Library·Nārada Purāṇa·1·1.65
इति श्रीबृहन्नारदीयपुराणे पूर्वभागे बृहदुपाख्याने तृतीयपादे चतुःषष्टितमो ऽध्यायः सनत्कुमार उवाच परीक्ष्य शिष्यं तु गुरुर्मन्त्रशोधनमाचरेत् । प्राक्प्रत्यग्दक्षिणोदक्चपञ्चसूत्राणि पातयेत्
iti śrībṛhannāradīyapurāṇe pūrvabhāge bṛhadupākhyāne tṛtīyapāde catuḥṣaṣṭitamo 'dhyāyaḥ sanatkumāra uvāca parīkṣya śiṣyaṃ tu gururmantraśodhanamācaret / prākpratyagdakṣiṇodakcapañcasūtrāṇi pātayet
Sanskrit only: no published translation is held for this verse.
चतुष्टयं चतुष्कानां स्यादेवं नृपकोष्टके । तत्राद्यप्रथमे त्वाद्यं द्वितीयाद्ये द्वितीयकम्
catuṣṭayaṃ catuṣkānāṃ syādevaṃ nṛpakoṣṭake / tatrādyaprathame tvādyaṃ dvitīyādye dvitīyakam
Sanskrit only: no published translation is held for this verse.
तृतीयाद्ये तृतीयं स्याञ्च तुर्थाद्ये तुरीयकम् । तत्तदाग्नेयकोष्टेषु तत्तत्पञ्चममक्षरम्
tṛtīyādye tṛtīyaṃ syāñca turthādye turīyakam / tattadāgneyakoṣṭeṣu tattatpañcamamakṣaram
Sanskrit only: no published translation is held for this verse.
विलिख्य क्रमतो धीमान्मनुं संशोधयेत्ततः । नामाद्यक्षरमारभ्य यावन्मन्त्रादि वर्णकम्
vilikhya kramato dhīmānmanuṃ saṃśodhayettataḥ / nāmādyakṣaramārabhya yāvanmantrādi varṇakam
Sanskrit only: no published translation is held for this verse.
चतुष्के यत्र नामार्णस्तत्स्यात्सिद्धिचतुष्ककम् । प्रादक्षिण्यात्तद्द्वितीयं साध्याख्यं परिकीर्तितम्
catuṣke yatra nāmārṇastatsyātsiddhicatuṣkakam / prādakṣiṇyāttaddvitīyaṃ sādhyākhyaṃ parikīrtitam
Sanskrit only: no published translation is held for this verse.
तृतीयं पुंसि सिद्धाख्यं तुरीयमरिसंज्ञकम् । द्वयोर्वर्णावेककोष्टे सिद्धसिद्धेति तन्मतम्
tṛtīyaṃ puṃsi siddhākhyaṃ turīyamarisaṃjñakam / dvayorvarṇāvekakoṣṭe siddhasiddheti tanmatam
Sanskrit only: no published translation is held for this verse.
तद्द्वितीये तु मन्त्रार्णे सिद्धसाध्यः प्रकीर्तितः । तृतीये तत्सुसिद्धः स्यात्सिद्धारिस्तञ्चतुर्थके
taddvitīye tu mantrārṇe siddhasādhyaḥ prakīrtitaḥ / tṛtīye tatsusiddhaḥ syātsiddhāristañcaturthake
Sanskrit only: no published translation is held for this verse.
नामार्णान्यचतुष्कात्तु द्वितीये मन्त्रवर्णके । चतुष्के चेत्तदा पूर्वं यत्र नामाक्षरं स्थितम्
nāmārṇānyacatuṣkāttu dvitīye mantravarṇake / catuṣke cettadā pūrvaṃ yatra nāmākṣaraṃ sthitam
Sanskrit only: no published translation is held for this verse.
तत्र तत्कोष्टमारभ्य गणयेत्पूर्ववत्क्रमात् । साध्यसिद्धः साध्यसाध्यस्तत्सुसिद्धश्च तद्रिप्रुः
tatra tatkoṣṭamārabhya gaṇayetpūrvavatkramāt / sādhyasiddhaḥ sādhyasādhyastatsusiddhaśca tadripruḥ
Sanskrit only: no published translation is held for this verse.
तृतीये चेञ्चतुष्के तु यदि स्यान्मन्त्रवर्णकः । तदा पूर्वोक्तरीत्या तु क्रमाद्द्वेयं मनीषिभिः
tṛtīye ceñcatuṣke tu yadi syānmantravarṇakaḥ / tadā pūrvoktarītyā tu kramāddveyaṃ manīṣibhiḥ
Sanskrit only: no published translation is held for this verse.
सुसिद्धसिद्धस्तत्साध्यस्तत्सुसिद्धश्च तदृषिः । तुरीये चेञ्चतुष्के तु तदैवं गणयेत्सुधीः
susiddhasiddhastatsādhyastatsusiddhaśca tadṛṣiḥ / turīye ceñcatuṣke tu tadaivaṃ gaṇayetsudhīḥ
Sanskrit only: no published translation is held for this verse.
अरिसिद्धो ऽरिसाध्यश्च तत्सुसिद्धश्च तद्रिपुः । रिद्धसिद्धो यथोक्तेन द्विगुणात्सिद्धिसाध्यकः
arisiddho 'risādhyaśca tatsusiddhaśca tadripuḥ / riddhasiddho yathoktena dviguṇātsiddhisādhyakaḥ
Sanskrit only: no published translation is held for this verse.
सिद्धः सुसिद्धोर्द्धतयात्सिद्धारिर्हति गोत्रजान् । द्विगुणात्साध्यसिद्धस्तु साध्यसाध्यो विलंबतः
siddhaḥ susiddhorddhatayātsiddhārirhati gotrajān / dviguṇātsādhyasiddhastu sādhyasādhyo vilaṃbataḥ
Sanskrit only: no published translation is held for this verse.
साध्यः सुसिद्धो द्विगुणात्साध्यारिर्हन्ति बान्धवान् । सुसिद्धसिद्धोर्द्धतया तत्साध्यो द्विगुणाज्जपात्
sādhyaḥ susiddho dviguṇātsādhyārirhanti bāndhavān / susiddhasiddhorddhatayā tatsādhyo dviguṇājjapāt
Sanskrit only: no published translation is held for this verse.
तत्सुसिद्धप्राप्तिमात्रात्सुसिद्धारिः कुटुंबहृत् । अरिसिद्धस्तु पुत्रध्नो ऽरिशाध्यः कन्यकापहः
tatsusiddhaprāptimātrātsusiddhāriḥ kuṭuṃbahṛt / arisiddhastu putradhno 'riśādhyaḥ kanyakāpahaḥ
Sanskrit only: no published translation is held for this verse.
तत्सुसिद्धः कलत्रध्नः साधकध्नोरे ऽप्यरिः स्मृतः । अन्ये ऽप्यत्र प्रकारा हि संति वै बहव्ॐ मुने
tatsusiddhaḥ kalatradhnaḥ sādhakadhnore 'pyariḥ smṛtaḥ / anye 'pyatra prakārā hi saṃti vai bahavoṃ mune
Sanskrit only: no published translation is held for this verse.
सर्वेषु मुख्यो ऽयं ते ऽत्र कथितो कथहाभिधः । एवं संशोध्य मन्त्रं तु शुद्धे काले स्थले तथा
sarveṣu mukhyo 'yaṃ te 'tra kathito kathahābhidhaḥ / evaṃ saṃśodhya mantraṃ tu śuddhe kāle sthale tathā
Sanskrit only: no published translation is held for this verse.
दीक्षयेञ्च गुरुः शिष्यं तद्विधानमुदीर्यते । नित्यकृत्यं विधायाथ प्रणम्यगुरुपादुकाम्
dīkṣayeñca guruḥ śiṣyaṃ tadvidhānamudīryate / nityakṛtyaṃ vidhāyātha praṇamyagurupādukām
Sanskrit only: no published translation is held for this verse.
प्रार्थयेत्सद्गुरुं भक्त्याभीषअटार्थमादृतः । संपूज्य वस्त्रालङ्कारगोहिरण्यधरादिभिः
prārthayetsadguruṃ bhaktyābhīṣaaṭārthamādṛtaḥ / saṃpūjya vastrālaṅkāragohiraṇyadharādibhiḥ
Sanskrit only: no published translation is held for this verse.
कृत्वा स्वस्ति विधानं तु मण्डलादि च तुष्टिमान् । गुरुः शिष्येण सहितः शुचिर्यागगृहं विशेत्
kṛtvā svasti vidhānaṃ tu maṇḍalādi ca tuṣṭimān / guruḥ śiṣyeṇa sahitaḥ śuciryāgagṛhaṃ viśet
Sanskrit only: no published translation is held for this verse.
सामान्यार्घोदकेनाथ संप्रोक्ष्य द्वारमस्त्रतः । दिव्यानुत्सारयेद्विघ्नान्नभस्थानर्च्य वारिणा
sāmānyārghodakenātha saṃprokṣya dvāramastrataḥ / divyānutsārayedvighnānnabhasthānarcya vāriṇā
Sanskrit only: no published translation is held for this verse.
पार्ष्णिघातैस्त्रिभिर्भौंमांस्ततः कर्म समाचरेत् । वर्णकैः सर्वतोभद्रे यथोक्तपरिकल्पिते
pārṣṇighātaistribhirbhauṃmāṃstataḥ karma samācaret / varṇakaiḥ sarvatobhadre yathoktaparikalpite
Sanskrit only: no published translation is held for this verse.
वह्निमण्डलमभ्यर्च्य तत्कलाः परिपूज्य च । अस्त्रप्रक्षालितं कुंभं यथाशक्ति विनिर्मितम्
vahnimaṇḍalamabhyarcya tatkalāḥ paripūjya ca / astraprakṣālitaṃ kuṃbhaṃ yathāśakti vinirmitam
Sanskrit only: no published translation is held for this verse.
तत्र संस्थाप्य विधिवत्तत्र भानोः कलां यजेत् । विलोममातृकामूलमुञ्चरन् शुद्धवारिणा
tatra saṃsthāpya vidhivattatra bhānoḥ kalāṃ yajet / vilomamātṛkāmūlamuñcaran śuddhavāriṇā
Sanskrit only: no published translation is held for this verse.
आपूर्य कुंभं तत्रार्चेत्सोमस्य विधिवत्कलाः । धूम्रार्चिरूष्मा ज्वलिनी ज्वालिनी विस्फुलिङ्गिनी
āpūrya kuṃbhaṃ tatrārcetsomasya vidhivatkalāḥ / dhūmrārcirūṣmā jvalinī jvālinī visphuliṅginī
Sanskrit only: no published translation is held for this verse.
सुश्रीः सुरूपा कपिला हव्यकव्यवहा तथा । वह्नेर्दश कलाः प्रोक्ताः प्रोच्यन्ते ऽथ रवेः कलाः
suśrīḥ surūpā kapilā havyakavyavahā tathā / vahnerdaśa kalāḥ proktāḥ procyante 'tha raveḥ kalāḥ
Sanskrit only: no published translation is held for this verse.
तपिनी तापिनी धूम्रा मरीचिज्वालिनी रुचिः । सुषुम्णा भोगदा विश्वा बोधिनी धारिणी क्षमा
tapinī tāpinī dhūmrā marīcijvālinī ruciḥ / suṣumṇā bhogadā viśvā bodhinī dhāriṇī kṣamā
Sanskrit only: no published translation is held for this verse.
अथेन्द्रोश्च कला ज्ञेया ह्यमृता मानदा पुनः । पूषा तुष्टिश्च पुष्टिश्च रतिश्च धृतिसंज्ञिकाः
athendrośca kalā jñeyā hyamṛtā mānadā punaḥ / pūṣā tuṣṭiśca puṣṭiśca ratiśca dhṛtisaṃjñikāḥ
Sanskrit only: no published translation is held for this verse.
शशिनी चन्द्रिका कातिर्ज्योत्स्ना श्रीः प्रीतिरङ्गदा । पूर्णापूर्णामृता चेति प्रोक्ताश्चन्द्रमसः कलाः
śaśinī candrikā kātirjyotsnā śrīḥ prītiraṅgadā / pūrṇāpūrṇāmṛtā ceti proktāścandramasaḥ kalāḥ
Sanskrit only: no published translation is held for this verse.
वस्रयुग्मेन संवेष्ट्य तस्मिन्सर्वैषधीः क्षिपेत् । नवरत्नानि निक्षिप्य विन्यसेत्पञ्चपल्लवान्
vasrayugmena saṃveṣṭya tasminsarvaiṣadhīḥ kṣipet / navaratnāni nikṣipya vinyasetpañcapallavān
Sanskrit only: no published translation is held for this verse.
पनसाम्रवटाश्वत्थवकुलेति च तान् विदुः । मुक्तामाणिक्यवैडूर्यगोमेदान्वज्रविद्रुमौ
panasāmravaṭāśvatthavakuleti ca tān viduḥ / muktāmāṇikyavaiḍūryagomedānvajravidrumau
Sanskrit only: no published translation is held for this verse.
पद्मरागं मरकतं नीलं चेति यथाक्रम् । एवं रत्नानि निक्षिप्य तत्रावाह्येष्टदेवताम्
padmarāgaṃ marakataṃ nīlaṃ ceti yathākram / evaṃ ratnāni nikṣipya tatrāvāhyeṣṭadevatām
Sanskrit only: no published translation is held for this verse.
संपूज्य विधिवन्मन्त्री ततः शिष्यं स्वलङ्कृतम् । वेद्यां संवेश्य संप्रोक्ष्य प्रोक्षणीस्थेन वारिणा
saṃpūjya vidhivanmantrī tataḥ śiṣyaṃ svalaṅkṛtam / vedyāṃ saṃveśya saṃprokṣya prokṣaṇīsthena vāriṇā
Sanskrit only: no published translation is held for this verse.
भूतशुद्ध्यादिकं कत्वा तच्छरीरे विधानतः । न्यासजालेन संशोध्य मूर्ध्नि विन्यस्य पल्लवान्
bhūtaśuddhyādikaṃ katvā taccharīre vidhānataḥ / nyāsajālena saṃśodhya mūrdhni vinyasya pallavān
Sanskrit only: no published translation is held for this verse.
अष्टोत्तरशतेनाथ मूलमन्त्रेण मन्त्रितैः । अभिषिञ्चेत्प्रियं शिष्यं जपन्मूलमनुं हृदि
aṣṭottaraśatenātha mūlamantreṇa mantritaiḥ / abhiṣiñcetpriyaṃ śiṣyaṃ japanmūlamanuṃ hṛdi
Sanskrit only: no published translation is held for this verse.
शिष्टोदकेन वाचम्य परिधायांबरं शिशुः । गुरुं प्रणम्य विधिवत्संविशेत्पुरतः शुचिः
śiṣṭodakena vācamya paridhāyāṃbaraṃ śiśuḥ / guruṃ praṇamya vidhivatsaṃviśetpurataḥ śuciḥ
Sanskrit only: no published translation is held for this verse.
अथ शिष्यस्य शिरसि हस्तं दत्वा गुरुस्ततः । जपेदष्टोत्तरशतं देयमन्त्रं विधानतः
atha śiṣyasya śirasi hastaṃ datvā gurustataḥ / japedaṣṭottaraśataṃ deyamantraṃ vidhānataḥ
Sanskrit only: no published translation is held for this verse.
समो ऽस्त्वित्यक्षरान्दद्यात्ततऋ शिष्योर्ऽचयेद्गुरुम् । ततः सचन्दनं हस्तं दत्वा शिष्यस्य मस्तके
samo 'stvityakṣarāndadyāttataṛ śiṣyor'cayedgurum / tataḥ sacandanaṃ hastaṃ datvā śiṣyasya mastake
Sanskrit only: no published translation is held for this verse.
तत्कर्णे प्रवदेद्विद्यामष्टवारं समाहितः । संप्राप्तविद्यः शिष्यो ऽपि निपतेद्गुरुपादयोः
tatkarṇe pravadedvidyāmaṣṭavāraṃ samāhitaḥ / saṃprāptavidyaḥ śiṣyo 'pi nipatedgurupādayoḥ
Sanskrit only: no published translation is held for this verse.
उत्तिष्ठ वत्स मुक्ते ऽसि सम्यगाचारवान्भव । कीर्तिश्रीकान्तिपुत्रायुर्बलारोग्य सदास्तु ते
uttiṣṭha vatsa mukte 'si samyagācāravānbhava / kīrtiśrīkāntiputrāyurbalārogya sadāstu te
Sanskrit only: no published translation is held for this verse.
ततः शिष्यः समुत्थाय गन्धाद्यैर्गुरुमर्चयेत् । दद्याञ्च दक्षिणां तस्मै वित्तशाठ्यविवर्जितः
tataḥ śiṣyaḥ samutthāya gandhādyairgurumarcayet / dadyāñca dakṣiṇāṃ tasmai vittaśāṭhyavivarjitaḥ
Sanskrit only: no published translation is held for this verse.
संप्राप्यैवं गुरोर्मन्त्रं तदारभ्य धनादिभिः । देहपुत्रकलत्रैश्च गुरुसेवापरो भवेत्
saṃprāpyaivaṃ gurormantraṃ tadārabhya dhanādibhiḥ / dehaputrakalatraiśca gurusevāparo bhavet
Sanskrit only: no published translation is held for this verse.
स्वष्टदेवं यजेन्मध्ये दत्वा पुष्पाञ्जलिं ततः । अग्निनैरृतिवागीशान् क्रमेण परिपीजयेत्
svaṣṭadevaṃ yajenmadhye datvā puṣpāñjaliṃ tataḥ / agninairṛtivāgīśān krameṇa paripījayet
Sanskrit only: no published translation is held for this verse.
यदा मध्ये यजेद्विष्णुं बाह्यादिषु विनायकम् । रविं शिवां शिवं चैव यदा मध्ये तु शङ्करम्
yadā madhye yajedviṣṇuṃ bāhyādiṣu vināyakam / raviṃ śivāṃ śivaṃ caiva yadā madhye tu śaṅkaram
Sanskrit only: no published translation is held for this verse.
रविं गणेशमंबां च हरिं चाथ यदा शिवाम् । ईशं विघ्नार्कगोविन्दान्मध्ये चेद्गणनायकम्
raviṃ gaṇeśamaṃbāṃ ca hariṃ cātha yadā śivām / īśaṃ vighnārkagovindānmadhye cedgaṇanāyakam
Sanskrit only: no published translation is held for this verse.
शिवं शिवां रविं विष्णुं रवौ मध्यगते पुनः । गणेषं विष्णुमंबां च शिवं चेति यथाक्रमम्
śivaṃ śivāṃ raviṃ viṣṇuṃ ravau madhyagate punaḥ / gaṇeṣaṃ viṣṇumaṃbāṃ ca śivaṃ ceti yathākramam
Sanskrit only: no published translation is held for this verse.
एवं नित्य समभ्यर्च्य देवपञ्चकमादृतः । ब्राह्मे मुहूर्त्ते ह्युत्थाय कृत्वाचा वश्यकं बुधः
evaṃ nitya samabhyarcya devapañcakamādṛtaḥ / brāhme muhūrtte hyutthāya kṛtvācā vaśyakaṃ budhaḥ
Sanskrit only: no published translation is held for this verse.
अशङ्कितो वा शय्यायां स्वकीयशिरसि स्मरेत् । सहस्रदलशुक्लाब्जकार्ंणकास्थदुमण्डले
aśaṅkito vā śayyāyāṃ svakīyaśirasi smaret / sahasradalaśuklābjakārṃṇakāsthadumaṇḍale
Sanskrit only: no published translation is held for this verse.
अकथादित्रिकोणस्थं वराभयकरं गुरुम् । द्विनेत्रं द्विभुजं शुक्लगन्धमाल्यानुंलेपनम्
akathāditrikoṇasthaṃ varābhayakaraṃ gurum / dvinetraṃ dvibhujaṃ śuklagandhamālyānuṃlepanam
Sanskrit only: no published translation is held for this verse.
वामे शक्त्या युतं ध्यात्वा मानसैरुपचारकैः । आराध्य पादुकामन्त्रं दशधाप्रजपेत्सुधीः
vāme śaktyā yutaṃ dhyātvā mānasairupacārakaiḥ / ārādhya pādukāmantraṃ daśadhāprajapetsudhīḥ
Sanskrit only: no published translation is held for this verse.
वा माया श्रीर्भगेन्द्वाढ्या वियद्धंसखकाग्नयः । हसक्षमलवार्यग्निवामकर्णैदुयुग्मरुत्
vā māyā śrīrbhagendvāḍhyā viyaddhaṃsakhakāgnayaḥ / hasakṣamalavāryagnivāmakarṇaiduyugmarut
Sanskrit only: no published translation is held for this verse.
ततो भृग्वाकाशरवाग्निभगेन्द्वाढ्याः परन्तिमः । सहक्षमलतोयाग्निचन्द्रशान्तियुतो मरुत्
tato bhṛgvākāśaravāgnibhagendvāḍhyāḥ parantimaḥ / sahakṣamalatoyāgnicandraśāntiyuto marut
Sanskrit only: no published translation is held for this verse.
ततः श्रीश्चामुकान्ते तु नन्दनाथामुकी पुनः । देव्यंबान्ते श्रीपान्दुकां पूजयामि हृदन्तिमे
tataḥ śrīścāmukānte tu nandanāthāmukī punaḥ / devyaṃbānte śrīpāndukāṃ pūjayāmi hṛdantime
Sanskrit only: no published translation is held for this verse.
अयं श्रीपादुकामन्त्रः सर्वसिद्धिप्रदो नृणाम् । गुह्येति च समर्प्याथ मन्त्रैरेतैर्नमेत्सुधीः
ayaṃ śrīpādukāmantraḥ sarvasiddhiprado nṛṇām / guhyeti ca samarpyātha mantrairetairnametsudhīḥ
Sanskrit only: no published translation is held for this verse.
अखण्डमण्डलाकारं व्याप्तं येन चराचरम् । तत्पदं दर्शितं येन तस्मै श्रीगुरवे नमः
akhaṇḍamaṇḍalākāraṃ vyāptaṃ yena carācaram / tatpadaṃ darśitaṃ yena tasmai śrīgurave namaḥ
Sanskrit only: no published translation is held for this verse.
अज्ञानतिमिरान्धस्य ज्ञानाञ्जनशलाकया । चक्षुरुन्मीलितं येन तस्मै श्रीगुरवे नमः
ajñānatimirāndhasya jñānāñjanaśalākayā / cakṣurunmīlitaṃ yena tasmai śrīgurave namaḥ
Sanskrit only: no published translation is held for this verse.
नमो ऽस्तु गुरवे तस्मा इष्टदेवस्वरूपिणे । यस्य वागमृतं हॄन्ति विषं संसारसंज्ञकम्
namo 'stu gurave tasmā iṣṭadevasvarūpiṇe / yasya vāgamṛtaṃ hṝnti viṣaṃ saṃsārasaṃjñakam
Sanskrit only: no published translation is held for this verse.
इति नत्वा पठेत्स्तोत्रं सद्यः प्रत्ययकारकम् । ॐ नमस्ते नाथ भगवान् शिवाय गुरुरूपिणे
iti natvā paṭhetstotraṃ sadyaḥ pratyayakārakam / oṃ namaste nātha bhagavān śivāya gururūpiṇe
Sanskrit only: no published translation is held for this verse.
विद्यावतारसंसिद्ध्यै स्वीकृतानेकविग्रह । नवाय तनरूपाय परमार्थैकरूपिणे
vidyāvatārasaṃsiddhyai svīkṛtānekavigraha / navāya tanarūpāya paramārthaikarūpiṇe
Sanskrit only: no published translation is held for this verse.
सर्वाज्ञानतमोभेदभानवे चिद्धनाय ते । स्ततन्त्राय दयाकॢप्तविग्रहाय शिवात्मने
sarvājñānatamobhedabhānave ciddhanāya te / statantrāya dayākḷptavigrahāya śivātmane
Sanskrit only: no published translation is held for this verse.
परत्र त्राय भक्तानां भव्यानां भावरूपिणे । विवेकिनां विवेकाय विमर्शाय विमर्शिनाम्
paratra trāya bhaktānāṃ bhavyānāṃ bhāvarūpiṇe / vivekināṃ vivekāya vimarśāya vimarśinām
Sanskrit only: no published translation is held for this verse.
प्रकाशानां प्रकाशाय ज्ञानिनां ज्ञानरूपिणे । पुरस्तात्पार्श्वयोः पृष्टे नमस्तुभ्यमुपर्यधः
prakāśānāṃ prakāśāya jñānināṃ jñānarūpiṇe / purastātpārśvayoḥ pṛṣṭe namastubhyamuparyadhaḥ
Sanskrit only: no published translation is held for this verse.
सदा सञ्चित्स्वरूपेण विधेहि भवदासनम् । त्वत्प्रसादादहं देव कृताकृत्यो ऽस्मि सर्वतः
sadā sañcitsvarūpeṇa vidhehi bhavadāsanam / tvatprasādādahaṃ deva kṛtākṛtyo 'smi sarvataḥ
Sanskrit only: no published translation is held for this verse.
मायामृत्युमहापाशाद्विमुक्तो ऽस्मि शिवो ऽस्मि वः । इति स्तुत्वा ततः सर्व गुरवे विनिवेदयेत्
māyāmṛtyumahāpāśādvimukto 'smi śivo 'smi vaḥ / iti stutvā tataḥ sarva gurave vinivedayet
Sanskrit only: no published translation is held for this verse.
प्रातः प्रभृति सायान्तं सांयादिप्रातरन्ततः । यत्करोमि जगन्नाथ तदस्तु तव पूजनम्
prātaḥ prabhṛti sāyāntaṃ sāṃyādiprātarantataḥ / yatkaromi jagannātha tadastu tava pūjanam
Sanskrit only: no published translation is held for this verse.
ततश्च गुरुपादाब्जगलितामृतधारया । क्षालितं निजमात्मानं लिर्मलं भावयेत्सुधीः
tataśca gurupādābjagalitāmṛtadhārayā / kṣālitaṃ nijamātmānaṃ lirmalaṃ bhāvayetsudhīḥ
Sanskrit only: no published translation is held for this verse.
मूलादिब्रह्मरन्ध्रान्तं मूलविद्यां विभावयेत् । मूलाधारादधो भागे वर्तुलं वायुमण्डलम्
mūlādibrahmarandhrāntaṃ mūlavidyāṃ vibhāvayet / mūlādhārādadho bhāge vartulaṃ vāyumaṇḍalam
Sanskrit only: no published translation is held for this verse.
तत्रस्थवायुबीजोत्थवायुना च तद्रूर्द्ध्वकम् । त्रिकोणं मण्डलं वह्नेस्तत्रस्थवह्निबीजतः
tatrasthavāyubījotthavāyunā ca tadrūrddhvakam / trikoṇaṃ maṇḍalaṃ vahnestatrasthavahnibījataḥ
Sanskrit only: no published translation is held for this verse.
उत्पन्नेनाग्निना मूलाधारावस्थितविग्रहाम् । प्रसुप्तभुजगाकारां स्वयंभूलिङ्गवेष्टिनीम्
utpannenāgninā mūlādhārāvasthitavigrahām / prasuptabhujagākārāṃ svayaṃbhūliṅgaveṣṭinīm
Sanskrit only: no published translation is held for this verse.
विसतन्तुनिभां कोटिविद्युदाभां तनीयसीम् । कुलकुण्डलिनीं ध्यात्वा कूर्चेनोत्थापयेञ्च ताम्
visatantunibhāṃ koṭividyudābhāṃ tanīyasīm / kulakuṇḍalinīṃ dhyātvā kūrcenotthāpayeñca tām
Sanskrit only: no published translation is held for this verse.
सुषुम्णावर्त्मनातां च षट्चक्रक्रमभेदिनीम् । गुरुपदिष्टविधिना ब्रह्मरन्ध्रं नयेत्सुधीः
suṣumṇāvartmanātāṃ ca ṣaṭcakrakramabhedinīm / gurupadiṣṭavidhinā brahmarandhraṃ nayetsudhīḥ
Sanskrit only: no published translation is held for this verse.
तत्रस्थामृतसंमग्नीकृत्यात्मानं विभावयेत् । तत्प्रभापटलव्याप्तैविमलं चिन्मयं परम्
tatrasthāmṛtasaṃmagnīkṛtyātmānaṃ vibhāvayet / tatprabhāpaṭalavyāptaivimalaṃ cinmayaṃ param
Sanskrit only: no published translation is held for this verse.
पुनस्तां स्वस्थलं नीत्वा हृदिदेवं विचिन्तयन् । दृष्ट्वा च मानसैर्द्रव्यैः प्रार्थयेन्मनुनामुना
punastāṃ svasthalaṃ nītvā hṛdidevaṃ vicintayan / dṛṣṭvā ca mānasairdravyaiḥ prārthayenmanunāmunā
Sanskrit only: no published translation is held for this verse.
त्रैलोक्यचैत न्यमयादिदेव श्रीनाथ विष्णो भवदाज्ञयैव । प्रातः समुत्थाय तव प्रियार्थं संसारयात्रां त्वनुवर्तयिष्ये
trailokyacaita nyamayādideva śrīnātha viṣṇo bhavadājñayaiva / prātaḥ samutthāya tava priyārthaṃ saṃsārayātrāṃ tvanuvartayiṣye
Sanskrit only: no published translation is held for this verse.
विष्णोरिति स्थले विप्र कार्य ऊहो ऽन्यदैवते । तततः कुर्यात्सर्वसिद्ध्यै त्वजपाया निवेदनम्
viṣṇoriti sthale vipra kārya ūho 'nyadaivate / tatataḥ kuryātsarvasiddhyai tvajapāyā nivedanam
Sanskrit only: no published translation is held for this verse.
षट्शतानि दिवा रात्रौ सहस्राण्येकविंशतिः । अजपाख्यां तु गायत्रीं जीवोजपति सर्वदा
ṣaṭśatāni divā rātrau sahasrāṇyekaviṃśatiḥ / ajapākhyāṃ tu gāyatrīṃ jīvojapati sarvadā
Sanskrit only: no published translation is held for this verse.
ऋषिर्हंसस्तथाव्यक्तगात्रीछन्द ईरितम् । देवता परमोहंसश्चाद्यन्ते बीजशक्तिकम्
ṛṣirhaṃsastathāvyaktagātrīchanda īritam / devatā paramohaṃsaścādyante bījaśaktikam
Sanskrit only: no published translation is held for this verse.
ततः षडङ्गं कुर्वीत सूर्यः सोमोनिरञ्जनः । निराभासश्च धर्मश्च ज्ञानं चेति तथा पुनः
tataḥ ṣaḍaṅgaṃ kurvīta sūryaḥ somonirañjanaḥ / nirābhāsaśca dharmaśca jñānaṃ ceti tathā punaḥ
Sanskrit only: no published translation is held for this verse.
क्रमादेतान्हंसपूर्वानात्मनेपदपश्चिमान् । जातयुक्तान्साधकेन्द्र षडङ्गेषु नियोजयेत्
kramādetānhaṃsapūrvānātmanepadapaścimān / jātayuktānsādhakendra ṣaḍaṅgeṣu niyojayet
Sanskrit only: no published translation is held for this verse.
हकारः सूर्यसंकाशतेजाः संगच्छते बहिः । सकारस्तादृशश्चैव प्रवेशे ध्यानमीरितम्
hakāraḥ sūryasaṃkāśatejāḥ saṃgacchate bahiḥ / sakārastādṛśaścaiva praveśe dhyānamīritam
Sanskrit only: no published translation is held for this verse.
एवं ध्यात्वार्पयेद्धीमान्वह्न्यर्केषु विभागशः । मूलाधारे वादिसांतबीजयुक्ते चतुर्दले
evaṃ dhyātvārpayeddhīmānvahnyarkeṣu vibhāgaśaḥ / mūlādhāre vādisāṃtabījayukte caturdale
Sanskrit only: no published translation is held for this verse.
बन्धूकाभे स्वशक्त्या तु सहितापास्वगाय च । पाशाङ्कुशसुधापात्रमोदकोल्लासपाणये
bandhūkābhe svaśaktyā tu sahitāpāsvagāya ca / pāśāṅkuśasudhāpātramodakollāsapāṇaye
Sanskrit only: no published translation is held for this verse.
षट्शतं तु गणेशाय वागधीशाय चार्पयेत् । स्वाधिष्टाने विद्रुमाभे वादिलान्तार्णसंयुते
ṣaṭśataṃ tu gaṇeśāya vāgadhīśāya cārpayet / svādhiṣṭāne vidrumābhe vādilāntārṇasaṃyute
Sanskrit only: no published translation is held for this verse.
वामाङ्गशक्तियुक्ताय विद्याधिपतये तथा । स्रुवाक्षमालालसितबाहवे पद्मजन्मने
vāmāṅgaśaktiyuktāya vidyādhipataye tathā / sruvākṣamālālasitabāhave padmajanmane
Sanskrit only: no published translation is held for this verse.
ब्रह्मणे षट्सहस्रं तु हंसारूढाय चार्पयेत् । विद्युल्लसितमेघाभे डादिफआन्तार्णपत्रके
brahmaṇe ṣaṭsahasraṃ tu haṃsārūḍhāya cārpayet / vidyullasitameghābhe ḍādiphaāntārṇapatrake
Sanskrit only: no published translation is held for this verse.
मणिपूरे शङ्खचक्रगदापङ्कधारिणे । सश्रिये षट्सहस्रं च विष्णवे विनिवेदयेत्
maṇipūre śaṅkhacakragadāpaṅkadhāriṇe / saśriye ṣaṭsahasraṃ ca viṣṇave vinivedayet
Sanskrit only: no published translation is held for this verse.
अनाहतेर्ऽकपत्रे च कादिठान्तार्णसंयुते । शुक्ले शूलाभयवरसधाकलशधारिणे
anāhater'kapatre ca kādiṭhāntārṇasaṃyute / śukle śūlābhayavarasadhākalaśadhāriṇe
Sanskrit only: no published translation is held for this verse.
वामाङ्गे शक्तियुक्ताय विद्याधिपतये सुधीः । वृषारूढाय रुद्राय षट्सहस्रं निवेदयेत्
vāmāṅge śaktiyuktāya vidyādhipataye sudhīḥ / vṛṣārūḍhāya rudrāya ṣaṭsahasraṃ nivedayet
Sanskrit only: no published translation is held for this verse.
विशुद्दे षोडशदले स्वराढ्ये शुक्नत्रणके । महाज्योतिप्रकाशायेन्द्रियाधिपतये ततः
viśudde ṣoḍaśadale svarāḍhye śuknatraṇake / mahājyotiprakāśāyendriyādhipataye tataḥ
Sanskrit only: no published translation is held for this verse.
सहस्रमर्पयेत्प्राणशक्त्या युक्तेश्चराय च । आज्ञाचक्रे हक्षयुक्ते द्विदिले ऽब्जे सहस्रकम्
sahasramarpayetprāṇaśaktyā yukteścarāya ca / ājñācakre hakṣayukte dvidile 'bje sahasrakam
Sanskrit only: no published translation is held for this verse.
सदाशिवाय गुरवे पराशक्तियुताय वै । सहस्रारे महापद्मे नादबिन्दुद्वयान्विते
sadāśivāya gurave parāśaktiyutāya vai / sahasrāre mahāpadme nādabindudvayānvite
Sanskrit only: no published translation is held for this verse.
विलसन्मातृकावर्णे वरामयकराय च । प्ररमाद्ये च गुरवे सहस्रं विनिवेदयेत्
vilasanmātṛkāvarṇe varāmayakarāya ca / praramādye ca gurave sahasraṃ vinivedayet
Sanskrit only: no published translation is held for this verse.
चुलुकेंऽबु पुनर्द्धृत्वा स्वभावादेव सिध्यतः । एकविंशतिसाहस्रप्रमितस्य जपस्य च
culukeṃ'bu punarddhṛtvā svabhāvādeva sidhyataḥ / ekaviṃśatisāhasrapramitasya japasya ca
Sanskrit only: no published translation is held for this verse.
षट्शताधिकसंख्यास्या दजपाया विभागशः । संकल्पेन मोक्षदाता विष्णुर्मे प्रीयतामिति
ṣaṭśatādhikasaṃkhyāsyā dajapāyā vibhāgaśaḥ / saṃkalpena mokṣadātā viṣṇurme prīyatāmiti
Sanskrit only: no published translation is held for this verse.
अस्याः संकल्पमात्रेण महापापैः प्रमुच्यते । ब्रह्मैवाहं न संसारी नित्यमुक्तो न शोकभाक्
asyāḥ saṃkalpamātreṇa mahāpāpaiḥ pramucyate / brahmaivāhaṃ na saṃsārī nityamukto na śokabhāk
Sanskrit only: no published translation is held for this verse.
सञ्चिदानन्दरूपो ऽहमात्मानमिति भावयेत् । ततः समाचरेद्देहकृत्यं देवार्चनं तथा
sañcidānandarūpo 'hamātmānamiti bhāvayet / tataḥ samācareddehakṛtyaṃ devārcanaṃ tathā
Sanskrit only: no published translation is held for this verse.
तद्धिधानं प्रवक्ष्यामि सदाचारस्य लक्षणम्
taddhidhānaṃ pravakṣyāmi sadācārasya lakṣaṇam
Sanskrit only: no published translation is held for this verse.