Library·Nārada Purāṇa·1·1.62
इति श्रीबृहन्नारदीयपुराणे पूर्वभागे बृहदुपाख्याने द्वितीयपादे एकषष्टितमो ऽध्यायः सूत उवाच एतच्छ्रृत्वा तु वचनं नारदो भगवानृषिः । पुनः पप्रच्छ तं विप्र शुकाभिपतनं मुनिम्
iti śrībṛhannāradīyapurāṇe pūrvabhāge bṛhadupākhyāne dvitīyapāde ekaṣaṣṭitamo 'dhyāyaḥ sūta uvāca etacchrṛtvā tu vacanaṃ nārado bhagavānṛṣiḥ / punaḥ papraccha taṃ vipra śukābhipatanaṃ munim
Sanskrit only: no published translation is held for this verse.
नारद उवाच भगवन्सर्वमाख्यातं त्वयातिकरुणात्मना । यच्छ्रृत्वा मानसं मे ऽद्य शान्तिमग्र्यामुपागतम्
nārada uvāca bhagavansarvamākhyātaṃ tvayātikaruṇātmanā / yacchrṛtvā mānasaṃ me 'dya śāntimagryāmupāgatam
Sanskrit only: no published translation is held for this verse.
पुनश्च मोक्षशास्त्रं मे त्वमादिश महामुने । नहि सम्पूर्णतामेति तृष्णा कृष्णगुणार्णवे
punaśca mokṣaśāstraṃ me tvamādiśa mahāmune / nahi sampūrṇatāmeti tṛṣṇā kṛṣṇaguṇārṇave
Sanskrit only: no published translation is held for this verse.
ये तु संसारनिर्मुक्ता मोक्ष शास्त्रपरायणाः । कुत्र ते निवसंतीह संशयो मे महानयम्
ye tu saṃsāranirmuktā mokṣa śāstraparāyaṇāḥ / kutra te nivasaṃtīha saṃśayo me mahānayam
Sanskrit only: no published translation is held for this verse.
तं छिन्धि सुमहाभागत्वत्तो नान्यो विदांवरः । सनंउ धारयामास चात्मानं यथाशास्त्रं महामुनिः
taṃ chindhi sumahābhāgatvatto nānyo vidāṃvaraḥ / sanaṃ.u dhārayāmāsa cātmānaṃ yathāśāstraṃ mahāmuniḥ
Sanskrit only: no published translation is held for this verse.
पादात्प्रभृति गात्रेषु क्रमेण क्रमयोगवित् । ततः स प्राङ्मुखो विद्वानादित्येन विरोचिते
pādātprabhṛti gātreṣu krameṇa kramayogavit / tataḥ sa prāṅmukho vidvānādityena virocite
Sanskrit only: no published translation is held for this verse.
पाणिपादं समाधाय विनीतवदुपाविशत् । न तत्र पक्षिसंघातो न शब्दो न च दर्शनम्
pāṇipādaṃ samādhāya vinītavadupāviśat / na tatra pakṣisaṃghāto na śabdo na ca darśanam
Sanskrit only: no published translation is held for this verse.
यत्र वैयासकिर्द्धाम्नि योक्तुं समुपचक्रमे । स ददर्श तदात्मानं सर्वसंगविनिःसृतः
yatra vaiyāsakirddhāmni yoktuṃ samupacakrame / sa dadarśa tadātmānaṃ sarvasaṃgaviniḥsṛtaḥ
Sanskrit only: no published translation is held for this verse.
प्रजहास ततो हासं शुकः सम्प्रेक्ष्य भास्करम् । स पुनर्योगमास्थाय मोक्षमार्गोपलब्धये
prajahāsa tato hāsaṃ śukaḥ samprekṣya bhāskaram / sa punaryogamāsthāya mokṣamārgopalabdhaye
Sanskrit only: no published translation is held for this verse.
महायोगीश्वरो भूत्वा सो ऽत्यक्रामद्विहायसम् । अन्तरीक्षचरः श्रीमान्व्यासपुत्रः सुनिश्चितः
mahāyogīśvaro bhūtvā so 'tyakrāmadvihāyasam / antarīkṣacaraḥ śrīmānvyāsaputraḥ suniścitaḥ
Sanskrit only: no published translation is held for this verse.
तमुन्द्यन्तं द्विजश्रेष्ठं वैनतेयसमद्युतिम् । ददृशुः सर्वभूतानि मनोमारुतरंहसम्
tamundyantaṃ dvijaśreṣṭhaṃ vainateyasamadyutim / dadṛśuḥ sarvabhūtāni manomārutaraṃhasam
Sanskrit only: no published translation is held for this verse.
यथाशक्ति यथान्यायं पूजयाञ्चक्रिरे तथा । पुष्प वर्षैश्च दिव्यैस्तमवचक्रुर्दिवौकसः
yathāśakti yathānyāyaṃ pūjayāñcakrire tathā / puṣpa varṣaiśca divyaistamavacakrurdivaukasaḥ
Sanskrit only: no published translation is held for this verse.
तं दृष्ट्वा विस्मिताः सर्वे गन्धर्वाप्सरसां गणाः । ऋषयश्चैव संसिद्धाः को ऽयं सिद्धिमुपागतः
taṃ dṛṣṭvā vismitāḥ sarve gandharvāpsarasāṃ gaṇāḥ / ṛṣayaścaiva saṃsiddhāḥ ko 'yaṃ siddhimupāgataḥ
Sanskrit only: no published translation is held for this verse.
ततो ऽसौ स्वाह्रयं तेभ्यः कथयामास नारद । उवाच च महातेजास्तानृषीन्संप्रहर्षितः
tato 'sau svāhrayaṃ tebhyaḥ kathayāmāsa nārada / uvāca ca mahātejāstānṛṣīnsaṃpraharṣitaḥ
Sanskrit only: no published translation is held for this verse.
पिता यद्यनुगच्छेन्मां क्रोशमानः शुकेति वै । तस्मै प्रतिवचोदेयं भवद्भिस्तु समाहितैः
pitā yadyanugacchenmāṃ krośamānaḥ śuketi vai / tasmai prativacodeyaṃ bhavadbhistu samāhitaiḥ
Sanskrit only: no published translation is held for this verse.
बाढमुक्तस्ततस्तैस्तु लोकान्हित्वा चतुर्विधान् । तमो ह्यष्टविधं त्यक्त्वा जहौ पञ्चविधं रजः
bāḍhamuktastatastaistu lokānhitvā caturvidhān / tamo hyaṣṭavidhaṃ tyaktvā jahau pañcavidhaṃ rajaḥ
Sanskrit only: no published translation is held for this verse.
ततः सत्वं जहौ धीमांस्तदद्भुतमिवाभवत् । ततस्तस्मिन्पदे नित्ये निर्गुणे लिङ्गपूजिते
tataḥ satvaṃ jahau dhīmāṃstadadbhutamivābhavat / tatastasminpade nitye nirguṇe liṅgapūjite
Sanskrit only: no published translation is held for this verse.
ततः स शृङ्गे ऽप्रतिमे हिमवन्मेरुसन्निभे । संश्लिष्टे श्वेतपीते च रुक्मरूप्यमये शुभे
tataḥ sa śṛṅge 'pratime himavanmerusannibhe / saṃśliṣṭe śvetapīte ca rukmarūpyamaye śubhe
Sanskrit only: no published translation is held for this verse.
शतयोजनविस्तारे तिर्यागूर्द्ध्च नारद । सो ऽविशङ्केन मनसा तथैवाभ्यपतच्छुकः
śatayojanavistāre tiryāgūrddhca nārada / so 'viśaṅkena manasā tathaivābhyapatacchukaḥ
Sanskrit only: no published translation is held for this verse.
ते शृङ्गे ऽत्यन्तसंश्लिष्टे सहसैव द्विधाकृते । अदृश्येतां द्विजश्रेष्ठ तदद्भुतमिवाभवत्
te śṛṅge 'tyantasaṃśliṣṭe sahasaiva dvidhākṛte / adṛśyetāṃ dvijaśreṣṭha tadadbhutamivābhavat
Sanskrit only: no published translation is held for this verse.
ततः पर्वतशृङ्गाभ्यां सहसैव विनिःसृतः । न च प्रतिजघानास्य स गतिं पर्वतोत्तमः
tataḥ parvataśṛṅgābhyāṃ sahasaiva viniḥsṛtaḥ / na ca pratijaghānāsya sa gatiṃ parvatottamaḥ
Sanskrit only: no published translation is held for this verse.
ततो मन्दाकिनीं दिव्या मुपरिष्टादभिव्रजन् । शुको ददर्श धर्मात्मा पुष्पितद्रुमकाननम्
tato mandākinīṃ divyā mupariṣṭādabhivrajan / śuko dadarśa dharmātmā puṣpitadrumakānanam
Sanskrit only: no published translation is held for this verse.
तस्यां क्रीडासु निरताः स्नान्ति चैवाप्सरोगणाः । निराकारं तु साकाराददृशुस्तं विवाससः
tasyāṃ krīḍāsu niratāḥ snānti caivāpsarogaṇāḥ / nirākāraṃ tu sākārādadṛśustaṃ vivāsasaḥ
Sanskrit only: no published translation is held for this verse.
तं प्रक्रमन्तमाज्ञाय पिता स्नेहसमन्वितः । उत्तमां गतिमास्थाय पृष्टतो ऽनुससार ह
taṃ prakramantamājñāya pitā snehasamanvitaḥ / uttamāṃ gatimāsthāya pṛṣṭato 'nusasāra ha
Sanskrit only: no published translation is held for this verse.
शुकस्तु मारुतादूर्द्ध्वं गतिं कृत्वां तरिक्षगाम् । दर्शयित्वा प्रभावं स्वं सर्वभूतो ऽभवत्तदा
śukastu mārutādūrddhvaṃ gatiṃ kṛtvāṃ tarikṣagām / darśayitvā prabhāvaṃ svaṃ sarvabhūto 'bhavattadā
Sanskrit only: no published translation is held for this verse.
अथ योगगतिं व्यासः समास्थाय महातपाः । निमेषान्तरमात्रेण शुकाभिपतनं ययौ
atha yogagatiṃ vyāsaḥ samāsthāya mahātapāḥ / nimeṣāntaramātreṇa śukābhipatanaṃ yayau
Sanskrit only: no published translation is held for this verse.
स ददर्श द्विधा कृत्वा पर्वताग्रं गतं शुकम् । शशंसुर्मुनयः सिद्धा गतिं तस्मै सुतस्य ताम्
sa dadarśa dvidhā kṛtvā parvatāgraṃ gataṃ śukam / śaśaṃsurmunayaḥ siddhā gatiṃ tasmai sutasya tām
Sanskrit only: no published translation is held for this verse.
ततः शुकेतिशब्देन दीर्घेण क्रन्दितं तदाः । स्वयं पित्रा स्वरेणोञ्चैस्त्रींल्लोकाननुनाद्य वै
tataḥ śuketiśabdena dīrgheṇa kranditaṃ tadāḥ / svayaṃ pitrā svareṇoñcaistrīṃllokānanunādya vai
Sanskrit only: no published translation is held for this verse.
शुकः सर्वगतिर्भूत्वा सर्वात्मा सर्वतोमुखः । प्रत्यभाषत धर्मात्मा भोः शब्देनानुनादयन्
śukaḥ sarvagatirbhūtvā sarvātmā sarvatomukhaḥ / pratyabhāṣata dharmātmā bhoḥ śabdenānunādayan
Sanskrit only: no published translation is held for this verse.
तत एकाक्षरं नादं भोरित्येवमुदीरयन् । प्रत्याहरज्जगत्सर्वमुञ्चैः स्थावरजङ्गमम्
tata ekākṣaraṃ nādaṃ bhorityevamudīrayan / pratyāharajjagatsarvamuñcaiḥ sthāvarajaṅgamam
Sanskrit only: no published translation is held for this verse.
ततः प्रभृति वाद्यापि शब्दानुञ्चारितान्पृथक् । गिरिगह्वरपृष्टेषु व्याजहार शुकं प्रति
tataḥ prabhṛti vādyāpi śabdānuñcāritānpṛthak / girigahvarapṛṣṭeṣu vyājahāra śukaṃ prati
Sanskrit only: no published translation is held for this verse.
अन्तर्हितप्रभावं तं दर्शयित्वा शुकस्तदा । गुणान्संत्यज्य सत्त्वादीन्पदमध्यगमत्परम्
antarhitaprabhāvaṃ taṃ darśayitvā śukastadā / guṇānsaṃtyajya sattvādīnpadamadhyagamatparam
Sanskrit only: no published translation is held for this verse.
महिमानं तु तं दृष्ट्वा पुत्रस्यामिततेजसः । सो ऽनुनीतो भगवता व्यासो रुद्रेण नारद
mahimānaṃ tu taṃ dṛṣṭvā putrasyāmitatejasaḥ / so 'nunīto bhagavatā vyāso rudreṇa nārada
Sanskrit only: no published translation is held for this verse.
किमु त्वं ताम्यसि मुने पुत्रं प्रति समाकुलः । पश्यसि विप्र नायान्तं ब्रह्मभूतं निजान्तिरे
kimu tvaṃ tāmyasi mune putraṃ prati samākulaḥ / paśyasi vipra nāyāntaṃ brahmabhūtaṃ nijāntire
Sanskrit only: no published translation is held for this verse.
इत्येवमनुनीतो ऽसौ व्यासः पुनरुप्राव्रजत् । श्वाश्रमं स शुको ब्रह्मभूतो लोकांश्चचार ह
ityevamanunīto 'sau vyāsaḥ punaruprāvrajat / śvāśramaṃ sa śuko brahmabhūto lokāṃścacāra ha
Sanskrit only: no published translation is held for this verse.
तत कालान्तरे ब्रह्मन्व्यासः सत्यवतीसुतः । नरनारायणौ द्रष्टुं ययौ बदरिकाश्रमम्
tata kālāntare brahmanvyāsaḥ satyavatīsutaḥ / naranārāyaṇau draṣṭuṃ yayau badarikāśramam
Sanskrit only: no published translation is held for this verse.
तत्र दृष्ट्वा तु तौ देवौ तप्यमानो महत्तपः । स्वयं च तत्र तपसि स्थितः शुकमनुस्मरन्
tatra dṛṣṭvā tu tau devau tapyamāno mahattapaḥ / svayaṃ ca tatra tapasi sthitaḥ śukamanusmaran
Sanskrit only: no published translation is held for this verse.
यावत्तत्र स्थितो व्यासः शुकः परमयोगवित् । श्वेतद्वीपं गतस्तात यत्र त्वमगमः पुरा
yāvattatra sthito vyāsaḥ śukaḥ paramayogavit / śvetadvīpaṃ gatastāta yatra tvamagamaḥ purā
Sanskrit only: no published translation is held for this verse.
तत्र दृष्टप्रभावस्तु श्रीमान्नारायणः प्रभुः । दृष्टः श्रुतिविमृग्यो हि देवदेवो जनार्दनः
tatra dṛṣṭaprabhāvastu śrīmānnārāyaṇaḥ prabhuḥ / dṛṣṭaḥ śrutivimṛgyo hi devadevo janārdanaḥ
Sanskrit only: no published translation is held for this verse.
स्तुतश्च शुकदेवेन प्रसन्नः प्राह नारद । श्रीभगवानुवाच त्वया दृष्टो ऽस्मि योगीन्द्र सर्वदेवरहःस्थितः
stutaśca śukadevena prasannaḥ prāha nārada / śrībhagavānuvāca tvayā dṛṣṭo 'smi yogīndra sarvadevarahaḥsthitaḥ
Sanskrit only: no published translation is held for this verse.
सनत्कुमारादिष्टेन सिद्धो योगेन वाडव । त्वं सदागतिमार्गस्थो लोकान्पश्य यथेच्छया
sanatkumārādiṣṭena siddho yogena vāḍava / tvaṃ sadāgatimārgastho lokānpaśya yathecchayā
Sanskrit only: no published translation is held for this verse.
इत्युक्तो वासुदेवेन तं नत्वारणिसंभवः । वैकुण्ठं प्रययौ विप्र सर्वलोकनमस्कृतम्
ityukto vāsudevena taṃ natvāraṇisaṃbhavaḥ / vaikuṇṭhaṃ prayayau vipra sarvalokanamaskṛtam
Sanskrit only: no published translation is held for this verse.
वैमानिकैः सुरैर्जुष्टं विरजापरिचेष्टितम् । यं भान्तमनुभान्त्येते लोकाः सर्वे ऽपि नारद
vaimānikaiḥ surairjuṣṭaṃ virajāpariceṣṭitam / yaṃ bhāntamanubhāntyete lokāḥ sarve 'pi nārada
Sanskrit only: no published translation is held for this verse.
यत्र विदुमसोपानाः स्वर्णरत्नविचित्रिताः । वाप्य उत्पलंसंछन्नाः सुरस्त्रीक्रीडनाकुलाः
yatra vidumasopānāḥ svarṇaratnavicitritāḥ / vāpya utpalaṃsaṃchannāḥ surastrīkrīḍanākulāḥ
Sanskrit only: no published translation is held for this verse.
दिव्यैर्हंसकुलैर्घुष्टाः स्वच्छांबुनिभृताः सदा । तत्र द्वाःस्थैश्चतुर्हस्तेनार्नाभरणभूषितैः
divyairhaṃsakulairghuṣṭāḥ svacchāṃbunibhṛtāḥ sadā / tatra dvāḥsthaiścaturhastenārnābharaṇabhūṣitaiḥ
Sanskrit only: no published translation is held for this verse.
विष्वक्सेनानुगैः सिद्धैः कुमुदाद्यैरवा रितः । प्रविश्याभ्यान्तरं तत्र देवदेवं चतुर्भुजम्
viṣvaksenānugaiḥ siddhaiḥ kumudādyairavā ritaḥ / praviśyābhyāntaraṃ tatra devadevaṃ caturbhujam
Sanskrit only: no published translation is held for this verse.
शान्तं प्रसन्नवदनं पीतकौशेयवाससम् । शङ्खचक्रगदापद्मैर्मूर्तिमद्भिरुपासितम्
śāntaṃ prasannavadanaṃ pītakauśeyavāsasam / śaṅkhacakragadāpadmairmūrtimadbhirupāsitam
Sanskrit only: no published translation is held for this verse.
वक्षस्थलस्थया लक्ष्म्या कौस्तुभेन विराजितम् । कटीसूत्रब्रह्मसूत्रकटकाङ्गदभूषितम्
vakṣasthalasthayā lakṣmyā kaustubhena virājitam / kaṭīsūtrabrahmasūtrakaṭakāṅgadabhūṣitam
Sanskrit only: no published translation is held for this verse.
भ्राजत्किरीटवलयं मणिनूपुरशोभितम् । ददर्श सिद्धनि करैः सेव्यमानमहर्निशम्
bhrājatkirīṭavalayaṃ maṇinūpuraśobhitam / dadarśa siddhani karaiḥ sevyamānamaharniśam
Sanskrit only: no published translation is held for this verse.
तं दृष्ट्वा भक्तिभावेन तुष्टाव मधुसूदनम् । शुक उवाच नमस्ते वासुदेवाय सर्वलोकैकसाक्षिणे
taṃ dṛṣṭvā bhaktibhāvena tuṣṭāva madhusūdanam / śuka uvāca namaste vāsudevāya sarvalokaikasākṣiṇe
Sanskrit only: no published translation is held for this verse.
जगद्बीजस्वरूपाय पूर्णाय निभृतात्मने । हरये वासुकिस्थाय श्वेतद्वीपनिवासिने
jagadbījasvarūpāya pūrṇāya nibhṛtātmane / haraye vāsukisthāya śvetadvīpanivāsine
Sanskrit only: no published translation is held for this verse.
हंसाय मत्स्यरूपाय वाराहतनुधारिणे । नृसिंहाय ध्रुवेज्याय सांख्ययोगेश्वराय च
haṃsāya matsyarūpāya vārāhatanudhāriṇe / nṛsiṃhāya dhruvejyāya sāṃkhyayogeśvarāya ca
Sanskrit only: no published translation is held for this verse.
चतुःसनाय कूर्माय पृथवे स्वसुरवात्मने । नाभेयाय जगद्धात्रे विधात्रेंऽतकारय च
catuḥsanāya kūrmāya pṛthave svasuravātmane / nābheyāya jagaddhātre vidhātreṃ'takāraya ca
Sanskrit only: no published translation is held for this verse.
भार्गवेन्द्राय रामाय राघवाय पराय च । कृष्णाय वेदकर्त्रे च बुद्धकल्किस्वरूपिणे
bhārgavendrāya rāmāya rāghavāya parāya ca / kṛṣṇāya vedakartre ca buddhakalkisvarūpiṇe
Sanskrit only: no published translation is held for this verse.
चतुर्व्युहाय वेद्याय ध्येयाय परमात्मने । नरनारायणाख्याय शिषिविष्टाय विष्णवे
caturvyuhāya vedyāya dhyeyāya paramātmane / naranārāyaṇākhyāya śiṣiviṣṭāya viṣṇave
Sanskrit only: no published translation is held for this verse.
ऋतधाम्ने विधाम्ने च सुपर्णाय स्वरोचिषे । ऋभवे सुव्रताख्याय सुधाम्ने चाजिताय च
ṛtadhāmne vidhāmne ca suparṇāya svarociṣe / ṛbhave suvratākhyāya sudhāmne cājitāya ca
Sanskrit only: no published translation is held for this verse.
विश्वरूपाय विश्वाय सृष्टिस्थित्यन्तकारिणे । यज्ञाय यज्ञभोक्ते च स्थविष्ठायाणवे ऽर्थिने
viśvarūpāya viśvāya sṛṣṭisthityantakāriṇe / yajñāya yajñabhokte ca sthaviṣṭhāyāṇave 'rthine
Sanskrit only: no published translation is held for this verse.
आदित्यसोमनेत्राय सहओजोबलाय च । ईज्याय साक्षिणे ऽजायबहुशीर्षाङ्घ्रिबाहवे
ādityasomanetrāya sahaojobalāya ca / ījyāya sākṣiṇe 'jāyabahuśīrṣāṅghribāhave
Sanskrit only: no published translation is held for this verse.
श्रीशाय श्रीनिवासाय भक्तवश्याय शार्ङ्गिणे । अष्टप्रकृत्यधीशाय ब्रह्मणे ऽनन्तसक्तये
śrīśāya śrīnivāsāya bhaktavaśyāya śārṅgiṇe / aṣṭaprakṛtyadhīśāya brahmaṇe 'nantasaktaye
Sanskrit only: no published translation is held for this verse.
बृहदारण्यवेद्याय हृषीकेशाय वेधसे । पुण्डरीकनिभाक्षाय क्षेत्रज्ञाय विभासिने
bṛhadāraṇyavedyāya hṛṣīkeśāya vedhase / puṇḍarīkanibhākṣāya kṣetrajñāya vibhāsine
Sanskrit only: no published translation is held for this verse.
गोविन्दाय जगत्कर्त्रे जगन्नाथाय योगिने । सत्याय सत्यसंधाय वैकुण्ठायाच्युताय च
govindāya jagatkartre jagannāthāya yogine / satyāya satyasaṃdhāya vaikuṇṭhāyācyutāya ca
Sanskrit only: no published translation is held for this verse.
अधोक्षजाय धर्माय वामनाय त्रिधातवे । घृतार्चिषे विष्णवे ते ऽनन्ताय कपिलायय च
adhokṣajāya dharmāya vāmanāya tridhātave / ghṛtārciṣe viṣṇave te 'nantāya kapilāyaya ca
Sanskrit only: no published translation is held for this verse.
विरिञ्चये त्रिककुदे ऋग्यजुःसामरूपिणे । एकशृङ्गाय च शुचिश्रवसे शास्त्रयोनये
viriñcaye trikakude ṛgyajuḥsāmarūpiṇe / ekaśṛṅgāya ca śuciśravase śāstrayonaye
Sanskrit only: no published translation is held for this verse.
वृषाकपय ऋद्धाय प्रभवे विश्वकर्मणे । भूर्भुवुःस्वःस्वरूपाय दैत्यघ्ने निर्गुणाय च
vṛṣākapaya ṛddhāya prabhave viśvakarmaṇe / bhūrbhuvuḥsvaḥsvarūpāya daityaghne nirguṇāya ca
Sanskrit only: no published translation is held for this verse.
निरञ्जनाय नित्याय ह्यव्ययायाक्षराय च । नमस्ते पाहि मामीश शरणागतवत्सल
nirañjanāya nityāya hyavyayāyākṣarāya ca / namaste pāhi māmīśa śaraṇāgatavatsala
Sanskrit only: no published translation is held for this verse.
इति स्तुतः स भगवाञ्च्छङ्खचक्रगदाधरः । आरणेयमुवाचेदं भृशं प्रणतवत्सलः
iti stutaḥ sa bhagavāñcchaṅkhacakragadādharaḥ / āraṇeyamuvācedaṃ bhṛśaṃ praṇatavatsalaḥ
Sanskrit only: no published translation is held for this verse.
श्रीभगवानुवाच व्यासपुत्र महाभाग प्रीतो ऽस्मि तव सुव्रत । विद्यामाप्नुहि भक्तिं च ज्ञानी त्वं मम रूपधृक्
śrībhagavānuvāca vyāsaputra mahābhāga prīto 'smi tava suvrata / vidyāmāpnuhi bhaktiṃ ca jñānī tvaṃ mama rūpadhṛk
Sanskrit only: no published translation is held for this verse.
यद्रूपं मम दृष्टं प्राक् श्वेतद्वीपे त्वया द्विज । सो ऽहमेवावतारार्थं स्थितो विश्वंभरात्मकः
yadrūpaṃ mama dṛṣṭaṃ prāk śvetadvīpe tvayā dvija / so 'hamevāvatārārthaṃ sthito viśvaṃbharātmakaḥ
Sanskrit only: no published translation is held for this verse.
सिद्धो ऽसि त्वं महाभाग मोक्षधर्मानुनुचिन्तया । वरलोकान्यथा वायुर्यथा रवं सविता तथा
siddho 'si tvaṃ mahābhāga mokṣadharmānunucintayā / varalokānyathā vāyuryathā ravaṃ savitā tathā
Sanskrit only: no published translation is held for this verse.
नित्यमुक्तस्वरूपस्त्वं पूज्यमानः सुरैर्नरैः । भक्तिर्हि दुर्लभा लोके मयि सर्वपरायणे
nityamuktasvarūpastvaṃ pūjyamānaḥ surairnaraiḥ / bhaktirhi durlabhā loke mayi sarvaparāyaṇe
Sanskrit only: no published translation is held for this verse.
तां लब्ध्वा नापरं किञ्चिल्लब्धव्यमवशिष्यते । आकल्पान्तः तपः संस्थौ नरनारायणावृषी
tāṃ labdhvā nāparaṃ kiñcillabdhavyamavaśiṣyate / ākalpāntaḥ tapaḥ saṃsthau naranārāyaṇāvṛṣī
Sanskrit only: no published translation is held for this verse.
तयोर्निदेशतो व्यासो जनक स्तव सुव्रतः । कर्ता भागवतं शास्त्रं तदधीष्व भुवं व्रज
tayornideśato vyāso janaka stava suvrataḥ / kartā bhāgavataṃ śāstraṃ tadadhīṣva bhuvaṃ vraja
Sanskrit only: no published translation is held for this verse.
स तप्यति तपस्त्वद्य पर्वते गन्धमादने । त्वद्वियोगेन खिन्नात्मा तं प्रसादय मत्प्रियम्
sa tapyati tapastvadya parvate gandhamādane / tvadviyogena khinnātmā taṃ prasādaya matpriyam
Sanskrit only: no published translation is held for this verse.
एवमुक्तः शुको विप्र नमस्कृत्य चतुर्भुजम् । यथागतं निवृत्तो ऽसौ पितुरन्तिकमागमत्
evamuktaḥ śuko vipra namaskṛtya caturbhujam / yathāgataṃ nivṛtto 'sau piturantikamāgamat
Sanskrit only: no published translation is held for this verse.
अथ तं स्वन्तिके दृष्ट्वा पाराशर्य्यः प्रतापवान् । पुत्रं प्राप्य प्रहृष्टात्मा तपसो निववर्त ह
atha taṃ svantike dṛṣṭvā pārāśaryyaḥ pratāpavān / putraṃ prāpya prahṛṣṭātmā tapaso nivavarta ha
Sanskrit only: no published translation is held for this verse.
नारायणं नमस्कृत्य नरं चैव नरोत्तमम् । आरणेयसमायुक्तः स्वाश्रमं समुपागमत्
nārāyaṇaṃ namaskṛtya naraṃ caiva narottamam / āraṇeyasamāyuktaḥ svāśramaṃ samupāgamat
Sanskrit only: no published translation is held for this verse.
नारायणनियोगात्तु त्वन्मुखेन मुनीश्वर । चकार संहितां दिव्यां नानाख्यानसमन्विताम्
nārāyaṇaniyogāttu tvanmukhena munīśvara / cakāra saṃhitāṃ divyāṃ nānākhyānasamanvitām
Sanskrit only: no published translation is held for this verse.
वेदतुल्यां भागवतीं हरिभक्तिविवर्द्धिनीम् । निवृत्तिनिरतं पुत्रं शुकमध्यापयञ्च ताम्
vedatulyāṃ bhāgavatīṃ haribhaktivivarddhinīm / nivṛttinirataṃ putraṃ śukamadhyāpayañca tām
Sanskrit only: no published translation is held for this verse.
आत्मारामो ऽपि भगवान्पाराशर्यात्मजः शुकः । अधीतवान्संहितां वै नित्यं विष्णुजनप्रियाम्
ātmārāmo 'pi bhagavānpārāśaryātmajaḥ śukaḥ / adhītavānsaṃhitāṃ vai nityaṃ viṣṇujanapriyām
Sanskrit only: no published translation is held for this verse.
एवमेते समाख्याता मोक्षधर्मास्तवानध । पठतां शृण्वतां चापि हरिभक्तिविवर्द्धनाः
evamete samākhyātā mokṣadharmāstavānadha / paṭhatāṃ śṛṇvatāṃ cāpi haribhaktivivarddhanāḥ
Sanskrit only: no published translation is held for this verse.