Nārada Purāṇa 1.39

इति श्रीबृहन्नारदीयपुराणे पूर्वभागे प्रथमपादे विष्णुमाहात्म्यं नामाष्टत्रिंशो ऽध्यायः सनक उवाच भूयः शृणुष्व विप्रेन्द्र माहात्म्यं परमेष्टिनः । सर्वपापहरं पुण्यं भुक्तिमुक्तिप्रदं नृणाम्

iti śrībṛhannāradīyapurāṇe pūrvabhāge prathamapāde viṣṇumāhātmyaṃ nāmāṣṭatriṃśo 'dhyāyaḥ sanaka uvāca bhūyaḥ śṛṇuṣva viprendra māhātmyaṃ parameṣṭinaḥ / sarvapāpaharaṃ puṇyaṃ bhuktimuktipradaṃ nṛṇām

Sanskrit only: no published translation is held for this verse.

अहो हरिकथा लोके पापघ्नी पुण्यदायिनी । शृण्वतां वदतां चैव तद्भक्तानां विशेषतः

aho harikathā loke pāpaghnī puṇyadāyinī / śṛṇvatāṃ vadatāṃ caiva tadbhaktānāṃ viśeṣataḥ

Sanskrit only: no published translation is held for this verse.

हरिभक्तिरसास्वादमुदिता ये नरोत्तमाः । नमस्करोम्यहं तेभ्यो यत्संगान्मुक्ति भाग्नरः

haribhaktirasāsvādamuditā ye narottamāḥ / namaskaromyahaṃ tebhyo yatsaṃgānmukti bhāgnaraḥ

Sanskrit only: no published translation is held for this verse.

हरिभक्तिपरा ये तु हरिनामपरायणाः । दुर्वृत्ता वा सुवृत्ता वा तेभ्यो नित्यं नमोनमः

haribhaktiparā ye tu harināmaparāyaṇāḥ / durvṛttā vā suvṛttā vā tebhyo nityaṃ namonamaḥ

Sanskrit only: no published translation is held for this verse.

संसारसागरं तर्तुं य इच्छेन्मु निपुङ्गव । स भजेद्धरिभक्तानां भक्तान्वै पापहारिणः

saṃsārasāgaraṃ tartuṃ ya icchenmu nipuṅgava / sa bhajeddharibhaktānāṃ bhaktānvai pāpahāriṇaḥ

Sanskrit only: no published translation is held for this verse.

दृष्टः स्मृतः पूजितो वा ध्यातः प्रणमितो ऽपि वा । समुद्धरति गोविन्दो दुस्तराद्भव सागरात्

dṛṣṭaḥ smṛtaḥ pūjito vā dhyātaḥ praṇamito 'pi vā / samuddharati govindo dustarādbhava sāgarāt

Sanskrit only: no published translation is held for this verse.

स्वपन्भुञ्जन् व्रजंस्तिष्टन्नतिष्टश्च वदंस्तथा । चिन्तयेद्यो हरेर्नाम तस्मै नित्यं नमो नमः

svapanbhuñjan vrajaṃstiṣṭannatiṣṭaśca vadaṃstathā / cintayedyo harernāma tasmai nityaṃ namo namaḥ

Sanskrit only: no published translation is held for this verse.

अहो भाग्यमहो भाग्यं विष्णु भक्तिरतात्मनाम् । येषां मुक्तिः करस्थैव योगिनामपि दुर्लभा

aho bhāgyamaho bhāgyaṃ viṣṇu bhaktiratātmanām / yeṣāṃ muktiḥ karasthaiva yogināmapi durlabhā

Sanskrit only: no published translation is held for this verse.

अत्राप्युदाहरन्तीममितिहासं पुरातनम् । वदतां शृण्वतां चैव सर्वपाप प्रणाशनम्

atrāpyudāharantīmamitihāsaṃ purātanam / vadatāṃ śṛṇvatāṃ caiva sarvapāpa praṇāśanam

Sanskrit only: no published translation is held for this verse.

आसीत्पुरा महीपालः सोमवंशसमुद्भवः । जयध्वज इति ख्यातो नारायणपरायणः

āsītpurā mahīpālaḥ somavaṃśasamudbhavaḥ / jayadhvaja iti khyāto nārāyaṇaparāyaṇaḥ

Sanskrit only: no published translation is held for this verse.

विष्णोर्देवालये नित्यं संमार् जनपरायणः । दीपदानरतश्चैव सर्वभूतदयापरः

viṣṇordevālaye nityaṃ saṃmār janaparāyaṇaḥ / dīpadānarataścaiva sarvabhūtadayāparaḥ

Sanskrit only: no published translation is held for this verse.

स कदाचिन्महीपालो रेवातीरे मनोरमे । विचित्रकुसुमोपेतं कृतवान्विष्णुमन्दिरम्

sa kadācinmahīpālo revātīre manorame / vicitrakusumopetaṃ kṛtavānviṣṇumandiram

Sanskrit only: no published translation is held for this verse.

स तत्र नृपशार्दूलः सदा संमार्जने रतः । दीपदानपरश्चैव विशेषेण हरिप्रियः

sa tatra nṛpaśārdūlaḥ sadā saṃmārjane rataḥ / dīpadānaparaścaiva viśeṣeṇa haripriyaḥ

Sanskrit only: no published translation is held for this verse.

हरिनामपरो नित्यं हरिसंसक्तमानसः । परिप्रणामनिरतो हरिभक्तजनप्रियः

harināmaparo nityaṃ harisaṃsaktamānasaḥ / paripraṇāmanirato haribhaktajanapriyaḥ

Sanskrit only: no published translation is held for this verse.

वीतिहोत्र इति ख्यातो ह्यासीत्तस्य पुरोहितः । जयध्वजस्य चरितं दृष्ट्वा विस्मयमागतः

vītihotra iti khyāto hyāsīttasya purohitaḥ / jayadhvajasya caritaṃ dṛṣṭvā vismayamāgataḥ

Sanskrit only: no published translation is held for this verse.

कदाचिदुपविष्टं तं राजानं विष्णुतत्परम् । अपृच्छद्वीतिहोत्रस्तु वेदवेदाङ्गपारगः

kadācidupaviṣṭaṃ taṃ rājānaṃ viṣṇutatparam / apṛcchadvītihotrastu vedavedāṅgapāragaḥ

Sanskrit only: no published translation is held for this verse.

वीतिहोत्र उवाच राजन्परमधर्मज्ञ हरिभक्तिपरायण । विष्णुभक्तिमतां पुंसां श्रेष्ठो ऽसि भरतर्षभ

vītihotra uvāca rājanparamadharmajña haribhaktiparāyaṇa / viṣṇubhaktimatāṃ puṃsāṃ śreṣṭho 'si bharatarṣabha

Sanskrit only: no published translation is held for this verse.

संमार्जनपरो नित्यं दीपदानरतस्तथा । तन्मे वद महाभाग किं त्वया विदितं फलम्

saṃmārjanaparo nityaṃ dīpadānaratastathā / tanme vada mahābhāga kiṃ tvayā viditaṃ phalam

Sanskrit only: no published translation is held for this verse.

संपादनेन वर्त्तीनां तैलसंपलादनेन च । संयुक्तो ऽसि सदा भद्रयद्विष्णोर्गृहमार्जने

saṃpādanena varttīnāṃ tailasaṃpalādanena ca / saṃyukto 'si sadā bhadrayadviṣṇorgṛhamārjane

Sanskrit only: no published translation is held for this verse.

कर्माण्यन्यानि संत्येव विष्णोः प्रीतिकराणि च । तथापि किं महाभाग एतयोः सततोद्यतः

karmāṇyanyāni saṃtyeva viṣṇoḥ prītikarāṇi ca / tathāpi kiṃ mahābhāga etayoḥ satatodyataḥ

Sanskrit only: no published translation is held for this verse.

सर्वात्मना महापुण्यं नरेश विदित च यत् । तद् ब्रूहि मे गुह्यतमं प्रीतिर्मयि तवास्ति चेत्

sarvātmanā mahāpuṇyaṃ nareśa vidita ca yat / tad brūhi me guhyatamaṃ prītirmayi tavāsti cet

Sanskrit only: no published translation is held for this verse.

पुरोधसैवमुक्तस्तु प्रहसन्स जयध्वजः । विनयावनतो भूत्वा प्रोवाचेजं कृताञ्जलिः

purodhasaivamuktastu prahasansa jayadhvajaḥ / vinayāvanato bhūtvā provācejaṃ kṛtāñjaliḥ

Sanskrit only: no published translation is held for this verse.

जयध्वज उवाच शृणुष्व विप्रशार्दूल मयैवाचरितं पुरा । जातिस्मरत्वाज्जानामि श्रोतॄणां विस्मयप्रदम्

jayadhvaja uvāca śṛṇuṣva vipraśārdūla mayaivācaritaṃ purā / jātismaratvājjānāmi śrotṝṇāṃ vismayapradam

Sanskrit only: no published translation is held for this verse.

आसीत्पुरा कृतयुगे ब्रह्मन्स्वारोचिषेंऽतरे । रैवतो नाम विप्रेन्द्रो वेदवेदाङ्गपारगः

āsītpurā kṛtayuge brahmansvārociṣeṃ'tare / raivato nāma viprendro vedavedāṅgapāragaḥ

Sanskrit only: no published translation is held for this verse.

अयाज्ययाजकश्चैव सदैव ग्रामयोजकः । पिशुनो निष्ठुरश्चैव ह्यपण्यानां च विक्रयी

ayājyayājakaścaiva sadaiva grāmayojakaḥ / piśuno niṣṭhuraścaiva hyapaṇyānāṃ ca vikrayī

Sanskrit only: no published translation is held for this verse.

निषिद्धकर्माचरणात्परित्यक्तः स बन्धुभिः । दरिद्रो दुःखितश्चैव शीर्णाङ्गो व्याधितो ऽभवत्

niṣiddhakarmācaraṇātparityaktaḥ sa bandhubhiḥ / daridro duḥkhitaścaiva śīrṇāṅgo vyādhito 'bhavat

Sanskrit only: no published translation is held for this verse.

स कदाचिद्धर्थं तु पृथिव्यां पर्यटन् द्विजः । ममार नर्मदातीरे श्वासकासप्रपीडितः

sa kadāciddharthaṃ tu pṛthivyāṃ paryaṭan dvijaḥ / mamāra narmadātīre śvāsakāsaprapīḍitaḥ

Sanskrit only: no published translation is held for this verse.

तस्मिन्मृते तस्य भार्या नाम्ना बन्धुमती मुने । कामचारपरा सा तु परित्यक्ता च बन्धुभिः

tasminmṛte tasya bhāryā nāmnā bandhumatī mune / kāmacāraparā sā tu parityaktā ca bandhubhiḥ

Sanskrit only: no published translation is held for this verse.

तस्यां जातो ऽस्मि चण्डालो दण्डकेतुरिति श्रुतः । महापापरतो नित्यं ब्रह्मद्वेषपरायणः

tasyāṃ jāto 'smi caṇḍālo daṇḍaketuriti śrutaḥ / mahāpāparato nityaṃ brahmadveṣaparāyaṇaḥ

Sanskrit only: no published translation is held for this verse.

परदारपरद्रव्यलोलुपो जन्तुहिंसकः । गावश्च विप्रा बहवो निहता मृगपक्षिणः

paradāraparadravyalolupo jantuhiṃsakaḥ / gāvaśca viprā bahavo nihatā mṛgapakṣiṇaḥ

Sanskrit only: no published translation is held for this verse.

मेरुतुल्यसुवर्णानि बहून्यपहृतानि च । मद्यपानरतो नित्यं बहुशो मार्गरोधकृत्

merutulyasuvarṇāni bahūnyapahṛtāni ca / madyapānarato nityaṃ bahuśo mārgarodhakṛt

Sanskrit only: no published translation is held for this verse.

पशुपक्षिमृगादीनां जन्तूनामन्तकोपमः । कदाचित्कामसंतप्तो गन्तु कामो रतिं स्त्रियः

paśupakṣimṛgādīnāṃ jantūnāmantakopamaḥ / kadācitkāmasaṃtapto gantu kāmo ratiṃ striyaḥ

Sanskrit only: no published translation is held for this verse.

शून्यं विष्णुगृहं दृष्ट्वा प्रविष्टश्च स्त्रिया सह । निशि रामोपभोगार्थं शयितं तत्र कामिना

śūnyaṃ viṣṇugṛhaṃ dṛṣṭvā praviṣṭaśca striyā saha / niśi rāmopabhogārthaṃ śayitaṃ tatra kāminā

Sanskrit only: no published translation is held for this verse.

ब्रह्मन्स्ववस्त्रप्रान्तेन कियद्देशः प्रमार्जितः । यावन्त्यः पांशुकणिकास्तत्र संमार्जिता द्विज

brahmansvavastraprāntena kiyaddeśaḥ pramārjitaḥ / yāvantyaḥ pāṃśukaṇikāstatra saṃmārjitā dvija

Sanskrit only: no published translation is held for this verse.

तावज्जन्मकृतं पापं तदैव क्षयमागतम् । प्रदीपः स्थापितस्तत्र सुरतार्थं द्विजोत्तम

tāvajjanmakṛtaṃ pāpaṃ tadaiva kṣayamāgatam / pradīpaḥ sthāpitastatra suratārthaṃ dvijottama

Sanskrit only: no published translation is held for this verse.

तेनापि मम दुष्कर्म निःशेषं क्षयमागतम् । एवं स्थिते विष्णुगृहे ह्यागताः पुरपालकाः

tenāpi mama duṣkarma niḥśeṣaṃ kṣayamāgatam / evaṃ sthite viṣṇugṛhe hyāgatāḥ purapālakāḥ

Sanskrit only: no published translation is held for this verse.

जारो ऽयमिति मां तां च हतवन्तः प्रसह्य वै । आवां निहत्य ते सर्वे निवृत्ताः पुरक्षकाः

jāro 'yamiti māṃ tāṃ ca hatavantaḥ prasahya vai / āvāṃ nihatya te sarve nivṛttāḥ purakṣakāḥ

Sanskrit only: no published translation is held for this verse.

यदा तदैव संप्राप्ता विष्णुदूताश्चतुर्भुजाः । किरीटकुण्डलधरा वनमालाविभूषिताः

yadā tadaiva saṃprāptā viṣṇudūtāścaturbhujāḥ / kirīṭakuṇḍaladharā vanamālāvibhūṣitāḥ

Sanskrit only: no published translation is held for this verse.

तैस्तु संप्रेरितावावां विष्णुदूतैरकल्मषैः । दिव्यं विमानमारुह्य सर्वभोगसमन्वितम्

taistu saṃpreritāvāvāṃ viṣṇudūtairakalmaṣaiḥ / divyaṃ vimānamāruhya sarvabhogasamanvitam

Sanskrit only: no published translation is held for this verse.

दिव्यदेहधरौ भूत्वा विष्णुलोकमुपागतौ । तत्र स्थित्वा ब्रह्मकल्पशतं साग्रं द्विजोत्तम

divyadehadharau bhūtvā viṣṇulokamupāgatau / tatra sthitvā brahmakalpaśataṃ sāgraṃ dvijottama

Sanskrit only: no published translation is held for this verse.

दिव्यभोगसमायुक्तौ तावत्कालं दिवि स्थितौ । ततश्च भूमिभागेषु देवयोगेषु वै क्रमात्

divyabhogasamāyuktau tāvatkālaṃ divi sthitau / tataśca bhūmibhāgeṣu devayogeṣu vai kramāt

Sanskrit only: no published translation is held for this verse.

तेन पुण्यप्रभावेण यदूनां वंशसंभवः । तेनैव मे ऽच्युता संपत्तथा राज्यमकण्टकम्

tena puṇyaprabhāveṇa yadūnāṃ vaṃśasaṃbhavaḥ / tenaiva me 'cyutā saṃpattathā rājyamakaṇṭakam

Sanskrit only: no published translation is held for this verse.

ब्रह्मन्कृत्वोपभोगार्थमेवं श्रेयो ह्यवाप्तवान् । भक्त्या कुर्वन्ति ये संतस्तेषां पुण्यं न वेद्यहम्

brahmankṛtvopabhogārthamevaṃ śreyo hyavāptavān / bhaktyā kurvanti ye saṃtasteṣāṃ puṇyaṃ na vedyaham

Sanskrit only: no published translation is held for this verse.

तस्मात्संमार्जने नित्यं दीपदाने च सत्तम । यतिष्ये परया भक्त्या ह्यहं जातिस्मरो यतः

tasmātsaṃmārjane nityaṃ dīpadāne ca sattama / yatiṣye parayā bhaktyā hyahaṃ jātismaro yataḥ

Sanskrit only: no published translation is held for this verse.

यः पूजयेज्जगन्नाथमेकाकी विगतस्पृहः । सर्वपापविनिर्मुक्तः प्रयाति परमं पदम्

yaḥ pūjayejjagannāthamekākī vigataspṛhaḥ / sarvapāpavinirmuktaḥ prayāti paramaṃ padam

Sanskrit only: no published translation is held for this verse.

अवशेनापि यत्कर्म कृत्वेमां श्रियमागतः । भक्तिभद्भिः प्रशान्तैश्च किं पुनः सम्यगर्चनात्

avaśenāpi yatkarma kṛtvemāṃ śriyamāgataḥ / bhaktibhadbhiḥ praśāntaiśca kiṃ punaḥ samyagarcanāt

Sanskrit only: no published translation is held for this verse.

इति भूपवचः श्रुत्वा वीतिहोत्रो द्विजोत्तमः । अनन्ततुष्टिमापन्नो हरिपूजापरो ऽभवत्

iti bhūpavacaḥ śrutvā vītihotro dvijottamaḥ / anantatuṣṭimāpanno haripūjāparo 'bhavat

Sanskrit only: no published translation is held for this verse.

तस्माच्छृणुष्व विप्रेन्द्र देवो नारायणो ऽव्ययः । ज्ञानतो ऽज्ञानतो वापि पूजकानां विमुक्तिदः

tasmācchṛṇuṣva viprendra devo nārāyaṇo 'vyayaḥ / jñānato 'jñānato vāpi pūjakānāṃ vimuktidaḥ

Sanskrit only: no published translation is held for this verse.

अनित्या बान्धवाः सर्वे विभवो नैव शाश्वतः । नित्यं सन्निहितो मृत्युः कर्तव्यो धर्मसंग्रहः

anityā bāndhavāḥ sarve vibhavo naiva śāśvataḥ / nityaṃ sannihito mṛtyuḥ kartavyo dharmasaṃgrahaḥ

Sanskrit only: no published translation is held for this verse.

अज्ञो लोको वृथा गर्वं करिष्यति महोद्धतः । कायः संनिहितापायो धानादीनां किमुच्यते

ajño loko vṛthā garvaṃ kariṣyati mahoddhataḥ / kāyaḥ saṃnihitāpāyo dhānādīnāṃ kimucyate

Sanskrit only: no published translation is held for this verse.

जन्मकोटिसहस्रेषु पुण्यं यैः समुपार्जितम् । तेषां भक्तिर्भवेच्छुद्धा देवदेवे जनार्दने

janmakoṭisahasreṣu puṇyaṃ yaiḥ samupārjitam / teṣāṃ bhaktirbhavecchuddhā devadeve janārdane

Sanskrit only: no published translation is held for this verse.

सुलभं जाह्नवी स्नानं तथेवातिथिपूजनम् । सुलभाः सर्वयज्ञाश्च विष्णुभक्तिः सुदुर्लभा

sulabhaṃ jāhnavī snānaṃ tathevātithipūjanam / sulabhāḥ sarvayajñāśca viṣṇubhaktiḥ sudurlabhā

Sanskrit only: no published translation is held for this verse.

दुर्लभा तुलसीसेवा दुर्लभः संगमः सताम् । सर्वभूतदया वापि सुलभा यस्य कस्य चित्

durlabhā tulasīsevā durlabhaḥ saṃgamaḥ satām / sarvabhūtadayā vāpi sulabhā yasya kasya cit

Sanskrit only: no published translation is held for this verse.

सत्संगस्तुलसीसेबा हरिभक्तिश्च दुर्लभा

satsaṃgastulasīsebā haribhaktiśca durlabhā

Sanskrit only: no published translation is held for this verse.

दुर्लभं प्राप्यं मानुष्यं न तथा गमयेद् बुधः । अर्चयेद्धि जगन्नाथं सारमेतद्द्विजोत्तम

durlabhaṃ prāpyaṃ mānuṣyaṃ na tathā gamayed budhaḥ / arcayeddhi jagannāthaṃ sārametaddvijottama

Sanskrit only: no published translation is held for this verse.

तर्त्तुं यदीच्छति जनो दुस्तरं भवसागरम् । हरिभक्तिपरो भूयादेतदेव रसायनम्

tarttuṃ yadīcchati jano dustaraṃ bhavasāgaram / haribhaktiparo bhūyādetadeva rasāyanam

Sanskrit only: no published translation is held for this verse.

भ्रातराश्रय गोविन्दं मा विलंबं कुरु प्रिय । आसन्नमेव नगरं कृतान्तस्य हि दृश्यते

bhrātarāśraya govindaṃ mā vilaṃbaṃ kuru priya / āsannameva nagaraṃ kṛtāntasya hi dṛśyate

Sanskrit only: no published translation is held for this verse.

नारायणं जगद्योनिं सर्वकारणकारणम् । समर्चयस्व विप्रेन्द्र यदि भुक्तिमभीप्ससि

nārāyaṇaṃ jagadyoniṃ sarvakāraṇakāraṇam / samarcayasva viprendra yadi bhuktimabhīpsasi

Sanskrit only: no published translation is held for this verse.

सर्वाधार सर्वयोनिं सर्वान्तर्यामिणं विभुम् । ये प्रपन्ना महात्मानस्ते कृतार्था न संशयः

sarvādhāra sarvayoniṃ sarvāntaryāmiṇaṃ vibhum / ye prapannā mahātmānaste kṛtārthā na saṃśayaḥ

Sanskrit only: no published translation is held for this verse.

ते वन्द्यास्ते प्रपूज्याश्च नमस्कार्या विशेषतः । येर्ऽचयन्ति महाविष्णुं प्रणतार्तिप्रणाशनम्

te vandyāste prapūjyāśca namaskāryā viśeṣataḥ / yer'cayanti mahāviṣṇuṃ praṇatārtipraṇāśanam

Sanskrit only: no published translation is held for this verse.

ये विष्णुभक्ता निष्कामा यञ्जति परमेश्वरम् । त्रिःसप्तकुलसंयुक्ता स्ते यान्ति हरिमन्दिरम्

ye viṣṇubhaktā niṣkāmā yañjati parameśvaram / triḥsaptakulasaṃyuktā ste yānti harimandiram

Sanskrit only: no published translation is held for this verse.

विष्णुभक्ताय यो दद्यान्निष्कामाय महात्मने । पानीयं वा फलं वापि स एव भगवत्प्रियः

viṣṇubhaktāya yo dadyānniṣkāmāya mahātmane / pānīyaṃ vā phalaṃ vāpi sa eva bhagavatpriyaḥ

Sanskrit only: no published translation is held for this verse.

विष्णुभक्तिपराणां तु शुश्रूषां कुर्वते तु ये । ते यान्ति विष्णुभुवनं यावदाभूतसंप्लवम्

viṣṇubhaktiparāṇāṃ tu śuśrūṣāṃ kurvate tu ye / te yānti viṣṇubhuvanaṃ yāvadābhūtasaṃplavam

Sanskrit only: no published translation is held for this verse.

ये यञ्जति स्पृहाशून्या हरिभक्तान् हरिं तथा । त एव भुवनं सर्वं पुंनति स्वाङ्घ्रिपांशुना

ye yañjati spṛhāśūnyā haribhaktān hariṃ tathā / ta eva bhuvanaṃ sarvaṃ puṃnati svāṅghripāṃśunā

Sanskrit only: no published translation is held for this verse.

देवपूजापरो यस्य गृहे वसति सर्वदा । तत्रैव सर्वदेवाश्च तिष्टन्ति श्रीहरिस्तथा

devapūjāparo yasya gṛhe vasati sarvadā / tatraiva sarvadevāśca tiṣṭanti śrīharistathā

Sanskrit only: no published translation is held for this verse.

पूज्यमाना च तुलसी यस्य तिष्टति वेश्मनि । तत्र सर्वाणि श्रेयांसि वर्द्धत्यहरहर्द्विज

pūjyamānā ca tulasī yasya tiṣṭati veśmani / tatra sarvāṇi śreyāṃsi varddhatyaharahardvija

Sanskrit only: no published translation is held for this verse.

शालग्रामशिलारूपी यत्र तिष्टति केशवः । न बाधन्ते ग्रहास्तत्र भूतवेताल कादयः

śālagrāmaśilārūpī yatra tiṣṭati keśavaḥ / na bādhante grahāstatra bhūtavetāla kādayaḥ

Sanskrit only: no published translation is held for this verse.

शालग्रामशिला यत्र तत्तीर्थं तत्तपोवनम् । यतः संनिहितस्तत्र भगवान्मधुसूदनः

śālagrāmaśilā yatra tattīrthaṃ tattapovanam / yataḥ saṃnihitastatra bhagavānmadhusūdanaḥ

Sanskrit only: no published translation is held for this verse.

यद्गृहे नास्ति देवर्षे शालग्रामशिलार्चनम् । श्मशानसदृशं विद्यात्तद गृहं शुभवार्जितम् पुराणन्यायमीमांसा धर्मशास्त्राणि च द्विज

yadgṛhe nāsti devarṣe śālagrāmaśilārcanam / śmaśānasadṛśaṃ vidyāttada gṛhaṃ śubhavārjitam purāṇanyāyamīmāṃsā dharmaśāstrāṇi ca dvija

Sanskrit only: no published translation is held for this verse.

सांगा वेदास्तथा सर्वे विष्णोरूपं प्रकीर्तितम्

sāṃgā vedāstathā sarve viṣṇorūpaṃ prakīrtitam

Sanskrit only: no published translation is held for this verse.

भक्त्या कुर्वन्ति ये विष्णोः प्रदक्षिणचतुष्टयम् । ते ऽपि यान्ति परं स्थानं सर्वकर्मनिबर्हणम्

bhaktyā kurvanti ye viṣṇoḥ pradakṣiṇacatuṣṭayam / te 'pi yānti paraṃ sthānaṃ sarvakarmanibarhaṇam

Sanskrit only: no published translation is held for this verse.