम् । वरं वरेण्यमजनं प्रणतो ऽस्मि परात्परम्

sarvātmakaṃ sarvahetuṃ sravakarmaphalappadam / varaṃ vareṇyamajanaṃ praṇato 'smi parātparam

Sanskrit only: no published translation is held for this verse.

सर्वज्ञं सर्वगं शान्तं सर्वान्तया मिणं हरिम् । ज्ञानात्मकं ज्ञाननिधिं ज्ञानसंस्थं विभुं भजे

sarvajñaṃ sarvagaṃ śāntaṃ sarvāntayā miṇaṃ harim / jñānātmakaṃ jñānanidhiṃ jñānasaṃsthaṃ vibhuṃ bhaje

Sanskrit only: no published translation is held for this verse.

नमाम्यहं वेदनिधिं मुरारिं वेदान्त विज्ञानसुनिश्चितार्थम् । सूर्येदुवत्प्रोज्ज्वलने त्रमिन्द्रं रवगस्वरुपं वपतिस्वरूपम्

namāmyahaṃ vedanidhiṃ murāriṃ vedānta vijñānasuniścitārtham / sūryeduvatprojjvalane tramindraṃ ravagasvarupaṃ vapatisvarūpam

Sanskrit only: no published translation is held for this verse.

सर्वेश्वरं सर्वगतं महान्तं वेदात्मकं वेदविदांवरिष्टम् । तंवाङ्मनो ऽचिन्त्यमनन्तशक्तिं ज्ञानैकवेद्यं पुरुषं भजामि

sarveśvaraṃ sarvagataṃ mahāntaṃ vedātmakaṃ vedavidāṃvariṣṭam / taṃvāṅmano 'cintyamanantaśaktiṃ jñānaikavedyaṃ puruṣaṃ bhajāmi

Sanskrit only: no published translation is held for this verse.

इन्द्राग्निकालासुरपाशिवायुसोमेषमार्त्तण्डपुरन्दराद्यैः । यः पाति लोकान्परिपूर्णभावस्तमप्रमेयं शरणं प्रपद्ये

indrāgnikālāsurapāśivāyusomeṣamārttaṇḍapurandarādyaiḥ / yaḥ pāti lokānparipūrṇabhāvastamaprameyaṃ śaraṇaṃ prapadye

Sanskrit only: no published translation is held for this verse.

सहस्रशीर्षं च सहस्रपादं सहस्रबाहुः च सहस्रनेत्रम् । समस्तयज्ञैः परिजुष्टमाद्यं नतो ऽस्मि तुष्टिप्रदमुग्रवीर्यम्

sahasraśīrṣaṃ ca sahasrapādaṃ sahasrabāhuḥ ca sahasranetram / samastayajñaiḥ parijuṣṭamādyaṃ nato 'smi tuṣṭipradamugravīryam

Sanskrit only: no published translation is held for this verse.

कालात्मकं कालविभागहेतुं गुणत्रयातीतमहं गुणज्ञम् । गुणप्रियं कामदमस्तसंगमतीन्द्रियं विश्वभघुजं वितृष्णम्

kālātmakaṃ kālavibhāgahetuṃ guṇatrayātītamahaṃ guṇajñam / guṇapriyaṃ kāmadamastasaṃgamatīndriyaṃ viśvabhaghujaṃ vitṛṣṇam

Sanskrit only: no published translation is held for this verse.

निरीहमग्र्यं मनसाप्यगम्यं मनोमयं चान्नमयं निरूढम् । विज्ञानभेदं प्रतिपन्नकल्पं न वाङ्मयं प्राणमयं भजामि

nirīhamagryaṃ manasāpyagamyaṃ manomayaṃ cānnamayaṃ nirūḍham / vijñānabhedaṃ pratipannakalpaṃ na vāṅmayaṃ prāṇamayaṃ bhajāmi

Sanskrit only: no published translation is held for this verse.

न यस्य रूपं न बलप्रभावो न यस्य कर्माणि न यत्प्रमाणम् । जानन्ति देवा कमलोद्भवाद्यस्तोष्याम्यहं तं कथमात्मरूपम्

na yasya rūpaṃ na balaprabhāvo na yasya karmāṇi na yatpramāṇam / jānanti devā kamalodbhavādyastoṣyāmyahaṃ taṃ kathamātmarūpam

Sanskrit only: no published translation is held for this verse.

संसारसिधौ पतितं कदर्यं मोहाकुलं कामशतेन बद्धम् । अकीर्तिभाजं पिशुनं कृतघ्नं सदाशुचिं पापरतं प्रमन्युम् । दयांबुधे पाहि भयाकुलं मां पुनः पुनस्त्वां शरणं प्रपद्ये

saṃsārasidhau patitaṃ kadaryaṃ mohākulaṃ kāmaśatena baddham / akīrtibhājaṃ piśunaṃ kṛtaghnaṃ sadāśuciṃ pāparataṃ pramanyum / dayāṃbudhe pāhi bhayākulaṃ māṃ punaḥ punastvāṃ śaraṇaṃ prapadye

Sanskrit only: no published translation is held for this verse.

इति प्रसादितस्तेन दयालसुः कमलापतिः । प्रत्यक्षतामगात्तस्य भगवांस्तेजसां निधिः

iti prasāditastena dayālasuḥ kamalāpatiḥ / pratyakṣatāmagāttasya bhagavāṃstejasāṃ nidhiḥ

Sanskrit only: no published translation is held for this verse.

अतसी पुष्पसंकाशं फुल्लपङ्कजलोचनन् । किरीटिनं कुण्डलिनं हारकेयूरभूषितम्

atasī puṣpasaṃkāśaṃ phullapaṅkajalocanan / kirīṭinaṃ kuṇḍalinaṃ hārakeyūrabhūṣitam

Sanskrit only: no published translation is held for this verse.

श्रीवत्सकौस्तुभधरं हेमयज्ञोपवीतिननम् । नासाविन्यस्तमुक्ता भवर्धमानतनुच्छविम्

śrīvatsakaustubhadharaṃ hemayajñopavītinanam / nāsāvinyastamuktā bhavardhamānatanucchavim

Sanskrit only: no published translation is held for this verse.

पीतांबरधरं देवं वनमालाविभूषिमत् । तुलसीकोमलदलैरर्चिताङ्घ्निं महाद्युतिम्

pītāṃbaradharaṃ devaṃ vanamālāvibhūṣimat / tulasīkomaladalairarcitāṅghniṃ mahādyutim

Sanskrit only: no published translation is held for this verse.

किङ्किणीनूपुरा द्यैश्च शोभितं गरुडध्वजम् । दृष्ट्वा नानाम विप्रेन्द्रो दण्डवत्क्षितिमण्डले

kiṅkiṇīnūpurā dyaiśca śobhitaṃ garuḍadhvajam / dṛṣṭvā nānāma viprendro daṇḍavatkṣitimaṇḍale

Sanskrit only: no published translation is held for this verse.

अभ्यषिञ्चद्धरेः पादावुत्तङ्को हर्षवारिभिः । मुरारे रक्ष रक्षेति व्याहरन्नान्यधीस्तदा

abhyaṣiñcaddhareḥ pādāvuttaṅko harṣavāribhiḥ / murāre rakṣa rakṣeti vyāharannānyadhīstadā

Sanskrit only: no published translation is held for this verse.

तमुत्थाप्य महाविष्णुरालिलिङ्ग दयापरः । वरं वृणुष्व वत्सेति प्रोवाच मुनिपुङ्गवम्

tamutthāpya mahāviṣṇurāliliṅga dayāparaḥ / varaṃ vṛṇuṣva vatseti provāca munipuṅgavam

Sanskrit only: no published translation is held for this verse.

असाध्यं नास्ति किञ्चित्ते प्रसन्ने मयि सत्तम । इतीरितं समाकर्ण्य ह्युत्तङ्कश्चक्रपाणिना । पुनः प्रणम्य तं प्राह देवदेवं जनार्द्दनम्

asādhyaṃ nāsti kiñcitte prasanne mayi sattama / itīritaṃ samākarṇya hyuttaṅkaścakrapāṇinā / punaḥ praṇamya taṃ prāha devadevaṃ janārddanam

Sanskrit only: no published translation is held for this verse.

किं मां मोहयसीश त्वं किमन्यैर्देव मे वरैः । त्वयि भक्तिर्दृढा मे ऽस्तु जन्मजन्मान्तरेष्वपि

kiṃ māṃ mohayasīśa tvaṃ kimanyairdeva me varaiḥ / tvayi bhaktirdṛḍhā me 'stu janmajanmāntareṣvapi

Sanskrit only: no published translation is held for this verse.

कीटेषु पक्षिषु मृगेषु सरीसृपेषु रक्षः पिशाचमनुजेष्वपि यत्र तत्रजजातस्य मे भवतु केशव ते प्रसाद्दात्त्वय्येव भक्तिरचलाव्यभिचारणी च

kīṭeṣu pakṣiṣu mṛgeṣu sarīsṛpeṣu rakṣaḥ piśācamanujeṣvapi yatra tatrajajātasya me bhavatu keśava te prasāddāttvayyeva bhaktiracalāvyabhicāraṇī ca

Sanskrit only: no published translation is held for this verse.

एवमस्त्विति लोकेशः शङ्खप्रान्तेन संस्पृशन् दिव्यज्ञानं ददौ तस्मै योगिनामपिदुर्लमभघम्

evamastviti lokeśaḥ śaṅkhaprāntena saṃspṛśan divyajñānaṃ dadau tasmai yogināmapidurlamabhagham

Sanskrit only: no published translation is held for this verse.

पुः स्तुवन्तं विप्रेन्द्रं देवदेवो जनार्द्दनः इदमाह स्मितमुखो हस्तं तच्छिरसि न्यसन्

puḥ stuvantaṃ viprendraṃ devadevo janārddanaḥ idamāha smitamukho hastaṃ tacchirasi nyasan

Sanskrit only: no published translation is held for this verse.

श्रीभगवानुवाच आराधय क्रियायोगैर्मां सदा द्विजसत्तम् । नरनारायणस्थानं व्रज मोक्षं गमिष्यसि

śrībhagavānuvāca ārādhaya kriyāyogairmāṃ sadā dvijasattam / naranārāyaṇasthānaṃ vraja mokṣaṃ gamiṣyasi

Sanskrit only: no published translation is held for this verse.

त्वया कृतमिदं स्तोत्रं यः पठेत्सततं नरः । सर्वान्कामानवाप्यान्ते मोक्षभागी भवेत्ततः

tvayā kṛtamidaṃ stotraṃ yaḥ paṭhetsatataṃ naraḥ / sarvānkāmānavāpyānte mokṣabhāgī bhavettataḥ

Sanskrit only: no published translation is held for this verse.

इत्युक्त्वा भाधवो विप्रं तत्रैवान्तर्दधे मुने । नरनरायणस्थानमुत्तङ्को ऽपि ततो ययौ

ityuktvā bhādhavo vipraṃ tatraivāntardadhe mune / naranarāyaṇasthānamuttaṅko 'pi tato yayau

Sanskrit only: no published translation is held for this verse.

कस्माद्भक्तिः सदा कार्या देवदेवस्य चक्रिणः । हरिभक्तिः परा प्रोक्ता सर्वकामपलप्रदा

kasmādbhaktiḥ sadā kāryā devadevasya cakriṇaḥ / haribhaktiḥ parā proktā sarvakāmapalapradā

Sanskrit only: no published translation is held for this verse.

उतङ्को भाक्तिभावेन क्रियायोगपरो मुने । पूजयन्माधयवं नित्यं नरनारायणाश्रमे

utaṅko bhāktibhāvena kriyāyogaparo mune / pūjayanmādhayavaṃ nityaṃ naranārāyaṇāśrame

Sanskrit only: no published translation is held for this verse.

ज्ञानविज्ञानसंपन्नः संच्छिन्नद्वैतसंशयः । आवाप दुरवापं वै तद्विष्णोः परमं पदम्

jñānavijñānasaṃpannaḥ saṃcchinnadvaitasaṃśayaḥ / āvāpa duravāpaṃ vai tadviṣṇoḥ paramaṃ padam

Sanskrit only: no published translation is held for this verse.

पूजितो नमितो वापि संस्मृतो वापि मोक्षदः । नारायणो जगन्नाथो भक्तानां मानवर्द्धनः

pūjito namito vāpi saṃsmṛto vāpi mokṣadaḥ / nārāyaṇo jagannātho bhaktānāṃ mānavarddhanaḥ

Sanskrit only: no published translation is held for this verse.

तस्मान्नारायणं देवमनन्तमपराजितम् । इहामुत्र सुखप्रेप्सुः पूजयेद्भक्तिसंयुतः

tasmānnārāyaṇaṃ devamanantamaparājitam / ihāmutra sukhaprepsuḥ pūjayedbhaktisaṃyutaḥ

Sanskrit only: no published translation is held for this verse.

यः पठेदिदमाख्यानं शृणुयाद्वासमाहितः । सो ऽपि सर्वाघनिर्मुक्तः प्रयाति भवनं हरेः

yaḥ paṭhedidamākhyānaṃ śṛṇuyādvāsamāhitaḥ / so 'pi sarvāghanirmuktaḥ prayāti bhavanaṃ hareḥ

Sanskrit only: no published translation is held for this verse.