Nārada Purāṇa 1.69

भौमोपासनमेतद्धि बुधमन्त्रमथोच्यते । फआन्तः कर्णेन्दुसंयुक्तो बुधो ङेंते हदन्तिमः

bhaumopāsanametaddhi budhamantramathocyate / phaāntaḥ karṇendusaṃyukto budho ṅeṃte hadantimaḥ

Sanskrit only: no published translation is held for this verse.

रसाण्ॐ बुधमन्त्रो ऽयं मुनिब्रह्मास्य कीर्तितः । पङ्क्तिश्छैदो देवता तु बुधः सर्वेष्टदो नृणाम्

rasāṇoṃ budhamantro 'yaṃ munibrahmāsya kīrtitaḥ / paṅktiśchaido devatā tu budhaḥ sarveṣṭado nṛṇām

Sanskrit only: no published translation is held for this verse.

आद्यं बीजं नमः शक्तिर्विनियोगो ऽखिलाप्तये । वन्दे बुधं सदा भक्त्या पीताम्बरविभूषणम्

ādyaṃ bījaṃ namaḥ śaktirviniyogo 'khilāptaye / vande budhaṃ sadā bhaktyā pītāmbaravibhūṣaṇam

Sanskrit only: no published translation is held for this verse.

जानुस्थवामहस्ताढ्यं साभयेतरपाणिकम् । ध्यात्वेवं प्रजपेसहस्रं विजितेन्द्रियः

jānusthavāmahastāḍhyaṃ sābhayetarapāṇikam / dhyātvevaṃ prajapesahasraṃ vijitendriyaḥ

Sanskrit only: no published translation is held for this verse.

दशांशं जुहुयादाज्यैः पीठे पूर्वोदितेर्ऽचयेत् । अङ्गमातृदिशापालहेतिभिर्बुधमर्चयेत्

daśāṃśaṃ juhuyādājyaiḥ pīṭhe pūrvoditer'cayet / aṅgamātṛdiśāpālahetibhirbudhamarcayet

Sanskrit only: no published translation is held for this verse.

एवं सिद्धे मनौ मन्त्री साधयेत्स्वमनोरथान् । सहस्रं प्रजपेन्मन्त्रं नित्यं दशदिनावधि

evaṃ siddhe manau mantrī sādhayetsvamanorathān / sahasraṃ prajapenmantraṃ nityaṃ daśadināvadhi

Sanskrit only: no published translation is held for this verse.

तस्याशु ग्रहजा पीडा नश्यत्येव न संशयः । बुधस्याराधनं प्रोक्तं गुरोराराधनं शृणु

tasyāśu grahajā pīḍā naśyatyeva na saṃśayaḥ / budhasyārādhanaṃ proktaṃ gurorārādhanaṃ śṛṇu

Sanskrit only: no published translation is held for this verse.

बृंहस्पतिपदं ङेंतं सेंद्वाद्यर्णाघमण्डितम् । नमोन्तो वसुवर्णो ऽयं मुनिर्ब्रह्मास्य संमतः

bṛṃhaspatipadaṃ ṅeṃtaṃ seṃdvādyarṇāghamaṇḍitam / namonto vasuvarṇo 'yaṃ munirbrahmāsya saṃmataḥ

Sanskrit only: no published translation is held for this verse.

छन्दो ऽनुष्टुप्सुराचार्यो देवता बीजमादिमम् । हृच्छक्तिर्दीर्घवह्नीन्दुयुगलेनाङ्गकल्पना

chando 'nuṣṭupsurācāryo devatā bījamādimam / hṛcchaktirdīrghavahnīnduyugalenāṅgakalpanā

Sanskrit only: no published translation is held for this verse.

न्यस्तवामकरं राशौ रत्नानां दक्षिणात्करात् । किरन्तं पीतपुष्पालङ्कारालेपांशुकार्चितम्

nyastavāmakaraṃ rāśau ratnānāṃ dakṣiṇātkarāt / kirantaṃ pītapuṣpālaṅkārālepāṃśukārcitam

Sanskrit only: no published translation is held for this verse.

सर्वविद्यानिधिं देवगुरुं स्वर्णद्युतिं स्मरेत् । लक्षं जपो दशांशेन घृतेनान्नेन वा हुनेत्

sarvavidyānidhiṃ devaguruṃ svarṇadyutiṃ smaret / lakṣaṃ japo daśāṃśena ghṛtenānnena vā hunet

Sanskrit only: no published translation is held for this verse.

धर्मादिपीठे प्रयजेदङ्गदिक्पालहेतिभिः । एवं सिद्धे मनौ मन्त्री साधयेदिष्टमात्मनः

dharmādipīṭhe prayajedaṅgadikpālahetibhiḥ / evaṃ siddhe manau mantrī sādhayediṣṭamātmanaḥ

Sanskrit only: no published translation is held for this verse.

विपरोगादिपीडासु कलहे स्वजनोद्भवे । पिप्पलोत्थसमिद्भिश्च जुहुयात्तन्निवृत्तये

viparogādipīḍāsu kalahe svajanodbhave / pippalotthasamidbhiśca juhuyāttannivṛttaye

Sanskrit only: no published translation is held for this verse.

हुत्वा दिनत्रयं मन्त्री निशापुष्पैर्घृतप्लुतैः । स विंशतिशतं शीघ्रं वासांसि लभते महीम्

hutvā dinatrayaṃ mantrī niśāpuṣpairghṛtaplutaiḥ / sa viṃśatiśataṃ śīghraṃ vāsāṃsi labhate mahīm

Sanskrit only: no published translation is held for this verse.

गुरोराराधनं प्रोक्तं शृणु शुक्रस्य सांप्रतम् । वस्रं मे देहि शुक्राय ठद्वयान्तो ध्रुवादिकः

gurorārādhanaṃ proktaṃ śṛṇu śukrasya sāṃpratam / vasraṃ me dehi śukrāya ṭhadvayānto dhruvādikaḥ

Sanskrit only: no published translation is held for this verse.

रुद्रार्णो ऽयं मनुर्ब्रह्मा मुनिश्छन्दो विराहुत । दैत्येज्यो देवता बीजं ध्रुवः शक्तिर्वसुप्रिया

rudrārṇo 'yaṃ manurbrahmā muniśchando virāhuta / daityejyo devatā bījaṃ dhruvaḥ śaktirvasupriyā

Sanskrit only: no published translation is held for this verse.

भूनेत्र चन्द्रनेत्राग्निनेत्रार्णैः स्यात्षडङ्गकम् । शुक्लांबरालेपभूषं करेण ददतं धनम्

bhūnetra candranetrāgninetrārṇaiḥ syātṣaḍaṅgakam / śuklāṃbarālepabhūṣaṃ kareṇa dadataṃ dhanam

Sanskrit only: no published translation is held for this verse.

वामेन शुक्रं व्याख्यानमुद्रादोषं स्मरेत्सुधीः । अयुतं प्रजपेन्मन्त्रं दशांशं जुहुयाद् घृतैः

vāmena śukraṃ vyākhyānamudrādoṣaṃ smaretsudhīḥ / ayutaṃ prajapenmantraṃ daśāṃśaṃ juhuyād ghṛtaiḥ

Sanskrit only: no published translation is held for this verse.

धर्मादिपीठे प्रयजेदङ्गेन्द्रादितदायुधैः । श्वेतपुष्पैः सुगन्धैश्च जुहुयाद् भृगुवासरे

dharmādipīṭhe prayajedaṅgendrāditadāyudhaiḥ / śvetapuṣpaiḥ sugandhaiśca juhuyād bhṛguvāsare

Sanskrit only: no published translation is held for this verse.

एकविंशतिवारं यो लभतेस्ॐऽशुकं मणीन् । मनवो ऽमो सदा गोप्या न देया यस्य कस्यचित्

ekaviṃśativāraṃ yo labhatesoṃ'śukaṃ maṇīn / manavo 'mo sadā gopyā na deyā yasya kasyacit

Sanskrit only: no published translation is held for this verse.

भक्तियुक्ताय शिष्याय देया वा निजसूनवे

bhaktiyuktāya śiṣyāya deyā vā nijasūnave

Sanskrit only: no published translation is held for this verse.