Nārada Purāṇa 1.58

इति श्रीबृहन्नारदीयपुराणे पूर्वभागे बृहदुपाख्याने द्वितीयपादे सङ्क्षिप्तच्छन्दोवर्णनं नाम सप्तपञ्चाशत्तमो ऽध्यायः नारद उवाच अनूचानप्रसंगेन वेदाङ्गान्यखिलानि च । श्रुतानि त्वन्मुखांभोजात्समासव्यासयोगतः

iti śrībṛhannāradīyapurāṇe pūrvabhāge bṛhadupākhyāne dvitīyapāde saṅkṣiptacchandovarṇanaṃ nāma saptapañcāśattamo 'dhyāyaḥ nārada uvāca anūcānaprasaṃgena vedāṅgānyakhilāni ca / śrutāni tvanmukhāṃbhojātsamāsavyāsayogataḥ

Sanskrit only: no published translation is held for this verse.

शुकोत्पत्तिं समाचक्ष्व विस्तरेण महामते । सनन्दन उवाच मेरुशृङ्गे किल पुरा कर्णिकारवनायते

śukotpattiṃ samācakṣva vistareṇa mahāmate / sanandana uvāca meruśṛṅge kila purā karṇikāravanāyate

Sanskrit only: no published translation is held for this verse.

विजहार महोदेवो भौमैभूतगणैवृतः । शैलराजसुता चैव देवी तत्राभवत्पुरा

vijahāra mahodevo bhaumaibhūtagaṇaivṛtaḥ / śailarājasutā caiva devī tatrābhavatpurā

Sanskrit only: no published translation is held for this verse.

तत्र दिव्यं तपस्तेपे कृष्णद्वैपायनः प्रभुः । योगेनात्मानमाविश्य योगधर्मपरायणः

tatra divyaṃ tapastepe kṛṣṇadvaipāyanaḥ prabhuḥ / yogenātmānamāviśya yogadharmaparāyaṇaḥ

Sanskrit only: no published translation is held for this verse.

धारयन्स तपस्तेपे पुत्रार्थं सुनिसंत्तमः । अग्नेर्भूमेस्तथा वायोरन्तरिक्षस्य चाभितः

dhārayansa tapastepe putrārthaṃ sunisaṃttamaḥ / agnerbhūmestathā vāyorantarikṣasya cābhitaḥ

Sanskrit only: no published translation is held for this verse.

वीर्येण संमतः पुत्रो मम भूयादिति स्म ह । संकल्पेनाथ सो ऽनेन दुष्प्रापमकगृतात्मभिः

vīryeṇa saṃmataḥ putro mama bhūyāditi sma ha / saṃkalpenātha so 'nena duṣprāpamakagṛtātmabhiḥ

Sanskrit only: no published translation is held for this verse.

वरयामास देवेशमास्थितस्तप उत्तमम् । अतिष्टन्मारुताहारः शतं किल समाः प्रभुः

varayāmāsa deveśamāsthitastapa uttamam / atiṣṭanmārutāhāraḥ śataṃ kila samāḥ prabhuḥ

Sanskrit only: no published translation is held for this verse.

आराधयन्महादेवं बहुरूपमुमापतिम् । तत्र ब्रह्मर्षयश्चैव सर्वे देवर्षयस्तथा

ārādhayanmahādevaṃ bahurūpamumāpatim / tatra brahmarṣayaścaiva sarve devarṣayastathā

Sanskrit only: no published translation is held for this verse.

लोकपालाश्च साध्याश्च वसुभिश्चाष्टभिः सह । आदित्याश्चैव रुद्राश्च दिवाकरनिशाकरौ

lokapālāśca sādhyāśca vasubhiścāṣṭabhiḥ saha / ādityāścaiva rudrāśca divākaraniśākarau

Sanskrit only: no published translation is held for this verse.

विश्वा वसुश्च गन्धर्वः सिद्धाश्चाप्सरासांगणाः । तत्र रुद्रो महादेवः कर्णिकारमयीं शुभाम्

viśvā vasuśca gandharvaḥ siddhāścāpsarāsāṃgaṇāḥ / tatra rudro mahādevaḥ karṇikāramayīṃ śubhām

Sanskrit only: no published translation is held for this verse.

धारयानः स्रजं भाति शारदीव निशाकरः । तस्निन् दिव्ये वने रम्ये देवदेवर्षिसंकुले

dhārayānaḥ srajaṃ bhāti śāradīva niśākaraḥ / tasnin divye vane ramye devadevarṣisaṃkule

Sanskrit only: no published translation is held for this verse.

आस्थितः परमं योगं व्यासः पुत्रार्थमुद्यतः । न चास्य हीयते वर्णो न ग्लानिरुपजायते

āsthitaḥ paramaṃ yogaṃ vyāsaḥ putrārthamudyataḥ / na cāsya hīyate varṇo na glānirupajāyate

Sanskrit only: no published translation is held for this verse.

त्रयाणामपिलोकानां तदद्भुतमिवाभवत् । जटाश्च तेजसा तस्य वैश्वानरशिखोपमाः

trayāṇāmapilokānāṃ tadadbhutamivābhavat / jaṭāśca tejasā tasya vaiśvānaraśikhopamāḥ

Sanskrit only: no published translation is held for this verse.

प्रज्वलन्त्यः स्म दृश्यन्ते युक्तस्यामिततेजसः । एवं विधेन तपसा तस्य भक्त्या च नारद

prajvalantyaḥ sma dṛśyante yuktasyāmitatejasaḥ / evaṃ vidhena tapasā tasya bhaktyā ca nārada

Sanskrit only: no published translation is held for this verse.

महेश्वरः प्रसन्नात्मा चकार मनसा मतिम् । उवाच चैनं भगवांस्त्र्यंबकः प्रहसन्निव

maheśvaraḥ prasannātmā cakāra manasā matim / uvāca cainaṃ bhagavāṃstryaṃbakaḥ prahasanniva

Sanskrit only: no published translation is held for this verse.

यथा ह्यग्नियथा वायुर्यथा भूमिर्यथा जलम् । यथा खे च तथा शुद्धो भविष्यति सुतस्तंव

yathā hyagniyathā vāyuryathā bhūmiryathā jalam / yathā khe ca tathā śuddho bhaviṣyati sutastaṃva

Sanskrit only: no published translation is held for this verse.

तद्भावभागी तद्बुद्धिस्तदात्मा तदुपाश्रयः । तेजसा तस्य लोकांस्त्रीन्यशः प्राप्स्यति केवलम्

tadbhāvabhāgī tadbuddhistadātmā tadupāśrayaḥ / tejasā tasya lokāṃstrīnyaśaḥ prāpsyati kevalam

Sanskrit only: no published translation is held for this verse.

एवं लब्ध्वा वरं देवो व्यासः सत्यवतीसुतः । अरणिं त्वथ संगृह्य ममन्थाग्निचिकीर्षया

evaṃ labdhvā varaṃ devo vyāsaḥ satyavatīsutaḥ / araṇiṃ tvatha saṃgṛhya mamanthāgnicikīrṣayā

Sanskrit only: no published translation is held for this verse.

अथ रूपं परं विप्र बिभ्रतीं स्वेन तेजसा । घृताचीं नामाप्सरसं ददर्श भगवान्नृषिः

atha rūpaṃ paraṃ vipra bibhratīṃ svena tejasā / ghṛtācīṃ nāmāpsarasaṃ dadarśa bhagavānnṛṣiḥ

Sanskrit only: no published translation is held for this verse.

स तामप्सरसं दृष्ट्वा सहसा काममोहितः । अभवद्भगवान्व्यासो वने तस्मिन्मुनीश्वर

sa tāmapsarasaṃ dṛṣṭvā sahasā kāmamohitaḥ / abhavadbhagavānvyāso vane tasminmunīśvara

Sanskrit only: no published translation is held for this verse.

सा तु कृत्वा तदा व्यासं कामसंविग्नमानसम् । शुकीभूया महारम्या घृताची समुपागमत्

sā tu kṛtvā tadā vyāsaṃ kāmasaṃvignamānasam / śukībhūyā mahāramyā ghṛtācī samupāgamat

Sanskrit only: no published translation is held for this verse.

स तामप्सरसं दृष्ट्वा रूपेणान्येनसंवृताम् । स्मरराजेनानुगतः सर्वगात्रातिगेन ह

sa tāmapsarasaṃ dṛṣṭvā rūpeṇānyenasaṃvṛtām / smararājenānugataḥ sarvagātrātigena ha

Sanskrit only: no published translation is held for this verse.

स तु महता निगृह्णन् हृच्छयं मुनिः । न शशाक नियन्तुं तं व्यासः प्रविसृतं मनः

sa tu mahatā nigṛhṇan hṛcchayaṃ muniḥ / na śaśāka niyantuṃ taṃ vyāsaḥ pravisṛtaṃ manaḥ

Sanskrit only: no published translation is held for this verse.

भावित्वाञ्चैव भाव्यस्य घृताच्या वपुषा । हृतम् यत्नान्नियच्छतश्चापि मुने एतञ्चिकीर्षया

bhāvitvāñcaiva bhāvyasya ghṛtācyā vapuṣā / hṛtam yatnānniyacchataścāpi mune etañcikīrṣayā

Sanskrit only: no published translation is held for this verse.

अरण्यामेव सहसा तस्य शुक्रमवापतत् । शुक्रे निर्मथ्यमाने ऽस्यां शुको जज्ञे महातपाः

araṇyāmeva sahasā tasya śukramavāpatat / śukre nirmathyamāne 'syāṃ śuko jajñe mahātapāḥ

Sanskrit only: no published translation is held for this verse.

परमर्षिर्महायोगी अरणीगर्भसंभवः । यथैव हि समिद्धो ऽग्निर्भाति हव्यमुपात्तवान्

paramarṣirmahāyogī araṇīgarbhasaṃbhavaḥ / yathaiva hi samiddho 'gnirbhāti havyamupāttavān

Sanskrit only: no published translation is held for this verse.

तथा रूपः शुको जज्ञे प्रज्वलन्निव तेजसा । बिभ्रञ्चित्रं च विप्रेन्द्र रूपवर्णमनुत्तमम्

tathā rūpaḥ śuko jajñe prajvalanniva tejasā / bibhrañcitraṃ ca viprendra rūpavarṇamanuttamam

Sanskrit only: no published translation is held for this verse.

तं गङ्गां सरितां श्रेष्ठां मेरुपृष्ठे स्वरूपिणीम् । अभ्येत्य स्नापयामास वारिणा स्वेन नारद

taṃ gaṅgāṃ saritāṃ śreṣṭhāṃ merupṛṣṭhe svarūpiṇīm / abhyetya snāpayāmāsa vāriṇā svena nārada

Sanskrit only: no published translation is held for this verse.

कृष्णाजिनं चान्तरिक्षाच्छुकार्थे भुव्यवापतत् । जगीयन्त च गन्धर्वा ननृतुञ्चाप्सरोगणाः

kṛṣṇājinaṃ cāntarikṣācchukārthe bhuvyavāpatat / jagīyanta ca gandharvā nanṛtuñcāpsarogaṇāḥ

Sanskrit only: no published translation is held for this verse.

देवदुन्दुभयश्चैव प्रावाद्यन्त महास्वनाः । विश्वावसुश्च गन्धर्वस्तथा तुंबुरुनारदौ

devadundubhayaścaiva prāvādyanta mahāsvanāḥ / viśvāvasuśca gandharvastathā tuṃburunāradau

Sanskrit only: no published translation is held for this verse.

हाहाहूहूश्च गन्धर्वौं तुष्टुवुः शुकसंभवम् । तत्र शक्रपुरोगाश्च लोकपालाः समागताः

hāhāhūhūśca gandharvauṃ tuṣṭuvuḥ śukasaṃbhavam / tatra śakrapurogāśca lokapālāḥ samāgatāḥ

Sanskrit only: no published translation is held for this verse.

देवा देवर्षथयश्चटैव तथा ब्रह्मर्षयो ऽपि च । दिव्यानि सर्वपुष्पाणि प्रववर्ष च मारुतः

devā devarṣathayaścaṭaiva tathā brahmarṣayo 'pi ca / divyāni sarvapuṣpāṇi pravavarṣa ca mārutaḥ

Sanskrit only: no published translation is held for this verse.

जङ्गमं स्थावरं चैव प्रहृष्टमभवज्जगत् । तं महात्मा स्वयं प्रीत्या देव्या सह महाद्युतिः

jaṅgamaṃ sthāvaraṃ caiva prahṛṣṭamabhavajjagat / taṃ mahātmā svayaṃ prītyā devyā saha mahādyutiḥ

Sanskrit only: no published translation is held for this verse.

जातमात्रं मुनेः पुत्रं विधिनोपानयत्तदा । तस्य देवेश्वरः शक्तो दिव्यमद्भुतदर्शनम्

jātamātraṃ muneḥ putraṃ vidhinopānayattadā / tasya deveśvaraḥ śakto divyamadbhutadarśanam

Sanskrit only: no published translation is held for this verse.

ददौ कमण्डलुं प्रीत्या देवा वासांसि चाभितः । हंसाश्च शतपत्राश्च सारसाश्च सहस्रशः

dadau kamaṇḍaluṃ prītyā devā vāsāṃsi cābhitaḥ / haṃsāśca śatapatrāśca sārasāśca sahasraśaḥ

Sanskrit only: no published translation is held for this verse.

प्रदक्षिणमवर्तन्त शुकाश्चाषाश्च नारद । आरणे यस्तदा दिव्यं प्राप्य जन्म महामुनिः

pradakṣiṇamavartanta śukāścāṣāśca nārada / āraṇe yastadā divyaṃ prāpya janma mahāmuniḥ

Sanskrit only: no published translation is held for this verse.

तत्रैवोवास मेधावी व्रतचारी समाहितः । उत्पन्नमात्रं तं वेदाः सरहस्याः ससंग्रहाः

tatraivovāsa medhāvī vratacārī samāhitaḥ / utpannamātraṃ taṃ vedāḥ sarahasyāḥ sasaṃgrahāḥ

Sanskrit only: no published translation is held for this verse.

उपतस्थुर्मुनिश्रेष्ठं यथास्य पितरं तथा । बृहस्पतिं स वव्रे च वेदवेदाङ्गभाष्यवित्

upatasthurmuniśreṣṭhaṃ yathāsya pitaraṃ tathā / bṛhaspatiṃ sa vavre ca vedavedāṅgabhāṣyavit

Sanskrit only: no published translation is held for this verse.

उपाध्यायं द्विजश्रेष्ठ धर्ममेवानुचिन्तयन् । सो ऽधीत्य वेदानखिलान्सरहस्यान्ससंग्रहान्

upādhyāyaṃ dvijaśreṣṭha dharmamevānucintayan / so 'dhītya vedānakhilānsarahasyānsasaṃgrahān

Sanskrit only: no published translation is held for this verse.

इतिहासं च कार्त्स्न्येन वेदशास्त्राणि चाभितः । गुरवे दक्षिणां दत्त्वा समावृत्तो महामुनिः

itihāsaṃ ca kārtsnyena vedaśāstrāṇi cābhitaḥ / gurave dakṣiṇāṃ dattvā samāvṛtto mahāmuniḥ

Sanskrit only: no published translation is held for this verse.

उग्रं तपः समारेभे ब्रह्मचारी समाहिताः । देवतानामृषीणां च बाल्ये ऽपि सुमहातपाः

ugraṃ tapaḥ samārebhe brahmacārī samāhitāḥ / devatānāmṛṣīṇāṃ ca bālye 'pi sumahātapāḥ

Sanskrit only: no published translation is held for this verse.

संमत्रणीयो जन्यश्च ज्ञानेन तपसा तथा । न त्वस्य रमते बुद्धि राश्रमेषु मुनीश्वर

saṃmatraṇīyo janyaśca jñānena tapasā tathā / na tvasya ramate buddhi rāśrameṣu munīśvara

Sanskrit only: no published translation is held for this verse.

त्रिषु गार्हस्थ्यमूलेषु मोक्षधर्मानुदर्शिनः । स मोक्षमनुचिन्त्यैव शुकः पितरमभ्यगात्

triṣu gārhasthyamūleṣu mokṣadharmānudarśinaḥ / sa mokṣamanucintyaiva śukaḥ pitaramabhyagāt

Sanskrit only: no published translation is held for this verse.

प्राहाभिवाद्य च तदा श्रेयोर्ऽथी विनयान्वितः । मोक्षधर्मेषु कुशलो भगवान् प्रब्रवीतु मे

prāhābhivādya ca tadā śreyor'thī vinayānvitaḥ / mokṣadharmeṣu kuśalo bhagavān prabravītu me

Sanskrit only: no published translation is held for this verse.

यथैव मनसः शान्तिः परमा संभवेन्मुने । शृत्वा पुत्रस्य वचनं परमर्षिरुवाच तम्

yathaiva manasaḥ śāntiḥ paramā saṃbhavenmune / śṛtvā putrasya vacanaṃ paramarṣiruvāca tam

Sanskrit only: no published translation is held for this verse.

अधीष्व मोक्षशास्त्रं वै धर्मांश्च विविधानपि । पितुर्निदेशाज्जग्राह शुको ब्रह्मविदां वरः

adhīṣva mokṣaśāstraṃ vai dharmāṃśca vividhānapi / piturnideśājjagrāha śuko brahmavidāṃ varaḥ

Sanskrit only: no published translation is held for this verse.

योगशास्त्रं च निखिलं कापिलं चैव नारद । शतं ब्राह्म्या श्रिया युक्तं ब्रह्मतुल्यपराक्रमम्

yogaśāstraṃ ca nikhilaṃ kāpilaṃ caiva nārada / śataṃ brāhmyā śriyā yuktaṃ brahmatulyaparākramam

Sanskrit only: no published translation is held for this verse.

मेने पुत्रं यथा व्यासो मोक्षशास्त्रविशारदम् । उवाच गच्छेति तदा जनकं मिथिलेश्वरम्

mene putraṃ yathā vyāso mokṣaśāstraviśāradam / uvāca gaccheti tadā janakaṃ mithileśvaram

Sanskrit only: no published translation is held for this verse.

स ते वक्ष्यति मोक्षार्थं निखिलेन नराधिपः । पितुर्नियोगादगमज्जनकं मेथखिलं नृपम्

sa te vakṣyati mokṣārthaṃ nikhilena narādhipaḥ / piturniyogādagamajjanakaṃ methakhilaṃ nṛpam

Sanskrit only: no published translation is held for this verse.

प्रष्टुं धर्मस्य निष्टां वै मोक्षस्य च परायणम् । उक्तश्च मानुषेण त्वं तथा गच्छेत्यविस्मितः

praṣṭuṃ dharmasya niṣṭāṃ vai mokṣasya ca parāyaṇam / uktaśca mānuṣeṇa tvaṃ tathā gacchetyavismitaḥ

Sanskrit only: no published translation is held for this verse.

न प्रभावेण गन्तव्यमन्तरिक्षचरेण वै । आर्जवेनैव गन्तव्यं न सुखाय क्षणात्त्वया

na prabhāveṇa gantavyamantarikṣacareṇa vai / ārjavenaiva gantavyaṃ na sukhāya kṣaṇāttvayā

Sanskrit only: no published translation is held for this verse.

न द्रष्टव्या विशेषा हि विशेषा हि प्रसंगिनः । अहॄङ्कारो न कर्तव्यो याज्ये तस्मिन्नराधिपे

na draṣṭavyā viśeṣā hi viśeṣā hi prasaṃginaḥ / ahṝṅkāro na kartavyo yājye tasminnarādhipe

Sanskrit only: no published translation is held for this verse.

स्थातव्यं वसथे तस्य स ते छेत्स्यति संशयम् । स धर्मकुशलो राजा मोक्षशास्त्रविशारदः

sthātavyaṃ vasathe tasya sa te chetsyati saṃśayam / sa dharmakuśalo rājā mokṣaśāstraviśāradaḥ

Sanskrit only: no published translation is held for this verse.

यथा यथा च ते ब्रूयात्तत्कार्यमविशङ्कया । एवमुक्तः स धर्मात्मा जगाम मिथिलां मुनिः

yathā yathā ca te brūyāttatkāryamaviśaṅkayā / evamuktaḥ sa dharmātmā jagāma mithilāṃ muniḥ

Sanskrit only: no published translation is held for this verse.

पभ्द्यां शक्तोन्तरिक्षेण क्रान्तुं भूमिं ससागराम् । सगिरीं श्चाप्यतिक्रम्य भारतं वर्षमासदत्

pabhdyāṃ śaktontarikṣeṇa krāntuṃ bhūmiṃ sasāgarām / sagirīṃ ścāpyatikramya bhārataṃ varṣamāsadat

Sanskrit only: no published translation is held for this verse.

स देशान्विविधान्स्फीतानतिक्रम्य महामुनिः । विदेहान्वै समासाद्य जनकेन समागमत्

sa deśānvividhānsphītānatikramya mahāmuniḥ / videhānvai samāsādya janakena samāgamat

Sanskrit only: no published translation is held for this verse.

राजद्वारं समासाद्य द्वारपालैर्निवारितः ॥ट तस्थौ तत्र महायोगी क्षुत्पिपासादिवर्जितः

rājadvāraṃ samāsādya dvārapālairnivāritaḥ //ṭa tasthau tatra mahāyogī kṣutpipāsādivarjitaḥ

Sanskrit only: no published translation is held for this verse.

आतपे ग्लानिरहितो ध्यानयुक्तश्च नारद । तेषां तु द्वारपालानामेकस्तत्र व्यवस्थितः

ātape glānirahito dhyānayuktaśca nārada / teṣāṃ tu dvārapālānāmekastatra vyavasthitaḥ

Sanskrit only: no published translation is held for this verse.

मध्यङ्गतमिवादित्यं दृष्ट्वा शुकमवस्थितम् । जूजयित्वा यथान्यायमभिवाद्य कृताञ्जलिः

madhyaṅgatamivādityaṃ dṛṣṭvā śukamavasthitam / jūjayitvā yathānyāyamabhivādya kṛtāñjaliḥ

Sanskrit only: no published translation is held for this verse.

प्रावेशयत्ततः कक्षआं द्वितीयां राजवेश्मनः । तत्रान्तःपुरसंबद्धं महच्चैत्रग्थोपमम्

prāveśayattataḥ kakṣaāṃ dvitīyāṃ rājaveśmanaḥ / tatrāntaḥpurasaṃbaddhaṃ mahaccaitragthopamam

Sanskrit only: no published translation is held for this verse.

सुविभक्तजलाक्रीडं रम्यं पुष्पितपादपम् । दर्शयित्वासने स्थाप्य राजानं च व्यजिज्ञपत्

suvibhaktajalākrīḍaṃ ramyaṃ puṣpitapādapam / darśayitvāsane sthāpya rājānaṃ ca vyajijñapat

Sanskrit only: no published translation is held for this verse.

श्रुत्वा राजा शुकं प्राप्तं वारस्त्रीः स न्ययुङ्क्त च । सेवायै तस्य भावस्य ज्ञानाय मुनिसतम

śrutvā rājā śukaṃ prāptaṃ vārastrīḥ sa nyayuṅkta ca / sevāyai tasya bhāvasya jñānāya munisatama

Sanskrit only: no published translation is held for this verse.

तं चारुकेश्यः शुश्रेण्यस्तरुण्यः प्रियदर्शनाः । सूक्ष्मरक्तांबरधरास्तप्तकाञ्चनभूषणाः

taṃ cārukeśyaḥ śuśreṇyastaruṇyaḥ priyadarśanāḥ / sūkṣmaraktāṃbaradharāstaptakāñcanabhūṣaṇāḥ

Sanskrit only: no published translation is held for this verse.

संलापालापकुशाला भावज्ञाः सर्वकोविदाः । परं पञ्चाशतस्तस्य पाद्यादीनि व्यकल्पयन्

saṃlāpālāpakuśālā bhāvajñāḥ sarvakovidāḥ / paraṃ pañcāśatastasya pādyādīni vyakalpayan

Sanskrit only: no published translation is held for this verse.

देश कालोपपन्नेन साध्वन्नेनाप्यतर्पयन् । तस्य भुक्तवतस्तात तास्ततः पुरकाननम्

deśa kālopapannena sādhvannenāpyatarpayan / tasya bhuktavatastāta tāstataḥ purakānanam

Sanskrit only: no published translation is held for this verse.

सुरम्यं दर्शयामासुरेकैकत्वेन नारद । क्रीडन्त्यश्च हसंत्यश्च गायन्त्यश्चैव ताः शुकम्

suramyaṃ darśayāmāsurekaikatvena nārada / krīḍantyaśca hasaṃtyaśca gāyantyaścaiva tāḥ śukam

Sanskrit only: no published translation is held for this verse.

उदारसत्वं सत्वज्ञाःसर्वाः पर्य्यचरंस्तदा । आरणेयस्तु शुद्धात्मा जितक्रोधो जितेन्द्रियः

udārasatvaṃ satvajñāḥsarvāḥ paryyacaraṃstadā / āraṇeyastu śuddhātmā jitakrodho jitendriyaḥ

Sanskrit only: no published translation is held for this verse.

ध्यानस्थ एव सततं न हृष्यति न कुप्यति । पादशौचं तु कृत्वा वै शुकः संध्यामुपास्य च

dhyānastha eva satataṃ na hṛṣyati na kupyati / pādaśaucaṃ tu kṛtvā vai śukaḥ saṃdhyāmupāsya ca

Sanskrit only: no published translation is held for this verse.

निषसादासने पुण्ये तमेवार्थं व्यचिन्तयत् । पूर्वरात्रे तु तत्रासौ भूत्वा ध्यानपरायणः

niṣasādāsane puṇye tamevārthaṃ vyacintayat / pūrvarātre tu tatrāsau bhūtvā dhyānaparāyaṇaḥ

Sanskrit only: no published translation is held for this verse.

मध्यरात्रे यथान्याय्यं निद्रामाहारयत्प्रभुः । ततः प्रातः समुत्थाय कृत्वा शौचमनन्तरम्

madhyarātre yathānyāyyaṃ nidrāmāhārayatprabhuḥ / tataḥ prātaḥ samutthāya kṛtvā śaucamanantaram

Sanskrit only: no published translation is held for this verse.

स्त्रीभिः परिवृत्तो धीमान्ध्यानमेवान्वपद्यत । अनेन विधिना तत्र तदहःशेषमप्युत

strībhiḥ parivṛtto dhīmāndhyānamevānvapadyata / anena vidhinā tatra tadahaḥśeṣamapyuta

Sanskrit only: no published translation is held for this verse.

तां च रात्रिं नृपकुले वर्तयामास नारद

tāṃ ca rātriṃ nṛpakule vartayāmāsa nārada

Sanskrit only: no published translation is held for this verse.